ᓂᔓ ᐱᑕᕐ 1:3 - ᐅᔅᑭ ᑎᔅᑌᒥᓐᑦ

³ ᑳ ᐃᑕᔅᑌᓕᒃ ᐅ ᒪᓂᑐᐎ ᑲᔥᑭᐅᐎᓐ, ᑳ ᑮ ᐃᔑ ᒥᓕᑯᐗᒃ ᒥᓯᐌ ᑫᒀᓇ ᐱᒫᑎᓯᐎᓂᒃ ᓀᔥᑕ ᒪᓂᑐᐙᑎᓯᐎᓂᒃ ᑳ ᑎᐯᓕᑖᑾᑭ, ᐅ ᑭᔅᑫᓕᑕᒧᐎᓂᒃ ᐅᒋ ᐊᓇ ᑳ ᑮ ᓇᑐᒥᑕᒃ ᑭᔅᑌᓕᑖᑯᓯᐎᓂᒃ ᓀᔥᑕ ᒥᓨᑎᓯᐎᓂᒃ:

ᓂᔓ ᐱᑕᕐ 1:3 Iomraidhean Croise

ᐅᐸᓓᑭᔅ ᒫᑎᐤ 28:18

ᒋᓴᔅ ᒫᑲ ᑮ ᐯᒋ ᐋᔭᒥᐁᐤ, ᐁ ᐃᑗᑦ, ᒥᓯᐌ ᑲᔥᑭᐅᐎᓐ ᓂ ᒥᓕᑳᐎᓐ ᑭᒋᑭᔑᑯᒃ ᓀᔥᑕ ᐅᑕ ᐊᔅᑮᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:32

ᐊᓇ ᐁᑳ ᑳ ᑮ ᒪᓈᒋᐋᑦ ᑎᐱᓚᐌ ᐅᑯᓯᓴ, ᒫᑲ ᒥᓯᐌ ᐁ ᐃᑕᔑᔭᒃ ᐅᒋ ᐁ ᑮ ᐸᑭᑎᓈᑦ, ᐙᐐᔅ ᓈ ᓇᒪ ᐁᐗᒀᓂᐃ ᐊᓯᒋ ᒧᔐ ᒥᓯᐌ ᑫᒀᓇ ᑭ ᑳ ᒥᓕᑯᓇᐤ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:24

ᑭᓚᓈᓇᐤ ᐅᑎ, ᑳ ᑮ ᓇᑐᒥᑕᒃ, ᓇᒪᐎᓚ ᐊᓂᐃ ᒎᐗ ᐅᒋ ᐱᑯ, ᒫᑲ ᐊᓯᒋ ᐊᓂᐃ ᒉᓐᑖᐃᓚ ᐅᒋ ᓀᔥᑕ᙮

ᓂᔥᑕᒻ ᑯᕆᓐᑎᐊᓇ 1:9

ᑭᒋᒪᓂᑐ ᒀᔭᔅᑭᑎᐤ, ᐊᓇ ᑳ ᑮ ᓇᑐᒥᑖᒃ ᑭᒋ ᐅ ᐎᒉᐙᑲᓂᒥᒣᒃ ᐅᑯᓯᓴ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᓂᔓ ᑯᕆᓐᑎᐊᓇ 12:9

ᓂ ᑮ ᐃᑎᒃ ᒫᑲ, ᓂ ᔕᐌᓕᒋᑫᐎᓐ ᑭ ᑳ ᑌᐱᐸᓕᐃᑯᓐ; ᐌᓴ ᓂ ᒪᔥᑲᐎᓯᐎᓐ ᑭᔑᑖᓂᐗᓐ ᓕᓚᒥᓯᐎᓂᒃ᙮ ᐁᐗᑯ ᐅᒋ ᒫᑲ ᓇᐗᒡ ᓂ ᑳᒫᒪᑖᑯᒧᓐ ᓂ ᓕᓚᒥᓯᐎᓂᒃ, ᐅ ᑲᔥᑭᐅᐎᓐ ᙭ ᑭᒋ ᑗᐅᑐᑕᑯᐗᒃ᙮

ᐃᐱᓯᔭᓇ 4:1

ᐁᐗᑯ ᐅᒋ ᓂᓚ ᐅᑎᐯᓕᒋᑫᐤ ᐅ ᑭᐸᐙᑲᓇ, ᑭ ᓇᑐᑕᒫᑎᓇᐗᐤ, ᑭᒋ ᑌᐸᑫᓕᑖᑯᓯᐎ ᐱᒧᑌᔦᒃ ᐊᓂᒪ ᓇᑐᒥᑯᓯᐎᓂᒃ ᑳ ᐃᔑ ᓇᑐᒥᑲᐎᔦᒃ;

ᐃᐱᓯᔭᓇ 4:4

ᐯᔭᑾᓐ ᒥᔭᐤ, ᓀᔥᑕ ᐯᔭᑯ ᐊᒑᒃ, ᑖᐱᔅᑯᒡ ᐁ ᐃᔑ ᓇᑐᒥᑲᐎᔦᒃ ᑭᒋ ᐯᔭᑯ ᐊᔅᐯᓕᒧᔦᒃ ᑭ ᓇᑐᒥᑯᓯᐎᓂᐙᒃ;

ᐱᓕᐱᔭᓇ 3:8

ᐁᐁ, ᑭᔅᑎᓈᒃ, ᒥᓯᐌ ᑫᒀᓇ ᐸᑾᓐᑕᐤ ᓂᑦ ᐃᑕᑭᑌᓐ ᐁ ᐃᔑ ᑭᔅᑌᓕᑖᑾᓂᓕᒃ ᐅ ᑭᔅᑫᓕᒥᑯᓯᐎᓐ ᙭ ᒋᓴᔅ ᓂ ᑎᐯᓕᒋᑫᒻ; ᐊᓇ ᒥᓯᐌ ᑫᒀᓇ ᑳ ᑮ ᐅᒋ ᐗᓂᑖᔮᓐ, ᓀᔥᑕ ᑖᐱᔅᑯᒡ ᒥᒋᑾᓛᔕ ᓂᑦ ᐃᑕᑭᑌᓐ, ᑭᒋ ᑲᔥᑭᐊᒃ ᙭,

ᐱᓕᐱᔭᓇ 4:8

ᒫᒋᒡ ᒫᑲ ᓂᒋᔖᓂᑐᒃ, ᑫᒀᓇ ᑎᐋᐺᒪᑲᓄᑴ, ᑫᒀᓇ ᐁ ᒀᔭᔅᑾᓄᑴ, ᑫᒀᓇ ᐁ ᒀᔭᔅᑳᑎᓯᒪᑲᓄᑴ, ᑫᒀᓇ ᐯᓓᑲᓄᑴ, ᑫᒀᓇ ᓯᐋᑭᑖᓂᐗᓄᑴ, ᑫᒀᓇ ᒣᓗᐋᓕᒧᒋᑖᓂᐗᓄᑴ; ᐁᑕᑾᓄᑴ ᒥᓨᑎᓯᐃᓐ, ᑮᔥᐱᓐ ᓀᔥᑕ ᐁᑕᑾᓄᑴ ᒫᒪᑖᑯᒥᑯᓯᐎᓐ, ᒫᒥᑐᓀᓕᑕᒧᒃ ᐅᐅ ᑫᒀᓇ᙮

ᑯᓚᔑᔭᓇ 1:16

ᐌᓴ ᐎᓚ ᐅᒋ ᒥᓯᐌ ᑫᒀᓇ ᑮ ᐅᔑᑖᓂᐗᓋ, ᑭᒋᑭᔑᑯᒃ ᑳ ᐃᑕᑾᑭ, ᓀᔥᑕ ᐊᔅᑮᒃ ᑳ ᐃᑕᑾᑭ, ᑳ ᓄᑾᑭ, ᓀᔥᑕ ᐁᑳ ᑳ ᓄᑾᑭ, ᑮᔥᐱᓐ ᐅᑭᒪᐗᐱᐎᓇ, ᓀᔥᑕᐱᑯ ᐅᑭᒪᐎᐎᓇ, ᓀᔥᑕᐱᑯ ᑎᐯᓕᒋᑫᐎᓇ, ᓀᔥᑕᐱᑯ ᑲᔥᑭᐅᐎᓇ: ᒥᓯᐌ ᑫᒀᓇ ᐎᓚ ᑮ ᐅᒋ ᐅᔑᑖᓂᐗᓋ, ᓀᔥᑕ ᐎᓚ ᑭᒋ ᐋᔮᑦ᙮

ᓂᔥᑕᒻ ᑌᓴᓗᓂᔭᓇ 2:12

ᑭᒋ ᐃᔑ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᑭᒋᒪᓂᑐ, ᑳ ᑮ ᐃᔑ ᓇᑐᒥᑖᒃ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᑭᔅᑌᓕᑖᑯᓯᐎᓂᒃ᙮

ᓂᔥᑕᒻ ᑌᓴᓗᓂᔭᓇ 4:7

ᐌᓴ ᑭᒋᒪᓂᑐ ᓇᒪᐎᓚ ᑭ ᑮ ᐅᒋ ᓇᑐᒥᑯᓇᐤ ᐎᓂᓯᐎᓂᒃ ᐃᔑ ᒫᑲ ᐸᓓᑭᓯᐎᓂᒃ᙮

ᓂᔓ ᑌᓴᓗᓂᔭᓇ 2:14

ᐃᑕ ᑳ ᑮ ᐃᔑ ᓇᑐᒥᑖᒃ ᓂ ᒥᓗᐋᒋᒧᐎᓂᓈᓐ ᐅᒋ, ᑭᒋ ᒥᓕᑲᐎᔦᒃ ᐅ ᑭᔅᑌᓕᑖᑯᓯᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᓂᔥᑕᒻ ᑎᒧᑎ 4:8

ᐌᓴ ᒥᔭᐎ ᐊᑑᔅᑫᐃᑎᓱᐎᓐ ᐋᐱᔑᔥ ᐱᑯ ᐋᐸᑕᓐ: ᒫᑲ ᒪᓂᑐᐙᑎᓯᐎᓐ ᒥᓯᐌ ᐃᔑ ᐃᑖᐸᑕᓐ, ᐁ ᐋᔮᒪᑲᒃ ᐊᔓᑕᒫᑫᐎᓐ ᐊᓂᒪ ᐱᒫᑎᓯᐎᓐ ᐅᒋ ᐊᓄᒡ ᑳ ᐃᑕᑾᒃ, ᓀᔥᑕ ᐊᓂᒪ ᑫ ᐹᐸᓕᒃ᙮

ᓂᔓ ᑎᒧᑎ 1:9

ᐊᓇ ᑳ ᑮ ᐱᒫᒋᐃᑕᒃ, ᓀᔥᑕ ᑳ ᑮ ᓇᑐᒥᑕᒃ ᐸᓓᑭ ᓇᑐᑫᐎᓂᒃ, ᓇᒪᐎᓚ ᐁ ᐃᔑ ᐊᑑᔅᑫᔭᒃ, ᒫᑲ ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ, ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᔭᒃ ᙭ ᒋᓴᓯᒃ, ᐸᒧᔑ ᒥᐊᒋ ᐃᑕᑾᒃ ᐊᔅᑭ;

ᐦᐃᑉᕉᐗ 1:3

ᐊᓇ ᐁ ᐙᓯᓱᑦ ᐅ ᑭᔅᑌᓕᑖᑯᓯᐎᓂᓕᒃ, ᓀᔥᑕ ᒥᑐᓂ ᐁ ᓇᔥᐱᑕᐙᑦ ᐁ ᐃᔑᓈᑯᓯᓕᒋ, ᓀᔥᑕ ᐁ ᓯᑐᓇᒃ ᒥᓯᐌ ᑫᒀᓇ ᐅ ᓱᑳᑎᓯᐎ ᐋᔭᒥᐎᓂᓕᐤ ᐅᒋ, ᐃᔅᐱ ᐎᓚ ᑫᒋᐙᒃ ᑳ ᑮ ᐃᑲᑌᓇᒃ ᑭ ᒪᒋᑣᐎᓂᓇᐗ, ᑮ ᓇᐊᐱᐌᐤ ᐅ ᑭᒋᓂᔅᑮᓕᒃ ᐊᓂᐃ ᒥᔭᐗᒋ ᐃᔅᐯᓕᑖᑯᓯᓕᒋ ᐃᔥᐱᒥᒃ;

ᓂᔥᑕᒻ ᐱᑕᕐ 1:15

ᒫᑲ ᑖᐱᔅᑯᒡ ᐁ ᐃᔑ ᐸᓓᑭᓯᑦ ᐊᓇ ᑳ ᑮ ᓇᑐᒥᑖᒃ, ᐁᑯ ᓀᔥᑕ ᑭᓚᐗᐤ ᐸᓓᑭᓯᒃ ᒥᓯᐌ ᐁ ᐃᔑ ᐱᒫᑎᓯᓈᓂᐗᒃ;

ᓂᔥᑕᒻ ᐱᑕᕐ 1:5

ᑭᒋᒪᓂᑐ ᐅ ᑲᔥᑭᐅᐎᓐ ᑳ ᐅᒋ ᑲᓇᐌᓕᒥᑲᐎᔦᒃ ᐁ ᑖᐺᔦᓕᑕᒣᒃ ᐱᒫᒋᐃᐌᐎᓂᒃ ᐃᔑ ᑳ ᐋᔦᔅᑯᐗᒃ ᒫᒋᒡ ᐁ ᑭᔑᑳᑭ ᑭᒋ ᓄᑯᑖᓂᐗᒃ᙮

ᓂᔥᑕᒻ ᐱᑕᕐ 2:21

ᐌᓴ ᐁᐗᑯ ᐌᒋ ᓇᑐᒥᑲᐎᔦᒃ: ᐌᓴ ᙭ ᓀᔥᑕ ᑭ ᐙᐎᓴᑫᓕᑕᒥᔅᑕᒫᑯᓇᐤ, ᐁ ᓇᑲᑕᒫᑕᒃ ᑭᔅᑭᓄᐙᐸᑎᓕᐌᐎᓂᓕᐤ ᑭᒋ ᑖᑖᐸᐊᒣᐌᒃ ᐅ ᑕᑯᔅᑫᐎᓇ:

ᓂᔥᑕᒻ ᐱᑕᕐ 2:9

ᒫᑲ ᑭᓚᐗᐤ ᑭᑦ ᐋᐎᓇᐎᐤ ᑳ ᐙᐌᓛᐸᒫᑲᓂᐎᒋᒃ ᑳ ᐋᓂᔅᑫ ᐱᒫᑎᓯᒋᒃ, ᑳ ᑭᔅᑌᓕᑖᑯᓯᒋᒃ ᓵᓵᑭᐎᓕᐌᐎᓕᓕᐗᒃ, ᑳ ᐸᓓᑭᓯᒋᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᑳ ᑭᔅᑕᑭᑖᑯᓯᒋᒃ ᐃᓕᓕᐗᒃ; ᑭᒋ ᐙᐸᑎᓕᐌᔦᒃ ᐅ ᒥᓨᑎᓰᐃᓇ ᐊᓇ ᐗᓂᑎᐱᔅᑭᓯᐎᓂᒃ ᑳ ᑮ ᐅᒋ ᓇᑐᒥᑖᒃ ᐅ ᒫᒪᔅᑳᒋ ᐙᓭᔮᓱᐎᓂᒃ ᐃᔑ;

ᓂᔥᑕᒻ ᐱᑕᕐ 3:9

ᐁᑳ ᐁ ᒪᒋᑐᑖᑫᔦᒃ ᒦᔅᑯᒡ ᐁ ᒪᒋᑐᑖᑲᐎᔦᒃ, ᐁᑳ ᓀᔥᑕ ᐁ ᑭᑳᒥᐌᔦᒃ ᐁ ᑭᑳᒥᑲᐎᔭᒃ: ᒫᑲ ᐋᔑᑌ ᒥᓦᑭᒥᐌᒃ; ᐁ ᑭᔅᑫᓕᑕᒣᒃ ᐅᒪ ᐁ ᐅᒋ ᓇᑐᒥᑲᐎᔦᒃ ᑭᒋ ᐊᑎ ᐋᔮᔦᒃ ᒥᓦᑭᒥᑯᓯᐎᓐ᙮

ᓂᔥᑕᒻ ᐱᑕᕐ 5:10

ᒫᑲ ᑭᒋᒪᓂᑐ ᑳ ᐋᔮᑦ ᒥᓯᐌ ᔕᐌᓕᒋᑫᐎᓂᓕᐤ, ᑳ ᑮ ᓇᑐᒥᑕᒃ ᑭᒋ ᐋᔭᐗᒃ ᐅ ᑳᑭᑫ ᑭᔅᑌᓕᑖᑯᓯᐎᓐ ᒋᓴᔅ ᙭ ᐅᒋ, ᐎᓕᐱᔉ ᑮ ᐎᓴᑫᓕᑕᒣᑴ, ᑭ ᑳ ᐎ ᒥᑐᓂᐎᐃᑯᐗᐤ, ᐋᔨᒋᐃᑯᐗᐤ ᒪᔥᑲᐎᐃᑯᐗᐤ, ᓱᑭᑳᐸᐎᐃᑯᐗᐤ᙮

ᓂᔓ ᐱᑕᕐ 1:10

ᐁᐗᑯ ᒫᑲ ᐅᒋ ᐊᐙᓯᑌ, ᓂᒋᔖᓂᑐᒃ, ᑭᓯᓴᐎᓯᒃ ᑭᒋ ᑫᒋᓈᔦᓕᑖᑯᑖᔦᒃ ᑭ ᓇᑐᒥᑯᓯᐎᓂᐗᐤ ᓀᔥᑕ ᑭ ᐙᐌᓛᐸᒥᑯᓯᐎᓂᐗᐤ: ᐌᓴ ᑮᔥᐱᓐ ᐅᐅ ᑐᑕᒣᑴ ᓇᒪᐎᔅᑳᑦ ᑭ ᑳ ᐸᑭᔑᓂᓇᐗᐤ:

ᓂᔓ ᐱᑕᕐ 1:2

ᔕᐌᓕᒋᑫᐎᓐ ᓀᔥᑕ ᑳᔮᒣᓕᑕᒧᐎᓐ ᑭ ᑳ ᐎ ᓚᑭᑕᒫᑲᐎᓇᐗᐤ, ᐁ ᐅᒋ ᑭᔅᑫᓕᒣᒃ ᑭᒋᒪᓂᑐ, ᓀᔥᑕ ᒋᓴᔅ ᑭ ᑎᐯᓕᒋᑫᒥᓇᐤ᙮

ᓂᔓ ᐱᑕᕐ 1:5

ᐊᓯᒋ ᐅᒪ ᓀᔥᑕ, ᓈᔅᐱᒡ ᐁ ᑭᓯᓴᐎᓯᔦᒃ, ᑕᑯᑖᒃ ᑭ ᑖᐺᔦᓕᑕᒧᐎᓂᐙᒃ, ᒥᓨᑎᓯᐎᓐ, ᓀᔥᑕ ᒥᓨᑎᓯᐎᓂᒃ, ᑭᔅᑫᓕᑕᒧᐎᓐ;

ᓂᔓ ᐱᑕᕐ 1:6

ᓀᔥᑕ ᑭᔅᑫᓕᑕᒧᐎᓂᒃ, ᐯᑳᒡ ᐃᑖᑎᓯᐎᓐ; ᓀᔥᑕ ᐯᑳᒡ ᐃᑖᑎᓯᐎᓂᒃ, ᔑᐱᓚᐌᓯᐎᓐ; ᓀᔥᑕ ᔑᐱᓚᐌᓯᐎᓂᒃ, ᒪᓂᑐᐙᑎᓯᐎᓐ;

ᓂᔓ ᐱᑕᕐ 1:8

ᐌᓴ ᑮᔥᐱᓐ ᐅᐅ ᐱᒋᔅᑳᑯᔦᒃ, ᓀᔥᑕ ᒥᒉᑎᒃ, ᑭᑦ ᐃᑐᑖᑯᓇᐗᐤ ᐁᑳ ᑭᒋ ᑭᑎᒥᔦᒃ ᐁᑳ ᓀᔥᑕ ᑭᒋ ᐁᑳᒥᓂᔑᐎᔦᒃ ᑭᒋ ᑭᔅᑫᓕᒣᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᓂᔓ ᐱᑕᕐ 2:20

ᐌᓴ ᑮᔥᐱᓐ, ᐃᔅᐱ ᑮ ᐅᔑᑕᑭᒃ ᐎᓕᐱᓯᐎᓇ ᐊᔅᑮᒃ ᑳ ᐃᑕᑾᓂᓕᑭ, ᐁ ᐃᔑ ᑭᔅᑫᓕᒫᒋᒃ ᑭ ᑎᐯᓕᒋᑫᒥᓇᐗ ᓀᔥᑕ ᑭ ᐱᒫᒋᐃᐌᒥᓇᐗ ᒋᓴᔅ ᙭ᑕ, ᒥᓇ ᒫᑲ ᐁᑯᑕ ᐃᔑ ᓇᑾᓱᑡᐌ, ᓀᔥᑕ ᔖᑯᒋᐋᑲᓂᐎᑡᐌ, ᐃᔥᒀᔮᒡ ᒫᑲ ᐅᑦ ᐃᔑ ᐋᔭᐎᓇᐗᐤ ᐊᐙᓯᑌ ᒫᓛᑕᓂᓕᐤ ᐃᔥᐱᔥ ᓂᔥᑕᒻ᙮

ᓂᔓ ᐱᑕᕐ 3:18

ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮