ᓂᔓ ᐱᑕᕐ 2:2 - ᐅᔅᑭ ᑎᔅᑌᒥᓐᑦ

² ᒥᒉᑦ ᒫᑲ ᑲᑕ ᓇᔅᐱᑕᒬᐗᒃ ᐅ ᒪᒋ ᐃᔑᑡᐎᓂᓕᐗ; ᐅᑯ ᐅᒋ ᒫᑲ ᑖᐺᐎᓂ ᐃᔑᑡᐎᓐ ᑕ ᒪᒋ ᐋᓕᒧᒋᑳᑌᐤ᙮

ᓂᔓ ᐱᑕᕐ 2:2 Iomraidhean Croise

ᐅᐸᓓᑭᔅ ᒫᑎᐤ 22:16

ᑮ ᐃᔑᑎᔕᐊᒪᐌᐗᒃ ᒫᑲ ᐅ ᑭᔅᑭᓄᐊᒪᐙᑲᓂᐙᐗ ᐊᓯᒋ ᐦᐁᕈᑎᔭᓇ, ᐁ ᐃᑗᓕᒋ, ᐅᑭᔅᑭᓄᐊᒫᑫᐤ, ᓂ ᑭᔅᑫᓕᑌᓈᓐ ᐁ ᑖᐺᔭᓐ, ᓀᔥᑕ ᐁ ᑭᔅᑭᓄᐊᒫᑫᐗᑦ ᑭᒋᒪᓂᑐ ᐅᑦ ᐃᔑᑣᐎᓐ ᑖᐺᐎᓂᒃ, ᐁᑳ ᓀᔥᑕ ᐊᐌᓇ ᐁ ᑯᔅᑕᑦ; ᐌᓴ ᓇᒪᐎᓚ ᑮ ᐱᓯᔅᑫᓕᑕᒸᓐ ᐃᓕᓕᐗᒃ ᐁ ᐃᔑᓈᑯᓯᒋᒃ᙮

ᐅᐸᓓᑭᔅ ᒫᑎᐤ 24:24

ᐌᓴ ᑲᑕ ᐃᑖᐗᒃ ᓇᔅᐹᒡ ᙭ᑕᒃ, ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ, ᑲᑕ ᐙᐸᑎᓕᐌᐗᒃ ᒫᑲ ᑭᒋ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ: ᑫ ᐅᒋ ᐙᔦᔑᐋᒋᒃ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᐅᐸᓓᑭᔅ ᒫᑎᐤ 7:14

ᐌᓴ ᔖᑲᐗᐤ ᐃᔥᒀᑌᒻ, ᓀᔥᑕ ᔖᑲᐗᒧ ᒣᔅᑲᓇᐤ ᐱᒫᑎᓯᐎᓂᒃ ᑳ ᐃᑕᒧᒃ, ᒐᑲᐙᔑᔑᐗᒃ ᒫᑲ ᑳ ᒥᔅᑲᑭᒃ᙮

ᐅᐸᓓᑭᔅ ᒫᕐᒃ 12:14

ᐃᔅᐱ ᒫᑲ ᑌᑯᔑᑭᒃ, ᑮ ᐃᑌᐗᒃ, ᑫᔅᑭᓄᐊᒫᑫᔭᓐ, ᓂ ᑭᔅᑫᓕᑌᓈᓐ ᐁ ᑖᐺᔭᓐ, ᐁᑳ ᓀᔥᑕ ᐊᐌᓇ ᐁ ᑯᔅᑕᑦ; ᐌᓴ ᓇᒪᐎᓚ ᑮ ᐱᓯᔅᑫᓕᑕᒸᓐ ᐃᓕᓕᐗᒃ ᐁ ᐃᔑᓈᑯᓯᒋᒃ, ᒫᑲ ᐁ ᑭᔅᑭᓄᐊᒫᑫᐗᑦ ᑭᒋᒪᓂᑐ ᐅᑦ ᐃᔑᑣᐎᓐ ᑖᐺᐎᓂᒃ: ᐅᓚᔓᐌᓕᑖᑾᓐ ᓈ ᑭᒋ ᒪᓛᑲᓂᐎᑦ ᓯᓴᕐ ᑎᐯᓕᒋᑫᐎ ᔔᓕᐋᓇ, ᓀᔥᑕᐱᑯ ᐁᑳ?

ᐅᐸᓓᑭᔅ ᒫᕐᒃ 13:22

ᐌᓴ ᓇᔅᐹᒡ ᙭ᑕᒃ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ ᑲᑕ ᐃᑖᐗᒃ, ᓀᔥᑕ ᑲᑕ ᐙᐸᑎᓕᐌᐗᒃ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ, ᑫ ᐅᒋ ᐙᔦᔑᐋᒋᒃ ᐋᐳᒋᑲ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐊᐸᔅᑕᓚᒃ 13:10

ᓀᔥᑕ ᑮ ᐃᑌᐤ, ᐆ ᑳ ᓵᑲᔅᑭᓀᔅᑳᑯᔭᓐ ᒥᓯᐌ ᑲᑳᔦᓕᓯᐎᓐ ᓀᔥᑕ ᒥᓯᐌ ᑭᔥᑴᐋᑎᓯᐎᓐ, ᑭᓚ ᑳ ᐅᑦ ᐊᐙᔑᒥᔑᒥᔉ ᒪᒋᒪᓂᑐ, ᑭᓚ ᑳ ᐎ ᓇᑎᓇᒪᓐ ᒥᓯᐌ ᒀᔭᔅᑭᑖᑎᓯᐎᓐ; ᓇᒪ ᓈ ᑭ ᑳ ᐳᓂᑖᓐ ᐁ ᓂᔑᐗᓈᒋᑖᐗᑦ ᐅ ᒀᔭᔉ ᐃᔑᑣᐎᓇ ᐅᑎᐯᓕᒋᑫᐤ?

ᐊᐸᔅᑕᓚᒃ 14:2

ᒫᑲ ᐊᓂᑭ ᒎᐗᒃ ᐁᑳ ᑳ ᑖᐺᑕᑭᒃ ᑮ ᒥᑯᔅᑳᒋᐁᐗᒃ ᒉᓐᑖᐃᓚ, ᓀᔥᑕ ᑮ ᑐᑕᐌᐗᒃ ᑭᒋ ᒪᒋ ᒫᒥᑐᓀᓕᒫᒋᒃ ᐊᓂᐃ ᑳ ᐎᒋᔖᓂᑐᓕᑭ᙮

ᐊᐸᔅᑕᓚᒃ 16:17

ᐊᐗ ᒫᑲ ᑮ ᓄᓱᓀᐌᐤ ᐹᓚ ᓀᔥᑕ ᓂᓚᓈᓐ, ᐁ ᑌᐺᑦ ᒫᑲ, ᐁ ᐃᑗᑦ ᐅᑯ ᐃᓕᓕᐗᒃ ᐅᑦ ᐊᑐᔅᑫᓚᑲᓂᒥᑯᐗᒃ ᒫᐗᒡ ᑳ ᑭᔅᑎᓯᓕᒋ ᑭᒋᒪᓂᑐᐗ ᑳ ᐙᐸᑎᓕᑕᑾᒃ ᐱᒫᒋᐃᐌᐎᓂ ᒣᔅᑲᓇᐤ᙮

ᐊᐸᔅᑕᓚᒃ 18:26

ᑮ ᒫᒋ ᓱᑭᑌᐁᐎ ᐋᔭᒥᐤ ᒫᑲ ᐋᔭᒥᐁᐎᑲᒥᑯᒃ: ᐊᓇ ᐃᔅᐱ ᐊᓂᐃ ᐊᑶᓚ ᓀᔥᑕ ᑉᕆᓯᓚ ᑳ ᑮ ᐯᑖᑯᑦ, ᑮ ᐅᑎᓂᑯ, ᓀᔥᑕ ᐊᐙᓯᑌ ᐯᔭᑕᒃ ᑮ ᑭᔅᑭᓄᐊᒫᑯ ᑭᒋᒪᓂᑐ ᐅᑦ ᐃᔑᑣᐎᓂᓕᐤ᙮

ᐊᐸᔅᑕᓚᒃ 19:9

ᒫᑲ ᐃᔅᐱ ᐊᑎᑦ ᑳ ᒫᔥᑳᐎᑌᐁᒋᒃ ᓀᔥᑕ ᐁᑳ ᑳ ᑖᐺᑕᑭᒃ, ᒫᑲ ᑳ ᒪᒋ ᐊᓕᒧᑕᑭᒃ ᐅᒣᓕᐤ ᐃᔑᑣᐎᓂᓕᐤ ᐅᑎᔥᑲᐤ ᑳ ᒥᒉᑎᓕᒋ ᐃᓕᓕᐗ, ᑮ ᓇᑲᑌᐤ, ᓀᔥᑕ ᑮ ᐸᑳᓂᐁᐤ ᐊᓂᐃ ᑭᔅᑭᓄᐊᒪᐗᑲᓇ, ᐁ ᑭᔅᑭᓄᐊᒫᑫᑦ ᑕᑡᐤ ᐁ ᑭᔑᑳᓕᒃ ᐅ ᑭᔅᑭᓄᐊᒫᑫᐎᑳᒥᑯᓕᒃ ᑕᐃᕋᓇᓴ᙮

ᐊᐸᔅᑕᓚᒃ 22:4

ᐅᒪ ᐃᔑᑣᐎᓐ ᒫᑲ ᓂ ᑮ ᑲᒀᑕᑭᑖᓐ ᓂᐱᐎᓂᒃ ᐃᔅᑯ, ᐁ ᒫᒫᒋᑯᐱᑕᑭᒃ ᓀᔥᑕ ᐸᑭᑎᓇᑭᒃ ᑭᐸᐅᑐᐎᑲᒥᑯᒃ ᓈᐯᐗᒃ ᓀᔥᑕ ᐃᔅᑴᐗᒃ᙮

ᐊᐸᔅᑕᓚᒃ 24:14

ᒫᑲ ᐅᒪ ᑭ ᐙᐎᑕᒫᑌᓐ, ᐊᓂᒪ ᐃᔑ ᐎᓚᐗᐤ ᓇᔅᐹᒡ ᐋᔭᒥᐋᐎᓐ ᑳ ᐃᔑᓂᑳᑕᑭᒃ, ᐁᑯ ᐁ ᐃᔑ ᓇᐗᑮᔅᑕᐅᒪᒃ ᐅ ᑭᒋᒪᓂᑐᒥᐙᐗ ᓄᑖᐎᔭᒃ, ᐁ ᑖᐺᑕᒫᓐ ᒥᓯᐌ ᑫᒀᓇ ᑳ ᒪᓯᓇᐃᑳᑌᑭ ᐅᓚᔓᐌᐎᓂᒃ ᓀᔥᑕ ᐅᑭᔅᑭᐙᐃᑫᐗᒃ ᐅ ᒪᓯᓇᐃᑲᓂᐙᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:24

ᒫᓇ ᒫᑲ ᐅᑦ ᐃᔑᓂᑳᓯᐎᓐ ᑭᒋᒪᓂᑐ ᒫᒪᒋᐎᒋᑳᑌᓕᒃ ᑭᓚᐗᐤ ᐅᒋ ᒣᑴᔭᔥ ᒉᓐᑖᐃᓚ, ᐁ ᐃᑕᓯᓇᐃᑳᑌᒃ᙮

ᓂᔥᑕᒻ ᑎᒧᑎ 5:14

ᐁᐗᑯ ᐅᒋ ᒫᑲ ᓇᑐᐌᓕᑕᒫᓐ ᐅᔥᑭᓂᑭᔅᑴᐗᒃ ᑭᒋ ᐅᓈᐯᒥᒋᒃ, ᑭᒋ ᓂᑕᐎᑭᐋᒋᒃ ᐊᐙᔑᔕ, ᑭᒋ ᑲᓇᐎᐙᔅᑳᔨᑲᓂᒋᒃ, ᐁᑳ ᐁ ᐃᓕᓇᐙᒋᒃ ᐅᐹᑾᔑᐃᐌᐗ ᐙᔦᔥ ᑭᒋ ᒪᒋ ᐃᑗᓕᒋ:

ᑕᐃᑕᔅ 2:5

ᑭᒋ ᓕᑆᑳᒋᒃ, ᑭᒋ ᐸᓓᑭᓯᒋᒃ, ᑭᒋ ᑕᔑᑫᒋᒃ ᑎᐱᓚᐌ ᐎᑭᐙᒃ, ᑭᒋ ᒥᓨᑎᓯᒋᒃ, ᑭᒋ ᓇᓇᐃᑕᐙᒋᒃ ᑎᐱᓚᐌ ᐅ ᓈᐯᒥᐙᐗ, ᑭᒋᒪᓂᑐ ᐅᑦ ᐋᔭᒥᐎᓐ ᐁᑳ ᑭᒋ ᒪᒋᐋᓕᒧᒋᑳᑌᓕᒃ᙮

ᑕᐃᑕᔅ 2:8

ᒀᔭᔉ ᐃᔑ ᐋᔭᒥᐎᓐ ᐁᑳ ᑫ ᑮ ᓂᔑᐗᓈᒋᒋᑳᑌᒃ: ᐊᓇ ᓇᔅᐹᒡ ᑳ ᐃᔑ ᐋᔭᒥᑦ ᑭᒋ ᓇᓀᐯᐎᓯᑦ, ᐁᑳ ᑫᒀᓐ ᐁ ᐋᔮᑦ ᑭᒋ ᐅᒋ ᒪᒋ ᐋᓕᒧᒥᔉ᙮

ᓂᔥᑕᒻ ᐱᑕᕐ 2:12

ᒀᔭᔉ ᐁ ᐃᑎᔦᒃ ᑭᑦ ᐃᔑᐱᒫᑎᓯᐎᓂᐙᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ: ᐋᑕ ᐁ ᐸᑾᓄᒥᑖᑾᒃ ᑖᐱᔅᑯᒡ ᐅᒪᒋᐋᔨᑎᐗ, ᐁᓕᐌᒃ ᒫᑲ ᑭ ᒥᓗ ᐊᑑᔅᑫᐎᓂᐙᐗ, ᑫ ᐙᐸᑕᑭᒃ, ᑭᒋ ᐅᒋ ᒫᒥᒋᒫᒋᒃ ᑭᒋᒪᓂᑐᐗ ᓇᑕᐙᐸᒥᐌᐎ ᑭᔑᑳᑫ᙮

ᓂᔓ ᐱᑕᕐ 2:12

ᒫᑲ ᐅᑯ, ᑖᐱᔅᑯᒡ ᐃᓚᑐ ᐊᐌᓯᓴᒃ, ᐁ ᑮ ᐅᔑᐋᑲᓂᐎᒋᒃ ᑭᒋ ᐅᑎᓈᑲᓂᐎᒋᒃ ᓀᔥᑕ ᑭᒋ ᓂᔑᐗᓈᒋᐋᑲᓂᐎᒋᒃ, ᒪᒋ ᐋᓕᒧᑕᒶᒃ ᐊᓂᐃ ᑫᒀᓇ ᐁᑳ ᑳ ᓂᓯᑐᑕᑭᒃ; ᒥᑐᓂ ᒫᑲ ᑲᑕ ᓂᔑᐗᓈᑎᓯᐗᒃ ᑎᐱᓚᐌ ᐅ ᒪᒑᑎᓯᐎᓂᐙᒃ;

ᓂᔓ ᐱᑕᕐ 2:15

ᑳ ᑮ ᓇᑲᑕᑭᒃ ᒀᔭᔉ ᒣᔅᑲᓈᓕᐤ, ᓀᔥᑕ ᐁ ᑮ ᐗᓂᔑᑭᒃ, ᐁ ᓄᔅᐱᓈᑕᒸᒋᒃ ᐅᑦ ᐃᔑᑡᐎᓂᓕᐤ ᐯᓚᒪ, ᐅᑯᓯᓴ ᐱᐅᕋ, ᑳ ᑮ ᓵᑭᑖᓕᑭ ᐁ ᐃᔑ ᑎᐸᐃᑳᑌᓕᒃ ᒪᒑᑎᓯᐎᓂᓕᐤ:

ᓂᔓ ᐱᑕᕐ 2:18

ᐌᓴ ᐃᔅᐱ ᐋᔭᒥᒋᒃ ᑭᒋ ᑭᔅᑌᓕᒥᑎᓱᐎ ᐋᔭᒥᐎᓇ, ᐙᔦᔑᒣᐗᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᐎᔮᓯᐎᓐ ᐅᒋ, ᒥᔅᑕᐃ ᐎᓂᓯᐎ ᐃᑌᓕᑕᒧᐎᓐ ᐅᒋ, ᐊᓂᐃ ᐊᑳᐙᒡ ᑳ ᑮ ᐅᔑᒫᓕᒋ ᐊᓂᐃ ᐗᓀᓕᑕᒧᐎᓂᒃ ᑳ ᐱᒫᑎᓯᓕᒋ᙮

ᓂᔓ ᐱᑕᕐ 2:21

ᐌᓴ ᐊᐙᓯᑌ ᑲᑕ ᑮ ᒥᓦᔑᓂᓕᐸᓐ ᐁᑳ ᑭᒋ ᑮ ᑭᔅᑫᓂᑕᒧᐙᔅᐸᓐ ᑳᔭᔅᑭᑖᑎᓯᐎᓂ ᐃᔑᑡᐎᓂᓕᐤ, ᐃᔥᐱᔥ, ᐃᔅᐱ ᐁ ᑮ ᑭᔅᑫᓕᑕᑭᒃ ᑭᒋ ᓇᑲᑕᑭᒃ ᐊᓂᐁᓕᐤ ᐸᓓᑭ ᑲᑫᔅᑴᐎᓂᓕᐤ ᑳ ᑮ ᐸᑭᑎᓇᒫᒋᒃ᙮

ᓂᔓ ᐱᑕᕐ 2:7

ᓀᔥᑕ ᑮ ᐎᑾᒋᐁᐤ ᑳ ᒀᔭᔅᑭᑎᓕᑭ ᓚᑕ, ᐁ ᒪᒥᔕᒣᓕᑕᒥᐃᑯᓕᒋ ᐅ ᐎᓂᓯᐎ ᐃᔑᐱᒫᑎᓯᐎᓂᓕᐤ ᑳ ᒪᒋᑣᓕᒋ:

ᒎᑦ 1:10

ᒫᑲ ᐅᑯ ᒪᒋ ᐋᓕᒧᑕᒶᒃ ᐊᓂᐃ ᑫᒀᓇ ᐁᑳ ᑳ ᑭᔅᑫᓕᑕᑭᒃ: ᒫᑲ ᑫᒀᓐ ᐅᒋᑕᐤ ᑳ ᑭᔅᑫᓕᑕᑭᒃ, ᑖᐱᔅᑯᒡ ᐃᓚᑐ ᐊᐌᓯᓴᒃ, ᐅᐅ ᑫᒀᓇ ᐅᒋ ᐎᓂᐃᑎᓱᐗᒃ᙮

ᒎᑦ 1:15

ᑭᒋ ᑎᐹᔅᑯᓈᑦ ᒥᓯᐌ, ᓀᔥᑕ ᑭᒋ ᔖᑯᒋᒫᑦ ᒥᓯᐌ ᐁ ᐃᑕᓯᓕᒋ ᑳ ᒪᒑᑎᓯᓕᒋ, ᒥᓯᐌ ᐅᑦ ᐃᓯᒋᑫᐎᓂᓕᐗ ᑳ ᒪᒑᑎᓯᒪᑲᓂᓕᑭ ᑳ ᑮ ᒪᒑᑎᓯᐎ ᑐᑕᒥᓕᒋ, ᓀᔥᑕ ᒥᓯᐌ ᑳ ᐋᓕᒪᓂᓕᑭ ᐅᑦ ᐋᔭᒥᐎᓂᓕᐗ ᑳ ᒪᒑᑎᓯᓕᒋ ᐅᒪᒋᑣᐗ ᑳ ᑮ ᐸᑾᓄᒥᑯᑦ᙮

ᒎᑦ 1:4

ᐌᓴ ᐋᑎᑦ ᐃᓕᓕᐗᒃ ᑭᒧᒡ ᑮ ᐱᑐᑫᑖᒋᒧᐗᒃ, ᐌᔅᑲᒡ ᑳ ᑮ ᐅᓚᑭᒫᑲᓂᐎᒋᒃ ᑭᒋ ᐋᔮᒋᒃ ᐅᒣᓕᐤ ᓂᔑᐗᓈᒋᒥᐌᐎᓂᓕᐤ; ᑳ ᒪᒋᑣᒋᒃ ᐃᓕᓕᐗᒃ, ᐁ ᑴᔅᑭᓇᒸᒋᒃ ᑭ ᑭᒋᒪᓂᑐᒥᓇᐗ ᐅ ᔕᐌᓕᒋᑫᐎᓂᓕᐤ ᑮᔥᑴᐙᑎᓯᐎᓂᒃ ᐃᔑ, ᓀᔥᑕ ᐁ ᐋᓉᑕᐙᒋᒃ ᐱᔦᔭᑯᓕᒋ ᐅᑎᐯᓕᒋᑫᐗ ᑭᒋᒪᓂᑐᐗ, ᓀᔥᑕ ᑭ ᑎᐯᓕᒋᑫᒥᓇᐗ ᒋᓴᔅ ᙭᙮

ᒎᑦ 1:7

ᑖᐱᔅᑯᒡ ᓴᑕᒻ ᓀᔥᑕ ᑯᒪᕋ, ᓀᔥᑕ ᐊᓂᐃ ᐃᑖᐎᓇ ᐙᔅᑲ ᑖᐱᔅᑯᒡ ᐃᔑ, ᐁ ᐸᑭᑎᓂᑎᓱᒋᒃ ᐱᔑᒀᑎᓯᐎᓂᒃ, ᐁ ᓈᓇᑕᐌᓕᑕᑭᒃ ᐋᔭᒡ ᐎᔮᓯᓕᐤ, ᐸᑭᑎᓇᐗᒃ ᑭᒋ ᑭᔅᑭᓄᐙᐸᒫᑲᓂᐎᒋᒃ, ᐁ ᑎᐸᒪᒋᑖᒋᒃ ᑲᒀᑕᑭᓯᐎᓂᓕᐤ ᑳᑭᑫ ᐃᔥᑯᑌᒃ᙮

ᑭᔅᑫᓕᑖᑯᑖᑫᐎᓐ 12:9

ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮

ᑭᔅᑫᓕᑖᑯᑖᑫᐎᓐ 13:14

ᐙᔦᔑᐁᐤ ᒫᑲ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᐊᓂᐃ ᒫᒪᔅᑳᒋ ᐃᔑᒋᑫᐎᓇ ᐅᒋ ᑳ ᑲᔥᑭᑖᑦ ᑭᒋ ᑐᑕᒃ ᐁ ᑲᓇᐙᐸᒥᑯᑦ ᐊᓂᐃ ᐊᐌᓯᓴ; ᐁ ᐃᑖᑦ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᑭᒋ ᒪᓯᓕᓕᑲᐙᓕᒋ ᐊᐌᓯᓴ, ᐊᓇ ᑳ ᑭ ᒥᔣᑲᓂᐎᑦ ᔑᒫᑲᓂᓕᐤ ᐅᒋ, ᐁᓕᐌᒃ ᒫᑲ ᐁ ᑮ ᐱᒫᑎᓰᑦ᙮

ᑭᔅᑫᓕᑖᑯᑖᑫᐎᓐ 13:8

ᒥᓯᐌ ᐊᓂᑭ ᑳ ᑕᔑᑫᒋᒃ ᐅᑕ ᐊᔅᑮᒃ ᑲᑕ ᓇᐗᑮᔅᑕᐌᐗᒃ, ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᒪᓯᓇᐃᑳᑌᓕᑭ ᐅ ᐱᒫᑎᓯᐎᓂ ᒪᓯᓇᐃᑲᓂᒃ ᒫᓂᔥᒑᓂᔑᔥ ᑳ ᑮ ᓂᐸᐋᑲᓂᐎᑦ ᐊᔅᐱᓐ ᑳ ᒫᒋ ᐊᔅᑭᐗᒃ᙮