ᓂᔓ ᑯᕆᓐᑎᐊᓇ 9:13 - ᐅᔅᑭ ᑎᔅᑌᒥᓐᑦ

¹³ ᒣᒀᒡ ᐁ ᑯᒋᑖᓂᐗᒃ ᐅᒪ ᐅᑎᓇᒫᑫᐎᓐ ᑭᔅᑕᒋᒣᐗᒃ ᑭᒋᒪᓂᑐᐗ, ᐁ ᐃᔑ ᑎᐯᓕᒥᑯᐌᒃ ᙭ ᐅ ᒥᓗᐋᒋᒧᐎᓐ ᐅᒋ, ᓀᔥᑕ ᐊᓂᒪ ᐅᒋ ᐁ ᑮ ᐌᓗᒋ ᒫᑎᓇᒪᐌᑾᒃ, ᓀᔥᑕ ᒥᓯᐌ ᐃᓕᓕᐗᒃ;

ᓂᔓ ᑯᕆᓐᑎᐊᓇ 9:13 Iomraidhean Croise

ᐅᐸᓓᑭᔅ ᒫᑎᐤ 5:16

ᐁᑯᔑ ᑮ ᐙᔅᑌᐄᓂᐗᐤ ᑲᑕ ᐃᔑ ᒐᑳᔅᑌᔅᑳᑯᐗᒃ ᐃᓕᓕᐗᒃ, ᑭᒋ ᑮ ᐙᐸᑕᑭᒃ ᑭ ᒥᓗ ᐊᑑᔅᑫᐄᓂᐙᐗ, ᑭᒋ ᑭᔅᑖᒋᒫᒋᒃ ᒫᑲ ᑯᑖᐎᐙᐗ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᒫᑎᐤ 9:8

ᒫᑲ ᐃᔅᐱ ᑳ ᒫᒪᐎᒥᒉᑎᒋᒃ ᐃᓕᓕᐗᒃ ᐎᐋᐸᑕᑭᒃ, ᑮ ᒫᒪᔅᑳᑕᒶᒃ, ᓀᔥᑕ ᑮ ᒫᒥᒋᒣᐗᒃ ᑭᒋᒪᓂᑐᐗ, ᑳ ᑮ ᒥᓛᓕᒋ ᐃᓕᓕᐗ ᐅᒪ ᐃᔑ ᑲᔥᑭᐅᐎᓂᓕᐤ᙮

ᐅᐸᓓᑭᔅ ᓘᒃ 6:46

ᑫᒀᓐ ᒫᑲ ᐌᒋ ᑌᐯᓕᒋᑫᔭᓐ, ᑌᐯᓕᒋᑫᔭᓐ, ᐃᔑᓂᑳᔑᔦᒃ, ᐁᑳ ᒫᑲ ᐁ ᑐᑕᒣᒃ ᐊᓂᐃ ᑫᒀᓇ ᑳ ᐃᑗᔮᓐ?

ᐅᐸᓓᑭᔅ ᒑᓐ 15:8

ᐁᑯᑕ ᒫᑲ ᐌᒋ ᑭᔅᑌᓕᑖᑯᐋᑲᓂᐎᑦ ᓄᑖᐎ, ᑭᒋ ᓂᑖᐎᑭᑖᔦᒃ ᒥᔅᑕᐃ ᒥᓂᔕ; ᐁᑯ ᑫ ᐅ ᑭᔅᑭᓄᐊᒪᐙᑲᓂᒥᑕᑾᒃ᙮

ᐊᐸᔅᑕᓚᒃ 11:18

ᐃᔅᐱ ᐱᐯᑕᑭᒃ ᐅᐅ ᑫᒀᓇ, ᑭ ᑭᐱᑐᐌᐗᒃ, ᑮ ᑭᔅᑕᒋᒣᐗᒃ ᒫᑲ ᑭᒋᒪᓂᑐᐗ ᐁ ᐃᑗᒋᒃ, ᐁᑴᒋᑲ ᑭᒋᒪᓂᑐ ᓀᔥᑕ ᑳ ᒥᓛᑦ ᐊᓂᐃ ᒉᓐᑖᐃᓚ ᑴᔅᑳᑎᓯᐎᓂᓕᐤ ᐱᒫᑎᓯᐎᓂᒃ ᐃᔑ᙮

ᐊᐸᔅᑕᓚᒃ 4:21

ᐃᔅᐱ ᒫᑲ ᐊᐙᓯᑌ ᑳ ᔮᑳᒥᐋᒋᒃ, ᑮ ᐸᑭᑎᓀᐗᒃ, ᐁᑳ ᑫᒀᓕᐤ ᐁ ᒥᔅᑲᑭᒃ ᑫ ᑮ ᐅᒋ ᓇᓀᑳᒋᐋᒋᒃ ᐊᓂᐃ ᐃᓕᓕᐗ ᐅᒋ, ᐌᓴ ᒥᓯᐌ ᐃᓕᓕᐗᒃ ᑮ ᑭᔅᑖᒋᒣᐗᒃ ᑭᒋᒪᓂᑐᐗ ᐊᓂᐁᓕᐤ ᑳ ᑮ ᑐᒋᑳᑌᓕᒃ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:16

ᒫᑲ ᓇᒪᐎᓚ ᒥᓯᐌ ᑮ ᐅᒋ ᑖᐺᑕᒶᒃ ᒥᓗᐋᒋᒧᐎᓂᓕᐤ᙮ ᐌᓴ ᐋᐃᓭᔭ ᐃᑗᐤ, ᑌᐯᓕᒋᑫᔭᓐ, ᐊᐌᓇ ᑳ ᑮ ᑖᐺᑕᒃ ᓂ ᑲᑫᔅᑭᒥᐌᐎᓂᓈᓐ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:8

ᓀᔥᑕᐱᑯ ᐊᓇ ᑳ ᑲᑫᔅᑭᒥᐌᑦ, ᐅ ᑲᑫᔅᑭᒥᐌᐎᓐ; ᐊᓇ ᑳ ᒥᓕᐌᑦ, ᐁᑯᔑ ᑲᑕ ᑐᑕᒻ ᐊᐱᔅᑌᓕᒧᐎᓂᒃ; ᐊᓇ ᑳ ᑎᐯᓕᒋᑫᑦ ᐸᑳᔅᑭᓯᐎᓂᒃ; ᐋᓇ ᑳ ᑭᑎᒫᑫᓕᒋᑫᑦ ᒥᓜᓕᒧᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:31

ᑭᒋ ᐅᒋ ᐎᑾᒋᐃᑲᐎᔮᓐ ᐊᓂᑭ ᐁᑳ ᑳ ᑖᐺᔦᓕᑕᑭᒃ ᒎᑎᐊᐃᒃ ᑳ ᐃᑖᒋᒃ; ᓀᔥᑕ ᐊᓂᒪ ᐊᑑᔅᑫᐎᓐ ᑳ ᐋᔮᔮᓐ ᒋᕉᓴᓚᒻ ᐅᒋ ᑭᒋ ᐎ ᐅᑎᓇᑭᒃ ᐅᐸᓓᑭᓱᐗᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:26

ᒫᑲ ᐊᓄᒡ ᑳ ᑭᔅᑫᓕᑖᑯᑖᑲᓂᐗᒃ, ᓀᔥᑕ ᐅ ᒪᓯᓇᐃᑫᐎᓂᐗᐗ ᐅᒋ ᐊᓂᑭ ᐅᑭᔅᑭᐙᐃᑫᐗᒃ, ᑳ ᑮ ᐃᑕᔓᐌᑦ ᐊᓇ ᑳᑭᑫ ᐯᒫᑎᓰᑦ ᑭᒋᒪᓂᑐ, ᑳ ᑭᔅᑫᓕᑕᒥᐋᑲᓂᐄᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ:

ᓂᔓ ᑯᕆᓐᑎᐊᓇ 10:5

ᐁ ᓂᒋᐌᐱᓂᑳᑌᒃ ᒫᒥᑐᓀᓕᒋᑫᐎᓇ, ᓀᔥᑕ ᒥᓯᐌ ᑕᑐ ᑫᒀᓐ ᑳ ᑭᔅᑌᓕᑖᑯᐃᑎᓱᔅᑕᒧᒪᑲᒃ ᐅ ᑭᔅᑫᓕᒥᑯᓯᐎᓐ ᑭᒋᒪᓂᑐ, ᓀᔥᑕ ᐁ ᐯᑖᓂᐗᒃ ᒥᓯᐌ ᑕᑐ ᐃᑌᓕᑕᒧᐎᓐ ᐅ ᓇᓇᐃᑖᑯᓯᐎᓂᒃ ᙭;

ᓂᔓ ᑯᕆᓐᑎᐊᓇ 2:12

ᓀᔥᑕ ᒫᑲ, ᐃᔅᐱ ᐱᐁᒋ ᐅᑎᑕᒫᓐ ᑦᕈᐊᔅ, ᑭᒋ ᐙᐎᑕᒶᒃ ᙭ ᐅ ᒥᓗᐋᒋᒧᐎᓐ, ᓀᔥᑕ ᐁ ᑮ ᐹᔅᑭᑌᓇᒪᐎᑦ ᐅᑎᐯᓕᒋᑫᐤ ᐃᔥᒀᑌᒥᓕᐤ,

ᓂᔓ ᑯᕆᓐᑎᐊᓇ 8:4

ᐁ ᓇᑕᐌᓕᒥᔭᒥᒋᒃ ᓈᔅᐱᒡ ᐁ ᓇᑐᑕᒪᐎᔭᒥᒋᒃ ᑭᒋ ᐅᑎᓇᒫᒃ ᐊᓂᒪ ᒥᓕᐌᐎᓐ, ᓀᔥᑕ ᑭᒋ ᐅᑎᓇᒫᓱᔮᒃ ᐊᓂᒪ ᐎᒉᐅᑐᐎᓐ ᐁ ᒫᑎᓇᒫᒋᒃ ᐅᐸᓓᑭᓴᒃ᙮

ᓂᔓ ᑯᕆᓐᑎᐊᓇ 9:14

ᓀᔥᑕ ᐁ ᐃᔑ ᐋᔭᒥᐁᔅᑕᒫᑖᑾᒃ ᑳ ᑭᐗᔐᓕᒥᑖᑾᒃ ᐅ ᒥᔅᑕᐃ ᔕᐌᓕᒋᑫᐎᓐ ᑭᒋᒪᓂᑐ ᑳ ᐱᒋᔅᑳᑯᐌᒃ ᐅᒋ᙮

ᑲᓓᔕᐊᓇ 1:24

ᑮ ᒫᒥᒋᒣᐗᒃ ᒫᑲ ᑭᒋᒪᓂᑐᐗ ᓂᓚ ᐅᒋ᙮

ᓂᔥᑕᒻ ᑎᒧᑎ 6:12

ᓄᑎᓂᑫ ᒥᓗ ᑖᐺᔦᓕᑕᒧᐎᓂ ᓄᑎᓂᑫᐎᓐ, ᒥᒋᒥᓇ ᑲᑭᑫ ᐱᒫᑎᓯᐎᓐ, ᐃᑕ ᑳ ᑮ ᐃᔑ ᓇᑐᒥᑲᐎᔭᓐ, ᓀᔥᑕ ᐁ ᑮ ᐎᑕᒪᓐ ᒥᓗ ᐎᑕᒫᑫᐎᓐ ᐅᑎᔥᑲᐤ ᒥᒉᑦ ᐅᑎᐹᒋᒧᐗᒃ᙮

ᓂᔥᑕᒻ ᑎᒧᑎ 6:13

ᑭᑦ ᐃᑕᔓᒥᑎᓐ ᐁ ᐙᐸᒥᔉ ᑭᒋᒪᓂᑐ, ᑳ ᐱᒫᒋᑖᑦ ᒥᓯᐌ ᑫᒀᓇ, ᓀᔥᑕ ᐅᑎᔥᑲᐤ ᙭ ᒋᓴᔅ, ᐊᓇ ᐁ ᐅᑎᔥᑲᐎᑳᐸᐎᔅᑕᐙᑦ ᐸᓐᑎᔭᔅ ᐹᐃᓚᑕ ᑳ ᑮ ᐎᑕᒃ ᒥᓗ ᐎᑕᒫᑫᐎᓂᓕᐤ;

ᐦᐃᑉᕉᐗ 10:23

ᐁᑯᔑ ᒥᒋᒥᓈᑕᐤ ᐁ ᐙᐎᑕᒪᒃ ᑭ ᑖᐺᔦᓕᑕᒧᐎᓂᓇᐤ ᐁᑳ ᐁ ᑳᑭᐁᔦᓕᑕᒪᒃ; ᐌᓴ ᒀᔭᔅᑭᑎᐤ ᐊᓇ ᑳ ᑮ ᐊᔓᑕᒫᑫᑦ:

ᐦᐃᑉᕉᐗ 13:16

ᒫᑲ ᑭᒋ ᒥᓗᑐᑖᑫᔦᒃ ᓀᔥᑕ ᑭᒋ ᒪᑎᓇᒫᑫᔦᒃ, ᐁᑳᐎᓚ ᐗᓂᑭᔅᑭᓯᒃ: ᐌᓴ ᐁᑯ ᑐᐎ ᓵᓵᑭᐎᓕᐌᐎᓇ ᓈᔅᐱᒡ ᒥᓜᓕᑕᒻ ᑭᒋᒪᓂᑐ᙮

ᐦᐃᑉᕉᐗ 3:1

ᐁᐗᑯ ᒫᑲ ᐅᒋ, ᑳ ᐸᓓᑭᓯᔦᒃ ᓂᒋᔖᓂᑐᒃ, ᑳ ᐎᒋᐃᐌᔦᒃ ᑭᒋᑭᔑᑳᐎ ᓂᑐᑫᐎᓐ, ᓈᓈᑲᑕᐌᓕᒥᒃ ᐊᓇ ᐊᐸᔅᑕᓪ, ᓀᔥᑕ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐃᑣᓱᐎᓂᓈᒃ, ᙭ ᒋᓴᔅ;

ᐦᐃᑉᕉᐗ 4:14

ᐁ ᓄᑾᒃ ᒫᑲ ᐁ ᐋᔭᐗᒃ ᑫᔅᑎᓯᑦ ᑭᒋ ᓵᓵᑭᐎᓕᐌᐎᓕᓕᐤ, ᐊᓇ ᑭᒋᑭᔑᑯᒃ ᑳ ᐃᑐᑌᑦ, ᒋᓴᔅ ᑭᒋᒪᓂᑐ ᐅᑯᓯᓴ, ᐁᑯᔑ ᒥᒋᒥᓈᑕᐤ ᑭᑦ ᐃᑣᓱᐎᓂᓇᐤ᙮

ᐦᐃᑉᕉᐗ 5:9

ᓀᔥᑕ ᒫᑲ ᐁ ᑮ ᒥᑐᓂᐎᐋᑲᓂᐎᑦ, ᑮ ᐊᑎ ᑎᐯᓕᑕᒪᐌᐤ ᐱᒫᒋᐃᐌᐎᓂᓕᐤ ᒥᓯᐌ ᐊᓂᐃ ᑳ ᓇᓇᐃᑖᑯᑦ;

ᓂᔥᑕᒻ ᐱᑕᕐ 2:9

ᒫᑲ ᑭᓚᐗᐤ ᑭᑦ ᐋᐎᓇᐎᐤ ᑳ ᐙᐌᓛᐸᒫᑲᓂᐎᒋᒃ ᑳ ᐋᓂᔅᑫ ᐱᒫᑎᓯᒋᒃ, ᑳ ᑭᔅᑌᓕᑖᑯᓯᒋᒃ ᓵᓵᑭᐎᓕᐌᐎᓕᓕᐗᒃ, ᑳ ᐸᓓᑭᓯᒋᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᑳ ᑭᔅᑕᑭᑖᑯᓯᒋᒃ ᐃᓕᓕᐗᒃ; ᑭᒋ ᐙᐸᑎᓕᐌᔦᒃ ᐅ ᒥᓨᑎᓰᐃᓇ ᐊᓇ ᐗᓂᑎᐱᔅᑭᓯᐎᓂᒃ ᑳ ᑮ ᐅᒋ ᓇᑐᒥᑖᒃ ᐅ ᒫᒪᔅᑳᒋ ᐙᓭᔮᓱᐎᓂᒃ ᐃᔑ;

ᓂᔥᑕᒻ ᐱᑕᕐ 4:11

ᑮᔥᐱᓐ ᐊᐌᓇ ᐋᔭᒥᑌ, ᐁᑯᔑ ᑲᑕ ᐋᔭᒥᐤ ᑖᐱᔅᑯᒡ ᑭᒋᒪᓂᑐ ᐅᑦ ᐋᔭᒥᐎᓇ: ᑮᔥᐱᓐ ᐊᐌᓇ ᐋᔭᒥᐋᐎ ᐊᑑᔅᑫᑌ, ᐁᑯᔑ ᑲᑕ ᑐᑕᒻ ᐃᔥᐱᔥ ᐁ ᒥᓕᑯᑦ ᑲᔥᑭᐅᐎᓂᓕᐤ ᑭᒋᒪᓂᑐᐗ; ᒥᓯᐌ ᑫᒀᓇ ᑭᒋ ᐅᒋ ᑭᔅᑌᓕᑖᑯᐋᑲᓂᐄᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭; ᑫ ᐎ ᒫᒥᒋᒫᑲᓂᐎᑦ ᓀᔥᑕ ᑎᐯᓕᒋᑫᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮