ᓂᔓ ᐱᑕᕐ 1:16 - ᐅᔅᑭ ᑎᔅᑌᒥᓐᑦ

¹⁶ ᐌᓴ ᓇᒪᐎᓚ ᓂ ᑮ ᓄᔅᐱᓇᑌᓈᓐ ᑳ ᒥᓗᑖᑯᑕᓂᐗᑭ ᐋᑕᓗᑳᓇ, ᐃᔅᐱ ᑫᔅᑫᓕᑕᒥᐃᑖᑾᒃ ᐅ ᑲᔥᑭᐅᐎᓐ ᓀᔥᑕ ᐅ ᑕᑯᔑᓂᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᒫᑲ ᓂ ᑮ ᐙᐸᑕᒸᓈᓐ ᐅ ᑭᒋᐅᑭᒫᐌᓕᑖᑯᓯᐎᓐ᙮

ᓂᔓ ᐱᑕᕐ 1:16 Iomraidhean Croise

ᐅᐸᓓᑭᔅ ᒫᑎᐤ 16:27

ᐌᓴ ᐃᓕᓕᐎᑯᓯᓵᓐ ᑲᑕ ᐯᒋ ᐃᑐᑌᐤ ᐅᑖᐎᔭ ᐅ ᑭᔅᑌᓕᑖᑯᓯᐎᓂᓕᒃ, ᐊᓯᒋ ᐅᑦ ᐁᓐᒐᓕᒪ; ᐁᑯ ᒫᑳ ᑫ ᑎᐸᐊᒪᐙᑦ ᒥᓯᐌ ᑕᑐ ᐃᓕᓕᐗ ᒬᒋ ᑳ ᑮ ᐊᑑᔅᑫᓕᒋ᙮

ᐅᐸᓓᑭᔅ ᒫᑎᐤ 16:28

ᑖᐺ ᑭᑦ ᐃᑎᓇᐗᐤ, ᐅᑕ ᓂᐸᐎᐗᒃ ᐋᑎᑦ, ᐁᑳ ᑫ ᑯᒋᔅᑕᑭᒃ ᓂᐱᐎᓂᓕᐤ, ᐹᑎᒫ ᑮ ᐙᐸᒫᑣᐌ ᐃᓕᓕᐎᑯᓯᓵᓇ ᐁ ᐯᒋ ᐃᑐᑌᓕᒋ ᐅᑦ ᐅᑭᒫᐎᐎᓂᓕᒃ᙮

ᐅᐸᓓᑭᔅ ᒫᑎᐤ 17:1

ᑳ ᐳᓂᐸᓕᑭ ᒫᑲ ᓂᑰᑡᓱ ᑭᒋᑳᐗ ᒋᓴᔅ ᐅᑎᓀᐤ ᐱᑕᕋ, ᒉᒻᓴ, ᓀᔥᑕ ᐎᒋᔖᓇ ᒑᓇ, ᑮ ᐃᑐᑕᐁᐤ ᒫᑲ ᐁ ᐃᔅᐸᑎᓈᓕᒃ ᐗᒌᒃ;

ᐅᐸᓓᑭᔅ ᒫᑎᐤ 24:27

ᐌᓴ ᑖᐱᔅᑯᒡ ᐙᐸᓄᑖᒃ ᐁ ᐅᒋ ᐙᔅᑌᐸᓕᒃ, ᐁ ᐅᑎᑖᔅᑌᐸᓕᒃ ᒫᑲ ᓇᑳᐯᐊᓄᑖᒃ; ᐁᑯ ᒬᒋ ᑫ ᐃᑭᒃ ᐯᒋ ᑕᑯᔑᑫ ᐃᓕᓕᐎᑯᓯᓵᓐ᙮

ᐅᐸᓓᑭᔅ ᒫᑎᐤ 24:3

ᒣᒀᒡ ᒫᑲ ᐁ ᐊᐱᑦ ᐊᓕᑉᔅ ᐗᒌᒃ, ᑭᒧᒡ ᑮ ᐯᒋ ᓈᑎᑯ ᑭᔅᑭᓄᐊᒪᐗᑲᓇ, ᐁ ᐃᑎᑯᑦ, ᐎᑕᒫᐎᓈᓐ, ᑖᓂᔅᐱ ᑫ ᐃᑭᑭ ᐅᐅ ᑫᒀᓇ? ᓀᔥᑕ ᑫᑯ ᑭᔅᑭᓄᐙᒋ ᐙᐸᑎᓕᐌᐎᓐ ᑫ ᐅᒋ ᑭᔅᑫᓕᑖᑾᒃ ᑭᒋ ᑕᑯᔑᓂᔭᓐ, ᓀᔥᑕ ᑭᒋ ᐃᔥᒀᐸᓕᒃ ᐊᔅᑭ?

ᐅᐸᓓᑭᔅ ᒫᑎᐤ 28:18

ᒋᓴᔅ ᒫᑲ ᑮ ᐯᒋ ᐋᔭᒥᐁᐤ, ᐁ ᐃᑗᑦ, ᒥᓯᐌ ᑲᔥᑭᐅᐎᓐ ᓂ ᒥᓕᑳᐎᓐ ᑭᒋᑭᔑᑯᒃ ᓀᔥᑕ ᐅᑕ ᐊᔅᑮᒃ᙮

ᐅᐸᓓᑭᔅ ᒫᕐᒃ 13:26

ᐁᑯ ᒫᑲ ᑫ ᐙᐸᒫᒋᒃ ᐃᓕᓕᐎᑯᓯᓵᓇ ᐁ ᐯᒋ ᐃᑐᑌᓕᒋ ᐗᔅᑯᒃ, ᑭᒋ ᑲᔥᑭᐅᐎᓂᒃ ᓀᔥᑕ ᑭᔅᑌᓕᑖᑯᓯᐎᓂᒃ᙮

ᐅᐸᓓᑭᔅ ᒫᕐᒃ 14:62

ᒋᓴᔅ ᒫᑲ ᑮ ᐃᑗᐤ, ᐁᐁ ᓂᑦ ᐋᐐᓐ: ᑭ ᑳ ᐙᐸᒫᐗᐤ ᒫᑲ ᐃᓕᓕᐎᑯᓯᓵᓐ ᐁ ᐊᐱᑦ ᑭᒋᓂᔅᑮᒃ ᑲᔥᑭᐅᐎᓂᒃ, ᓀᔥᑕ ᐁ ᐯᒋ ᐃᑐᑌᑦ ᑭᒋᑭᔑᑳᐎ ᐗᔅᑯᒃ᙮

ᐅᐸᓓᑭᔅ ᓘᒃ 1:2

ᒬᒋ ᐁ ᑮ ᐃᔑ ᐎᑕᒪᐎᔭᒥᒋᒃ, ᐊᓂᑭ ᓃᔥᑕᒻ ᑳ ᐙᐸᑕᑭᒃ ᐅᔅᑭᔑᑯᐙᐗ ᐅᒋ, ᓀᔥᑕ ᑳ ᑎᐹᑐᑕᑭᒃ ᐋᔭᒥᐎᓂᓕᐤ;

ᐅᐸᓓᑭᔅ ᓘᒃ 9:43

ᒥᓯᐌ ᒫᑲ ᑮ ᒫᒪᔅᑳᑕᒬᐗᒃ ᑭᒋᒪᓂᑐᐗ ᐅ ᑭᒋ ᑲᔥᑭᐅᐎᓂᓕᐤ᙮ ᒫᑲ ᒣᒀᒡ ᑳ ᒫᒪᔅᑲᑕᒶᒋᒃ ᒥᓯᐌ ᑕᑐ ᐁ ᐃᑕᓯᒋᒃ ᒥᓯᐌ ᑫᒀᓇ ᑳ ᑐᑕᒥᓕᒋ ᒋᓴᓴ, ᑮ ᐃᑌᐤ ᐅ ᑭᔅᑭᓄᐊᒪᐙᑲᓇ᙮

ᐅᐸᓓᑭᔅ ᒑᓐ 1:14

ᐋᔭᒥᐎᓐ ᒫᑲ ᑮ ᐎᔮᓯᐎᐋᑲᓂᐎᐤ, ᓀᔥᑕ ᑭ ᑮ ᐎᒋᑕᔑᑫᒥᑯᓇᐤ, ᓀᔥᑕ ᑭ ᑮ ᐙᐸᑕᒸᓈᓇᐤ ᐅ ᑭᔅᑌᓕᑖᑯᓯᐎᓐ, ᐅ ᑭᔅᑌᓕᑖᑯᓯᐎᓐ ᑖᐱᔅᑯᒡ ᐅ ᐯᔭᑯᔖᓇ ᐌᐅᑖᐎᒪᐎᑦ, ᐁ ᓵᑲᔅᑭᓀᔅᑳᑯᑦ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 17:2

ᑖᐱᔅᑯᒡ ᐁ ᑮ ᒥᓛᑦ ᑲᔥᑭᐅᐎᓂᓕᐤ ᑭᒋ ᑎᐯᓕᒫᑦ ᒥᓯᐌ ᐃᓕᓕᐗ, ᑭᒋ ᒥᓛᑦ ᑳᑭᑫ ᐱᒫᑎᓯᐎᓂᓕᐤ ᑕᑐ ᐊᓂᐃ ᑳ ᑮ ᒥᓚᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:4

ᐁ ᑮ ᐃᑖᑲᓂᐎᑦ ᒫᑲ ᑭᒋ ᐅᑯᓯᓯᒥᑯᑦ ᑭᒋᒪᓂᑐᐗ ᓱᑳᑎᓯᐎᓂᒃ, ᐸᓓᑭᓯᐎᓂ ᐊᒑᑾ ᐃᔑ, ᐁ ᑮ ᐗᓂᔥᑳᓈᑦ ᐅᓂᐱᐗ ᐅᒋ:

ᓂᔥᑕᒻ ᑯᕆᓐᑎᐊᓇ 1:17

ᐌᓴ ᙭ ᓇᒪᐎᓚ ᓂ ᑮ ᐃᔑᑎᔕᐅᒃ ᑭᒋ ᓯᑲᐋᑖᑫᔭᓐ, ᒫᑲ ᑭᒋ ᑲᑫᔅᑭᒥᐌᔮᓐ ᒥᓗᐋᒋᒧᐎᓐ: ᓇᒪᐎᓚ ᑲᑫᑕᐌᓕᑕᒧᐎ ᐋᔭᒥᐎᓇ ᐅᒋ, ᐁᑳ ᙭ ᐅᑦ ᐋᔑᑌᐋᑎᑯᒻ ᐁᑳ ᐙᔦᔥ ᑭᒋ ᐃᑖᐸᑕᓂᓕᒃ᙮

ᓂᔥᑕᒻ ᑯᕆᓐᑎᐊᓇ 1:23

ᒫᑲ ᓂ ᑲᑫᔅᑭᒥᐙᓈᓐ ᙭ ᐁ ᒋᔅᑖᔅᑾᐙᑲᓂᐎᑦ, ᒍᐗᒃ ᐁ ᐅ ᐱᔓᓯᓄᐎᓂᒋᒃ, ᓀᔥᑕ ᒃᕆᑲᒃ ᑲᑫᐹᑎᓯᐎᓐ ᑳ ᐃᑌᓕᑕᑭᒃ;

ᓂᔥᑕᒻ ᑯᕆᓐᑎᐊᓇ 1:7

ᑳ ᐅᒋ ᐁᑳ ᓈᓐᑕᐤ ᒥᓕᐌᐎᓐ ᐁ ᓄᑌᐸᓕᔦᒃ; ᐁ ᐊᔕᐙᐸᑕᒬᒃ ᐅ ᑕᑯᔑᓄᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭;

ᓂᔥᑕᒻ ᑯᕆᓐᑎᐊᓇ 2:1

ᓂᓚ ᒫᑲ, ᓂᒋᔖᓂᑐᒃ, ᐃᔅᐱ ᐱᐁᒋ ᓈᑎᑖᑾᒃ, ᓇᒪᐎᓚ ᓂ ᑮ ᑕᑯᔑᓂᓐ ᐁ ᐋᐸᒋᑖᔮᓐ ᑳ ᑭᔅᑕᑭᑖᑾᒃ ᐋᔭᒥᐎᓐ ᓀᔥᑕ ᑲᑫᑕᐌᓕᑕᒧᐎᓐ, ᐁ ᐎᑕᒫᑕᑾᒃ ᐅ ᑎᐹᒋᒧᐎᓐ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 2:4

ᓀᔥᑕ ᓂᑦ ᐋᔭᒥᐎᓐ ᓀᔥᑕ ᓂ ᑲᑫᔅᑭᒥᐌᐎᓐ ᓇᒪᐎᓚ ᔓᔅᑾᒋᐋᔭᒥᐎᓇ ᑳ ᐅᒋᐸᓕᑭ ᐃᓕᓕᐎ ᑲᑫᑕᐌᓕᑕᒧᐎᓂᒃ, ᒫᑲ ᑳ ᐃᔑ ᐙᐸᑎᓕᐌᑦ ᐊᒑᒃ ᓀᔥᑕ ᑲᔥᑭᐅᐎᓂᒃ ᐃᔑ;

ᓂᔥᑕᒻ ᑯᕆᓐᑎᐊᓇ 5:4

ᐅᑦ ᐃᔑᓂᑳᓱᐎᓂᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐃᔅᐱ ᒫᒪᐎ ᒫᐗᒋᐃᑐᔦᑴ, ᓀᔥᑕ ᓂᑦ ᐊᒑᒃ, ᐊᓯᒋ ᐅ ᑲᔥᑭᐅᐎᓐ ᑭ ᑎᐯᓕᒋᑫᒥᓇᐤ ᒋᓴ ᙭,

ᓂᔓ ᑯᕆᓐᑎᐊᓇ 2:17

ᐌᓴ ᓂᓚᓈᓐ ᓇᒪᐎᓚ ᑖᐱᔅᑯᒡ ᒥᒉᑦ ᑳ ᒪᒋ ᐋᐸᒋᑕᐙᒋᒃ ᑭᒋᒪᓂᑐᐗ ᐅᑦ ᐗᔭᒥᐎᓂᓕᐤ: ᒫᑲ ᒀᔭᔉ ᐃᑌᓕᑕᒧᐎᓂᒃ, ᒫᑲ ᑖᐱᔅᑯᒡ ᑭᒋᒪᓂᑐ ᐅᒋ, ᐁ ᑲᓇᐙᐸᒥᔭᒥᑦ ᑭᒋᒪᓂᑐ, ᓂᑦ ᐋᔭᒥᓈᓐ ᙭ᑎᒃ᙮

ᓂᔓ ᑯᕆᓐᑎᐊᓇ 4:2

ᒫᑲ ᓂ ᑮ ᐌᐱᓀᓈᓐ ᐊᓂᐃ ᑭᒧᒡ ᑫᒀᓇ ᓇᓀᐯᐎᓯᐎᓂᒃ ᑳ ᐃᑕᑾᑭ, ᐁᑳ ᐁ ᐱᒧᑌᔮᒃ ᑲᑳᔦᓕᓯᐃᓂᒃ, ᐁᑳ ᓀᔥᑕ ᐁ ᐙᔦᔑᐃᐌᐎ ᑕᑯᓇᒶᒃ ᑭᒋᒪᓂᑐ ᐅᑦ ᐋᔭᒥᐎᓐ; ᒫᑲ ᐁ ᑭᔅᑫᓕᑖᑯᑖᔮᒃ ᑖᐺᐎᓐ, ᓂ ᒥᓗᐋᒋᒥᑎᓱᔅᑕᐙᓈᓐ ᒥᓯᐌ ᑕᑐ ᐃᓕᓕᐤ ᐅ ᒥᑐᓀᓕᒋᑲᓂᒃ ᐁ ᑲᓇᐙᐸᒥᑦ ᑭᒋᒪᓂᑐ᙮

ᐃᐱᓯᔭᓇ 4:14

ᐁᑳ ᑫᔮᐸᒡ ᑭᒋ ᐊᐙᔑᔑᐎᔭᒃ ᐁ ᒫᒦᔅᑯᒋᐸᓕᔭᒃ ᐸᐹᐌᐹᔅᑎᒥᑯᔭᒃ ᒥᓯᐌ ᐹᐱᑐᔥ ᑭᔅᑭᓄᐊᒫᑫᐎᓐ, ᐁ ᒋᔑᐃᑕᑾᒃ ᐙᔦᔑᐃᐌᐎᓕᓕᐗᒃ, ᓀᔥᑕ ᐅ ᒪᒋ ᑲᑳᔦᓕᓯᐎᓂᐗᐤ, ᐃᑕ ᑳ ᐅᒋ ᐊᔣᐃᑫᒋᒃ ᑭᒋ ᐙᔦᔑᐃᐌᒋᒃ;

ᐱᓕᐱᔭᓇ 3:21

ᐊᓇ ᑫ ᑴᔅᑭᓈᑯᑖᑦ ᑳ ᐋᐱᔅᑌᓕᑖᑾᒃ ᑭᔭᐎᓈᐤ ᑭᒋ ᐃᔑᑖᓂᐗᒃ ᑖᐱᔅᑯᒡ ᐎᔭᐤ ᑳ ᒪᓂᑐᐎᓈᑾᓂᓕᒃ, ᐁ ᐃᔑ ᐊᑑᔅᑫᒪᑲᓂᓕᒃ ᐅ ᑲᔥᑭᐅᐎᓐ ᒥᓯᐌ ᑫᒀᓇ ᑭᒋ ᔖᑯᒋᑕᒫᓱᑦ᙮

ᓂᔥᑕᒻ ᑌᓴᓗᓂᔭᓇ 2:19

ᐌᓴ ᑫᒀᓐ ᓂᑦ ᐊᔅᐯᓕᒧᐎᓂᓈᓐ, ᓀᔥᑕᐱᑯ ᓂ ᒥᓚᐙᑕᒧᐎᓂᓈᓐ, ᓀᔥᑕᐱᑯ ᓂ ᒧᒋᑫᓕᑕᒧᐎᓂ ᐊᔅᑐᑎᓂᓈᓐ? ᓇᒪ ᓈ ᑭᓚᐗᐤ, ᐁ ᑲᓇᐙᐸᒥᑖᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐯᒋ ᑕᑯᔑᑫ?

ᓂᔓ ᑌᓴᓗᓂᔭᓇ 2:9

ᐊᓇ ᐅᑎ ᑫ ᑕᑯᔑᒃ ᐁ ᓇᔅᐱᑕᐙᑦ ᓭᑕᓇ ᐁ ᐊᑑᔅᑫᓕᒋ, ᒥᓯᐌ ᑲᔥᑭᐅᐎᓂᒃ, ᓀᔥᑕ ᑭᔅᑭᓄᐙᒋᒋᑲᓂᒃ, ᓀᔥᑕ ᑭᓛᔅᑭᐎ ᒫᒪᔅᑳᒋ ᐊᑑᔅᑫᐎᓂᒃ,

ᓂᔥᑕᒻ ᑎᒧᑎ 1:4

ᐁᑳ ᓀᔥᑕ ᑭᒋ ᐱᓯᔅᑫᓕᑕᑭᒃ ᑭᓛᔅᑭᐙᒋᒧᐎᓇ ᓀᔥᑕ ᐁᑳ ᐎᔅᑳᑦ ᑳ ᐳᓂᐸᓕᑭ ᐊᔮᓂᔅᑫᐋᔭᒥᐎᓇ, ᑳ ᐅᒋ ᐅᒋᐸᓕᑭ ᑲᑴᒋᒥᑐᐎᓇ ᐊᐙᓯᑌ ᐃᔥᐱᔥ ᒪᓂᑐᐎ ᑭᔅᑭᓄᐊᒫᑫᐎᓐ ᑖᐺᔦᓕᑕᒧᐎᓂᒃ ᑳ ᐃᑕᑾᒃ᙮

ᓂᔥᑕᒻ ᑎᒧᑎ 4:7

ᒫᑲ ᐋᑕᐌᓕᑕ ᐸᑾᓐᑕᐤ ᓀᔥᑕ ᓄᑐᑫᐗᒃ ᐅᑦ ᐊᑕᓗᑳᓂᐗᐗ, ᓀᔥᑕ ᒪᓂᑐᐙᑎᓯᐎᓂᒃ ᐃᔑ ᐊᑑᔅᑫᐃᑎᓱ᙮

ᑕᐃᑕᔅ 1:14

ᐁᑳ ᐁ ᐹᐱᓯᔅᑫᓕᑕᑭᒃ ᒎᐎ ᐋᑕᓗᑳᓇ, ᓀᔥᑕ ᐅ ᑲᑫᔅᑴᐎᓂᓕᐗ ᐃᓕᓕᐗ ᑳ ᓇᑲᑕᒥᓕᒋ ᑖᐺᐎᓂᓕᐤ᙮

ᓂᔓ ᐱᑕᕐ 2:3

ᓀᔥᑕ ᒧᔅᑌᓇᒫᑫᐎᓂᒃ, ᐁ ᑲᑳᔦᓕᓯᐎ ᐊᔭᒥᒋᒃ, ᑭ ᑳ ᐊᑖᐌᑐᑖᑯᐗᐗᒃ: ᐅ ᑎᐹᔅᑯᓂᑯᓯᐎᓂᐗᐤ ᑳᔮᔥ ᐅᒋ ᐁᑳ ᐁ ᑆᔅᑕᐎᐸᓕᓕᐤ, ᓀᔥᑕ ᐅ ᓂᔑᐗᓈᒋᐃᑯᓯᐎᓂᐗᐤ ᐁᑳ ᐁ ᓂᐹᒪᑲᓂᓕᒃ᙮

ᓂᔥᑕᒻ ᒑᓐ 4:14

ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᐎᑌᓈᓐ ᐅᑖᐎᒪᐤ ᐁ ᑮ ᐯᒋᑎᔕᐙᑦ ᐅᑯᓯᓯᒪᐗ ᑭᒋ ᐱᒫᒋᑖᓕᒋ ᐊᔅᑭᓕᐤ᙮

ᒎᑦ 1:14

ᐃᓇᒃ ᒫᑲ ᓀᔥᑕ, ᐊᓇ ᓂᑯᑣᔅ ᑳ ᐋᓂᔅᑫ ᐅᒌᑦ ᐋᑕᒥᒃ, ᑮ ᑭᔅᑭᐙᐃᑫᐎ ᐋᓕᒧᒣᐤ ᐅᐅ, ᐁ ᐃᑗᑦ, ᒫᑎᑲ, ᐅᑎᐯᓕᒋᑫᐤ ᐯᒋ ᐃᑐᑌᐤ ᐁ ᐎᒉᐙᑦ ᒥᑖᑡᐤ ᑭᒋᒥᑖᑐᒥᑕᓇᐤ ᐅ ᐸᓓᑭᓯᒪ,

ᑭᔅᑫᓕᑖᑯᑖᑫᐎᓐ 1:7

ᒫᑎᑲ, ᐯᒋ ᐃᑐᑌᐤ ᐗᔅᑯᒃ; ᓀᔥᑕ ᑲᑕ ᐙᐸᒥᑯ ᒥᓯᐌ ᒥᔅᑭᔑᑾ, ᐊᓂᐃ ᓀᔥᑕ ᑳ ᑮ ᑕᑲᒥᑯᑦ: ᓀᔥᑕ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑲᑕ ᒫᑐᐗᒃ ᐎᓚ ᐅᒋ᙮ ᐁᑯ ᑫ ᐃᑭᒃ᙮ ᐁᒣᓐ᙮