ᓂᔓ ᐱᑕᕐ 3:10 - ᐅᔅᑭ ᑎᔅᑌᒥᓐᑦ

¹⁰ ᒫᑲ ᐅᑎᐯᓕᒋᑫᐤ ᐅ ᑭᔑᑳᒻ ᑲᑕ ᐹᐸᓕᓕᐤ ᑖᐱᔅᑯᒡ ᑭᒧᑎᔉ ᐁ ᑎᐱᔅᑳᓕᒃ; ᐁᑯᔅᐱ ᑭᔑᑾ ᑫ ᐌᐱᐸᓕᑭ ᐁ ᑭᒋ ᓄᑖᑾᒃ, ᓀᔥᑕ ᑭᔑᑯᒃ ᑳ ᐊᑯᑎᑭ ᑲᑕ ᑎᑭᑌᐗ ᐁ ᐃᔅᐱᒋ ᑭᔑᑌᒃ; ᐊᔅᑭ ᓀᔥᑕ ᓀᔥᑕ ᒥᓯᐌ ᐊᑐᔅᑫᐎᓇ ᐁᑯᑕ ᑳ ᐃᑕᑾᑭ ᑲᑕ ᒑᑳᔅᑭᑌᐗ᙮

ᓂᔓ ᐱᑕᕐ 3:10 Iomraidhean Croise

ᐅᐸᓓᑭᔅ ᒫᑎᐤ 24:35

ᑭᔑᒃ ᓀᔥᑕ ᐊᔅᑭ ᑲᑕ ᐃᔥᒀᐸᓕᐗ, ᒫᑲ ᓂᑦ ᐋᔭᒥᐎᓇ ᓇᒪᐎᓚ ᑲᑕ ᐃᔥᒀᐸᓕᐗ᙮

ᐅᐸᓓᑭᔅ ᒫᕐᒃ 13:31

ᑭᔑᒃ ᓀᔥᑕ ᐊᔅᑭ ᑲᑕ ᐃᔥᒀᐸᓕᐗ; ᒫᑲ ᓂᑦ ᐋᔭᒥᐎᓇ ᓇᒪᐎᓚ ᑲᑕ ᐃᔥᒀᐸᓕᐗ᙮

ᐅᐸᓓᑭᔅ ᓘᒃ 12:39

ᐅᒪ ᒫᑲ ᑭᔅᑫᓕᑕᒧᒃ ᑮᔥᐱᓐ ᐊᓇ ᑳ ᑎᐯᓕᑕᒃ ᐙᔅᑳᔨᑲᓂᓕᐤ ᑮ ᑭᔅᑫᓕᑕᒧᑯᐸᓀ ᑫᑯ ᑎᐹᔨᑲᓐ ᐱᓯᒧᑳᓂᒃ ᑭᒧᑎᔅᑲ ᑫ ᑕᑯᔑᓂᓕᒋ, ᑲᑕ ᑮ ᐊᔕᐙᐱᐸᓐ, ᐁᑯ ᐅ ᐙᔅᑳᔨᑲᓂᒻ ᐁᑳ ᑫ ᑮ ᐸᔅᐱᐱᑯᓂᑳᑌᓕᔅᐸᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:20

ᐌᓴ ᑳ ᐅᔑᐋᑲᓂᐎᑦ ᑮ ᐃᔑᐋᑲᓂᐎᐤ ᑭᒋ ᑎᐯᓕᒥᑯᑦ ᓂᔑᐗᓈᑎᓯᐎᓂᓕᐤ, ᓇᒪᐎᓚ ᑫᒋᐙᒃ ᐁ ᐃᔑ ᓇᐁᓕᑕᒃ, ᒫᑲ ᐊᓂᐃ ᐅᒋ ᑳ ᐃᔑ ᑎᐯᓕᑖᑯᐃᑯᑦ ᐊᔅᐯᓕᒧᐎᓂᒃ᙮

ᓂᔥᑕᒻ ᑯᕆᓐᑎᐊᓇ 1:8

ᐊᓇ ᓀᔥᑕ ᑫ ᐋᔨᒋᐃᑖᒃ ᐃᔅᒀᔮᒡ ᐃᔅᑯ, ᐁᑳ ᐗᔦᔥ ᑭᒋ ᐋᑖᒥᒥᑳᐎᔦᒃ ᐅᑎᒋᐸᓕᓕᑫ ᐅ ᑭᔑᑳᒻ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᓂᔥᑕᒻ ᑯᕆᓐᑎᐊᓇ 5:5

ᐊᓇ ᑐᐎ ᑭᒋ ᐸᑭᑎᓇᒪᐌᒃ ᓭᑖᓐ, ᑭᒋ ᓂᔑᐗᓋᑕᓂᓕᒃ ᐎᔭᔅ, ᐅᑦ ᐊᒑᑾ ᑭᒋ ᐱᒫᒋᐋᑲᓂᐎᓕᒋ ᐅ ᑭᔑᑳᒥᒃ ᑭ ᑎᐯᓕᒋᑫᒥᓇᐤ ᒋᓴᔅ᙮

ᓂᔓ ᑯᕆᓐᑎᐊᓇ 1:14

ᑖᐱᔅᑯᒡ ᓀᔥᑕ ᐸᔅᑭ ᑳ ᑮ ᐃᑖᒋᒥᔦᒃ, ᓂᓚᓈᓐ ᐁ ᐅ ᒧᒋᑫᓕᑕᒧᐎᓂᔦᒃ, ᒬᒋ ᑖᐱᔅᑯᒡ ᑭᓚᐗᐤ ᐁ ᐅ ᒧᒋᑫᓕᑕᒧᐎᓂᔮᒃ ᐅ ᑭᔑᑳᒥᒃ ᐅᑎᐯᓕᒋᑫᐤ ᒋᓴᔅ᙮

ᓂᔥᑕᒻ ᑌᓴᓗᓂᔭᓇ 5:2

ᐌᓴ ᑭᓚᐗᐤ ᑫᒋᐙᒃ ᒥᑐᓂ ᑭ ᑭᔅᑫᓕᑌᓇᐗᐤ ᐅᑎᐯᓕᒋᑫᐤ ᐅ ᑭᔑᑳᒻ ᑭᒋ ᐃᔑ ᐅᑎᒋᐸᓕᓕᒃ ᑖᐱᔅᑯᒡ ᑭᒧᑎᔉ ᒣᒀᒡ ᐁ ᑎᐱᔅᑳᓕᒃ᙮

ᓂᔥᑕᒻ ᑌᓴᓗᓂᔭᓇ 5:4

ᒫᑲ ᑭᓚᐗᐤ, ᓂᒋᔖᓂᑐᒃ, ᓇᒪᐎᓚ ᑭ ᐗᓂᑎᐱᔅᑭᓯᓇᐗᐤ, ᐊᓂᒪ ᐁ ᑭᔑᑳᒃ ᑖᐱᔅᑯᒡ ᑭᒧᑎᔉ ᑭᒋ ᐊᑎᒥᓀᐅᑯᔦᒃ᙮

ᓂᔓ ᐱᑕᕐ 3:11

ᐁ ᐙᐸᑕᒪᒃ ᒫᑲ ᒥᓯᐌ ᐅᐅ ᑭᒋ ᓂᔑᐗᓈᑕᑭ, ᑫᑯ ᑐᐎ ᐃᓕᓕᐗᒃ ᑫ ᐃᔑᓈᑯᓯᔦᑯᐸᓐ ᒥᓯᐌ ᐸᓓᑭ ᐃᔑᐱᒫᑎᓯᐎᓂᒃ ᓀᔥᑕ ᒪᓂᑐᐙᑎᓯᐎᓂᒃ,

ᓂᔓ ᐱᑕᕐ 3:12

ᐁ ᐊᔕᐙᐸᑕᒬᒃ ᓀᔥᑕ ᐁ ᐯᒋ ᑭᔑᐸᓕᑕᐌᒃ ᑭᒋᒪᓂᑐ ᐅ ᑭᔑᑳᒻ, ᐁᑯᔅᐱ ᑭᔑᑾ ᐁ ᐃᔅᒀᓯᑳᑌᑭ ᑲᑕ ᓂᔑᐗᓇᑕᓋ, ᓀᔥᑕ ᑭᔑᑯᒃ ᑳ ᐊᑯᑎᑭ ᑲᑕ ᑎᑭᑌᐗ ᑫ ᐃᔅᐱᑭ ᑭᔑᑌᒃ᙮

ᓂᔓ ᐱᑕᕐ 3:7

ᒫᑲ ᐊᓂᐃ ᑭᔑᑾ ᓀᔥᑕ ᐊᔅᑭ ᐊᓄᒡ ᑳ ᐃᑕᑾᑭ, ᐁᐗᑯ ᑫᔮᐸᒡ ᐋᔭᒥᐎᓐ ᐅᒋ ᑲᓇᐌᓕᒋᑳᑌᐗ ᑭᒋ ᐃᔅᒀᓯᑳᑌᑭ, ᐹᑎᒫ ᑎᐹᔅᑯᓂᑫᐎ ᑭᔑᑳᑫ, ᓀᔥᑕ ᓂᔑᐗᓈᑎᓯᑡᐌ ᑳ ᒪᒑᑎᓯᒋᒃ ᐃᓕᓕᐗᒃ᙮

ᒎᑦ 1:6

ᐊᓂᑭ ᐁᓐᒐᓚᒃ ᓀᔥᑕ ᐁᑳ ᑳ ᑮ ᑲᓇᐌᓕᑕᑭᒃ ᐅ ᑎᐯᓕᒋᑫᐎᓂᐗᐤ, ᑳ ᑮ ᓇᑲᑕᑭᒃ ᒫᑲ ᑎᐱᓚᐌ ᐅ ᑕᔑᑫᐎᓂᐗᐤ, ᑲᓇᐌᓕᒥᑯᐗᒃ ᐁ ᒫᒫᒋᒀᐱᓱᒋᒃ ᑳᑭᑫ ᐱᐙᐱᔅᑴᐋᐱᐊ ᐃᑕ ᐁ ᐗᓂᑎᐱᔅᑳᓕᒃ ᐱᓕᔥ ᑎᐹᔅᑯᓂᑳᓂᐗᑫ ᑭᒋ ᑭᔑᑳᑫ᙮

ᑭᔅᑫᓕᑖᑯᑖᑫᐎᓐ 16:15

ᒫᑎᑲ, ᑖᐱᔅᑯᒡ ᑭᒧᑎᔉ ᓂ ᑕᑯᔑᓂᓐ᙮ ᔕᐌᓕᑖᑯᓯᐤ ᐊᓇ ᑳ ᐊᔕᐙᐱᑦ, ᓀᔥᑕ ᑳ ᑲᓇᐌᓕᑕᒃ ᐅ ᐎᓛᒋᑲᓇ, ᐁᑳ ᑭᒋ ᒧᔐᔥᑲᑌᑌᑦ, ᓀᔥᑕ ᐙᐸᑕᒥᓕᒋ ᐅ ᓇᓀᐯᐎᓯᐎᓐ᙮

ᑭᔅᑫᓕᑖᑯᑖᑫᐎᓐ 20:11

ᓂ ᑮ ᐙᐸᑌᓐ ᒫᑲ ᑭᒋ ᐙᐱᔅᑭ ᐅᑭᒪᐗᐱᐎᓐ, ᐊᓇ ᓀᔥᑕ ᑳ ᑌᑕᐱᑦ, ᐊᓇ ᐁ ᑲᓇᐙᐸᑕᒃ ᐊᔅᑭ ᓀᔥᑕ ᑭᔑᒃ ᑮ ᐅᔑᒧᒪᑲᓋ; ᓇᒪ ᒫᑲ ᑮ ᒥᔅᑭᑳᑌᐤ ᐃᑕ ᑫ ᐃᑕᑾᑭ᙮

ᑭᔅᑫᓕᑖᑯᑖᑫᐎᓐ 21:1

ᓂ ᑮ ᐙᐸᑌᓐ ᒫᑲ ᐅᔥᑭ ᑭᔑᒃ ᓀᔥᑕ ᐅᔥᑭ ᐊᔅᑭ: ᐌᓴ ᓃᔥᑕᒻ ᑭᔑᒃ ᓀᔥᑕ ᐊᔅᑭ ᑮ ᐌᐱᐸᓕᐗ; ᓇᒪ ᓀᔥᑕ ᑫᔮᐸᒡ ᑮ ᐃᑕᑾᓐ ᑭᒋᑲᒥ᙮

ᑭᔅᑫᓕᑖᑯᑖᑫᐎᓐ 3:3

ᑭᔅᑭᓯ ᒫᑲ ᑳ ᑭ ᐃᔑ ᐅᑎᓇᒪᓐ ᓀᔥᑕ ᐯᑕᒪᓐ, ᒪᔥᑲᐎ ᒥᒋᒥᓇ ᒫᑲ ᓀᔥᑕ ᒥᒋᓚᐌᔦᓕᑕ᙮ ᑭᔥᐱᓐ ᒫᑲ ᐁᑳ ᐊᔕᐙᐱᔭᓀ, ᑭ ᑳ ᐯᒋ ᓈᑎᑎᓐ ᑖᐱᔅᑯᒡ ᑭᒧᑎᔉ, ᓇᒪᐎᓚ ᒫᑲ ᑭ ᑳ ᑭᔅᑫᓕᑌᓐ ᑫᑯ ᑎᐹᔨᑲᓂᒃ ᐃᔅᐱ ᑫ ᐯᒋ ᓈᑎᑖᓐ᙮

ᑭᔅᑫᓕᑖᑯᑖᑫᐎᓐ 6:14

ᑭᔑᒃ ᒫᑲ ᑮ ᑭᑐᑌᐸᓕᐤ ᑖᐱᔅᑯᒡ ᑎᑎᐯᑭᓂᑲᓐ ᐃᔅᐱ ᒥᐋᒪᐎᑎᑎᐃᓂᑳᑌᑭ; ᓀᔥᑕ ᒥᓯᐌ ᑕᑐ ᐗᒋ ᓀᔥᑕ ᒥᓂᔅᑎᒃ ᑮ ᐋᔮᒋᐸᓕᑖᓂᐗᓐ ᐃᑕ ᑳ ᑮ ᐃᑕᔅᑌᑭ ᐅᒋ᙮