ᓂᔓ ᐱᑕᕐ 2:20 - ᐅᔅᑭ ᑎᔅᑌᒥᓐᑦ

²⁰ ᐌᓴ ᑮᔥᐱᓐ, ᐃᔅᐱ ᑮ ᐅᔑᑕᑭᒃ ᐎᓕᐱᓯᐎᓇ ᐊᔅᑮᒃ ᑳ ᐃᑕᑾᓂᓕᑭ, ᐁ ᐃᔑ ᑭᔅᑫᓕᒫᒋᒃ ᑭ ᑎᐯᓕᒋᑫᒥᓇᐗ ᓀᔥᑕ ᑭ ᐱᒫᒋᐃᐌᒥᓇᐗ ᒋᓴᔅ ᙭ᑕ, ᒥᓇ ᒫᑲ ᐁᑯᑕ ᐃᔑ ᓇᑾᓱᑡᐌ, ᓀᔥᑕ ᔖᑯᒋᐋᑲᓂᐎᑡᐌ, ᐃᔥᒀᔮᒡ ᒫᑲ ᐅᑦ ᐃᔑ ᐋᔭᐎᓇᐗᐤ ᐊᐙᓯᑌ ᒫᓛᑕᓂᓕᐤ ᐃᔥᐱᔥ ᓂᔥᑕᒻ᙮

ᓂᔓ ᐱᑕᕐ 2:20 Iomraidhean Croise

ᐱᓕᐱᔭᓇ 3:19

ᑫ ᐊᑎ ᓂᔑᐗᓈᑎᓯᒋᒃ, ᑳ ᐅ ᒪᓂᑐᒥᒋᒃ ᐗᑕᐗᐤ, ᑳ ᐅᒋ ᒫᒪᑖᑯᒧᒋᒃ ᐊᓂᐃ ᑫ ᐅᒋ ᓇᓀᐯᐎᓯᐙᔅᐸᓐ, ᑳ ᒫᒥᑐᓀᓕᑕᑭᒃ ᐊᔅᑭᐎ ᑫᒀᓇ᙮

ᓂᔓ ᑎᒧᑎ 2:4

ᓇᒪᐎᓚ ᐊᐌᓇ ᑳ ᓄᑎᓂᑫᑦ ᓴᑭᒋᓂᑎᓱ ᐁ ᐃᔑ ᐋᔭᐱᑎᓯᓈᓂᐗᒃ ᐊᓄᒡ ᐁ ᐱᒫᑎᓯᓈᓂᐗᒃ; ᑭᒋ ᓇᐃᓚᐌᐋᑦ ᐊᓂᐃ ᑳ ᑮ ᐙᐌᓛᐸᒥᑯᑦ ᑭᒋ ᐅᓄᑎᓂᑫᐎᑦ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:27

ᐊᓂᒪ ᐋᔭᒥᐋᐎᓐ ᑳ ᐃᑌᓕᑕᒃ ᑭᒋᒪᓂᑐ ᐌᐅᑖᐎᒫᐎᑦ ᐁ ᒀᔭᔅᑾᓂᓕᒃ ᓀᔥᑕ ᐸᓓᑲᓂᓕᒃ, ᐁᐗᑯ ᐅᒪ, ᐊᐌᓇ ᑭᒋ ᒪᐗᑎᑖᑦ ᐁᑳ ᑳ ᐅᑖᐎᓕᒋ ᓀᔥᑕ ᐃᔅᑴᐗ ᑳ ᓂᐱᓕᒋ ᐅ ᓈᐯᒥᓕᐗ ᐅᑦ ᐊᓕᒥᓯᐎᓂᓕᒃ, ᓀᔥᑕ ᑭᒋ ᑲᓇᐌᓕᒥᑎᓱᑦ ᐁᑳ ᒥᑐᓂ ᑭᒋ ᐎᓕᐱᐃᑯᑦ ᐊᔅᑭᓕᐤ᙮

ᓂᔓ ᐱᑕᕐ 1:11

ᐌᓴ ᐁᑯ ᑫ ᐃᔑ ᐌᓗᒋ ᐹᔅᑭᑌᓇᒫᑲᐎᔦᒃ ᐅ ᑳᑭᑫ ᐅᑭᒪᐎᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭᙮

ᓂᔓ ᐱᑕᕐ 1:2

ᔕᐌᓕᒋᑫᐎᓐ ᓀᔥᑕ ᑳᔮᒣᓕᑕᒧᐎᓐ ᑭ ᑳ ᐎ ᓚᑭᑕᒫᑲᐎᓇᐗᐤ, ᐁ ᐅᒋ ᑭᔅᑫᓕᒣᒃ ᑭᒋᒪᓂᑐ, ᓀᔥᑕ ᒋᓴᔅ ᑭ ᑎᐯᓕᒋᑫᒥᓇᐤ᙮

ᓂᔓ ᐱᑕᕐ 1:3

ᑳ ᐃᑕᔅᑌᓕᒃ ᐅ ᒪᓂᑐᐎ ᑲᔥᑭᐅᐎᓐ, ᑳ ᑮ ᐃᔑ ᒥᓕᑯᐗᒃ ᒥᓯᐌ ᑫᒀᓇ ᐱᒫᑎᓯᐎᓂᒃ ᓀᔥᑕ ᒪᓂᑐᐙᑎᓯᐎᓂᒃ ᑳ ᑎᐯᓕᑖᑾᑭ, ᐅ ᑭᔅᑫᓕᑕᒧᐎᓂᒃ ᐅᒋ ᐊᓇ ᑳ ᑮ ᓇᑐᒥᑕᒃ ᑭᔅᑌᓕᑖᑯᓯᐎᓂᒃ ᓀᔥᑕ ᒥᓨᑎᓯᐎᓂᒃ:

ᓂᔓ ᐱᑕᕐ 1:4

ᐊᓂᒪ ᑳ ᐅᒋ ᒥᓕᑲᐎᔭᒃ ᓈᔅᐱᒡ ᑭᒋ ᓀᔥᑕ ᑫᔅᑕᑭᑖᑾᑭ ᐊᔓᑕᒫᑫᐎᓇ; ᐅᐅ ᑭᒋ ᐅᒋ ᐎᒋᐅᑎᓇᒧᒥᐌᔦᒃ ᒪᓂᑐᐎ ᐃᑖᑎᓯᐎᓐ, ᐁ ᑮ ᐅᔑᑕᒣᒃ ᐊᓂᒪ ᓂᔑᐗᓈᑎᓯᐎᓐ ᑳ ᐃᑕᑾᒃ ᐊᔅᑮᒃ ᒪᒋ ᓇᑕᐌᓕᑕᒧᐎᓐ ᐅᒋ᙮

ᓂᔓ ᐱᑕᕐ 1:8

ᐌᓴ ᑮᔥᐱᓐ ᐅᐅ ᐱᒋᔅᑳᑯᔦᒃ, ᓀᔥᑕ ᒥᒉᑎᒃ, ᑭᑦ ᐃᑐᑖᑯᓇᐗᐤ ᐁᑳ ᑭᒋ ᑭᑎᒥᔦᒃ ᐁᑳ ᓀᔥᑕ ᑭᒋ ᐁᑳᒥᓂᔑᐎᔦᒃ ᑭᒋ ᑭᔅᑫᓕᒣᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᓂᔓ ᐱᑕᕐ 2:18

ᐌᓴ ᐃᔅᐱ ᐋᔭᒥᒋᒃ ᑭᒋ ᑭᔅᑌᓕᒥᑎᓱᐎ ᐋᔭᒥᐎᓇ, ᐙᔦᔑᒣᐗᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᐎᔮᓯᐎᓐ ᐅᒋ, ᒥᔅᑕᐃ ᐎᓂᓯᐎ ᐃᑌᓕᑕᒧᐎᓐ ᐅᒋ, ᐊᓂᐃ ᐊᑳᐙᒡ ᑳ ᑮ ᐅᔑᒫᓕᒋ ᐊᓂᐃ ᐗᓀᓕᑕᒧᐎᓂᒃ ᑳ ᐱᒫᑎᓯᓕᒋ᙮

ᓂᔓ ᐱᑕᕐ 3:18

ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮