ᓂᔓ ᑌᓴᓗᓂᔭᓇ 1:8 - ᐅᔅᑭ ᑎᔅᑌᒥᓐᑦ

⁸ ᐁ ᐙᓚᑌᒃ ᐃᔥᑯᑌᒃ, ᐁ ᐊᑯᓚᐌᓰᔅᑕᐙᑦ ᐊᓂᐃ ᐁᑳ ᑳ ᑭᔅᑫᓕᒫᓕᒋ ᑭᒋᒪᓂᑐᐗ, ᐁᑳ ᓀᔥᑕ ᑳ ᓇᓇᐃᑕᒥᓕᒋ ᐅ ᒥᓗᐋᒋᒧᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᓂᔓ ᑌᓴᓗᓂᔭᓇ 1:8 Iomraidhean Croise

ᐅᐸᓓᑭᔅ ᒫᑎᐤ 25:41

ᐁᑯ ᓀᔥᑕ ᑫ ᐃᑖᑦ ᐊᓂᐃ ᐅ ᓇᒪᑎᓂᔅᑮᒃ, ᐊᐗᓯᒃ ᓇᑲᔑᒃ, ᑭᓚᐗᐤ ᑳ ᒪᒐᑭᒥᑲᐎᔦᒃ, ᑳᑭᑫ ᐃᔥᑯᑌᒃ, ᑳ ᐋᔦᔅᑲᐎᑕᒪᐙᑲᓂᐎᑦ ᒪᒋᒪᓂᑐ ᓀᔥᑕ ᐅᑦ ᐁᓐᒐᓕᒪ:

ᐅᐸᓓᑭᔅ ᒫᑎᐤ 25:46

ᐅᑯ ᒫᑲ ᑳᑭᑫ ᑲᒀᑕᑭᓯᐎᓂᒃ ᑲᑕ ᐃᑐᑌᐗᒃ, ᒫᑲ ᐅᒀᔭᔅᑭᑖᑎᓯᐗᒃ ᑳᑭᑫ ᐱᒫᑎᓯᐎᓂᒃ᙮

ᐅᐸᓓᑭᔅ ᒑᓐ 3:19

ᐁᐗᑯ ᐅᒪ ᒫᑲ ᓂᔑᐗᓈᒋᑕᒧᐎᓐ, ᐙᔅᑌᐎᓐ ᐁ ᑮ ᑕᑯᔑᓄᒪᑲᒃ ᐊᔅᑮᒃ, ᐃᓕᓕᐗᒃ ᒫᑲ ᐊᐙᓯᑌ ᑮ ᓵᑭᑖᐗᒃ ᐗᓂᑎᐱᔅᑭᓯᐎᓂᓕᐤ ᐃᔥᐱᔥ ᐙᔅᑌᐎᓂᓕᐤ, ᐁ ᒫᓛᑕᓂᓕᑭ ᐅᑦ ᐋᔨᑎᐎᓂᐗᐗ᙮

ᐅᐸᓓᑭᔅ ᒑᓐ 8:19

ᐁᑯ ᐁᑖᒋᒃ, ᑖᓐᑌ ᐁᑖᑦ ᑯᑖᐎ? ᒋᓴᔅ ᑭ ᓇᔥᑴᐗᔑᐃᐌᐤ, ᓇᒪᐎᓚ ᑭ ᑭᔅᑫᓕᒥᓇᐗᐤ, ᓇᒪ ᓀᔥᑕ ᓄᑖᐎ: ᑮᔥᐱᓐ ᑮ ᑭᔅᑫᓕᒥᐌᑯᐸᓀ, ᑭ ᑳ ᑮ ᑭᔅᑫᓕᒫᑕᐗᐤ ᓄᑖᐎ ᓀᔥᑕ᙮

ᐊᐸᔅᑕᓚᒃ 6:7

ᐅᑦ ᐋᔭᒥᐎᓐ ᒫᑲ ᑭᒋᒪᓂᑐ ᑮ ᓛᑭᐸᓕᓕᐤ; ᓀᔥᑕ ᐁ ᐃᑕᓯᒋᒃ ᑭᔅᑭᓄᐊᒪᐙᑲᓇᒃ ᓈᔅᐱᒡ ᐊᐙᓯᑌ ᑮ ᓚᑭᐅᐗᒃ ᒋᕉᓴᓚᒥᒃ; ᓈᔅᐱᒡ ᒥᒉᑦ ᓀᔥᑕ ᐊᓂᑭ ᓵᓵᑭᐎᓕᐌᐎᓕᓕᐗᒃ ᑮ ᓇᓈᐃᑕᒶᒃ ᑖᐺᔦᓕᑕᒧᐎᓂᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:28

ᓀᔥᑕ ᒫᑲ ᐁᑳ ᐁ ᑮ ᐎ ᒥᒋᒥᓈᒋᒃ ᑭᒋᒪᓂᑐᐗ ᐅ ᑭᔅᑫᓕᑕᒧᐎᓂᐙᒃ, ᑭᒋᒪᓂᑐ ᑮ ᐃᔑ ᐸᑭᑎᓀᐤ ᑭᒋ ᐸᑾᓐᑕᐤ ᒥᑐᓀᓕᒋᑲᓂᓕᒋ, ᑭᒋ ᑐᑕᒥᓕᒋ ᐊᓂᐃ ᑫᒀᓇ ᐁᑳ ᑳ ᓇᐃᐸᓕᓕᑭ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:5

ᐁᐗᑯ ᐊᐗ ᑳ ᑮ ᐅᒋ ᒥᓕᑲᐎᔭᒃ ᔕᐌᓕᒋᑫᐎᓐ ᓀᔥᑕ ᐊᐸᔅᑕᓕᐎᐎᓐ, ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ ᒥᓯᐌ ᐁ ᐃᑕᑐᔅᑳᓀᓯᒋᒃ ᐃᓕᓕᐗᒃ, ᐅᑦ ᐃᔑᓇᑳᓱᐎᓐ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:16

ᒫᑲ ᓇᒪᐎᓚ ᒥᓯᐌ ᑮ ᐅᒋ ᑖᐺᑕᒶᒃ ᒥᓗᐋᒋᒧᐎᓂᓕᐤ᙮ ᐌᓴ ᐋᐃᓭᔭ ᐃᑗᐤ, ᑌᐯᓕᒋᑫᔭᓐ, ᐊᐌᓇ ᑳ ᑮ ᑖᐺᑕᒃ ᓂ ᑲᑫᔅᑭᒥᐌᐎᓂᓈᓐ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:18

ᐌᓴ ᓇᒪᐎᓚ ᓂ ᑳ ᐃᔅᐱᒋ ᓱᑭᑌᐋᓐ ᑭᒋ ᐋᓕᒧᑕᒫᓐ ᐊᓂᐃ ᑫᒀᓇ ᐁᑳ ᙭ ᑳ ᑭ ᑐᑕᒃ ᓂᓚ ᐅᒋ, ᑭᒋ ᑐᑕᐙᑲᓂᐎᒋᒃ ᒉᓐᑖᐃᓚᒃ ᑭᒋ ᓇᓇᐃᑕᑭᒃ, ᐋᔭᒥᐎᓂᒃ ᓀᔥᑕ ᑐᑕᒧᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:26

ᒫᑲ ᐊᓄᒡ ᑳ ᑭᔅᑫᓕᑖᑯᑖᑲᓂᐗᒃ, ᓀᔥᑕ ᐅ ᒪᓯᓇᐃᑫᐎᓂᐗᐗ ᐅᒋ ᐊᓂᑭ ᐅᑭᔅᑭᐙᐃᑫᐗᒃ, ᑳ ᑮ ᐃᑕᔓᐌᑦ ᐊᓇ ᑳᑭᑫ ᐯᒫᑎᓰᑦ ᑭᒋᒪᓂᑐ, ᑳ ᑭᔅᑫᓕᑕᒥᐋᑲᓂᐄᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:16

ᓇᒪ ᓈ ᑭ ᑭᔅᑫᓕᑌᓇᑄᐤ, ᐊᓇ ᑳ ᐃᔑ ᐸᑭᑎᓂᑎᓱᔦᒃ ᐁ ᐅᑦ ᐊᑑᔅᑫᓛᑲᓂᒥᑖᒃ ᑭᒋ ᓇᓇᐃᑕᐌᒃ, ᐁᐗᒀᓇ ᑳ ᐅᑦ ᐊᑑᔅᑫᓛᑲᓂᒥᑖᒃ ᑳ ᓇᓇᐃᑕᐌᒃ; ᑮᔥᐱᓐ ᒪᒋᑣᐎᓐ ᓂᐱᐎᓂᒃ ᐃᔑ, ᓀᔥᑕᐱᑯ ᓇᓇᐃᑕᒧᐎᓐ ᒀᔭᔅᑭᑖᑎᓯᐎᓂᒡ ᐃᔑ?

ᓂᔥᑕᒻ ᑯᕆᓐᑎᐊᓇ 15:34

ᑯᔅᑯᓯᒃ ᒀᔭᔅᑭᑖᑎᓯᐎᓂᒃ ᐃᔑ, ᐁᑳ ᒫᑲ ᒪᒋᑐᑕᒧᒃ; ᐌᓴ ᐋᑎᑦ ᓇᒪᐎᓚ ᑭᔅᑫᓕᒣᐗᒃ ᑭᒋᒪᓂᑐᐗ: ᐅᒪ ᓂᑦ ᐃᑣᓐ ᑭᒋ ᐅᒋ ᓇᓀᐯᐎᓯᔦᒃ᙮

ᓂᔓ ᑯᕆᓐᑎᐊᓇ 10:5

ᐁ ᓂᒋᐌᐱᓂᑳᑌᒃ ᒫᒥᑐᓀᓕᒋᑫᐎᓇ, ᓀᔥᑕ ᒥᓯᐌ ᑕᑐ ᑫᒀᓐ ᑳ ᑭᔅᑌᓕᑖᑯᐃᑎᓱᔅᑕᒧᒪᑲᒃ ᐅ ᑭᔅᑫᓕᒥᑯᓯᐎᓐ ᑭᒋᒪᓂᑐ, ᓀᔥᑕ ᐁ ᐯᑖᓂᐗᒃ ᒥᓯᐌ ᑕᑐ ᐃᑌᓕᑕᒧᐎᓐ ᐅ ᓇᓇᐃᑖᑯᓯᐎᓂᒃ ᙭;

ᑲᓓᔕᐊᓇ 3:1

ᐅ ᑫᑫᐹᑎᓯᔦᒃ ᑲᓓᔕᐊᓂᑐᒃ, ᐊᐌᓇ ᑳ ᑮ ᑲᑫᐹᒋᐃᑖᒃ, ᐁᑳ ᑭᒋ ᓇᓇᐃᑕᒣᒃ ᑖᐺᐎᓐ, ᒧᔑᔐ ᑭᔥᑭᔑᑯᐙᒃ ᒋᓴᔅ ᙭ ᐁ ᑮ ᐙᐸᑎᓕᑲᐎᔦᒃ, ᐁ ᑮ ᒋᔅᑖᔅᑾᐙᑲᓂᐎᑦ ᐃᑕ ᐁ ᐃᑖᔦᒃ?

ᑲᓓᔕᐊᓇ 4:8

ᐁᓕᐌᒃ ᒫᑲ, ᐃᔅᐱ ᐁᑳ ᑳ ᑮ ᑭᔅᑫᓕᒣᒃ ᑭᒋᒪᓂᑐ, ᑭ ᑮ ᐊᑐᔅᑫᔅᑕᐗᐗᐗᒃ ᐊᓂᑭ ᐅᒋᑕᐤ ᐁᑳ ᑳ ᒪᓂᑐᐎᒋᒃ᙮

ᓂᔥᑕᒻ ᑌᓴᓗᓂᔭᓇ 4:5

ᓇᒪᐎᓚ ᐱᔑᒀᑎᓯᐎ ᐃᑌᓕᑕᒧᐎᓂᒃ ᑖᐱᔅᑯᒡ ᐊᓂᑭ ᒉᓐᑖᐃᓚᒃ ᐁᑳ ᑳ ᑭᔅᑫᓕᒫᒋᒃ ᑭᒋᒪᓂᑐᐗ᙮

ᐦᐃᑉᕉᐗ 10:27

ᒫᑲ ᐱᑯ ᑭᐁᒋᓈᔦᓕᑖᑾᒃ ᐁ ᑯᔅᑖᑌᓕᑖᑾᒃ ᐁ ᐊᔕᐙᐸᒋᑳᑌᒃ ᑎᐹᔅᑯᓂᑫᐎᓐ, ᓀᔥᑕ ᐃᔥᑯᑌᐎ ᐊᑯᓚᐌᓯᐎᓐ, ᑫ ᓂᔑᐗᓈᒋᐃᑯᒋᒃ ᐅᒫᓓᓕᒋᑫᔅᑲᒃ᙮

ᐦᐃᑉᕉᐗ 10:30

ᐌᓴ ᑭ ᑭᔅᑫᓕᒪᓇᐤ ᐊᓇ ᑳ ᑮ ᐃᑗᑦ, ᐋᔅᑯᒋᐃᐌᐎᓐ ᓂᓚ ᓂ ᑎᐱᓚᐌᐎᓯᓐ; ᓂᓚ ᓂ ᑳ ᑭᐌᑎᐸᐊᒫᑳᓐ, ᐃᑗᐤ ᐅᑎᐯᓕᒋᑫᐤ᙮ ᒥᓇ ᒫᑲ ᐅᑎᐯᓕᒋᑫᐤ ᑲᑕ ᑎᐹᔅᑯᓀᐤ ᐅᑦ ᐃᓕᓕᒪ᙮

ᐦᐃᑉᕉᐗ 11:8

ᑖᐺᔦᓕᑕᒧᐎᓐ ᐅᒋ ᐁᑉᕃᐋᒻ, ᐃᔅᐱ ᓀᑐᒫᑲᓂᐎᑦ ᑭᒋ ᐃᑐᑌᑦ ᐃᑕ ᐁᔥᑾ ᑫ ᒥᓛᑲᓂᐎᑦ ᑭᒋ ᑎᐱᓚᐌᐎᓯᑦ, ᑮ ᑖᐺᑕᒻ; ᑮ ᐗᓚᐎᐃᑐᑌᐤ ᒫᑲ, ᐁᑳ ᐁ ᑭᔅᑫᓕᑕᒃ ᑖᓐᑌ ᐁ ᐃᑐᑌᑦ᙮

ᐦᐃᑉᕉᐗ 12:29

ᐌᓴ ᑭ ᑭᒋᒪᓂᑐᒥᓇᐤ ᐃᔅᒀᓱᐌᐎ ᐃᔥᑯᑌᐎᐤ᙮

ᐦᐃᑉᕉᐗ 2:3

ᑖᓂ ᑫ ᐃᔑ ᐅᔑᒧᔭᒃ, ᑮᔥᐱᓐ ᐋᑕᐌᓕᑕᒪᒃ ᐁᔅᐱᒋ ᑭᒋ ᐱᒫᒋᐃᐌᐎᓐ; ᐊᓂᒪ ᓂᔥᑕᒻ ᑳ ᑮ ᒫᒋ ᐋᓕᒧᑕᒃ ᐅᑎᐯᓕᒋᑫᐤ, ᓀᔥᑕ ᑳ ᑮ ᐊᔨᒋ ᐎᑕᒫᑕᑾᒃ ᐊᓂᑭ ᑳ ᑮ ᐯᑕᐙᒋᒃ;

ᐦᐃᑉᕉᐗ 5:9

ᓀᔥᑕ ᒫᑲ ᐁ ᑮ ᒥᑐᓂᐎᐋᑲᓂᐎᑦ, ᑮ ᐊᑎ ᑎᐯᓕᑕᒪᐌᐤ ᐱᒫᒋᐃᐌᐎᓂᓕᐤ ᒥᓯᐌ ᐊᓂᐃ ᑳ ᓇᓇᐃᑖᑯᑦ;

ᓂᔥᑕᒻ ᐱᑕᕐ 1:2

ᑳ ᑮ ᐙᐌᓛᐸᒥᒋᒃ ᑳ ᐃᑕᔅᑌᓕᒃ ᑭᒋᒪᓂᑐ ᐌᐅᑖᐎᒪᐎᑦ ᐅ ᓂᑳᓂ ᑭᔅᑫᓕᑕᒧᐎᓐ, ᐅ ᐸᓓᑭᐃᐌᐎᓐ ᐊᒑᒃ ᐅᒋ, ᓇᓇᐃᑕᒧᐎᓂᒃ ᐃᔑ ᓀᔥᑕ ᐁ ᐊᑭᑲᐎᐌᐱᓂᑳᑌᓕᒃ ᐅᒥᑯ ᒋᓴᔅ ᙭: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ ᑭ ᑳ ᐎ ᓚᑭᑕᒫᑲᐎᓇᐗᐤ᙮

ᓂᔥᑕᒻ ᐱᑕᕐ 3:6

ᑖᐱᔅᑯᒡ ᓭᕋ ᑳ ᑮ ᐃᔑ ᓇᓇᐃᑕᐙᑦ ᐁᑉᕃᐊᒪ, ᓂᑦ ᐅᑭᒫᒻ ᐁ ᐃᔑᓂᑳᑖᑦ, ᐁᐗᑯ ᑳ ᐅᑖᓂᓯᒥᑖᒃ ᐃᓕᑯᒃ ᑫ ᒥᓗᑐᑕᒣᒃ, ᓀᔥᑕ ᐁᑳ ᑫ ᑯᔅᑖᒋᔦᒃ ᓈᓐᑕᐤ ᑐᐎ ᒫᒪᑖᐎ ᑫᒀᓐ ᐅᒋ᙮

ᓂᔥᑕᒻ ᐱᑕᕐ 4:17

ᐌᓴ ᐋᔕᔾ ᐅᑎᒋᐸᓕᐤ ᑎᐹᔅᑯᓂᑫᐎᓐ ᑭᒋ ᒫᒋᐸᓕᐤ ᐅ ᐙᔅᑳᔨᑲᓂᒥᒃ ᑭᒋᒪᓂᑐ: ᑮᔥᐱᓐ ᒫᑲ ᓃᔥᑕᒻ ᑭᓚᓈᓇᐤ ᐌᑎᑎᑯᔭᑯ, ᑫᒀᓕᐤ ᑫᑲ ᑫ ᐅᑎᑎᑯᒋᒃ ᐊᓂᑭ ᐁᑳ ᑳ ᓇᓇᐃᑕᒸᒋᒃ ᑭᒋᒪᓂᑐᐗ ᐅ ᒥᓗᐋᒋᒧᐎᓂᓕᐤ?

ᓂᔓ ᐱᑕᕐ 3:7

ᒫᑲ ᐊᓂᐃ ᑭᔑᑾ ᓀᔥᑕ ᐊᔅᑭ ᐊᓄᒡ ᑳ ᐃᑕᑾᑭ, ᐁᐗᑯ ᑫᔮᐸᒡ ᐋᔭᒥᐎᓐ ᐅᒋ ᑲᓇᐌᓕᒋᑳᑌᐗ ᑭᒋ ᐃᔅᒀᓯᑳᑌᑭ, ᐹᑎᒫ ᑎᐹᔅᑯᓂᑫᐎ ᑭᔑᑳᑫ, ᓀᔥᑕ ᓂᔑᐗᓈᑎᓯᑡᐌ ᑳ ᒪᒑᑎᓯᒋᒃ ᐃᓕᓕᐗᒃ᙮

ᒎᑦ 1:7

ᑖᐱᔅᑯᒡ ᓴᑕᒻ ᓀᔥᑕ ᑯᒪᕋ, ᓀᔥᑕ ᐊᓂᐃ ᐃᑖᐎᓇ ᐙᔅᑲ ᑖᐱᔅᑯᒡ ᐃᔑ, ᐁ ᐸᑭᑎᓂᑎᓱᒋᒃ ᐱᔑᒀᑎᓯᐎᓂᒃ, ᐁ ᓈᓇᑕᐌᓕᑕᑭᒃ ᐋᔭᒡ ᐎᔮᓯᓕᐤ, ᐸᑭᑎᓇᐗᒃ ᑭᒋ ᑭᔅᑭᓄᐙᐸᒫᑲᓂᐎᒋᒃ, ᐁ ᑎᐸᒪᒋᑖᒋᒃ ᑲᒀᑕᑭᓯᐎᓂᓕᐤ ᑳᑭᑫ ᐃᔥᑯᑌᒃ᙮

ᑭᔅᑫᓕᑖᑯᑖᑫᐎᓐ 20:10

ᒪᒋᒪᓂᑐ ᒫᑲ ᑳ ᑮ ᐙᔦᔑᐋᑦ ᐃᔥᑯᑌᐎ ᓀᔥᑕ ᐅᓵᐙᐱᔅᑯᓯᓂ ᓵᑲᐃᑲᓂᒃ ᑮ ᐃᔑ ᐌᐱᓇᐤ, ᐁᑯᑕ ᐁ ᐃᑖᒋᒃ ᐊᓇ ᐊᐌᓯᔅ ᓀᔥᑕ ᐊᓇ ᓇᔅᐹᒡ ᐅᑭᔅᑭᐙᐃᑫᐤ, ᓀᔥᑕ ᑲᑕ ᑲᒀᑕᑭᐊᐤ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 6:10

ᑮ ᑌᐺᐗᒃ ᒫᑲ ᐁ ᑭᔗᐌᒋᒃ, ᐁ ᐃᑗᒋᒃ, ᑖᓀᓕᑯᒃ, ᐅ ᑌᐯᓕᒋᑫᔭᓐ, ᑳ ᐸᓓᑭᓯᔭᓐ ᓀᔥᑕ ᑳ ᑖᐺᐎᔭᓐ, ᓇᒪ ᓈ ᑮ ᑎᐹᔅᑯᓇᐗᒃ ᓀᔥᑕ ᑭᑦ ᐋᔅᑯᒋᐋᐗᒃ ᓂ ᒥᑯᒥᓈᓐ ᐅᒋ ᐊᓂᑭ ᑳ ᑕᔑᑫᒋᒃ ᐊᔅᑮᒃ?