ᓂᔓ ᐱᑕᕐ 2:3 - ᐅᔅᑭ ᑎᔅᑌᒥᓐᑦ

³ ᓀᔥᑕ ᒧᔅᑌᓇᒫᑫᐎᓂᒃ, ᐁ ᑲᑳᔦᓕᓯᐎ ᐊᔭᒥᒋᒃ, ᑭ ᑳ ᐊᑖᐌᑐᑖᑯᐗᐗᒃ: ᐅ ᑎᐹᔅᑯᓂᑯᓯᐎᓂᐗᐤ ᑳᔮᔥ ᐅᒋ ᐁᑳ ᐁ ᑆᔅᑕᐎᐸᓕᓕᐤ, ᓀᔥᑕ ᐅ ᓂᔑᐗᓈᒋᐃᑯᓯᐎᓂᐗᐤ ᐁᑳ ᐁ ᓂᐹᒪᑲᓂᓕᒃ᙮

ᓂᔓ ᐱᑕᕐ 2:3 Iomraidhean Croise

ᐅᐸᓓᑭᔅ ᒫᑎᐤ 23:14

ᑭ ᑳ ᑲᒀᑕᑫᓯᓇᐗᐤ, ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑲᓱᑐᒃ! ᐌᓴ ᑭ ᒣᔅᑎᓇᒸᓈᐗᐤ ᑭᑎᒪᑭᔅᑴᐗᒃ ᐎᑭᐙᐗ, ᓀᔥᑕ ᐙᔦᔑᐃᐌᐎᓂᒃ ᑭ ᑭᓄᑖᓇᐗᐤ ᑭᑦ ᐋᔭᒥᐋᐎᓂᐗᐗ: ᐁᐗᑯ ᐅᒋ ᑭ ᑳ ᐋᔮᓇᐗᐤ ᐊᐙᓯᑌ ᓂᔑᐗᓈᒋᒥᑯᓯᐎᓂᓕᐤ᙮

ᐅᐸᓓᑭᔅ ᓘᒃ 18:8

ᑭ ᐎᑕᒫᑎᓇᐗᐤ, ᑲᑕ ᑭᓕᐱ ᐎᑾᒋᐁᐤ᙮ ᐁᓕᐌᒃ ᒫᑲ, ᐃᔅᐱ ᐯᒋ ᐃᑐᑌᑌ ᐃᓕᓕᐎᑯᓯᓵᓐ, ᑲᑕ ᒥᔅᑲᒻ ᓈ ᑖᐺᔦᓕᑕᒧᐎᓂᓕᐤ ᐅᑕ ᐊᔅᑮᒃ?

ᐅᐸᓓᑭᔅ ᓘᒃ 20:20

ᑮ ᓈᓈᑲᒋᐁᐗᒃ ᒫᑲ, ᓀᔥᑕ ᑮ ᐃᔑᑎᔕᐌᐗᒃ ᐅᓈᓈᑲᒋᐃᐌᐗ, ᑭᒋ ᒀᔭᔅᑭᑎᑳᓱᓕᒋ ᐃᓕᓕᐗ, ᑭᒋ ᑳᒋᑎᓇᒸᓕᒋ ᐅᑦ ᐋᔭᒥᐎᓂᓕᐗ, ᑭᒋ ᐅᒋ ᐸᑭᑎᓈᒋᒃ ᐅ ᑲᔥᑭᐅᐎᓂᓕᒃ ᓀᔥᑕ ᐅ ᑎᐯᓕᒋᑫᐎᓂᓕᒃ ᐅᑭᒪᐗ᙮

ᐅᐸᓓᑭᔅ ᓘᒃ 22:47

ᒣᒀᒡ ᒫᑲ ᑫᔮᐸᒡ ᐁ ᐋᔭᒥᑦ, ᒫᑎᑲ, ᒥᔮᒪᐎᒥᒉᑎᒋᒃ ᐃᓕᓕᐗᒃ, ᐊᓇ ᓀᔥᑕ ᒎᑕᔅ ᑳ ᐃᔑᓂᑳᓱᑦ, ᐯᔭᒃ ᐊᓂᑭ ᓂᔓᔖᑉ, ᐁ ᓂᑳᓄᑕᐙᑦ, ᑮ ᐊᑎ ᐯᔣᐸᒣᐤ ᒫᑲ ᒋᓴᓴ ᑭᒋ ᐅᒉᒫᑦ᙮

ᐅᐸᓓᑭᔅ ᒑᓐ 2:16

ᑮ ᐃᑌᐤ ᒫᑲ ᐊᓂᐃ ᑳ ᐊᑖᐙᑫᓕᒋ ᐅᒥᒥᐗ, ᐅᑎᓇᒧᒃ ᐅᐅ ᐅᑕ ᐅᒋ; ᐁᑳᐎᓚ ᐊᑖᐌᐎᑲᒥᑯᑳᑕᒸᒃ ᓄᑖᐎ ᐅ ᐙᔅᑳᔨᑲᓂᒻ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:18

ᐌᓴ ᐁᐗᒀᓂᑭ ᑐᐎᑳᓇᒃ ᐁᑳ ᑳ ᐊᑑᔅᑫᔅᑕᐙᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ, ᒫᑲ ᑎᐱᓚᐌ ᐙᑖᐗᐤ; ᓀᔥᑕ ᐁ ᒥᓗᐋᔭᒥᒋᒃ ᓀᔥᑕ ᐁ ᓱᔅᒀᒋ ᐋᔭᒥᒋᒃ ᑳ ᐙᔦᔑᑕᒸᒋᒃ ᐅᑌᐃᓕᐗ ᐊᓂᐃ ᐁᑳ ᑳ ᓕᑆᑳᓂᒋ᙮

ᓂᔓ ᑯᕆᓐᑎᐊᓇ 2:17

ᐌᓴ ᓂᓚᓈᓐ ᓇᒪᐎᓚ ᑖᐱᔅᑯᒡ ᒥᒉᑦ ᑳ ᒪᒋ ᐋᐸᒋᑕᐙᒋᒃ ᑭᒋᒪᓂᑐᐗ ᐅᑦ ᐗᔭᒥᐎᓂᓕᐤ: ᒫᑲ ᒀᔭᔉ ᐃᑌᓕᑕᒧᐎᓂᒃ, ᒫᑲ ᑖᐱᔅᑯᒡ ᑭᒋᒪᓂᑐ ᐅᒋ, ᐁ ᑲᓇᐙᐸᒥᔭᒥᑦ ᑭᒋᒪᓂᑐ, ᓂᑦ ᐋᔭᒥᓈᓐ ᙭ᑎᒃ᙮

ᓂᔥᑕᒻ ᑌᓴᓗᓂᔭᓇ 2:5

ᐌᓴ ᐊᐳᒋᑲ ᓇᒪᐎᔅᑳᑦ ᓂ ᑮ ᐋᐸᒋᑖᓈᓐ ᓱᔅᒀᒋ ᐋᔭᒥᐎᓇ, ᐁ ᐃᔑ ᑭᔅᑫᓕᑕᒣᒃ, ᓇᒪ ᓀᔥᑕ ᒧᔅᑌᓇᒪᑫᐎᓂ ᐊᑾᓂᐎᓐ; ᑭᒋᒪᓂᑐ ᑭᔅᑫᓕᑕᒻ:

ᓂᔥᑕᒻ ᑌᓴᓗᓂᔭᓇ 5:3

ᐌᓴ ᐃᔅᐱ ᐃᑗᑡᐌ, ᑳᔭᒣᓕᑕᒧᐎᓐ ᓀᔥᑕ ᐱᒫᒋᐅᐎᓐ: ᐁᑯ ᑫᑕᑕᐌ ᐌᑎᑎᑯᒋᒃ ᓂᔑᐗᓈᑎᓯᐎᓂᓕᐤ, ᑖᐱᔅᑯᒡ ᐃᔅᑴᐤ ᐁ ᐎ ᐙᐸᒪᐗᓱᑦ ᐁ ᐅᑎᑎᑯᑦ ᐎᓴᑫᓕᑕᒧᐎᓂᓕᐤ; ᓇᒪᐎᓚ ᒫᑲ ᑲᑕ ᐅᔑᒧᐗᒃ᙮

ᓂᔥᑕᒻ ᑎᒧᑎ 3:3

ᐁᑳ ᐁ ᐅᓵᒥᓂᑴᑦ ᔓᒥᓈᐳᓕᐤ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ; ᒫᑲ ᐁ ᔑᐱᓚᐌᓯᑦ, ᐁᑳ ᐁ ᒀᓗᑐᑖᑫᑦ, ᐁᑳ ᐁ ᒧᔅᑌᓇᒫᑫᑦ;

ᓂᔥᑕᒻ ᑎᒧᑎ 3:8

ᑖᐱᔅᑯᒡ ᓀᔥᑕ ᑫᒋᓈᔥ ᐋᔭᒥᐁᐎᑭᒪᐗᒃ ᑲᑕ ᓕᑆᑲᐗᒃ, ᐁᑳ ᐁ ᓂᔓᑌᓕᓕᒋᒃ, ᐁᑳ ᒥᔅᑕᐃ ᐁ ᒥᓂᑴᒋᒃ ᔓᒥᓈᐳᓕᐤ, ᐁᑳ ᐁ ᓵᑭᐋᒋᒃ ᔔᓕᐋᓇ;

ᓂᔥᑕᒻ ᑎᒧᑎ 6:5

ᐃᓕᓕᐗᒃ ᐁ ᒪᒋᑡᒪᑲᓂᓕᑭ ᐅ ᒥᑐᓀᓕᒋᑲᓂᐗᐗ ᐁ ᒪᒋ ᐋᔑᑌᒥᑐᒋᒃ, ᐁᑳ ᓀᔥᑕ ᐁ ᐋᔮᒋᒃ ᑖᐺᐎᓂᓕᐤ, ᐅᑎᓯᐎᓐ ᐁᐗᑯ ᒪᓂᑐᐙᑎᓯᐎᓐ ᐁ ᐃᑌᓕᑕᑭᒃ: ᐁᑯ ᑐᐎ ᓇᑲᔑᒃ᙮

ᑕᐃᑕᔅ 1:11

ᐅᑐᓂᐗᐗ ᑫ ᑭᐸᐃᑲᑌᓕᑭ, ᑳ ᑴᑎᐱᓇᑭᒃ ᑳ ᒥᓯᐌᔮᑭ ᐙᔅᑳᔨᑲᓇ, ᐁ ᑭᔅᑭᓄᐊᒫᑫᒋᒃ ᑫᒀᓇ ᐁᑳ ᑫ ᑮ ᑭᔅᑭᓄᐊᒫᑫᐙᔅᐸᓐ, ᒪᒋ ᐅᑎᓯᐎᓐ ᐅᒋ᙮

ᑕᐃᑕᔅ 1:7

ᐌᓴ ᑭᒋᐋᔭᒥᐁᐎᑭᒪᐤ ᑲᑕ ᒥᓗᐃᑌᓕᑖᑯᓯᐤ, ᑖᐱᔅᑯᒡ ᐅ ᑲᓇᐌᓕᑎᓛᑲᓇ ᑭᒋᒪᓂᑐ: ᐁᑳ ᐁ ᐯᔭᑯᑴᓕᒥᑎᓱᑦ, ᐁᑳ ᐎᐸᒡ ᐁ ᑭᓯᐙᓯᑦ, ᐁᑳ ᐁ ᐅᓵᒥᓂᑴᑦ ᔓᒥᓈᐳ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ;

ᓂᔥᑕᒻ ᐱᑕᕐ 2:8

ᓀᔥᑕ ᐯᓱᔑᓄᐎ ᐊᓯᓂ, ᓀᔥᑕ ᓈᔦᑕᐌᓕᑕᒧᐎ ᑭᔅᑖᐱᔉ ᐊᓂᑭ ᐅᒋ ᑳ ᐱᓱᔅᑲᐊᑭᒃ ᐋᔭᒥᐎᓂᓕᐤ, ᐁ ᔑᐱᑕᑭᒃ; ᐃᑕ ᓀᔥᑕ ᑳ ᑮ ᐃᔑ ᐃᑕᑭᒫᑲᓂᐎᒋᒃ᙮

ᓂᔥᑕᒻ ᐱᑕᕐ 5:2

ᐊᔕᒥᑯᒃ ᐅ ᒫᓂᔥᒑᓂᔑᒪ ᑭᒋᒪᓂᑐ ᑳ ᐎᒉᐎᑖᑾᒃ, ᐁ ᓈᓈᑲᑕᐙᐸᒣᑾᒃ, ᓇᒪᐎᓚ ᐱᑯ ᐁ ᔑᑭᒥᑲᐎᔦᒃ ᐅᒋ, ᒫᑲ ᐁ ᒥᓜᓕᑕᒣᒃ; ᓇᒪᐎᓚ ᒪᒋ ᐅᑎᓯᐎᓐ ᐅᒋ ᐋᔦᔅᑲᐎᓯᐎ ᒥᑐᓀᓕᒋᑲᓂᒃ:

ᓂᔓ ᐱᑕᕐ 1:16

ᐌᓴ ᓇᒪᐎᓚ ᓂ ᑮ ᓄᔅᐱᓇᑌᓈᓐ ᑳ ᒥᓗᑖᑯᑕᓂᐗᑭ ᐋᑕᓗᑳᓇ, ᐃᔅᐱ ᑫᔅᑫᓕᑕᒥᐃᑖᑾᒃ ᐅ ᑲᔥᑭᐅᐎᓐ ᓀᔥᑕ ᐅ ᑕᑯᔑᓂᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᒫᑲ ᓂ ᑮ ᐙᐸᑕᒸᓈᓐ ᐅ ᑭᒋᐅᑭᒫᐌᓕᑖᑯᓯᐎᓐ᙮

ᓂᔓ ᐱᑕᕐ 2:1

ᒫᑲ ᑮ ᐃᑖᐗᒃ ᓇᔅᐹᒋ ᐅᑭᔅᑭᐙᐃᑫᐗᒃ ᒣᑴᔭᔥ ᐃᓕᓕᐗ, ᑖᐱᔅᑯᒡ ᓀᔥᑕ ᑫ ᐃᔑ ᐃᑖᒋᒃ ᓇᔅᐹᒋ ᐅᑭᔅᑭᓄᐊᒫᑫᐗᒃ ᒣᑴᔭᔥ ᑭᓚᐗᐤ, ᑭᒧᒡ ᑫ ᐱᑐᑲᑖᒋᒃ ᑳ ᓂᔑᐗᓈᒋᐃᐌᒪᑲᑭ ᓇᔅᐹᒡ ᑭᔅᑭᓄᐊᒫᑫᐎᓐ, ᐋᐳᒋᑲ ᐁ ᐋᓉᑕᐙᒋᒃ ᐅᑎᐯᓕᒋᑫᐗ ᑳ ᑮ ᑎᐸᐊᒫᑫᔅᑕᒫᑯᒋᒃ, ᓀᔥᑕ ᑫ ᑲᔥᑭᑕᒫᓱᒋᒃ ᐁ ᑭᔑᐸᓕᓕᒃ ᓂᔑᐗᓈᑎᓯᐎᓂᓕᐤ᙮

ᓂᔓ ᐱᑕᕐ 2:9

ᐅᑎᐯᓕᒋᑫᐤ ᑭᔅᑫᓕᑕᒻ ᑫ ᐃᔑ ᐃᑖᒋᒃ ᐎᑾᒋᐋᑦ ᑳ ᒪᓂᑐᐙᑎᓯᓕᒋ ᑲᑴᒋᐃᐌᐎᓂᒃ ᐅᒋ, ᓀᔥᑕ ᑭᒋ ᐊᓛᑦ ᐁᑳ ᑳ ᒀᔭᔅᑭᑎᓕᒋ ᑲᒀᑕᑭᐃᑯᓯᐎᓂᒃ ᐱᓕᔥ ᑎᐹᔅᑯᓂᑫᐎ ᑭᔑᑳᓕᑫ:

ᒎᑦ 1:11

ᑲᒀᑕᑭᓯᐗᒃ! ᐌᓴ ᑮ ᐱᒧᑌᐗᒃ ᐅ ᒣᔅᑲᓈᓕᒃ ᑫᓇ, ᓀᔥᑕ ᑮ ᐱᒥᐸᑕᐗᒃ ᐅ ᐗᓂᔑᓄᐎᓂᓕᒃ ᐯᓚᒪ ᑭᒋ ᐅᑎᓯᒋᒃ, ᑮ ᓂᔑᐗᓈᑎᓯᐗᒃ ᒫᑲ ᐅᑦ ᐋᓉᑕᒧᐎᓂᓕᒃ ᑯᕋᐊ᙮

ᒎᑦ 1:15

ᑭᒋ ᑎᐹᔅᑯᓈᑦ ᒥᓯᐌ, ᓀᔥᑕ ᑭᒋ ᔖᑯᒋᒫᑦ ᒥᓯᐌ ᐁ ᐃᑕᓯᓕᒋ ᑳ ᒪᒑᑎᓯᓕᒋ, ᒥᓯᐌ ᐅᑦ ᐃᓯᒋᑫᐎᓂᓕᐗ ᑳ ᒪᒑᑎᓯᒪᑲᓂᓕᑭ ᑳ ᑮ ᒪᒑᑎᓯᐎ ᑐᑕᒥᓕᒋ, ᓀᔥᑕ ᒥᓯᐌ ᑳ ᐋᓕᒪᓂᓕᑭ ᐅᑦ ᐋᔭᒥᐎᓂᓕᐗ ᑳ ᒪᒑᑎᓯᓕᒋ ᐅᒪᒋᑣᐗ ᑳ ᑮ ᐸᑾᓄᒥᑯᑦ᙮

ᒎᑦ 1:16

ᐅᑯ ᐁᐗᒀᓂᑭ ᐅᒥᑕᐌᔅᑲᒃ, ᐅᑕᑖᒥᒥᐌᔅᑲᒃ, ᐁ ᓄᔅᐱᓇᑕᑭᒃ ᑎᐱᓚᐌ ᐅ ᒪᒋ ᓇᑕᐌᓕᑕᒧᐎᓂᐙᐗ; ᐅᑐᓂᐗᐗ ᒫᑲ ᐋᔭᒥᒪᑲᓂᓕᐗ ᑭᒋ ᑭᔅᑌᓕᒧᐎ ᐋᔭᒥᐎᓇ, ᐁ ᒥᓨᐸᒫᒋᒃ ᐃᓕᓕᐗ ᐁ ᐃᔑᓈᑯᓯᓕᒋ ᑭᒋ ᐅᒋ ᐅᑎᓯᒋᒃ᙮

ᒎᑦ 1:4

ᐌᓴ ᐋᑎᑦ ᐃᓕᓕᐗᒃ ᑭᒧᒡ ᑮ ᐱᑐᑫᑖᒋᒧᐗᒃ, ᐌᔅᑲᒡ ᑳ ᑮ ᐅᓚᑭᒫᑲᓂᐎᒋᒃ ᑭᒋ ᐋᔮᒋᒃ ᐅᒣᓕᐤ ᓂᔑᐗᓈᒋᒥᐌᐎᓂᓕᐤ; ᑳ ᒪᒋᑣᒋᒃ ᐃᓕᓕᐗᒃ, ᐁ ᑴᔅᑭᓇᒸᒋᒃ ᑭ ᑭᒋᒪᓂᑐᒥᓇᐗ ᐅ ᔕᐌᓕᒋᑫᐎᓂᓕᐤ ᑮᔥᑴᐙᑎᓯᐎᓂᒃ ᐃᔑ, ᓀᔥᑕ ᐁ ᐋᓉᑕᐙᒋᒃ ᐱᔦᔭᑯᓕᒋ ᐅᑎᐯᓕᒋᑫᐗ ᑭᒋᒪᓂᑐᐗ, ᓀᔥᑕ ᑭ ᑎᐯᓕᒋᑫᒥᓇᐗ ᒋᓴᔅ ᙭᙮

ᒎᑦ 1:7

ᑖᐱᔅᑯᒡ ᓴᑕᒻ ᓀᔥᑕ ᑯᒪᕋ, ᓀᔥᑕ ᐊᓂᐃ ᐃᑖᐎᓇ ᐙᔅᑲ ᑖᐱᔅᑯᒡ ᐃᔑ, ᐁ ᐸᑭᑎᓂᑎᓱᒋᒃ ᐱᔑᒀᑎᓯᐎᓂᒃ, ᐁ ᓈᓇᑕᐌᓕᑕᑭᒃ ᐋᔭᒡ ᐎᔮᓯᓕᐤ, ᐸᑭᑎᓇᐗᒃ ᑭᒋ ᑭᔅᑭᓄᐙᐸᒫᑲᓂᐎᒋᒃ, ᐁ ᑎᐸᒪᒋᑖᒋᒃ ᑲᒀᑕᑭᓯᐎᓂᓕᐤ ᑳᑭᑫ ᐃᔥᑯᑌᒃ᙮