ᓂᔓ ᑯᕆᓐᑎᐊᓇ 9:2 - ᐅᔅᑭ ᑎᔅᑌᒥᓐᑦ

² ᐌᓴ ᓂ ᑭᔅᑫᓕᑌᓐ ᐁ ᐃᔑ ᓂᑳᒪᔅᑌᒃ ᑭ ᒥᑐᓀᓕᒋᑲᓂᐗᐤ, ᑳ ᐅᒋ ᒫᒪᑖᑯᒥᑕᑾᒃ ᐁ ᑎᐹᒋᒧᔅᑕᐗᑭᒃ ᐊᓂᑭ ᑳ ᐃᑖᒋᒃ ᒫᓯᑐᓂᔭᐃᒃ, ᐊᑳᔭ ᐁ ᑮ ᐋᔦᔅᑲᐎᓯᒪᑲᒃ ᐱᐴᓄᒃ; ᓀᔥᑕ ᑭ ᓱᑫᓕᑕᒧᐎᓂᐗᐤ ᓈᔅᐱᒡ ᒥᒉᑦ ᑮ ᔑᑭᐃᑯᐗᒃ᙮

ᓂᔓ ᑯᕆᓐᑎᐊᓇ 9:2 Iomraidhean Croise

ᐊᐸᔅᑕᓚᒃ 18:12

ᐃᔅᐱ ᒫᑲ ᑳᓕᐅ ᑳ ᑎᐯᓕᑕᒃ ᐊᑳᐃᐊᐃᓕᐤ, ᐊᓂᑭ ᒎᐗᒃ ᑮ ᒫᒪᐎ ᐸᓯᑯᔅᑕᐌᐗᒃ ᐹᓚ, ᑮ ᐯᔑᐌᐗᒃ ᒫᑲ ᐊᓐᑕ ᑎᐸᔅᑯᓂᑫᐎ ᐊᐱᐎᓂᒃ,

ᐊᐸᔅᑕᓚᒃ 24:17

ᑭᐃᔥᑾ ᒥᒉᑦ ᐱᐴᓋ ᒫᑲ ᓂ ᑮ ᐯᒋ ᐃᑐᑖᓐ ᑭᒋ ᐯᑐᐗᑭᒃ ᒥᓕᐌᐎᓇ ᓂ ᐎᑕᔅᑭᒫᑲᓇᒃ, ᓀᔥᑕ ᐸᑭᑎᓂᑫᐎᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:26

ᐌᓴ ᑮ ᐃᔑ ᒥᓜᓕᑕᒶᒃ ᐊᓂᑭ ᒫᓯᑐᓂᔭᐃᒃ ᓀᔥᑕ ᐊᑳᔭᐃᒃ ᑭᒋ ᒫᒪᐎ ᒥᓕᐌᐎᓂᑫᒋᒃ ᐊᓂᐃ ᑭᑎᒫᑭᓯᐎ ᐅᐸᓓᑭᓯᐗ ᒋᕉᓴᓚᒥᒃ ᑳ ᐃᑖᓕᒋ ᐅᒋ᙮

ᓂᔥᑕᒻ ᑯᕆᓐᑎᐊᓇ 16:15

ᑭ ᓇᑕᐌᓕᑕᒫᑎᓇᐗᐤ, ᓂᒋᔖᓂᑐᒃ, ᑭ ᑭᔅᑫᓕᑌᓇᐗᐤ ᔅᑎᐸᓇᔅ ᑳ ᑐᑕᑫᑦ, ᐁᐗᒀᓂᑭ ᓂᑳᓐ ᑳ ᒥᓂᔑᐎᒋᒃ ᐊᑳᔭᐃᒃ, ᓀᔥᑕ ᐁ ᑮ ᐸᑭᑎᓂᑎᓱᒋᒃ ᑭᒋ ᐸᒦᔅᑕᐙᒋᒃ ᐅᐸᓓᑭᓴ,

ᓂᔓ ᑯᕆᓐᑎᐊᓇ 1:1

ᐹᓪ ᐅᑦ ᐊᐸᔅᑕᓕᒪ ᒋᓴᔅ ᙭ ᐁ ᐃᑌᓕᑕᒃ ᑭᒋᒪᓂᑐ, ᓀᔥᑕ ᑎᒧᑎ ᑭᒋᔖᓂᓇᐤ, ᐁ ᒪᓯᓇᐊᒪᐙᑦ ᐊᓂᐃ ᐅ ᒫᒪᐎᐋᔭᒥᐋᒪ ᑭᒋᒪᓂᑐ ᑳ ᐃᑖᓕᒋ ᑯᕆᓐᑎᒃ, ᐊᓯᒋ ᓀᔥᑕ ᒥᓯᐌ ᐊᓂᐃ ᐅᐸᓓᑭᓴ ᑳ ᐃᑖᓂᒋ ᒥᓯᐌ ᐊᑳᔭᐃᒃ:

ᓂᔓ ᑯᕆᓐᑎᐊᓇ 7:14

ᐌᓴ ᑮᔥᐱᓐ ᑮ ᒫᒪᑖᑯᒧᔅᑕᐗᒃ ᑫᒀᓐ ᑭᓚᐗᐤ ᐅᒋ, ᓇᒪᐎᓚ ᓂ ᓇᓀᐯᐎᓰᓐ; ᒫᑲ ᑳ ᑮ ᐃᔑ ᐃᑕᒫᑕᑾᒃ ᒥᓯᐌ ᑫᒀᓇ ᑖᐺᐎᓂᒃ, ᐁᑯ ᑖᐱᔅᑯᒡ ᓂ ᒫᒪᑖᑯᒧᐎᓂᓈᓐ ᑳ ᑮ ᐃᔑ ᒫᒪᑖᑯᒧᔅᑕᐗᒃ ᑕᐃᑕᔅ, ᒥᔅᑭᑳᑌᐤ ᐁ ᑖᐺᐎᓂᐗᒃ:

ᓂᔓ ᑯᕆᓐᑎᐊᓇ 7:4

ᓈᔅᐱᒡ ᑭ ᓱᑭᑌᐁᐎ ᐋᔭᒥᐃᑎᓇᐗᐤ, ᓈᔅᐱᒡ ᓂ ᒫᒪᑖᑯᒧᓐ ᑭᓚᐗᐤ ᐅᒋ: ᓂ ᓴᑲᔅᑭᓀᔅᑳᑯᓐ ᒥᓜᓕᑕᒧᐎᓐ, ᓈᔅᐱᒡ ᓂ ᒧᒋᑫᓕᑌᓐ ᒥᓯᐌ ᓂᑦ ᐊᓕᒥᓯᐎᓂᓈᒃ᙮

ᓂᔓ ᑯᕆᓐᑎᐊᓇ 8:10

ᐅᑕ ᒫᑲ ᓂ ᒥᓕᐙᓐ ᓂ ᑲᑫᔅᑭᒥᐗᐎᓐ: ᐌᓴ ᐅᒪ ᑮ ᓇᐃᐸᓕᔅᑳᑯᓐ, ᑭᓚᐗᐤ ᐊᔕᔾ ᑳ ᑮ ᒫᒋᑐᑕᒣᒃ, ᓇᒪᐎᓚ ᐱᑯ ᑭᒋ ᑐᑕᒣᒃ, ᒫᑲ ᐊᓯᒋ ᐁ ᑮ ᓂᑳᓀᓕᒧᔦᒃ ᐱᐴᓄᒃ᙮

ᓂᔓ ᑯᕆᓐᑎᐊᓇ 8:11

ᐁᑯᔑ ᒫᑲ ᐁᑯ ᑎᐱᑐᑕᒧᒃ ᐊᓂᒪ ᑳ ᐎ ᑐᑕᒣᒃ; ᑳ ᑮ ᐃᔑ ᓂᑳᓀᓕᒧᔦᒃ, ᐁᑯ ᑖᐱᔅᑯᒡ ᓀᔥᑕ ᑭᒋ ᑎᐱᑐᒋᑳᑌᒃ ᐊᓂᒪ ᐅᒋ ᑳ ᐋᔮᔦᒃ᙮

ᓂᔓ ᑯᕆᓐᑎᐊᓇ 8:19

ᓇᒪᐎᓚ ᐊᓂᒪ ᐱᑯ, ᒫᑲ ᑳ ᑮ ᐙᐌᓛᐸᒥᑯᑦ ᓀᔥᑕ ᒫᒪᐎᐋᔭᒥᐋᐗ ᑭᒋ ᐎᒋᐱᒥᐱᒋᒥᔭᒥᑦ ᐁ ᑲᓇᐌᓕᑕᒪᒃ ᐅᒪ ᔕᐌᓕᒋᑫᐎᓐ, ᑳ ᒫᑎᓇᒫᑫᔮᒃ, ᑫ ᐅᒋ ᒫᒥᒋᒪᑲᓂᐎᑦ ᐁᐗᑯ ᐊᓇ ᐅᑎᐯᓕᒋᑫᐤ, ᓀᔥᑕ ᑭᒋ ᐅᒋ ᐎᒋᒋᑳᑌᒃ ᑮ ᓂᑳᓀᓕᑕᒧᐎᓂᐗᐤ:

ᓂᔓ ᑯᕆᓐᑎᐊᓇ 8:24

ᐁᐗᑯ ᐅᒋ, ᐙᐸᑎᓕᑯᒃ, ᐅᑎᔥᑲᐤ ᓀᔥᑕ ᒫᒪᐎᐋᔭᒥᐋᐗᒃ, ᐁ ᑫᒋᓈᔦᓕᑖᑾᒃ ᑭ ᓵᑭᐃᐌᐎᐎᓂᐗᐤ, ᓀᔥᑕ ᓂ ᒫᒪᑖᑯᒧᐎᓂᓈᓐ ᑭᓚᐗᐤ ᐅᒋ᙮

ᓂᔓ ᑯᕆᓐᑎᐊᓇ 8:8

ᓇᒪᐎᓚ ᑲᑫᔅᑴᐎᓐ ᓂᑦ ᐅᒋ ᐋᔭᒥᓐ, ᒫᑲ ᐅ ᓂᑳᓀᓕᒧᐎᓂᐗᐤ ᑯᑕᑭᔭᒃ ᐅᒋ, ᓀᔥᑕ ᑭᒋ ᑭᔅᑫᓕᑖᑾᒃ ᐁ ᐃᔑ ᑫᒋᓈᔦᓕᑖᑾᒃ ᑭ ᓵᑭᐃᐌᐎᓂᐗᐤ᙮

ᓂᔥᑕᒻ ᑌᓴᓗᓂᔭᓇ 1:7

ᐁᑯᔑ ᒫᑲ ᑭ ᑮ ᑭᔅᑭᓄᐙᐸᒥᑯᐗᐗᒃ ᒥᓯᐌ ᐊᓂᑭ ᑳ ᑖᐺᑕᑭᒃ ᒫᓯᑐᓂᔭᐃᒃ ᓀᔥᑕ ᐊᑳᔭᐃᒃ᙮

ᐦᐃᑉᕉᐗ 10:24

ᐁᑯᔑ ᒫᑲ ᒪᒥᑐᓀᓕᒥᑐᑕᐤ ᑭᒋ ᔑᑭᐃᑐᔭᒃ ᑭᒋ ᐙᐸᑎᓕᐌᔭᒃ ᓵᑭᐃᐌᐎᓐ, ᓀᔥᑕ ᒥᓗ ᐊᑑᔅᑫᐎᓇ;