ᓂᔓ ᑌᓴᓗᓂᔭᓇ 1:7 - ᐅᔅᑭ ᑎᔅᑌᒥᓐᑦ

⁷ ᑭᓚᐗᐤ ᓀᔥᑕ ᑳ ᐊᓕᒥᐃᑲᐎᔦᒃ ᑭ ᐎᒋᐋᓜᐱᒥᓈᓐ, ᐃᔅᐱ ᐅᑎᐯᓕᒋᑫᐤ ᒋᓴᔅ ᑭᒋᑭᔑᑯᒃ ᑫ ᐅᒋ ᐯᒋ ᓄᑯᓯᑦ, ᐊᓯᒋ ᑳ ᓱᑳᑎᓯᓕᑭ ᐅᑦ ᐁᓐᒐᓕᒪ,

ᓂᔓ ᑌᓴᓗᓂᔭᓇ 1:7 Iomraidhean Croise

ᐅᐸᓓᑭᔅ ᒫᑎᐤ 16:27

ᐌᓴ ᐃᓕᓕᐎᑯᓯᓵᓐ ᑲᑕ ᐯᒋ ᐃᑐᑌᐤ ᐅᑖᐎᔭ ᐅ ᑭᔅᑌᓕᑖᑯᓯᐎᓂᓕᒃ, ᐊᓯᒋ ᐅᑦ ᐁᓐᒐᓕᒪ; ᐁᑯ ᒫᑳ ᑫ ᑎᐸᐊᒪᐙᑦ ᒥᓯᐌ ᑕᑐ ᐃᓕᓕᐗ ᒬᒋ ᑳ ᑮ ᐊᑑᔅᑫᓕᒋ᙮

ᐅᐸᓓᑭᔅ ᒫᑎᐤ 16:28

ᑖᐺ ᑭᑦ ᐃᑎᓇᐗᐤ, ᐅᑕ ᓂᐸᐎᐗᒃ ᐋᑎᑦ, ᐁᑳ ᑫ ᑯᒋᔅᑕᑭᒃ ᓂᐱᐎᓂᓕᐤ, ᐹᑎᒫ ᑮ ᐙᐸᒫᑣᐌ ᐃᓕᓕᐎᑯᓯᓵᓇ ᐁ ᐯᒋ ᐃᑐᑌᓕᒋ ᐅᑦ ᐅᑭᒫᐎᐎᓂᓕᒃ᙮

ᐅᐸᓓᑭᔅ ᒫᑎᐤ 25:31

ᐃᔅᐱ ᐃᓕᓕᐎᑯᓯᓵᓐ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᒃ, ᓀᔥᑕ ᒥᓯᐌ ᐸᓓᑭ ᐁᓐᒐᓚᒃ ᐊᓯᒋ, ᐁᑯ ᑫ ᐊᐱᑦ ᐅ ᑭᔅᑌᓕᑖᑯᓯᐎ ᐅᑭᒪᐗᐱᐎᓂᒃ:

ᐅᐸᓓᑭᔅ ᒫᑎᐤ 25:41

ᐁᑯ ᓀᔥᑕ ᑫ ᐃᑖᑦ ᐊᓂᐃ ᐅ ᓇᒪᑎᓂᔅᑮᒃ, ᐊᐗᓯᒃ ᓇᑲᔑᒃ, ᑭᓚᐗᐤ ᑳ ᒪᒐᑭᒥᑲᐎᔦᒃ, ᑳᑭᑫ ᐃᔥᑯᑌᒃ, ᑳ ᐋᔦᔅᑲᐎᑕᒪᐙᑲᓂᐎᑦ ᒪᒋᒪᓂᑐ ᓀᔥᑕ ᐅᑦ ᐁᓐᒐᓕᒪ:

ᐅᐸᓓᑭᔅ ᒫᑎᐤ 26:64

ᒋᓴᔅ ᐃᑌᐤ, ᑭ ᑮ ᐃᑣᓐ: ᐁᓕᐌᒃ ᒫᑲ ᑭᑦ ᐃᑌᓇᐗᐤ, ᐹᑎᒫ ᑭ ᑳ ᐙᐸᒪᐤ ᐃᓕᓕᐎᑯᓯᓵᓐ ᐁ ᐊᐱᑦ ᑭᒋᓂᔅᑮᒃ ᑲᔥᑭᐅᐎᓂᒃ, ᓀᔥᑕ ᐁ ᐯᒋ ᐃᑐᑌᑦ ᑭᒋᑭᔑᑳᐎ ᐗᔅᑯᒃ᙮

ᐅᐸᓓᑭᔅ ᒫᕐᒃ 14:62

ᒋᓴᔅ ᒫᑲ ᑮ ᐃᑗᐤ, ᐁᐁ ᓂᑦ ᐋᐐᓐ: ᑭ ᑳ ᐙᐸᒫᐗᐤ ᒫᑲ ᐃᓕᓕᐎᑯᓯᓵᓐ ᐁ ᐊᐱᑦ ᑭᒋᓂᔅᑮᒃ ᑲᔥᑭᐅᐎᓂᒃ, ᓀᔥᑕ ᐁ ᐯᒋ ᐃᑐᑌᑦ ᑭᒋᑭᔑᑳᐎ ᐗᔅᑯᒃ᙮

ᐅᐸᓓᑭᔅ ᒫᕐᒃ 8:38

ᐁᐗᑯ ᐅᒋ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐊᓄᒡ ᒣᒀᒡ ᐁ ᐱᔑᒀᑎᓱᐎ ᓀᔥᑕ ᒪᒋᑡᐎ ᐱᒫᑎᓯᓈᓂᐗᒃ, ᐁᐗᑾᓂᐃ ᓀᔥᑕ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᓕᒃ ᐅᑖᐎᔭ, ᐊᓯᒋ ᐸᓓᑭ ᐁᓐᒐᓚᒃ᙮

ᐅᐸᓓᑭᔅ ᓘᒃ 16:25

ᒫᑲ ᐁᑉᕃᐋᒻ ᑮ ᐃᑗᐤ, ᓂᑯᓯᔅ, ᑭᔅᑭᓯ, ᑭᓚ ᒣᒀᒡ ᑳ ᐱᒫᑎᓯᔭᓐ ᑭ ᑮ ᒥᓕᑳᐎᓐ ᒥᓗ ᑫᒀᓇ, ᓀᔥᑕ ᓛᓴᕋᔅ ᒪᒋ ᑫᒀᓇ: ᐊᓄᒡ ᒫᑲ ᐎᓚ ᒥᓜᓕᒧᐋᑲᓂᐎᐤ, ᑭᓚ ᒫᑲ ᑭ ᐎᓴᑫᓕᑕᒥᐃᑲᐎᓐ᙮

ᐅᐸᓓᑭᔅ ᓘᒃ 17:30

ᐁᑯ ᑖᐱᔅᑯᒡ ᑫ ᐃᑭᓂᓕᒃ ᐊᓂᐁᓕᐤ ᐁ ᑭᔑᑳᓕᒃ ᐃᔅᐱ ᐃᓕᓕᐎᑯᓯᓵᓐ ᑫ ᓄᑯᓯᑦ᙮

ᐅᐸᓓᑭᔅ ᒑᓐ 1:3

ᒥᓯᐌ ᑫᒀᓇ ᑮ ᐅᔑᑕᐤ; ᓀᔥᑕ ᓇᒪᐎᓚ ᑫᒀᓐ ᐅᒋ ᐅᔑᑖᓂᐗᓐ ᐎᓚ ᐁᑳ ᐁ ᐅᒋ ᐅᔑᑖᑦ᙮

ᐅᐸᓓᑭᔅ ᒑᓐ 1:51

ᐃᑌᐤ ᓀᔥᑕ, ᑖᐺ, ᑖᐺ, ᑭᑦ ᐃᑎᓇᐗᐤ, ᐹᑎᒫ ᑭ ᑳ ᐙᐸᑌᓇᐗᐤ ᑭᒋᑭᔑᒃ ᐁ ᐹᔅᑭᑌᓂᑳᑌᒃ, ᓀᔥᑕ ᑭᒋᒪᓂᑐ ᐅᑦ ᐁᓐᒐᓕᒪ ᐁ ᐅᐱᔅᑮᔅᑕᐙᓕᒋ ᓀᔥᑕ ᐁ ᓛᔑᔅᑕᐙᓕᒋ ᐃᓕᓕᐎᑯᓯᓵᓇ᙮

ᐊᐸᔅᑕᓚᒃ 1:11

ᑳ ᐃᑗᒋᒃ ᒫᑲ, ᑭᓚᐗᐤ ᐃᓕᓕᑐᒃ ᑲᓕᓖᒃ ᐅᒋ, ᑖᓀᑭ ᐌᒋ ᐃᔑᑳᐸᐎᔦᒃ ᐁ ᐃᑖᐱᔦᒃ ᑭᒋᑭᔑᑯᒃ? ᐊᐗ ᑫᔮᐸᒡ ᒋᓴᔅ, ᑳ ᐅᑎᓈᑲᓂᐎᑦ ᐃᔥᐱᒥᒃ ᐃᔑ ᑭᓚᐗᐤ ᐅᒋ, ᐁᑯ ᑖᐱᔅᑯᒡ ᑫ ᐃᔑ ᑕᑯᔑᒃ, ᑳ ᐃᔑ ᐙᐸᒣᒃ ᐁ ᐃᑐᑌᑦ ᑭᒋᑭᔑᑯᒃ᙮

ᐊᐸᔅᑕᓚᒃ 3:19

ᐁᐗᑯ ᐅᒋ ᒥᒋᓚᐌᔦᓕᑕᒧᒃ, ᑴᔅᑳᑎᓰᒃ ᒫᑲ, ᑭ ᒪᒋᑖᐎᓂᐙᐗ ᑭᒋ ᑮ ᑳᓯᐃᑳᑌᑭ, ᐃᔅᐱ ᐹᐸᓕᓕᑫ ᑭᒋ ᒥᓜᓕᒧᓇᓂᐗᒃ ᐅᑎᔥᑲᐤ ᐅᑎᐯᓕᒋᑫᐤ ᐅᒋ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:17

ᑮᔥᐱᓐ ᒫᑲ ᐅᑦ ᐊᐙᔑᒥᔕ, ᐁᑯ ᑫ ᐋᓂᔅᑫ ᐋᔭᐗᒃ ᐅᑦ ᐋᔮᓇ, ᑫ ᐋᓂᔅᑫ ᐋᔭᐗᒃ ᑭᒋᒪᓂᑐ ᐅᑦ ᐋᔮᓇ, ᑭᓕᓈᓇᐤ ᐊᓯᒋ ᙭ ᑖᐱᔅᑯ ᐋᓂᔅᑫ ᑫ ᐋᔭᐗᒃ; ᑮᔥᐱᓐ ᐁᑭᓄᑴ ᐁ ᐎᒋᓴᑫᓕᑕᒧᒪᒃ, ᐁᑯ ᓀᔥᑕ ᑭᒋ ᐃᑕᔭᒃ ᐊᓯᒋ ᐎᓚ ᑭᔅᑌᓕᑖᑯᓯᐎᓂᒃ᙮

ᓂᔥᑕᒻ ᑯᕆᓐᑎᐊᓇ 3:13

ᒥᓯᐌ ᑕᑐ ᐃᓕᓕᐤ ᐅᑦ ᐊᑑᔅᑫᐎᓐ ᑲᑕ ᑭᔅᑫᓕᑖᑾᓂᓕᐤ: ᐌᓴ ᐊᓂᒪ ᑭᔑᑳᐤ ᑲᑕ ᑭᔅᑫᓕᑖᑯᑖᒪᑲᓐ, ᐌᓴ ᐃᔥᑯᑌᒃ ᑲᑕ ᐅᒋ ᑭᔅᑫᓕᑖᑾᓐ; ᓀᔥᑕ ᐃᔥᑯᑌᒃ ᑲᑕ ᐅᒋ ᑲᑴᒋᑖᓂᐙᓂᓕᐤ ᒥᓯᐌ ᑕᑐ ᐃᓕᓕᐤ ᐅᑦ ᐊᑑᔅᑫᐎᓐ ᑫᑯ ᑐᐎᑲᓂᐗᓂᓕᑴ᙮

ᓂᔓ ᑯᕆᓐᑎᐊᓇ 4:17

ᐌᓴ ᑳ ᓛᑯᔑᒃ ᑭ ᑲᒀᑕᑭᓯᐎᓂᓇᐤ, ᐱᑕᒫ ᐱᑯ ᑳ ᐃᑭᒃ, ᓂ ᑲᔥᑭᑕᒫᑯᓈᓐ ᓈᔅᐱᒡ ᐊᐙᓯᑌ ᑴᓯᑾᒃ ᓀᔥᑕ ᑳᑭᑫ ᑭᔅᑌᓕᑖᑯᓯᐎᓐ;

ᐃᐱᓯᔭᓇ 1:2

ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ ᑭᒋᒪᓂᑐ ᑯᑖᐎᓇᐤ ᐅᒋ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭ ᐅᒋ᙮

ᑯᓚᔑᔭᓇ 1:16

ᐌᓴ ᐎᓚ ᐅᒋ ᒥᓯᐌ ᑫᒀᓇ ᑮ ᐅᔑᑖᓂᐗᓋ, ᑭᒋᑭᔑᑯᒃ ᑳ ᐃᑕᑾᑭ, ᓀᔥᑕ ᐊᔅᑮᒃ ᑳ ᐃᑕᑾᑭ, ᑳ ᓄᑾᑭ, ᓀᔥᑕ ᐁᑳ ᑳ ᓄᑾᑭ, ᑮᔥᐱᓐ ᐅᑭᒪᐗᐱᐎᓇ, ᓀᔥᑕᐱᑯ ᐅᑭᒪᐎᐎᓇ, ᓀᔥᑕᐱᑯ ᑎᐯᓕᒋᑫᐎᓇ, ᓀᔥᑕᐱᑯ ᑲᔥᑭᐅᐎᓇ: ᒥᓯᐌ ᑫᒀᓇ ᐎᓚ ᑮ ᐅᒋ ᐅᔑᑖᓂᐗᓋ, ᓀᔥᑕ ᐎᓚ ᑭᒋ ᐋᔮᑦ᙮

ᓂᔥᑕᒻ ᑌᓴᓗᓂᔭᓇ 3:13

ᑭᒋ ᐋᔨᒋᑖᑦ ᑭᑌᐃᐙᐗ ᐁᑳ ᑭᒋ ᐊᑕᒣᓕᑖᑯᓯᔦᒃ ᐸᓕᑭᓯᐎᓂᒃ, ᐅᑎᔥᑲᐤ ᑭᒋᒪᓂᑐ, ᑯᑖᐎᓇᐤ ᐅᑎ, ᐯᒋ ᑕᑯᔑᑫ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓯᒋ ᒥᓯᐌ ᐅ ᐸᓓᑭᓯᒪ᙮

ᓂᔓ ᑎᒧᑎ 2:12

ᑮᔥᐱᓐ ᐎᓴᑫᓕᑕᒥᐃᑲᐎᔭᒃ, ᐊᓯᒋ ᓀᔥᑕ ᑭ ᑳ ᐎᒋᑎᐯᓕᒋᑫᒫᓇᐤ; ᑮᔥᐱᓐ ᐋᓉᑕᐗᒃ, ᐎᓚ ᓀᔥᑕ ᑭ ᑳ ᐋᓉᑖᑯᓇᐤ:

ᑕᐃᑕᔅ 2:13

ᐁ ᐊᔕᐙᐸᑕᒪᒃ ᐊᓂᒪ ᑳ ᒥᓦᑭᑖᑾᒃ ᐊᔅᐯᓕᒧᐎᓐ, ᓀᔥᑕ ᐅ ᑭᔅᑌᓕᑖᑯᓯᐎ ᓄᑯᓯᐎᓐ ᑫᔅᑎᓯᑦ ᑭᒋᒪᓂᑐ, ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭;

ᐦᐃᑉᕉᐗ 10:27

ᒫᑲ ᐱᑯ ᑭᐁᒋᓈᔦᓕᑖᑾᒃ ᐁ ᑯᔅᑖᑌᓕᑖᑾᒃ ᐁ ᐊᔕᐙᐸᒋᑳᑌᒃ ᑎᐹᔅᑯᓂᑫᐎᓐ, ᓀᔥᑕ ᐃᔥᑯᑌᐎ ᐊᑯᓚᐌᓯᐎᓐ, ᑫ ᓂᔑᐗᓈᒋᐃᑯᒋᒃ ᐅᒫᓓᓕᒋᑫᔅᑲᒃ᙮

ᐦᐃᑉᕉᐗ 12:29

ᐌᓴ ᑭ ᑭᒋᒪᓂᑐᒥᓇᐤ ᐃᔅᒀᓱᐌᐎ ᐃᔥᑯᑌᐎᐤ᙮

ᐦᐃᑉᕉᐗ 4:1

ᐁᑯᔑ ᒫᑲ ᑯᔅᐹᓀᓕᑖᑕᐤ, ᐋᑕ ᐁ ᑮ ᐊᔓᑕᒫᑲᐎᔭᒃ ᑭᒋ ᐱᑐᑫᐗᒃ ᐅᑦ ᐋᓜᓯᐎᓂᒃ ᐊᐌᓂᑳᓇᒃ ᐁ ᐃᑕᔑᔦᒃ ᑭᒋ ᓄᑌᔥᑲᑭᒃ᙮

ᐦᐃᑉᕉᐗ 4:11

ᐁᑯᔑ ᒫᑲ ᐊᑐᔅᑫᑕᐤ ᑭᒋ ᐱᑐᑫᔭᒃ ᐊᓂᒪ ᐋᓜᓯᐎᓂᒃ, ᐁᑳᐎᓚ ᐊᐌᓇ ᑭᒋ ᐸᑭᔑᒃ ᐊᓂᒪ ᑳ ᑮ ᐃᔑ ᐸᑭᔑᓈᓂᐗᒃ ᐁᑳ ᐁ ᑮ ᑖᐺᔦᓕᒋᑳᑌᒃ᙮

ᐦᐃᑉᕉᐗ 4:9

ᐁᐗᑯ ᐅᒋ ᐃᑕᑾᓐ ᐋᓜᓯᐎᓐ ᑫ ᐋᔮᓕᒋ ᐅᑦ ᐃᓕᓕᒪ ᑭᒋᒪᓂᑐ᙮

ᐦᐃᑉᕉᐗ 9:28

ᐁᑯ ᓂᔥᑕ ᙭ ᐯᔭᑾᐤ ᑳ ᐸᑭᑎᓈᑲᓂᐎᑦ ᑭᒋ ᓇᔭᑕᒸᑦ ᒥᒉᑦ ᐅ ᒪᒋᑣᐎᓂᓕᐗ: ᐊᓂᐃ ᒫᑲ ᑳ ᐊᔕᐙᐸᒥᑯᑦ ᒥᓇ ᑲᑕ ᓄᑯᓰᔅᑕᐌᐤ, ᐁᑳ ᐁ ᐅᑎᓇᒃ ᒪᒋᑣᐎᓂᓕᐤ, ᑭᒋ ᐱᒫᒋᐋᑦ᙮

ᓂᔥᑕᒻ ᐱᑕᕐ 3:22

ᐊᓇ ᑭᒋᔑᑯᒃ ᑳ ᐃᑐᑌᑦ, ᓀᔥᑕ ᑳ ᐃᑖᑦ ᑭᒋᒪᓂᑐᐗ ᐅ ᑭᒋᓂᔅᑭᓕᒃ: ᐁᓐᒐᓚ, ᓀᔥᑕ ᑎᐯᓕᒋᑫᐎᓇ, ᓀᔥᑕ ᑲᔥᑭᐅᐎᓇ ᐁ ᑎᐯᓕᑕᒥᐋᑲᓂᐎᑦ᙮

ᓂᔓ ᐱᑕᕐ 3:7

ᒫᑲ ᐊᓂᐃ ᑭᔑᑾ ᓀᔥᑕ ᐊᔅᑭ ᐊᓄᒡ ᑳ ᐃᑕᑾᑭ, ᐁᐗᑯ ᑫᔮᐸᒡ ᐋᔭᒥᐎᓐ ᐅᒋ ᑲᓇᐌᓕᒋᑳᑌᐗ ᑭᒋ ᐃᔅᒀᓯᑳᑌᑭ, ᐹᑎᒫ ᑎᐹᔅᑯᓂᑫᐎ ᑭᔑᑳᑫ, ᓀᔥᑕ ᓂᔑᐗᓈᑎᓯᑡᐌ ᑳ ᒪᒑᑎᓯᒋᒃ ᐃᓕᓕᐗᒃ᙮

ᒎᑦ 1:7

ᑖᐱᔅᑯᒡ ᓴᑕᒻ ᓀᔥᑕ ᑯᒪᕋ, ᓀᔥᑕ ᐊᓂᐃ ᐃᑖᐎᓇ ᐙᔅᑲ ᑖᐱᔅᑯᒡ ᐃᔑ, ᐁ ᐸᑭᑎᓂᑎᓱᒋᒃ ᐱᔑᒀᑎᓯᐎᓂᒃ, ᐁ ᓈᓇᑕᐌᓕᑕᑭᒃ ᐋᔭᒡ ᐎᔮᓯᓕᐤ, ᐸᑭᑎᓇᐗᒃ ᑭᒋ ᑭᔅᑭᓄᐙᐸᒫᑲᓂᐎᒋᒃ, ᐁ ᑎᐸᒪᒋᑖᒋᒃ ᑲᒀᑕᑭᓯᐎᓂᓕᐤ ᑳᑭᑫ ᐃᔥᑯᑌᒃ᙮

ᑭᔅᑫᓕᑖᑯᑖᑫᐎᓐ 1:7

ᒫᑎᑲ, ᐯᒋ ᐃᑐᑌᐤ ᐗᔅᑯᒃ; ᓀᔥᑕ ᑲᑕ ᐙᐸᒥᑯ ᒥᓯᐌ ᒥᔅᑭᔑᑾ, ᐊᓂᐃ ᓀᔥᑕ ᑳ ᑮ ᑕᑲᒥᑯᑦ: ᓀᔥᑕ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑲᑕ ᒫᑐᐗᒃ ᐎᓚ ᐅᒋ᙮ ᐁᑯ ᑫ ᐃᑭᒃ᙮ ᐁᒣᓐ᙮

ᑭᔅᑫᓕᑖᑯᑖᑫᐎᓐ 14:10

ᐁᐗᒀᓇ ᑫ ᒥᓂᑴᑦ ᔓᒥᓈᐳᓕᐤ ᑭᒋᒪᓂᑐ ᐅᑦ ᐊᑯᓚᐌᓯᐎᓂᒃ ᑳ ᐅᒋᐸᓕᓕᒃ, ᑳ ᓯᑭᐌᐱᓂᑳᑌᓕᒃ ᐁᑳ ᐁ ᑭᓕᑲᐤᐃᓂᑳᑌᓕᒃ ᐅ ᑭᓯᐙᓯᐎᓂ ᒥᓂᒀᑲᓂᒃ: ᐃᔥᑯᑌᓕᐤ ᒫᑲ ᓀᔥᑕ ᐅᓵᐙᐱᔅᑯᓯᓂᔭ ᑮ ᐅᒋ ᑲᒀᑕᑭᓯᐗᒃ ᐁ ᑲᓇᐙᐸᒥᑯᒋᒃ ᐸᓓᑭ ᐁᓐᒐᓚ, ᐁ ᑲᓇᐙᐸᒥᑯᒋᒃ ᓀᔥᑕ ᒫᓂᔥᒑᓂᔑᔕ:

ᑭᔅᑫᓕᑖᑯᑖᑫᐎᓐ 14:13

ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑎᑯᔮᓐ, ᒪᓯᓇᐊ, ᔕᐌᓕᑖᑯᓯᐗᒃ ᐅᓂᐱᐗᒃ ᑳ ᓂᐱᒋᒃ ᐅᑎᐯᓕᒋᑫᒃ ᐊᓄᒡ ᐅᒋ: ᐁᐁ, ᐃᑗᐤ ᐊᒑᒃ, ᐅᑦ ᐊᑑᔅᑫᐎᓂᐙᒃ ᑭᒋ ᐅᒋ ᐋᓜᐱᒋᒃ: ᓄᔅᐱᓈᑎᑯᐗᒃ ᒫᑲ ᐅᑦ ᐊᑑᔅᑫᐎᓂᐙᐗ᙮

ᑭᔅᑫᓕᑖᑯᑖᑫᐎᓐ 20:11

ᓂ ᑮ ᐙᐸᑌᓐ ᒫᑲ ᑭᒋ ᐙᐱᔅᑭ ᐅᑭᒪᐗᐱᐎᓐ, ᐊᓇ ᓀᔥᑕ ᑳ ᑌᑕᐱᑦ, ᐊᓇ ᐁ ᑲᓇᐙᐸᑕᒃ ᐊᔅᑭ ᓀᔥᑕ ᑭᔑᒃ ᑮ ᐅᔑᒧᒪᑲᓋ; ᓇᒪ ᒫᑲ ᑮ ᒥᔅᑭᑳᑌᐤ ᐃᑕ ᑫ ᐃᑕᑾᑭ᙮

ᑭᔅᑫᓕᑖᑯᑖᑫᐎᓐ 21:4

ᑭᒋᒪᓂᑐ ᒫᑲ ᑲᑕ ᑳᓯᐊᒬᐤ ᒥᓯᐌ ᑳ ᐅᒋᑲᐙᐱᓕᒋ ᐅᔅᑭᔑᑯᓕᒃ; ᓇᒪᐎᔅᑳᑦ ᒥᓇ ᒫᑲ ᑲᑕ ᐃᑕᑾᓐ ᓂᐱᐎᓐ, ᓇᒪ ᓀᔥᑕ ᒥᔕᒣᓕᑕᒧᐎᓐ, ᓇᒪ ᓀᔥᑕ ᒫᑐᐎᓐ, ᓇᒪ ᓀᔥᑕ ᒥᓇ ᑲᑕ ᐃᑕᑾᓐ ᐎᓴᑫᓕᑕᒧᐎᓐ: ᐌᓴ ᑳᔮᔥ ᑫᒀᓇ ᑮ ᐌᐱᐸᓕᐗ᙮

ᑭᔅᑫᓕᑖᑯᑖᑫᐎᓐ 22:16

ᓂᓚ ᒋᓴᔅ, ᓂ ᑮ ᐃᔑᑎᔕᐗᐤ ᓂᑦ ᐁᓐᒐᓕᒻ ᑭᒋ ᐋᓕᒧᑕᒫᑖᒃ ᐅᐅ ᑫᒀᓇ ᐃᑕ ᐁ ᐃᑖᒋᒃ ᒫᒪᐎᐋᔭᒥᐋᐗᒃ᙮ ᓂᓚ ᐁᐗᑯ ᐅᒉᐱᑯᒻ ᓀᔥᑕ ᐅᑦ ᐊᐙᔑᒥᔕ ᑌᐱᑦ, ᓀᔥᑕ ᑳ ᐙᓯᓱᑦ ᓀᔥᑕ ᐙᐸᓇᒐᒃ᙮

ᑭᔅᑫᓕᑖᑯᑖᑫᐎᓐ 22:6

ᓂ ᑮ ᐃᑎᒃ ᒫᑲ, ᐅᐅ ᐃᑗᐎᓇ ᒀᔭᔅᑭᑎᒪᑲᓋ ᓀᔥᑕ ᑖᐺᒪᑲᓋ: ᐅᑎᐯᓕᒋᑫᐤ ᒫᑲ ᐅ ᑭᒋᒪᓂᑐᒥᐙᐗ ᐸᓓᑭ ᐅᑭᔅᑭᐙᐃᑫᐗᒃ ᑮ ᐯᒋᑎᔕᐌᐤ ᐅᑦ ᐁᓐᒐᓕᒪ ᑭᒋ ᐙᐸᑎᓛᓕᒋ ᐅᑦ ᐊᑑᔅᑫᓛᑲᓇ ᐊᓂᐃ ᐎᐸᒡ ᑫ ᐃᑭᓂᓕᑭ᙮

ᑭᔅᑫᓕᑖᑯᑖᑫᐎᓐ 22:9

ᐁᑯ ᐁᔑᑦ, ᔮᑾ ᐁᑳ ᑐᑕ: ᐌᓴ ᓂᓚ ᑮᒋᐊᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᐅᑭᔅᑭᐙᐃᑫᐗᒃ, ᓀᔥᑕ ᐊᓂᑭ ᑳ ᑲᓇᐌᓕᑕᑭᒃ ᐃᑗᐎᓇ ᐅᒪ ᒪᓯᓇᐃᑲᓂᒃ ᑳ ᐃᑕᑾᓂᓕᑭ; ᓇᐗᑮᔅᑕᐤ ᑭ ᒪᓂᑐ᙮

ᑭᔅᑫᓕᑖᑯᑖᑫᐎᓐ 6:11

ᐙᐱᔅᑭ ᐊᑯᐅᓇ ᒫᑲ ᑮ ᒥᓛᐗᒃ ᒥᓯᐌ ᐁ ᐃᑕᓯᒋᒃ; ᑮ ᐃᑖᑲᓂᐎᐗᒃ ᒫᑲ ᐱᑕᒪ ᑭᒋ ᐋᓜᓯᒋᒃ, ᐃᓕᑯᒃ ᐊᓂᐃ ᐎᒋᐊᑑᔅᑫᓛᑲᓂᐗᐗ ᐊᓯᒋ, ᓀᔥᑕ ᐎᒋᔖᓂᐗᐗ ᑭᒋ ᓂᐹᐃᒥᒋ ᑖᐱᔅᑯᒡ ᐎᓚᐗᐤ ᑫᒋᐙᒃ, ᑭᒋ ᑎᐱᐸᓕᓕᒃ᙮