ᓂᔓ ᑌᓴᓗᓂᔭᓇ 1:9 - ᐅᔅᑭ ᑎᔅᑌᒥᓐᑦ

⁹ ᐊᓂᑭ ᑫ ᑲᒀᑕᑭᐋᑲᓂᐎᒋᒃ ᑳᑭᑫ ᓂᔑᐗᓈᑎᓯᐎᓂᒃ ᐅᑖᔅᑕᒥᒃ ᐅᒋ ᐅᑎᐯᓕᒋᑫᐤ, ᓀᔥᑕ ᐁ ᐃᔑ ᑭᔅᑌᓕᑖ ᑲᓂᓕᒃ ᐅ ᑲᔥᑭᐅᐎᓐ ᐅᒋ;

ᓂᔓ ᑌᓴᓗᓂᔭᓇ 1:9 Iomraidhean Croise

ᐅᐸᓓᑭᔅ ᒫᑎᐤ 16:27

ᐌᓴ ᐃᓕᓕᐎᑯᓯᓵᓐ ᑲᑕ ᐯᒋ ᐃᑐᑌᐤ ᐅᑖᐎᔭ ᐅ ᑭᔅᑌᓕᑖᑯᓯᐎᓂᓕᒃ, ᐊᓯᒋ ᐅᑦ ᐁᓐᒐᓕᒪ; ᐁᑯ ᒫᑳ ᑫ ᑎᐸᐊᒪᐙᑦ ᒥᓯᐌ ᑕᑐ ᐃᓕᓕᐗ ᒬᒋ ᑳ ᑮ ᐊᑑᔅᑫᓕᒋ᙮

ᐅᐸᓓᑭᔅ ᒫᑎᐤ 22:13

ᐁᑯ ᑭᒋᐅᑭᒪᐤ ᐁᑖᑦ ᐊᑑᔅᑫᓛᑲᓇ, ᒫᒫᒋᑯᐱᑎᒃ ᐅᒋᒋᒃ ᓀᔥᑕ ᐅᓯᑎᒃ, ᑭᑐᑕᐃᒃ ᒫᑲ, ᐌᐱᓂᒃ ᒫᑲ ᐗᓚᐎᑎᒥᒃ ᐁ ᐃᔑ ᐗᓂᑎᐱᔅᑳᓕᒃ: ᐁᑯᑕ ᑫ ᐃᑕᑾᒃ ᒫᑐᐎᓐ ᓀᔥᑕ ᑫ ᐃᔑ ᒫᑗᐋᐱᑌᔑᓂᓈᓂᐗᒃ᙮

ᐅᐸᓓᑭᔅ ᒫᑎᐤ 24:30

ᐁᑯ ᒫᑲ ᑫ ᓄᑾᓂᓕᒃ ᐅ ᑭᔅᑭᓄᐙᒋ ᐙᐸᑎᓕᐌᐎᓐ ᐃᓕᓕᐎᑯᓯᓵᓐ ᑭᔑᑯᒃ: ᐁᑯ ᒫᑲ ᒥᓯᐌ ᐁ ᐃᑕᑐᑌᐎᓯᒋᒃ ᐃᓕᓕᐗᒃ ᐅᑕ ᐊᔅᑮᒃ ᑫ ᓇᓀᑳᑌᓕᒧᒋᒃ, ᑲᑕ ᐙᐸᒣᐗᒃ ᒫᑲ ᐃᓕᓕᐎᑯᓯᓵᓇ ᐁ ᐯᒋ ᐃᑐᑌᓕᒋ ᑭᒋᑭᔑᑳᐎ ᐗᔅᑯᒃ, ᑲᔥᑭᐅᐎᓂᒃ ᓀᔥᑕ ᑭᒋ ᑭᔅᑌᓕᑖᑯᓯᐎᓂᒃ᙮

ᐅᐸᓓᑭᔅ ᒫᑎᐤ 25:41

ᐁᑯ ᓀᔥᑕ ᑫ ᐃᑖᑦ ᐊᓂᐃ ᐅ ᓇᒪᑎᓂᔅᑮᒃ, ᐊᐗᓯᒃ ᓇᑲᔑᒃ, ᑭᓚᐗᐤ ᑳ ᒪᒐᑭᒥᑲᐎᔦᒃ, ᑳᑭᑫ ᐃᔥᑯᑌᒃ, ᑳ ᐋᔦᔅᑲᐎᑕᒪᐙᑲᓂᐎᑦ ᒪᒋᒪᓂᑐ ᓀᔥᑕ ᐅᑦ ᐁᓐᒐᓕᒪ:

ᐅᐸᓓᑭᔅ ᒫᑎᐤ 25:46

ᐅᑯ ᒫᑲ ᑳᑭᑫ ᑲᒀᑕᑭᓯᐎᓂᒃ ᑲᑕ ᐃᑐᑌᐗᒃ, ᒫᑲ ᐅᒀᔭᔅᑭᑖᑎᓯᐗᒃ ᑳᑭᑫ ᐱᒫᑎᓯᐎᓂᒃ᙮

ᐅᐸᓓᑭᔅ ᒫᑎᐤ 26:24

ᐃᓕᓕᐎᑯᓯᓵᓐ ᑭᑐᑌᐤ ᐁ ᐃᔑ ᒪᓯᓇᐃᑳᑌᓕᒃ; ᒫᑲ ᑲᑕ ᑲᒀᑕᑭᓯᐤ ᐊᓇ ᐃᓕᓕᐤ ᑳ ᐋᔦᔑᐸᑭᑎᓈᑦ ᐃᓕᓕᐎᑯᓯᓵᓇ! ᑲᑕ ᑮ ᒥᓨᔑᓂᓕᐸᓐ ᐊᓇ ᐃᓕᓕᐤ ᑮᔥᐱᓐ ᐁᑳ ᑮ ᐅᒋ ᓂᑖᐎᑭᑦ᙮

ᐅᐸᓓᑭᔅ ᒫᑎᐤ 7:23

ᐁᑯ ᒫᑲ ᑫ ᐃᑕᑭᒃ, ᓇᒪᐎᔅᑳᑦ ᑭ ᐅᒋ ᑭᔅᑫᓕᒥᑎᓇᐗᐤ: ᐊᐗᔅ ᓇᑲᔒᒃ ᑭᓚᐗᐤ ᑳ ᒪᒋᑐᑕᒣᒃ᙮

ᐅᐸᓓᑭᔅ ᓘᒃ 13:27

ᒫᑲ ᑲᑕ ᐃᑗᐤ, ᑭ ᐎᑕᒫᑎᓇᐗᐤ, ᓇᒪᐎᓚ ᓂ ᑭᔅᑫᓕᑌᓐ ᑖᓐᑌ ᐌᒋᔦᒃ: ᐊᐗᓯᒃ ᒥᓯᐌ ᑭᓚᐗᐤ ᑳ ᒪᒋᑐᑕᒣᒃ᙮

ᐅᐸᓓᑭᔅ ᒑᓐ 5:14

ᐹᑎᒫ ᒋᓴᔅ ᒥᔅᑲᐌᐤ ᑭᒋᐋᔭᒥᐁᐎᑲᒥᑯᒃ, ᓀᔥᑕ ᑮ ᐃᑌᐤ, ᒫᑎᑲ, ᑮ ᒥᓇᐙᒋᐃᑳᐎᓐ: ᐁᑳᐎᓚ ᒥᓇ ᒪᒋᑐᑖ, ᑫᑳ ᑭ ᑳ ᐅᑎᑎᑯᓐ ᑫᒀᓐ ᐊᐙᓯᑌ ᐁ ᒫᓛᑕᒃ᙮

ᐱᓕᐱᔭᓇ 3:19

ᑫ ᐊᑎ ᓂᔑᐗᓈᑎᓯᒋᒃ, ᑳ ᐅ ᒪᓂᑐᒥᒋᒃ ᐗᑕᐗᐤ, ᑳ ᐅᒋ ᒫᒪᑖᑯᒧᒋᒃ ᐊᓂᐃ ᑫ ᐅᒋ ᓇᓀᐯᐎᓯᐙᔅᐸᓐ, ᑳ ᒫᒥᑐᓀᓕᑕᑭᒃ ᐊᔅᑭᐎ ᑫᒀᓇ᙮

ᓂᔥᑕᒻ ᑌᓴᓗᓂᔭᓇ 5:3

ᐌᓴ ᐃᔅᐱ ᐃᑗᑡᐌ, ᑳᔭᒣᓕᑕᒧᐎᓐ ᓀᔥᑕ ᐱᒫᒋᐅᐎᓐ: ᐁᑯ ᑫᑕᑕᐌ ᐌᑎᑎᑯᒋᒃ ᓂᔑᐗᓈᑎᓯᐎᓂᓕᐤ, ᑖᐱᔅᑯᒡ ᐃᔅᑴᐤ ᐁ ᐎ ᐙᐸᒪᐗᓱᑦ ᐁ ᐅᑎᑎᑯᑦ ᐎᓴᑫᓕᑕᒧᐎᓂᓕᐤ; ᓇᒪᐎᓚ ᒫᑲ ᑲᑕ ᐅᔑᒧᐗᒃ᙮

ᓂᔓ ᑌᓴᓗᓂᔭᓇ 2:8

ᐁᑯ ᒫᑲ ᐊᓇ ᒣᒋᑣᑦ ᑫ ᓄᑯᓯᑦ, ᑫ ᐃᔅᑾᓱᑯᑦ ᐅᑎᐯᓕᒋᑫᐗ ᐅ ᓓᓓᐎᓐ ᐅᑐᓂᓕᒃ ᐅᒋ, ᓀᔥᑕ ᑫ ᓂᔑᐗᓈᒋᐃᑯᑦ ᐁᔅᐱᒋ ᐙᓯᓱᓕᒋ ᑕᑯᔑᓂᓕᑌ:

ᑕᐃᑕᔅ 2:13

ᐁ ᐊᔕᐙᐸᑕᒪᒃ ᐊᓂᒪ ᑳ ᒥᓦᑭᑖᑾᒃ ᐊᔅᐯᓕᒧᐎᓐ, ᓀᔥᑕ ᐅ ᑭᔅᑌᓕᑖᑯᓯᐎ ᓄᑯᓯᐎᓐ ᑫᔅᑎᓯᑦ ᑭᒋᒪᓂᑐ, ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭;

ᐦᐃᑉᕉᐗ 10:29

ᑖᓀᓕᑯᒃ ᒫᑲ ᐊᐙᓯᑌ ᐁᑌᓕᑖᑯᓯᑦ ᑭᒋ ᑲᒀᑕᑭᐋᑲᓂᐎᑦ, ᑭᑦ ᐃᑌᓕᑌᓇᐗᐤ, ᐊᓇ ᑳ ᑮ ᑕᑕᑯᔅᑳᐃᒫᑦ ᑭᒋᒪᓂᑐ ᐅᑯᓯᓴ, ᓀᔥᑕ ᐁᑳ ᐁ ᐸᓓᑲᒃ ᑳ ᑮ ᐃᑕᑭᑕᒃ ᓇᔅᑯᒥᑐᐎᓂ ᒥᑯᓕᐤ, ᐊᓂᐁᓕᐤ ᐅᒋ ᑳ ᑮ ᐸᓓᑭᐃᑯᑦ, ᓀᔥᑕ ᑳ ᐋᔭᓵᒋᐋᑦ ᔕᐌᓕᒋᑫᐎᓂ ᐊᒑᑾ?

ᓂᔓ ᐱᑕᕐ 2:17

ᐅᑯ ᐁᐗᒀᓂᑭ ᑳ ᐅᑕᐃᐹᓂᐎᒋᒃ ᐁᑳ ᑳ ᐅ ᓂᐱᐎᒋᒃ, ᐗᔅᑯᐗ ᑳ ᐹᐹᒥᐌᐹᔅᑕᑭ ᐁ ᑮᔅᑎᒃ; ᐊᓂᑭ ᐁ ᐱᑭᔐᔮᒃ ᐁ ᐗᓂᑎᐱᔅᑳᒃ ᑳᑭᑫ ᑳ ᐃᑕᔅᑕᒪᐙᑲᓂᐎᒋᒃ᙮

ᓂᔓ ᐱᑕᕐ 3:7

ᒫᑲ ᐊᓂᐃ ᑭᔑᑾ ᓀᔥᑕ ᐊᔅᑭ ᐊᓄᒡ ᑳ ᐃᑕᑾᑭ, ᐁᐗᑯ ᑫᔮᐸᒡ ᐋᔭᒥᐎᓐ ᐅᒋ ᑲᓇᐌᓕᒋᑳᑌᐗ ᑭᒋ ᐃᔅᒀᓯᑳᑌᑭ, ᐹᑎᒫ ᑎᐹᔅᑯᓂᑫᐎ ᑭᔑᑳᑫ, ᓀᔥᑕ ᓂᔑᐗᓈᑎᓯᑡᐌ ᑳ ᒪᒑᑎᓯᒋᒃ ᐃᓕᓕᐗᒃ᙮

ᒎᑦ 1:13

ᐁ ᑯᔅᑖᑎᑯᓯᒋᒃ ᑲᔅᑲᓇᒃ ᑭᒋᑲᒥᒃ, ᐁ ᐱᔅᑌᐗᑖᒧᒋᒃ ᑎᐱᓚᐌ ᐅ ᓇᓀᐯᐎᓯᐎᓂᐗᐤ; ᐯᐹᒥᐸᓕᒋᒃ ᐊᒐᑯᔕᒃ, ᐊᓂᑭ ᑳ ᐃᑕᔅᑣᒋᒃ ᐃᑕ ᐁ ᒪᑲᑌᐎ ᑎᐱᔅᑳᓕᒃ ᑳᑭᑫ᙮

ᑭᔅᑫᓕᑖᑯᑖᑫᐎᓐ 20:11

ᓂ ᑮ ᐙᐸᑌᓐ ᒫᑲ ᑭᒋ ᐙᐱᔅᑭ ᐅᑭᒪᐗᐱᐎᓐ, ᐊᓇ ᓀᔥᑕ ᑳ ᑌᑕᐱᑦ, ᐊᓇ ᐁ ᑲᓇᐙᐸᑕᒃ ᐊᔅᑭ ᓀᔥᑕ ᑭᔑᒃ ᑮ ᐅᔑᒧᒪᑲᓋ; ᓇᒪ ᒫᑲ ᑮ ᒥᔅᑭᑳᑌᐤ ᐃᑕ ᑫ ᐃᑕᑾᑭ᙮

ᑭᔅᑫᓕᑖᑯᑖᑫᐎᓐ 20:14

ᓂᐱᐎᓐ ᒫᑲ ᓀᔥᑕ ᒋᐸᐃᐊᔅᑭ ᑮ ᐃᔑ ᐌᐱᓂᑳᑌᐗ ᐃᔥᑯᑌᐎ ᓵᑲᐃᑲᓂᒃ᙮ ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 22:15

ᐌᓴ ᐗᓚᐎᑎᒥᒃ ᐃᑕᐗᒃ ᐊᑎᒶᒃ, ᓀᔥᑕ ᒥᑌᐗᒃ, ᓀᔥᑕ ᐅᐱᔑᒀᑎᓴᒃ, ᓀᔥᑕ ᐅᓂᐹᔨᐌᔅᑲᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᑕᑐ ᐊᐌᓇ ᐁ ᓵᑭᑖᑦ ᓀᔥᑕ ᐁ ᐅᔑᑖᑦ ᑭᓛᔅᑭᐎᓂᓕᐤ᙮