ᓂᔓ ᐱᑕᕐ 2:10 - ᐅᔅᑭ ᑎᔅᑌᒥᓐᑦ

¹⁰ ᒫᑲ ᐅᓵᒻ ᐊᓂᐃ ᑳ ᐱᒧᑖᑕᒥᓕᒋ ᐁ ᐃᔑᑡᒪᑲᓂᓕᒃ ᐎᔮᓯᓕᐤ, ᐎᓂᓯᐎ ᐃᑌᓕᑕᒧᐎᓂᒃ, ᓀᔥᑕ ᑳ ᐋᑕᐌᓕᑕᒥᓕᒋ ᑎᐯᓕᒋᑫᐎᓂᓕᐤ᙮ ᓱᑭᑌᐁᐗᒃ, ᐎ ᑎᐯᓕᒥᑎᓱᐗᒃ; ᓇᒪ ᓀᔥᑕ ᓭᑭᓯᐗᒃ ᑭᒋ ᒪᒋ ᐋᓕᒧᑕᑭᒃ ᑭᔅᑌᓕᑖᑯᓯᐎᓇ᙮

ᓂᔓ ᐱᑕᕐ 2:10 Iomraidhean Croise

ᐅᐸᓓᑭᔅ ᓘᒃ 11:25

ᐃᔅᐱ ᒫᑲ ᑌᑯᔑᒃ, ᒥᔅᑲᒻ ᐁ ᐌᐸᐃᑳᑌᓕᒃ ᓀᔥᑕ ᐁ ᐙᐌᔑᒋᑳᑌᓕᒃ᙮

ᐅᐸᓓᑭᔅ ᓘᒃ 19:14

ᐅᑦ ᐃᑖᐎᓂᓕᓕᒪ ᒫᑲ ᑮ ᐸᒀᑎᑯ, ᓀᔥᑕ ᑮ ᐸᑯᓇᐎᐃᑎᑯ, ᐁ ᐃᑗᓕᒋ, ᓇᒪᐎᓚ ᓂ ᓇᑕᐌᓕᒫᓈᓐ ᐊᐗ ᐃᓕᓕᐤ ᑭᒋ ᑎᐯᓕᒥᔭᒥᑦ᙮

ᐊᐸᔅᑕᓚᒃ 23:5

ᐁᑯ ᐹᓪ ᐁᑗᑦ, ᓇᒪ ᓂ ᑭᔅᑫᓕᑌᑖᔾ ᓂᒋᔖᓂᑐᒃ, ᐎᓚ ᐁ ᑭᒋ ᓵᓵᑭᐎᓕᐌᐎᓕᓕᐎᑦ: ᐌᓴ ᐃᑕᓯᓇᐃᑳᑌᐤ, ᓇᒪᐎᓚ ᑭ ᑳ ᒪᒋ ᐃᑖᐤ ᐊᓇ ᑳ ᑎᐯᓕᒫᑦ ᓂᑦ ᐃᓕᓕᒪ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:1

ᐊᓄᒡ ᒫᑲ ᓇᒪᐎᓚ ᓂᔑᐗᓈᒋᒥᑯᓯᐎᓂᓕᐤ ᑲᑕ ᐅᑎᑎᑯᐗᒃ ᐊᓂᑭ ᑳ ᐱᑖᒋᒃ ᙭ ᒋᓴᓯᒃ, ᐁᑳ ᐎᔮᓯᐎᓂᒡ ᑳ ᐃᔑ ᐱᒧᑌᒋᒃ, ᒫᑲ ᐊᒑᑯᒃ᙮

ᓂᔥᑕᒻ ᑯᕆᓐᑎᐊᓇ 6:9

ᓇᒪ ᓈ ᑭ ᑭᔅᑫᓕᑌᓇᐗᐤ ᐊᓇ ᐁᑳ ᑳ ᒀᔭᔅᑭᑖᑎᓰᑦ ᐁᑳ ᑭᒋ ᐋᓂᔅᑫ ᐋᔮᐙᑦ ᐅᑦ ᐅᑭᒪᐎᐎᓂᓕᐤ ᑭᒋᒪᓂᑐᐗ? ᐁᑳᐎᓚ ᑭ ᑳ ᐙᔦᔑᐃᑲᐎᓇᐗᐤ: ᓇᒪᐎᓚ ᐅᐱᔑᒀᑎᓯᔅᑲᒃ, ᓇᒪ ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓇᒪ ᓀᔥᑕ ᒪᒋᐎᐯᒥᑐᐗᒃ, ᓇᒪ ᓀᔥᑕ ᑳ ᐃᔅᑫᑳᓱᒋᒃ, ᓇᒪ ᓀᔥᑕ ᑳ ᐎᒋᐎᓂᓱᒫᒋᒃ ᓈᐯᐗ᙮

ᓂᔓ ᑯᕆᓐᑎᐊᓇ 10:3

ᐌᓴ ᐋᑕ ᐁ ᐱᒧᑌᔮᒃ ᐎᔮᓯᐎᓂᒃ, ᓇᒪᐎᓚ ᐎᔮᓯᐎᓂᒃ ᓂᑦ ᐃᔑ ᓄᑎᓂᑳᓈᓐ;

ᐃᐱᓯᔭᓇ 4:19

ᐅᑯ, ᐁ ᑮ ᐳᓂ ᓂᓯᑐᒪᒋᐅᒋᒃ ᑮ ᐸᑭᑎᓂᑎᓱᐗᒃ ᐱᔑᒀᑎᓯᐎᓂᒃ, ᑭᒋ ᑐᑕᑭᒃ ᒥᓯᐌ ᐎᓂᓯᐎᓂᓕᐤ ᐁ ᐎᓴᓶᓕᒧᒋᒃ᙮

ᐃᐱᓯᔭᓇ 5:5

ᐌᓴ ᐅᒪ ᑭ ᑭᔅᑫᓕᑌᓇᐗᐤ, ᓇᒪᐎᓚ ᐊᐌᓇ ᑳ ᐱᔑᒀᑎᓯᑦ, ᓀᔥᑕ ᐊᐌᓇ ᑳ ᐎᓂᓯᑦ, ᓀᔥᑕ ᐊᐌᓇ ᑳ ᒧᔅᑌᓇᒫᑫᑦ, ᐁ ᓇᐗᑭᔅᑕᐙᑦ ᒪᓂᑐᑳᓇ, ᐋᔭᐤ ᑎᐱᓚᐌᐎᓯᐎᓐ ᑭᒋᒪᓂᑐ ᓀᔥᑕ ᙭ ᐅᑦ ᐅᑭᒪᐎᐎᓂᒃ᙮

ᑯᓚᔑᔭᓇ 3:5

ᐁᐗᑯ ᐌᒋ ᓂᔑᐗᓈᒋᑖᒃ ᑭᑦ ᐊᔅᑭᐎ ᓇᑕᐌᓕᑕᒧᐎᓂᐗᐗ; ᐱᔑᒀᑎᓯᐎᓐ, ᐎᓂᓯᐎᓐ, ᐱᔑᒀᑎᓯᐎ ᐃᑌᓕᑕᒧᐎᓐ, ᒪᒋ ᓇᑕᐌᓕᑕᒧᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᐗᑯ ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ:

ᓂᔥᑕᒻ ᑌᓴᓗᓂᔭᓇ 4:7

ᐌᓴ ᑭᒋᒪᓂᑐ ᓇᒪᐎᓚ ᑭ ᑮ ᐅᒋ ᓇᑐᒥᑯᓇᐤ ᐎᓂᓯᐎᓂᒃ ᐃᔑ ᒫᑲ ᐸᓓᑭᓯᐎᓂᒃ᙮

ᓂᔓ ᑎᒧᑎ 3:2

ᐌᓴ ᐃᓕᓕᐗᒃ ᐎᓚᐗᐤ ᑫᒋᐙᒃ ᑲᑕ ᓵᑭᐃᑎᓱᐗᒃ, ᐁ ᒧᔅᑌᓇᒫᑫᒋᒃ, ᐁ ᒫᒪᑖᑯᒧᒋᒃ ᐁ ᑭᔅᑌᓕᒧᒋᒃ, ᐁ ᐹᔅᑖᒧᔅᑭᒋᒃ, ᐁ ᐋᓉᑕᐙᒋᒃ ᐅᓂᑭᐃᑯᐗᐗ, ᐁᑳ ᐁ ᓇᓈᔅᑯᒧᒋᒃ, ᐁᑳ ᐁ ᐸᓓᑭᓯᒋᒃ,

ᑕᐃᑕᔅ 1:7

ᐌᓴ ᑭᒋᐋᔭᒥᐁᐎᑭᒪᐤ ᑲᑕ ᒥᓗᐃᑌᓕᑖᑯᓯᐤ, ᑖᐱᔅᑯᒡ ᐅ ᑲᓇᐌᓕᑎᓛᑲᓇ ᑭᒋᒪᓂᑐ: ᐁᑳ ᐁ ᐯᔭᑯᑴᓕᒥᑎᓱᑦ, ᐁᑳ ᐎᐸᒡ ᐁ ᑭᓯᐙᓯᑦ, ᐁᑳ ᐁ ᐅᓵᒥᓂᑴᑦ ᔓᒥᓈᐳ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ;

ᐦᐃᑉᕉᐗ 13:4

ᐎᑭᑐᐎᓐ ᑭᔅᑌᓕᑖᑾᓂᓕᐤ ᒥᓯᐌ ᑭᒋ ᐅᑎᓇᑭᒃ, ᓀᔥᑕ ᓂᐯᐎᓐ ᐸᔦᑲᓐ; ᒫᑲ ᐅᐎᓂᓯᐗᒃ ᓀᔥᑕ ᐅᐱᔑᒀᑎᓴᒃ ᑳᑕ ᑎᐹᔅᑯᓂᑯᐗᒃ ᑭᒋᒪᓂᑐᐗ᙮

ᓂᔓ ᐱᑕᕐ 3:3

ᐅᒪ ᓃᔥᑕᒻ ᐁ ᑭᔅᑫᓕᑕᒣᒃ, ᑭᒋ ᑕᑯᔑᑭᒃ ᐁ ᐊᑎ ᑳᒋᒡ ᑭᔑᑳᑭ ᐅᐹᐱᓄᑕᑫᔅᑲᒃ, ᐁ ᐱᒧᑖᑕᑭᒃ ᑎᐱᓚᐌ ᐅ ᒪᒋ ᓇᑕᐌᓕᑕᒧᐎᓂᐙᐗ,

ᒎᑦ 1:10

ᒫᑲ ᐅᑯ ᒪᒋ ᐋᓕᒧᑕᒶᒃ ᐊᓂᐃ ᑫᒀᓇ ᐁᑳ ᑳ ᑭᔅᑫᓕᑕᑭᒃ: ᒫᑲ ᑫᒀᓐ ᐅᒋᑕᐤ ᑳ ᑭᔅᑫᓕᑕᑭᒃ, ᑖᐱᔅᑯᒡ ᐃᓚᑐ ᐊᐌᓯᓴᒃ, ᐅᐅ ᑫᒀᓇ ᐅᒋ ᐎᓂᐃᑎᓱᐗᒃ᙮

ᒎᑦ 1:16

ᐅᑯ ᐁᐗᒀᓂᑭ ᐅᒥᑕᐌᔅᑲᒃ, ᐅᑕᑖᒥᒥᐌᔅᑲᒃ, ᐁ ᓄᔅᐱᓇᑕᑭᒃ ᑎᐱᓚᐌ ᐅ ᒪᒋ ᓇᑕᐌᓕᑕᒧᐎᓂᐙᐗ; ᐅᑐᓂᐗᐗ ᒫᑲ ᐋᔭᒥᒪᑲᓂᓕᐗ ᑭᒋ ᑭᔅᑌᓕᒧᐎ ᐋᔭᒥᐎᓇ, ᐁ ᒥᓨᐸᒫᒋᒃ ᐃᓕᓕᐗ ᐁ ᐃᔑᓈᑯᓯᓕᒋ ᑭᒋ ᐅᒋ ᐅᑎᓯᒋᒃ᙮

ᒎᑦ 1:18

ᐁ ᑮ ᐎᑕᒫᑖᑾᒃ ᒣᒀᒡ ᒫᒋᒃ ᐁ ᑭᔑᑳᑭ ᑭᒋ ᐃᑖᒋᒃ ᐅᐹᐱᓄᑕᑫᔅᑲᒃ, ᑫ ᓄᔅᐱᓈᑕᑭᒃ ᑎᐱᓚᐌ ᐅ ᒪᒑᑎᓯᐎ ᒪᒋ ᓇᑕᐌᓕᑕᒧᐎᓂᐙᐗ᙮

ᒎᑦ 1:4

ᐌᓴ ᐋᑎᑦ ᐃᓕᓕᐗᒃ ᑭᒧᒡ ᑮ ᐱᑐᑫᑖᒋᒧᐗᒃ, ᐌᔅᑲᒡ ᑳ ᑮ ᐅᓚᑭᒫᑲᓂᐎᒋᒃ ᑭᒋ ᐋᔮᒋᒃ ᐅᒣᓕᐤ ᓂᔑᐗᓈᒋᒥᐌᐎᓂᓕᐤ; ᑳ ᒪᒋᑣᒋᒃ ᐃᓕᓕᐗᒃ, ᐁ ᑴᔅᑭᓇᒸᒋᒃ ᑭ ᑭᒋᒪᓂᑐᒥᓇᐗ ᐅ ᔕᐌᓕᒋᑫᐎᓂᓕᐤ ᑮᔥᑴᐙᑎᓯᐎᓂᒃ ᐃᔑ, ᓀᔥᑕ ᐁ ᐋᓉᑕᐙᒋᒃ ᐱᔦᔭᑯᓕᒋ ᐅᑎᐯᓕᒋᑫᐗ ᑭᒋᒪᓂᑐᐗ, ᓀᔥᑕ ᑭ ᑎᐯᓕᒋᑫᒥᓇᐗ ᒋᓴᔅ ᙭᙮