ᓂᔓ ᐱᑕᕐ 1:4 - ᐅᔅᑭ ᑎᔅᑌᒥᓐᑦ

⁴ ᐊᓂᒪ ᑳ ᐅᒋ ᒥᓕᑲᐎᔭᒃ ᓈᔅᐱᒡ ᑭᒋ ᓀᔥᑕ ᑫᔅᑕᑭᑖᑾᑭ ᐊᔓᑕᒫᑫᐎᓇ; ᐅᐅ ᑭᒋ ᐅᒋ ᐎᒋᐅᑎᓇᒧᒥᐌᔦᒃ ᒪᓂᑐᐎ ᐃᑖᑎᓯᐎᓐ, ᐁ ᑮ ᐅᔑᑕᒣᒃ ᐊᓂᒪ ᓂᔑᐗᓈᑎᓯᐎᓐ ᑳ ᐃᑕᑾᒃ ᐊᔅᑮᒃ ᒪᒋ ᓇᑕᐌᓕᑕᒧᐎᓐ ᐅᒋ᙮

ᓂᔓ ᐱᑕᕐ 1:4 Iomraidhean Croise

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:4

ᐊᓂᑭ ᑳ ᐃᔅᕃᐃᓚᐃᑎᐎᒋᒃ; ᑳ ᑮ ᒥᓛᑲᓂᐎᒋᒃ ᐅᑦ ᐊᐙᔑᒥᔑᒥᑯᓯᐎᓂᓕᐤ, ᓀᔥᑕ ᑭᔅᑌᓕᑖᑯᓯᐎᓂᓕᐤ, ᓀᔥᑕ ᐊᓂᐃ ᓇᔅᑯᒥᑐᐎᓇ, ᓀᔥᑕ ᐁ ᒥᓕᐙᓂᐗᓂᓕᒃ ᐅᓚᔓᐌᐎᓂᓕᐤ, ᓀᔥᑕ ᐁ ᐊᑐᔅᑲᐙᑲᓂᐎᑦ ᑭᒋᒪᓂᑐ, ᓀᔥᑕ ᐊᔓᑕᒫᑫᐎᓇ;

ᓂᔓ ᑯᕆᓐᑎᐊᓇ 1:20

ᐌᓴ ᒥᓯᐌ ᐅᑦ ᐊᔓᑕᒫᑫᐎᓇ ᑭᒋᒪᓂᑐ ᐎᓚ ᐅᒋ ᐁᐁ ᐃᑌᓕᑖᑾᓋ, ᓀᔥᑕ ᐎᓚ ᐅᒋ ᐁᒣᓐ, ᑭᒋ ᐃᔑ ᒪᒥᒋᒥᑲᓂᐎᑦ ᑭᒋᒪᓂᑐ ᓂᓚᓈᓐ ᐅᒋ᙮

ᓂᔓ ᑯᕆᓐᑎᐊᓇ 3:18

ᒫᑲ ᒥᓯᐌ ᐁ ᐃᑕᔑᔭᒃ, ᒧᔐ ᐁ ᐅᑖᔅᑕᒥᑯᔭᒃ, ᐁ ᐙᐸᑕᒶᒃ ᑖᐱᔅᑯᒡ ᐗᐹᒧᐎᓂᐤ, ᐅ ᑭᔅᑌᓕᑖᑯᓯᐎᓐ ᐅᑎᐯᓕᒋᑫᐤ, ᑭ ᑴᔅᑭᓈᑯᐃᑲᐎᓈᓇᐤ ᐊᓂᒪ ᐃᔑᓈᑯᓯᐎᓂᒃ ᑭᔅᑌᓕᑖᑯᓯᐎᓂᒃ ᐅᒋ ᑭᔅᑌᓕᑖᑯᓯᐎᓂᒃ ᐃᔑ, ᑖᐱᔅᑯᒡ ᐅᑎᐯᓕᒋᑫᐤ ᐅᒋ ᑳ ᐊᒑᑯᐎᑦ᙮

ᓂᔓ ᑯᕆᓐᑎᐊᓇ 6:17

ᐁᐗᑯ ᐅᒋ ᐯᒋ ᐙᓚᐎᒃ ᐃᑕ ᐁ ᐃᑖᒋᒃ, ᓀᔥᑕ ᐸᑳᓂᐃᑎᓱᒃ, ᐃᑗᐤ ᐅᑎᐯᓕᒋᑫᐤ, ᐁᑳᐎᓚ ᓀᔥᑕ ᓵᒥᓇᒧᒃ ᐊᓂᒪ ᑳ ᐎᓕᐹᒃ; ᑭ ᑳ ᐅᑎᓂᑎᓇᐗᐤ ᒫᑲ,

ᑲᓓᔕᐊᓇ 3:16

ᐁᑦᕃᐊᒻ ᒫᑲ ᓀᔥᑕ ᐅᑦ ᐊᐙᔑᒥᔕ ᑮ ᒥᓛᑲᓂᐎᐗᒃ ᐊᓂᐃ ᐊᔓᑕᒫᑫᐎᓇ᙮ ᓇᒪᐎᓚ ᐃᑗᐤ, ᓀᔥᑕ ᑭᑦ ᐊᐙᔑᒥᔕᒃ, ᑖᐱᔅᑯᒡ ᒥᒉᑦ ᐁ ᐃᑖᓕᒋ, ᒫᑲ ᑖᐱᔅᑯᒡ ᐯᔭᒃ ᐱᑯ, ᓀᔥᑕ ᑭᑦ ᐊᐙᔑᒥᔥ, ᐁᐗᑯ ᙭᙮

ᑲᓓᔕᐊᓇ 6:8

ᐌᓴ ᐊᓇ ᐎᔮᓯᐎᓂᒃ ᑳ ᐃᔑ ᐗᓴᓶᐱᓂᑫᑦ, ᐎᔮᓯᐎᓂᒃ ᑲᑕ ᐅᒋ ᒪᐗᒋᑕᐤ ᓂᔑᐗᓈᑎᓯᐎᓂᓕᐤ; ᒫᑲ ᐊᓇ ᐊᒑᑯᒃ ᑳ ᐃᔑ ᐗᓴᓶᐱᓂᑫᑦ ᐊᒑᑯᒃ ᑲᑕ ᐅᒋ ᒪᐗᒋᑕᐤ ᑳᑭᑫ ᐱᒫᑎᓯᐎᓂᓕᐤ᙮

ᐃᐱᓯᔭᓇ 4:13

ᐹᑎᒫ ᒥᓯᐌ ᐁ ᐃᑕᔑᔭᒃ ᐅᑎᑕᒪᑴ ᒫᒪᐎ ᑖᐺᔦᓕᑕᒧᐎᓐ, ᓀᔥᑕ ᑖᐱᔅᑯᒡ ᑭᔅᑫᓂᒥᒪᑴ ᑭᒋᒪᓂᑐ ᐅᑯᓯᓴ, ᑭᒋ ᐅᑎᑕᒪᒃ ᑭᔑᓂᑖᐎᑭᐎ ᐃᓕᓕᐎᐎᓐ, ᒥᑐᓂ ᐁ ᐃᔅᐱ ᑎᑭᑎᑦ ᙭:

ᑯᓚᔑᔭᓇ 3:10

ᓀᔥᑕ ᐁ ᑮ ᐳᔅᑎᔥᑲᐌᒃ ᐅᔥᑭ ᐃᓕᓕᐤ, ᑳ ᐅᔥᑭᐋᑲᓂᐎᑦ ᑭᔅᑫᓕᑕᒧᐎᓂᒃ, ᐅᑦ ᐃᔑᓈᑯᓯᐎᓂᓕᒃ ᐊᓂᐃ ᑳ ᑮ ᐅᔑᐃᑯᑦ;

ᐦᐃᑉᕉᐗ 12:10

ᐌᓴ ᐎᓚᐗᐤ ᑖᐺ ᐋᑎᑐ ᑭᔑᑳᐗ ᑭ ᑮ ᒫᒥᓗᐃᑯᓇᐗᒃ, ᐁ ᐃᔑ ᒥᓜᓕᑕᑭᒃ: ᒫᑲ ᐎᓚ ᑭᑭ ᒥᓗᑐᑖᑯᐗᒃ, ᑭᒋ ᐅᑎᓇᒶᒃ ᐅ ᐸᓓᑭᓱᐎᓐ᙮

ᐦᐃᑉᕉᐗ 9:15

ᐁᐗᑯ ᐅᒋ ᐎᓚ ᐁᐗᒀᓇ ᑳ ᐋᔭᒥᐁᔅᑕᒫᑫᑦ ᐅᔥᑭ ᓇᔅᑯᒥᑐᐎᓂᒃ, ᓂᐱᐎᓂᓕᐤ ᐁ ᐅᒋ ᑎᐸᐊᒃ ᐊᓂᐃ ᐗᓂᑐᑕᒧᐎᓇ ᑳ ᑮ ᑐᒋᑳᑌᑭ ᒣᒀᒡ ᓃᔥᑕᒻ ᓇᔅᑯᒥᑐᐎᓐ ᑳ ᑮ ᐃᑕᑾᒃ, ᐊᓂᑭ ᑳ ᓇᑐᒫᑲᓂᐎᒋᒃ ᑭᒋ ᐋᔭᒋᒃ ᐊᔓᑕᒫᑫᐎᓂᓕᐤ ᑭᒋ ᐋᔮᒋᒃ ᐊᓂᐁᓕᐤ ᑳᑭᑫ ᑎᐯᓕᒋᑲᓂᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:27

ᐊᓂᒪ ᐋᔭᒥᐋᐎᓐ ᑳ ᐃᑌᓕᑕᒃ ᑭᒋᒪᓂᑐ ᐌᐅᑖᐎᒫᐎᑦ ᐁ ᒀᔭᔅᑾᓂᓕᒃ ᓀᔥᑕ ᐸᓓᑲᓂᓕᒃ, ᐁᐗᑯ ᐅᒪ, ᐊᐌᓇ ᑭᒋ ᒪᐗᑎᑖᑦ ᐁᑳ ᑳ ᐅᑖᐎᓕᒋ ᓀᔥᑕ ᐃᔅᑴᐗ ᑳ ᓂᐱᓕᒋ ᐅ ᓈᐯᒥᓕᐗ ᐅᑦ ᐊᓕᒥᓯᐎᓂᓕᒃ, ᓀᔥᑕ ᑭᒋ ᑲᓇᐌᓕᒥᑎᓱᑦ ᐁᑳ ᒥᑐᓂ ᑭᒋ ᐎᓕᐱᐃᑯᑦ ᐊᔅᑭᓕᐤ᙮

ᓂᔓ ᐱᑕᕐ 1:1

ᓵᐃᒪᓐ ᐱᑕᕐ, ᐅᑦ ᐊᑑᔅᑫᓛᑲᓇ ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᒪᓯᓇᐊᒪᐗᑭᒃ ᐊᓂᑭ ᑳ ᐊᓯᒋ ᐋᔮᒋᒃ ᐊᓂᐁᓕᐤ ᑖᐺᔦᓕᑕᒧᐎᓂᓕᐤ ᑖᐱᔅᑯᒡ ᓂᓛᓇᓐ, ᐅ ᒀᔭᔅᑭᑖᑎᓯᐎᓐ ᐅᒋ ᑭᒋᒪᓂᑐ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᓂᔓ ᐱᑕᕐ 3:13

ᐁᓕᐌᒃ ᒫᑲ ᑭᓚᓈᓇᐤ, ᑳ ᐃᑕᔅᑌᓕᒃ ᐅᑦ ᐊᔓᑕᒫᑫᐎᓐ, ᑭᑦ ᐊᔕᐙᐸᑌᓈᓇᐤ ᐅᔥᑭ ᑭᔑᑾ ᓀᔥᑕ ᐅᔥᑭ ᐊᔅᑭ, ᐁᑯᑕ ᑫ ᐃᔑ ᐎᑭᒪᑲᒃ ᒀᔭᔅᑭᑖᑎᓯᐎᓐ᙮

ᓂᔓ ᐱᑕᕐ 3:9

ᐅᑎᐯᓕᒋᑫᐤ ᓇᒪᐎᓚ ᑆᔅᑕᐎᐤ ᑭᒋ ᑐᑕᒃ ᐅᑦ ᐊᔓᑕᒫᑫᐎᓐ, ᑖᐱᔅᑯᒡ ᐋᑎᑦ ᐃᓕᓕᐗᒃ ᑆᔅᑕᐎᐎᓐ ᑳ ᐃᑕᑭᒃ; ᒫᑲ ᑭ ᔑᐱᓚᐌᓯᔅᑖᑯᓇᐤ, ᐁᑳ ᐁ ᓇᑕᐌᓕᑕᒃ ᐊᐌᓕᐗ ᑭᒋ ᓂᔑᐗᓈᑎᓯᓕᒋ, ᒫᑲ ᒥᓯᐌ ᑭᒋ ᐊᑎ ᒥᒋᓚᐌᔦᓕᑕᒥᓕᒋ᙮

ᓂᔥᑕᒻ ᒑᓐ 2:25

ᐁᐗᑯ ᒫᑲ ᐅᒪ ᐊᔓᑕᒫᑫᐎᓐ ᑳ ᑮ ᐊᔓᑕᒫᑕᒃ, ᑳᑭᑫ ᐱᒫᑎᓯᐎᓐ ᐅᑎ᙮

ᓂᔥᑕᒻ ᒑᓐ 3:2

ᓯᐋᑭᐃᑕᑾᒃ, ᐊᓄᒡ ᑭᒋᒪᓂᑐ ᑭᑦ ᐅᑯᓯᓯᒥᑯᓇᐤ, ᓀᔥᑕ ᓇᒪᐎᓚ ᐁᔥᑾ ᓄᑾᓐ ᑫ ᐃᔑ ᐋᔮᔭᒃ; ᒫᑲ ᑭ ᑭᔅᑫᓕᑌᓈᓇᐤ, ᐃᔅᐱ ᓄᑯᓯᑌ, ᑭ ᑳ ᓇᔅᐱᑕᐙᓇᐤ; ᐌᓴ ᑭ ᑳ ᐙᐸᒫᓇᐤ ᐁ ᐃᔑᓈᑯᓯᑦ᙮