ᓂᔓ ᑯᕆᓐᑎᐊᓇ 7:8 - ᐅᔅᑭ ᑎᔅᑌᒥᓐᑦ

⁸ ᐌᓴ ᐋᑕ ᐁ ᑮ ᒥᒋᓚᐌᓯᐃᑕᑾᒃ ᐁ ᑮ ᒪᓯᓇᐊᒫᑕᑾᒃ, ᓇᒪᐎᓚ ᓂ ᒥᑖᑌᓐ, ᐋᑕ ᐁ ᑮ ᒥᑖᑕᒫᓐ: ᐌᓴ ᓂ ᐙᐸᑌᓐ ᐊᓂᒪ ᒪᓯᓇᐊᒫᑫᐎᓐ ᐁ ᑮ ᒥᒋᓚᐌᓯᐃᑯᔦᒃ, ᐊᒋᓚᐤ ᒫᑲ ᐱᑯ᙮

ᓂᔓ ᑯᕆᓐᑎᐊᓇ 7:8 Iomraidhean Croise

ᐅᐸᓓᑭᔅ ᒑᓐ 16:6

ᒫᑲ ᐁ ᑮ ᐎᑕᒫᑕᑾᒃ ᐅᐅ ᑫᒀᓇ, ᑯᐹᑌᓕᑕᒧᐎᓐ ᑭ ᓵᑲᔅᑭᓀᔅᑳᑯᓇᐗᐤ ᑭᑌᐃᐙᒃ᙮

ᐅᐸᓓᑭᔅ ᒑᓐ 21:17

ᐃᑌᐤ ᐁᑯ ᓂᔅᑡᐤ, ᓵᐃᒪᓐ, ᒑᓐ ᐅᑯᓯᓴ, ᑭ ᓵᑭᐃᓐ ᓈ? ᐱᑕᕐ ᓇᒪ ᑭ ᓇᐁᓕᑕᒻ ᐁᑯ ᓂᔅᑡᐤ ᐁ ᑮ ᐃᑎᑯᑦ, ᑭ ᓵᑭᐃᓐ ᓈ? ᑮ ᐃᑌᐤ ᒫᑲ, ᑌᐯᓕᒋᑫᔭᓐ, ᑭ ᑭᔅᑫᓕᑌᓐ ᒥᓯᐌ ᑫᒀᓇ; ᑭ ᑭᔅᑫᓕᑌᓐ ᐁ ᓵᑭᐃᑖᓐ᙮ ᒋᓴᔅ ᐃᑌᐤ, ᐊᔕᒥᒃ ᓂ ᒫᓂᔥᒑᓂᔑᒪᒃ᙮

ᓂᔓ ᑯᕆᓐᑎᐊᓇ 7:11

ᐌᓴ ᒫᑎᑲ, ᐅᒪ ᑫᒀᓐ, ᐁ ᑮ ᒪᓂᑐᐎ ᒥᒋᓚᐌᓯᔦᒃ, ᑖᓂ ᑳ ᑮ ᐃᔑ ᔮᒀᒥᓯᐃᑯᔦᒃ, ᐁᐁ, ᑖᓂ ᑳ ᑮ ᐃᔑ ᒫᒥᓄᒥᑎᓱᔦᒃ, ᐁᐁ, ᑖᓂ ᑳ ᑮ ᐃᔑ ᐋᑯᓚᐌᓱᔦᒃ, ᐁᐁ, ᑖᓂ ᑳ ᑮ ᐃᔑ ᑯᔅᑖᒋᔦᒃ, ᐁᐁ, ᑖᓂ ᑳ ᑮ ᐃᔑ ᒪᔥᑲᐌᓕᑕᒣᒃ, ᐁᐁ, ᑖᓂ ᑳ ᑮ ᐃᔑ ᓱᑫᓕᑕᒣᒃ, ᐁᐁ, ᑖᓂ ᑳ ᑮ ᐃᔑ ᐋᔅᑯᒋᐃᐌᔦᒃ! ᒥᓯᐌ ᑫᒀᓇ ᑭ ᑮ ᐙᐸᑎᓕᐙᓇᐗᐤ ᐁᑳ ᐁ ᒪᒉᓕᑖᑯᓯᔦᒃ ᐅᒪ ᐅᒋ᙮

ᓂᔓ ᑯᕆᓐᑎᐊᓇ 7:12

ᐋᑕ ᒫᑲ ᐁ ᑮ ᒪᓯᓇᐊᒫᑕᑾᒃ, ᓇᒪᐎᓚ ᓂ ᑮ ᐅᒋ ᑐᑌᓐ ᐊᓇ ᑳ ᑮ ᒪᒋᑐᑕᒃ, ᓇᒪ ᓀᔥᑕ ᐊᓇ ᐅᒋ ᑳ ᑮ ᒪᒋᑐᑕᐙᑲᓂᐎᑦ, ᒫᑲ ᐁ ᐃᔑ ᑲᓇᐌᓕᒥᑕᑾᒃ ᐁ ᑲᓇᐙᐸᒥᔭᒥᑦ ᑭᒋᒪᓂᑐ ᑭᒋ ᐃᔑ ᐗᐸᑕᒣᒃ᙮

ᓂᔓ ᑯᕆᓐᑎᐊᓇ 7:6

ᐁᓕᐌᒃ ᒫᑲ, ᑭᒋᒪᓂᑐ, ᑳ ᑳᑭᒋᐋᑦ ᐊᓂᐃ ᑳ ᒥᔕᒣᓕᑕᒥᓕᒋ, ᓂ ᑮ ᑳᑭᒋᐃᑯᓈᓐ ᐁ ᐯᒋ ᑕᑯᔑᒃ ᑕᐃᑕᔅ;

ᓂᔓ ᑯᕆᓐᑎᐊᓇ 7:7

ᓇᒪ ᓀᔥᑕ ᐱᑯ ᐁ ᐯᒋ ᑕᑯᔑᒃ, ᒫᑲ ᐊᓂᒪ ᑳᑮᒋᐃᑯᓯᐎᓐ ᑳ ᑮ ᐃᔑ ᑳᑭᒋᐎᑖᒃ, ᐃᔅᐱ ᑳ ᐎᑕᒪᐎᔭᒥᑦ ᑭ ᑫᒋᓈᔦᓕᑕᒧᐎᓂᐗᐤ, ᑭ ᓇᓀᑳᒋᒧᐎᓂᐗᐤ, ᐁ ᐃᔑ ᓋᔅᐱᒡ ᓵᑭᐃᔦᒃ; ᑳ ᑮ ᐅᒋ ᐊᐙᓯᑌ ᒧᒋᑫᓕᑕᒫᓐ᙮

ᓂᔓ ᑯᕆᓐᑎᐊᓇ 7:9

ᐊᓄᒡ ᒫᑲ ᓂ ᒧᒋᑫᓕᑌᓐ, ᐁᑳ ᐁ ᑮ ᒥᒋᓚᐌᓯᐃᑲᐎᔦᒃ, ᒫᑲ ᐁ ᑮ ᒥᒋᓚᐌᓯᔦᒃ ᑴᔅᑳᑎᓯᐎᓂᒃ ᐃᔑ: ᐌᓴ ᑭ ᑮ ᒪᓂᑐᐎ ᒥᒋᓚᐌᓯᐃᑲᐎᓇᐗᐤ, ᐁᑳᐎᓚ ᑫᒀᓐ ᑭᒋ ᐗᓂᑖᔦᒃ ᓂᓚᓈᓐ ᐅᒋ᙮

ᑭᔅᑫᓕᑖᑯᑖᑫᐎᓐ 3:19

ᒥᓯᐌ ᑕᑐ ᑳ ᓵᑭᐊᑭᒃ, ᓂ ᑭᑕᐊᒪᐙᐗᒃ ᓀᔥᑕ ᓂ ᐸᐸᓴᔅᑕᐙᐗᒃ: ᒪᔥᑲᐌᓕᑕ ᒫᑲ ᓀᔥᑕ ᒥᒋᓚᐌᔦᓕᑕ᙮