ᓂᔓ ᑌᓴᓗᓂᔭᓇ 1:12 - ᐅᔅᑭ ᑎᔅᑌᒥᓐᑦ

¹² ᐅᑦ ᐃᔑᓂᑳᓱᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭᒋ ᑭᔅᑌᓕᑖᑯᑕᐌᒃ, ᓀᔥᑕ ᑭᒋ ᐱᒋᔥᑲᐌᒃ, ᑳ ᐃᑕᔅᑌᓕᒃ ᐅ ᔕᐌᓕᒋᑫᐎᓐ ᑭ ᑭᒋᒪᓂᑐᒥᓇᐤ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭᙮

ᓂᔓ ᑌᓴᓗᓂᔭᓇ 1:12 Iomraidhean Croise

ᐅᐸᓓᑭᔅ ᒑᓐ 17:10

ᓀᔥᑕ ᒥᓯᐌ ᓂᑦ ᐃᓕᓕᒪᒃ ᐁᐗᒀᓂᑭ ᑭᑦ ᐃᓕᓕᒪᒃ, ᓀᔥᑕ ᑭᑦ ᐃᓕᓕᒪᒃ ᐁᐗᒀᓂᑭ ᓂᑦ ᐃᓕᓕᒪᒃ; ᓀᔥᑕ ᓂ ᑭᔅᑌᓕᑖᑯᐃᑾᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:7

ᒥᓯᐌ ᕈᒥᒃ ᑳ ᐃᑖᔦᒃ, ᑳ ᓵᑭᐃᑖᒃ ᑭᒋᒪᓂᑐ, ᑳ ᓇᑐᒥᑳᐎᔦᒃ ᑭᒋ ᐸᓓᑭᓯᔦᒃ: ᔕᐌᓕᒋᑫᐎᓐ ᓀᔥᑕ ᑳᔮᒣᓕᑕᒧᐎᓐ ᑭ ᑳ ᐎ ᐋᔮᓇᐗᐤ ᑭᒋᒪᓂᑐ ᑯᑖᐎᓇᐤ ᐅᒋ, ᓀᔥᑕ ᑌᐯᓕᒋᑫᑦ ᒋᓴᔅ ᙭᙮

ᓂᔥᑕᒻ ᑯᕆᓐᑎᐊᓇ 1:4

ᓂ ᓇᓈᔅᑯᒪᐤ ᓂ ᑭᒋᒪᓂᑐᒻ ᒧᔕᒃ ᑭᓚᐗᐤ ᐅᒋ, ᐊᓂᒪ ᐅ ᔕᐌᓕᒋᑫᐎᓐ ᐅᒋ ᑳ ᑮ ᒥᓕᑖᒃ ᑭᒋᒪᓇᑐ ᐎᓚ ᐅᒋ ᒋᓴᔅ ᙭;

ᓂᔓ ᑯᕆᓐᑎᐊᓇ 13:4

ᐌᓴ ᐋᑕ ᐁ ᑮ ᒋᔅᑖᔅᑾᐙᑲᓂᐎᑦ ᓕᓚᒥᓯᐎᓂᒃ ᐅᒋ, ᐁᓕᐌᒃ ᒫᑲ ᐱᒫᑎᓯᐤ ᐅ ᑲᔥᑭᐅᐎᓂᒃ ᐅᒋ ᑭᒋᒪᓂᑐ᙮ ᐌᓴ ᓂ ᐎᒋᓕᓚᒥᓯᒫᓈᓐ, ᒫᑲ ᓂ ᑳ ᐎᒋᐱᒫᑎᓯᒫᓈᓐ ᐅ ᑲᔥᑭᐅᐎᓂᒃ ᐅᒋ ᑭᒋᒫᓂᑐ ᑭᓚᐗᐤ ᐃᔑ᙮

ᓂᔓ ᑯᕆᓐᑎᐊᓇ 8:9

ᐌᓴ ᑭ ᑭᔅᑫᓕᑕᒸᓇᐗᐤ ᐅ ᔕᐌᓕᒋᑫᐄᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐋᑕ ᐁ ᑮ ᒥᔕᑭᓯᑦ, ᐁᓕᐌᒃ ᑭᓚᐗᐤ ᐅᒋ ᑮ ᐊᑎ ᑭᑎᒫᑭᓯᐤ, ᑭᓚᐗᐤ ᐅ ᑭᑎᒫᑭᓯᐎᓂᒃ ᐅᒋ ᑭᒋ ᒥᔕᑭᓯᔦᒃ᙮

ᐱᓕᐱᔭᓇ 3:9

ᓀᔥᑕ ᑭᒋ ᒥᔅᑳᑲᐎᔮᓐ ᐁ ᐱᒋᔅᑲᐗᒃ, ᐁᑳ ᐁ ᐋᔮᔮᓐ ᑎᐱᓚᐌ ᓂ ᒀᔭᔅᑭᑖᑎᓯᐎᓐ, ᐅᓚᔓᐌᐎᓂᒃ ᑳ ᐅᒋ ᑕᑾᒃ, ᒫᑲ ᐊᓂᒪ ᐅ ᑖᐺᔦᓕᒥᑯᓯᐎᓂᒡ ᙭ ᑳ ᐅᒋᐸᓕᒃ, ᐊᓂᒪ ᒀᔭᔅᑭᑖᑎᓯᐎᓐ ᑭᒋᒪᓂᑐᒃ ᑳ ᐅᒋᐸᓕᒃ ᑖᐺᔦᓕᑕᒧᐎᓐ ᐅᒋ:

ᓂᔓ ᑌᓴᓗᓂᔭᓇ 1:10

ᐃᔅᐱ ᐯᒋ ᑕᑯᔑᑫ ᑭᒋ ᑭᔅᑌᓕᑖᑯᐃᑯᑦ ᐅ ᐸᓓᑭᓯᒪ, ᓀᔥᑕ ᑭᒋ ᑭᔅᑌᓕᒥᑯᑦ ᒥᓯᐌ ᐊᓂᐃ ᑳ ᑖᐺᑕᒥᓕᑭ (ᐌᓴ ᓂ ᑎᐹᒋᒧᐎᓂᓈᓐ ᑮ ᑖᐺᒋᑳᑌᐤ ᐃᑕ ᐁ ᐃᑖᔦᒃ,) ᐁᑯᔅᐱ ᐁ ᑭᔑᑳᒃ᙮

ᑕᐃᑕᔅ 2:11

ᐌᓴ ᐅ ᔕᐌᓕᒋᑫᐎᓐ ᑭᒋᒪᓂᑐ, ᑳ ᐯᑕᒧᒪᑲᒃ ᐱᒫᒋᐃᐌᐎᓐ, ᑮ ᓄᑯᓯᔅᑖᑯᐗᒃ ᒥᓯᐌ ᐃᓕᓕᐗᒃ,

ᓂᔥᑕᒻ ᐱᑕᕐ 4:14

ᑮᔥᐱᓐ ᑭᑳᒥᑲᐎᔦᑴ ᐅᑦ ᐃᔑᓂᑳᓱᐎᓐ ᙭ ᐅᒋ, ᒥᓚᐙᑌᓇᐗᐤ; ᐌᓴ ᑭᔅᑌᓕᑖᑯᓯᐎ ᐊᒑᒃ ᓀᔥᑕ ᑭᒋᒪᓂᑐ ᐅᑦ ᐊᒑᑾ ᑭ ᐎᒉᐎᑯᐗᐤ: ᐎᓚᐗᐤ ᐅᒋ ᒪᒋᐋᓕᒧᒪᐤ, ᒫᑲ ᑭᓚᐗᐤ ᐅᒋ ᑭᔅᑌᓕᑖᑯᐊᐤ᙮

ᑭᔅᑫᓕᑖᑯᑖᑫᐎᓐ 1:4

ᒑᓐ ᐁ ᒪᓯᓇᐊᒪᐙᑦ ᐊᓂᐃ ᓂᔂᔅ ᒫᒪᐎᐋᔭᒥᐋᐗ ᐁᔕᐃᒃ ᑳ ᐃᑖᓕᒋ: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ, ᐊᓇ ᐅᒋ ᑳ ᐃᑖᑦ, ᓀᔥᑕ ᑳ ᑮ ᐃᑖᑦ, ᓀᔥᑕ ᑫ ᑕᑯᔑᒃ; ᓀᔥᑕ ᐊᓂᑭ ᓂᔂᔅ ᐊᒑᑾᒃ ᐅᒋ ᐅᑎᔥᑲᐤ ᐅᑦ ᐅᑭᒪᐗᐱᐎᓂᒃ ᑳ ᐃᑖᒋᒃ;