ᓂᔓ ᐱᑕᕐ 3:7 - ᐅᔅᑭ ᑎᔅᑌᒥᓐᑦ

⁷ ᒫᑲ ᐊᓂᐃ ᑭᔑᑾ ᓀᔥᑕ ᐊᔅᑭ ᐊᓄᒡ ᑳ ᐃᑕᑾᑭ, ᐁᐗᑯ ᑫᔮᐸᒡ ᐋᔭᒥᐎᓐ ᐅᒋ ᑲᓇᐌᓕᒋᑳᑌᐗ ᑭᒋ ᐃᔅᒀᓯᑳᑌᑭ, ᐹᑎᒫ ᑎᐹᔅᑯᓂᑫᐎ ᑭᔑᑳᑫ, ᓀᔥᑕ ᓂᔑᐗᓈᑎᓯᑡᐌ ᑳ ᒪᒑᑎᓯᒋᒃ ᐃᓕᓕᐗᒃ᙮

ᓂᔓ ᐱᑕᕐ 3:7 Iomraidhean Croise

ᐅᐸᓓᑭᔅ ᒫᑎᐤ 10:15

ᑖᐺ ᑭᑦ ᐃᑎᓇᐗᐤ, ᐊᐙᓯᑌ ᑲᑕ ᒥᓗ ᐃᑌᓕᑖᑾᓋ ᓴᑕᒻ ᐊᔅᑭ ᓀᔥᑕ ᑯᒪᕋ ᑎᐹᔅᑯᓂᑫᐎ ᑭᔑᑳᑫ, ᐃᔥᐱᔥ ᐊᓂᒪ ᐃᑖᐎᓐ᙮

ᐅᐸᓓᑭᔅ ᒫᑎᐤ 11:22

ᒫᑲ ᑭᑦ ᐃᑎᓇᐗᐤ, ᐊᐙᓯᑌ ᑲᑕ ᒥᓗ ᐃᑌᓕᑖᑯᓯᐗᒃ ᑖᐃᕐ ᓀᔥᑕ ᓵᐃᑕᓐ ᑎᐹᔅᑯᓂᑫᐎ ᑭᔑᑳᑭ ᐃᔥᐱᔥ ᑭᓚᐗᐤ᙮

ᐅᐸᓓᑭᔅ ᒫᑎᐤ 11:24

ᒫᑲ ᑭᑦ ᐃᑎᓇᐗᐤ, ᐊᐙᓯᑌ ᑲᑕ ᒥᓗ ᐃᑌᓕᑖᑾᓐ ᓴᑕᒻ ᐊᔅᑭ ᑎᐹᔅᑯᓂᑫᐎ ᑭᔑᑳᑫ ᐃᔥᐱᔥ ᑭᓚ᙮

ᐅᐸᓓᑭᔅ ᒫᑎᐤ 12:36

ᒫᑲ ᑭᑦ ᐃᑎᓇᐗᐤ, ᒥᓯᐌ ᑕᑐ ᐸᑾᓐᑕᐤ ᐋᔭᒥᐎᓂᓕᐤ ᑫ ᐃᑗᐙᑴ ᐃᓕᓕᐗᒃ, ᑲᑕ ᐎᑕᒶᒃ ᑎᐹᔅᑯᓂᑫᐎ ᑭᔑᑳᓕᑫ᙮

ᐅᐸᓓᑭᔅ ᒫᑎᐤ 24:35

ᑭᔑᒃ ᓀᔥᑕ ᐊᔅᑭ ᑲᑕ ᐃᔥᒀᐸᓕᐗ, ᒫᑲ ᓂᑦ ᐋᔭᒥᐎᓇ ᓇᒪᐎᓚ ᑲᑕ ᐃᔥᒀᐸᓕᐗ᙮

ᐅᐸᓓᑭᔅ ᒫᑎᐤ 25:41

ᐁᑯ ᓀᔥᑕ ᑫ ᐃᑖᑦ ᐊᓂᐃ ᐅ ᓇᒪᑎᓂᔅᑮᒃ, ᐊᐗᓯᒃ ᓇᑲᔑᒃ, ᑭᓚᐗᐤ ᑳ ᒪᒐᑭᒥᑲᐎᔦᒃ, ᑳᑭᑫ ᐃᔥᑯᑌᒃ, ᑳ ᐋᔦᔅᑲᐎᑕᒪᐙᑲᓂᐎᑦ ᒪᒋᒪᓂᑐ ᓀᔥᑕ ᐅᑦ ᐁᓐᒐᓕᒪ:

ᐅᐸᓓᑭᔅ ᒫᕐᒃ 6:11

ᐊᐌᓇ ᒫᑲ ᐁᑳ ᑫ ᐱᑐᑲᐃᑖᑴ, ᐁᑳ ᓀᔥᑕ ᑫ ᓇᑐᑕᑖᑴ; ᐃᔅᐱ ᐊᓐᑕ ᐅᒋ ᑭᑐᑌᔦᑴ, ᐸᐹᐎᐸᓕᑖᒃ ᒪᒋᑾᓛᔕ ᑭᓯᑎᐙᒃ ᐅᒋ ᑭᒋ ᐅᒋ ᒫᒥᔑᒥᑯᒋᒃ᙮ ᑖᐺ ᑭᑦ ᐃᑎᓇᐗᐤ, ᐊᐗᓯᑌ ᑲᑕ ᒥᓗ ᐃᑌᓕᑖᑾᓋ ᓴᑕᒻ ᓀᔥᑕ ᑯᒪᕋ ᑎᐹᔅᑯᓂᑫᐎ ᑭᔑᑳᑫ, ᐃᔥᐱᔥ ᐊᓂᒪ ᐃᑖᐎᓐ᙮

ᐅᐸᓓᑭᔅ ᒑᓐ 12:48

ᐊᓇ ᑳ ᐋᑕᐌᓕᒥᑦ, ᓀᔥᑕ ᐁᑳ ᑳ ᐅᑎᓇᒃ ᓂᑦ ᐋᔭᒥᐎᓇ, ᐋᔭᐌᐤ ᐊᐌᓕᐗ ᑳ ᑎᐹᔅᑯᓂᑯᑦ: ᐊᓂᒪ ᐋᔭᒥᐎᓐ ᑳ ᑮ ᐃᑗᔮᓐ, ᐁᐗᑴᓕᐤ ᑫ ᑎᐹᔅᑯᓂᑯᑦ ᒫᒋᒡ ᑭᔑᑳᓕᑫ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:5

ᒫᑲ ᐁ ᐃᔑ ᒪᔥᑲᐙᒃ ᓀᔥᑕ ᐁᑳ ᒥᒋᓚᐌᔦᓕᑌᐁᔭᓐ ᑭ ᒪᐗᒋᑣᓱᓐ ᐋᑯᓚᐌᓯᐎᓐ ᐱᓕᔥ ᐋᑯᓚᐌᓯᐎᓂ ᑭᔑᑳᒃ ᓀᔥᑕ ᐃᔅᐱ ᑫ ᓄᑯᑖᓂᐗᓂᓕᒃ ᑭᒋᒪᓂᑐ ᐅ ᒀᔭᔅᑯ ᑎᐹᔅᑯᓂᑫᐎᓐ;

ᓂᔥᑕᒻ ᑯᕆᓐᑎᐊᓇ 3:13

ᒥᓯᐌ ᑕᑐ ᐃᓕᓕᐤ ᐅᑦ ᐊᑑᔅᑫᐎᓐ ᑲᑕ ᑭᔅᑫᓕᑖᑾᓂᓕᐤ: ᐌᓴ ᐊᓂᒪ ᑭᔑᑳᐤ ᑲᑕ ᑭᔅᑫᓕᑖᑯᑖᒪᑲᓐ, ᐌᓴ ᐃᔥᑯᑌᒃ ᑲᑕ ᐅᒋ ᑭᔅᑫᓕᑖᑾᓐ; ᓀᔥᑕ ᐃᔥᑯᑌᒃ ᑲᑕ ᐅᒋ ᑲᑴᒋᑖᓂᐙᓂᓕᐤ ᒥᓯᐌ ᑕᑐ ᐃᓕᓕᐤ ᐅᑦ ᐊᑑᔅᑫᐎᓐ ᑫᑯ ᑐᐎᑲᓂᐗᓂᓕᑴ᙮

ᐱᓕᐱᔭᓇ 1:28

ᐁᑳ ᑫᒀᓐ ᒫᑲ ᐁ ᓭᑭᐃᑖᑾᒃ ᐊᓂᑭ ᑳ ᓄᑎᓂᑖᑾᒃ: ᑳ ᐸᔭᑌ ᑭᔅᑭᓄᐙᒋᑕᒫᒋᒃ ᓂᔑᐗᓈᑎᓯᐎᓂᓕᐤ, ᑭᓚᐗᐤ ᒫᑲ ᐱᒫᒋᐃᑯᓯᐎᓐ, ᐁᐗᑯ ᓀᔥᑕ ᑭᒋᒪᓂᑐ ᐅᒋ᙮

ᓂᔓ ᑌᓴᓗᓂᔭᓇ 2:3

ᐁᑳᐎᓚ ᐊᐌᓇ ᑭ ᑳ ᐙᔦᔑᐃᑯᐗᐤ ᓈᓐᑕᐤ ᐃᔑ: ᐌᓴ ᐊᓂᒪ ᐁ ᑭᔑᑳᒃ ᓇᒪᐎᓚ ᑲᑕ ᐅᑎᒋᐸᓕᐤ ᐹᑎᒫ ᐱᑯ ᑮ ᑕᑯᔑᓄᒪᑲᑫ ᐸᑭᔑᓂᐎᓐ, ᓀᔥᑕ ᐊᓇ ᒪᒋᑣᐎᓂ ᐃᓕᓕᐤ ᑮ ᓄᑯᓯᑌ, ᐊᓇ ᑳ ᐅᑯᓯᓯᒥᑯᑦ ᓂᔑᐗᓈᑎᓯᐎᓂᓕᐤ;

ᓂᔥᑕᒻ ᑎᒧᑎ 6:9

ᒫᑲ ᐊᓂᑭ ᑫ ᐎ ᐌᓗᑎᓯᑭᒃ, ᐸᑭᔑᓋᒃ ᑲᑴᒋᐃᐌᐎᓂᒃ, ᓀᔥᑕ ᓇᒀᑲᓂᒃ, ᓀᔥᑕ ᒥᒉᑦ ᑲᑫᐹᑎᓯᐎ ᓀᔥᑕ ᐋᑯ ᒪᒋᓇᑕᐌᓕᑕᒧᐎᓂᒃ, ᐊᓂᐃ ᑳ ᓂᔅᑖᐸᐗᓕᑯᒋᒃ ᐃᓕᓕᐗᒃ ᓂᔑᐗᓈᑎᓯᐎᓂᒃ ᓀᔥᑕ ᐗᓂᔑᓄᐎᓂᒃ᙮

ᐦᐃᑉᕉᐗ 12:29

ᐌᓴ ᑭ ᑭᒋᒪᓂᑐᒥᓇᐤ ᐃᔅᒀᓱᐌᐎ ᐃᔥᑯᑌᐎᐤ᙮

ᓂᔓ ᐱᑕᕐ 2:9

ᐅᑎᐯᓕᒋᑫᐤ ᑭᔅᑫᓕᑕᒻ ᑫ ᐃᔑ ᐃᑖᒋᒃ ᐎᑾᒋᐋᑦ ᑳ ᒪᓂᑐᐙᑎᓯᓕᒋ ᑲᑴᒋᐃᐌᐎᓂᒃ ᐅᒋ, ᓀᔥᑕ ᑭᒋ ᐊᓛᑦ ᐁᑳ ᑳ ᒀᔭᔅᑭᑎᓕᒋ ᑲᒀᑕᑭᐃᑯᓯᐎᓂᒃ ᐱᓕᔥ ᑎᐹᔅᑯᓂᑫᐎ ᑭᔑᑳᓕᑫ:

ᓂᔓ ᐱᑕᕐ 3:10

ᒫᑲ ᐅᑎᐯᓕᒋᑫᐤ ᐅ ᑭᔑᑳᒻ ᑲᑕ ᐹᐸᓕᓕᐤ ᑖᐱᔅᑯᒡ ᑭᒧᑎᔉ ᐁ ᑎᐱᔅᑳᓕᒃ; ᐁᑯᔅᐱ ᑭᔑᑾ ᑫ ᐌᐱᐸᓕᑭ ᐁ ᑭᒋ ᓄᑖᑾᒃ, ᓀᔥᑕ ᑭᔑᑯᒃ ᑳ ᐊᑯᑎᑭ ᑲᑕ ᑎᑭᑌᐗ ᐁ ᐃᔅᐱᒋ ᑭᔑᑌᒃ; ᐊᔅᑭ ᓀᔥᑕ ᓀᔥᑕ ᒥᓯᐌ ᐊᑐᔅᑫᐎᓇ ᐁᑯᑕ ᑳ ᐃᑕᑾᑭ ᑲᑕ ᒑᑳᔅᑭᑌᐗ᙮

ᓂᔓ ᐱᑕᕐ 3:12

ᐁ ᐊᔕᐙᐸᑕᒬᒃ ᓀᔥᑕ ᐁ ᐯᒋ ᑭᔑᐸᓕᑕᐌᒃ ᑭᒋᒪᓂᑐ ᐅ ᑭᔑᑳᒻ, ᐁᑯᔅᐱ ᑭᔑᑾ ᐁ ᐃᔅᒀᓯᑳᑌᑭ ᑲᑕ ᓂᔑᐗᓇᑕᓋ, ᓀᔥᑕ ᑭᔑᑯᒃ ᑳ ᐊᑯᑎᑭ ᑲᑕ ᑎᑭᑌᐗ ᑫ ᐃᔅᐱᑭ ᑭᔑᑌᒃ᙮

ᓂᔥᑕᒻ ᒑᓐ 4:17

ᐅᒪ ᐁᑯ ᐁ ᐃᔑ ᒥᑐᓂᐎᐃᑳᑌᒃ ᑭ ᓵᑭᐃᐌᐎᓂᐗᐤ, ᑭᒋ ᐋᔮᔭᒃ ᑫᒋᓇᐅᐎᓐ ᑎᐹᔅᑯᓂᑫᐎ ᑭᔑᑳᑫ: ᐌᓴ ᐁ ᐃᔑ ᐋᔮᑦ, ᐁᑯ ᓀᔥᑕ ᐁ ᐃᔑ ᐋᔭᔭᒃ ᐅᑕ ᐊᔅᑭᒃ᙮

ᒎᑦ 1:7

ᑖᐱᔅᑯᒡ ᓴᑕᒻ ᓀᔥᑕ ᑯᒪᕋ, ᓀᔥᑕ ᐊᓂᐃ ᐃᑖᐎᓇ ᐙᔅᑲ ᑖᐱᔅᑯᒡ ᐃᔑ, ᐁ ᐸᑭᑎᓂᑎᓱᒋᒃ ᐱᔑᒀᑎᓯᐎᓂᒃ, ᐁ ᓈᓇᑕᐌᓕᑕᑭᒃ ᐋᔭᒡ ᐎᔮᓯᓕᐤ, ᐸᑭᑎᓇᐗᒃ ᑭᒋ ᑭᔅᑭᓄᐙᐸᒫᑲᓂᐎᒋᒃ, ᐁ ᑎᐸᒪᒋᑖᒋᒃ ᑲᒀᑕᑭᓯᐎᓂᓕᐤ ᑳᑭᑫ ᐃᔥᑯᑌᒃ᙮

ᑭᔅᑫᓕᑖᑯᑖᑫᐎᓐ 17:11

ᐊᓇ ᐊᐌᓯᔅ ᒫᑲ ᑳ ᑮ ᐃᑖᑦ, ᐁᑳ ᒫᑲ ᑳ ᐃᑖᑦ, ᐁᐗᒀᓇ ᔭᓈᓀᐤ ᑳ ᐃᑕᑭᓱᑦ, ᓀᔥᑕ ᐊᓯᒋᐸᓕᐤ ᐊᓂᐃ ᓂᔂᔅ, ᐃᑐᑌᐤ ᒫᑲ ᓂᔑᐗᓈᑎᓯᐎᓂᒃ᙮

ᑭᔅᑫᓕᑖᑯᑖᑫᐎᓐ 17:8

ᐊᓇ ᐊᐌᓯᔅ ᑳ ᑮ ᐙᐸᒪᑦ ᑮ ᐃᑖᐤ, ᓇᒪ ᐃᑖᐤ ᒫᑲ; ᐁᑳ ᑳ ᒥᓴᔅᑫᔮᒃ ᐙᑎᑳᓂᒃ ᒫᑲ ᑲᑕ ᐅᒋ ᐅᐱᔅᑲᐤ, ᑲᑕ ᐃᑐᑌᐤ ᒫᑲ ᓂᔑᐗᓈᑎᓯᐎᓂᒃ: ᐊᓂᑭ ᒫᑲ ᐊᔅᑮᒃ ᑳ ᑕᔑᑫᒋᒃ ᑲᑕ ᒫᒫᔅᑳᑕᒶᒃ, (ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᑮ ᒪᓯᓇᐃᑳᑌᓕᑭ ᐱᒫᑎᓯᐎᓂ ᒪᓯᓇᐃᑲᓂᒃ ᐊᔅᐱᓐ ᑳ ᒫᒋ ᐊᔅᑮᐗᒃ,) ᐃᔅᐱ ᐙᐸᒫᑡᐌ ᐊᓂᐃ ᐊᐌᓯᓴ ᑳ ᑮ ᐃᑖᓕᒋ, ᐁᑳ ᒫᑲ ᐁ ᐃᑖᓕᒋ, ᐁᓕᐌᒃ ᒫᑲ ᐁ ᐃᑕᓕᒋ᙮

ᑭᔅᑫᓕᑖᑯᑖᑫᐎᓐ 20:11

ᓂ ᑮ ᐙᐸᑌᓐ ᒫᑲ ᑭᒋ ᐙᐱᔅᑭ ᐅᑭᒪᐗᐱᐎᓐ, ᐊᓇ ᓀᔥᑕ ᑳ ᑌᑕᐱᑦ, ᐊᓇ ᐁ ᑲᓇᐙᐸᑕᒃ ᐊᔅᑭ ᓀᔥᑕ ᑭᔑᒃ ᑮ ᐅᔑᒧᒪᑲᓋ; ᓇᒪ ᒫᑲ ᑮ ᒥᔅᑭᑳᑌᐤ ᐃᑕ ᑫ ᐃᑕᑾᑭ᙮

ᑭᔅᑫᓕᑖᑯᑖᑫᐎᓐ 21:1

ᓂ ᑮ ᐙᐸᑌᓐ ᒫᑲ ᐅᔥᑭ ᑭᔑᒃ ᓀᔥᑕ ᐅᔥᑭ ᐊᔅᑭ: ᐌᓴ ᓃᔥᑕᒻ ᑭᔑᒃ ᓀᔥᑕ ᐊᔅᑭ ᑮ ᐌᐱᐸᓕᐗ; ᓇᒪ ᓀᔥᑕ ᑫᔮᐸᒡ ᑮ ᐃᑕᑾᓐ ᑭᒋᑲᒥ᙮