ᓂᔓ ᐱᑕᕐ 2:19 - ᐅᔅᑭ ᑎᔅᑌᒥᓐᑦ

¹⁹ ᒣᒀᒡ ᐁ ᐊᔓᑕᒪᐙᒋᒃ ᑎᐯᓕᒥᑎᓱᐎᓂᓕᐤ, ᐎᓚᐗᐤ ᑫᒋᐙᒃ ᐊᑑᔅᑫᔅᑕᒶᒃ ᒪᒑᑎᓯᐎᓂᓕᐤ: ᐌᓴ ᐊᓂᐁᓕᐤ ᑳ ᔖᑯᒋᐃᑯᑦ ᐃᓕᓕᐤ ᐁᐗᑴᓕᐤ ᑳ ᐊᐗᑳᓂᐃᑯᑦ᙮

ᓂᔓ ᐱᑕᕐ 2:19 Iomraidhean Croise

ᐅᐸᓓᑭᔅ ᒑᓐ 8:34

ᒋᓴᔅ ᑮ ᓇᔥᑴᐗᔑᐁᐤ, ᑖᐺ, ᑖᐺ, ᑭᑦ ᐃᑎᓇᐗᐤ, ᑕᑐ ᐊᐌᓇ ᑳ ᒪᒋᑐᑕᒃ ᐅᑦ ᐊᑑᔅᑫᓛᑲᓂᒥᑯ ᒪᒋᑐᑕᒧᐎᓂᓕᐤ᙮

ᐊᐸᔅᑕᓚᒃ 19:16

ᐊᓇ ᐃᓕᓕᐤ ᒫᑲ ᒪᒋ ᐊᒑᑾ ᑳ ᑮ ᐱᒋᔅᑲᑯᑦ ᑮ ᒀᔅᑯᑐᑖᐌᐤ, ᑮ ᔖᑯᒋᐁᐤ ᒫᑲ, ᓀᔥᑕ ᑮ ᐸᔅᑭᓛᐌᐤ, ᐁᐗᑯ ᐌᒋ ᐅᔑᒧᓕᒋ ᐊᓂᒪ ᐙᔅᑳᔨᑲᓂᒃ ᐅᒋ ᐁ ᒧᔐᔥᑲᑌᓕᒋ ᓀᔥᑕ ᐁ ᒥᔡᑲᓂᑲᓱᓕᒋ᙮

ᑲᓓᔕᐊᓇ 5:1

ᐋᔨᒋᑳᐸᐎᒃ ᒫᑲ ᐊᓂᒪ ᑎᐯᓕᒥᑎᓱᐎᓂᒃ ᑳ ᑮ ᐃᔑ ᑎᐯᓕᒥᑎᓱᐃᑖᒃ ᙭, ᐁᑳᐎᓚ ᒫᑲ ᒥᓇ ᓇᒀᑕᐅᓱᒃ ᐊᐗᑳᔑᐌᐎ ᑖᐱᔅᑳᑲᓂᒃ᙮

ᑲᓓᔕᐊᓇ 5:13

ᐌᓴ, ᓂᒋᔖᓂᑐᒃ, ᑭ ᑮ ᓇᑐᒥᑲᐎᓇᐗᐤ ᑎᐯᓕᒥᑎᓱᐎᓂᒃ ᐃᔑ; ᐁᑳᐎᓚ ᒫᑲ ᐋᐸᒋᑖᒃ ᑎᐯᓕᒥᑎᓱᐎᓐ ᐎᔮᓯᐎᓂᒃ ᐃᔑ, ᒫᑲ ᓵᑭᐃᐌᐎᓂᒃ ᐊᑑᔅᑳᑐᒃ᙮

ᓂᔓ ᑎᒧᑎ 2:26

ᑭᒋ ᑯᔅᑯᓯᒋᒃ ᓀᔥᑕ ᒪᒋᒪᓂᑐᐗ ᐅ ᓇᒀᑲᓂᓕᒃ ᐅᒋ, ᐊᓂᑭ ᐅᑦ ᐃᑌᓕᑕᒧᐎᓂᓕᒃ ᑳ ᐊᐗᑳᑎᑯᒋᒃ᙮

ᑕᐃᑕᔅ 3:3

ᐌᓴ ᑭᓚᓈᓇᐤ ᑫᒋᐙᒃ ᐊᓯᒋ ᐌᔅᑲᒃ ᑭ ᑮ ᑲᑫᐹᑎᓯᓈᓇᐤ, ᐁ ᑮ ᔑᐱᑕᒪᒃ, ᐁ ᐙᔦᔑᐃᑲᐎᔭᒃ, ᐁ ᑮ ᐊᑑᔅᑳᑕᒪᒃ ᓇᓈᑲᐤ ᒪᒋ ᓇᑕᐌᓕᒋᑫᐎᓇ ᓀᔥᑕ ᒥᓚᐙᑎᑾᑲᒥᑭᓯᐎᓇ, ᐁ ᑮ ᐱᒫᑎᓯᔭᒃ ᑭᒧᒋ ᐸᒀᑎᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ, ᐁ ᑮ ᐸᒀᑎᑯᓯᔭᒃ ᓀᔥᑕ ᐁ ᑮ ᐸᒀᑎᑐᔭᒃ᙮

ᓂᔥᑕᒻ ᐱᑕᕐ 2:16

ᑖᐱᔅᑯᒡ ᐅᑎᐯᓕᒥᑎᓱᐗᒃ, ᐁᑳ ᒫᑲ ᐁ ᐋᐸᒋᑖᔦᒃ ᑭ ᑎᐯᓕᒥᑎᓱᐎᓂᐗᐤ ᑭᒋ ᐅᒋ ᐊᑾᓇᐊᒣᒃ ᒪᒋ ᐋᔨᑎᐎᓇ, ᒫᑲ ᑖᐱᔅᑯᒡ ᑭᒋᒪᓂᑐ ᐅᑦ ᐊᑑᔅᑫᓚᑲᓂᒪ᙮

ᓂᔓ ᐱᑕᕐ 1:4

ᐊᓂᒪ ᑳ ᐅᒋ ᒥᓕᑲᐎᔭᒃ ᓈᔅᐱᒡ ᑭᒋ ᓀᔥᑕ ᑫᔅᑕᑭᑖᑾᑭ ᐊᔓᑕᒫᑫᐎᓇ; ᐅᐅ ᑭᒋ ᐅᒋ ᐎᒋᐅᑎᓇᒧᒥᐌᔦᒃ ᒪᓂᑐᐎ ᐃᑖᑎᓯᐎᓐ, ᐁ ᑮ ᐅᔑᑕᒣᒃ ᐊᓂᒪ ᓂᔑᐗᓈᑎᓯᐎᓐ ᑳ ᐃᑕᑾᒃ ᐊᔅᑮᒃ ᒪᒋ ᓇᑕᐌᓕᑕᒧᐎᓐ ᐅᒋ᙮

ᓂᔓ ᐱᑕᕐ 2:20

ᐌᓴ ᑮᔥᐱᓐ, ᐃᔅᐱ ᑮ ᐅᔑᑕᑭᒃ ᐎᓕᐱᓯᐎᓇ ᐊᔅᑮᒃ ᑳ ᐃᑕᑾᓂᓕᑭ, ᐁ ᐃᔑ ᑭᔅᑫᓕᒫᒋᒃ ᑭ ᑎᐯᓕᒋᑫᒥᓇᐗ ᓀᔥᑕ ᑭ ᐱᒫᒋᐃᐌᒥᓇᐗ ᒋᓴᔅ ᙭ᑕ, ᒥᓇ ᒫᑲ ᐁᑯᑕ ᐃᔑ ᓇᑾᓱᑡᐌ, ᓀᔥᑕ ᔖᑯᒋᐋᑲᓂᐎᑡᐌ, ᐃᔥᒀᔮᒡ ᒫᑲ ᐅᑦ ᐃᔑ ᐋᔭᐎᓇᐗᐤ ᐊᐙᓯᑌ ᒫᓛᑕᓂᓕᐤ ᐃᔥᐱᔥ ᓂᔥᑕᒻ᙮