ᓂᔓ ᑯᕆᓐᑎᐊᓇ 6:16 - ᐅᔅᑭ ᑎᔅᑌᒥᓐᑦ

¹⁶ ᓀᔥᑕ ᑖᓂ ᑫ ᐃᔑ ᓇᔅᑯᒥᑐᒪᑲᒃ ᐅᑦ ᐋᔭᒥᐁᐎᑲᒥᒃ ᑭᒋᒪᓂᑐ ᓀᔥᑕ ᒪᓂᑐᑳᓇᒃ? ᐌᓴ ᑭᓚᐗᐤ ᐁᐗᑯ ᐅᑦ ᐋᔭᒥᐁᐎᑳᒥᒃ ᐯᒫᑎᓰᑦ ᑭᒋᒪᓂᑐ; ᑳ ᐃᔑ ᐃᑗᑯᐸᓀ ᑭᒋᒪᓂᑐ, ᓂ ᑳ ᐎᑭᒪᐗᐤ, ᓀᔥᑕ ᓂ ᑳ ᐎᒋᐱᒧᑌᒪᐗᒃ: ᓀᔥᑕ ᓂ ᑳ ᐅ ᑭᒋᒪᓂᑐᒥᒥᑾᒃ, ᓀᔥᑕ ᓂ ᑳ ᐅᑦ ᐃᓕᓕᒥᒪᐗᒃ᙮

ᓂᔓ ᑯᕆᓐᑎᐊᓇ 6:16 Iomraidhean Croise

ᐅᐸᓓᑭᔅ ᒫᑎᐤ 16:16

ᓵᐃᒪᓐ ᐱᑕᕐ ᒫᑲ ᐁ ᓇᔥᑴᐗᔑᐃᐌᑦ ᑮ ᐃᑗᐤ, ᑭᓚ ᐁᐗᒀᓇ ᙭, ᐅᑯᓯᓴ ᐯᒫᑎᓰᑦ ᑭᒋᒪᓂᑐ᙮

ᐅᐸᓓᑭᔅ ᒫᑎᐤ 6:24

ᓇᒪᐎᓚ ᐊᐌᓇ ᐃᓕᓕᐤ ᑲᑕ ᑮ ᐊᑑᔅᑲᐌᐤ ᓂᔓ ᐅᑭᒫᐗ: ᐌᓴ ᐯᔭᒃ ᑲᑕ ᐸᒀᑌᐤ, ᓀᔥᑕ ᑯᑕᑭᔭ ᑲᑕ ᓵᑭᐁᐤ; ᓀᔥᑕᐱᑯ ᐯᔭᒃ ᑲᑕ ᑭᔅᑌᓕᒣᐤ, ᑯᑕᑭᔭ ᒫᑲ ᑲᑕ ᐋᑕᐌᓕᒣᐤ᙮ ᓇᒪᐎᓚ ᑭ ᑳ ᑮ ᐊᑐᔅᑫᔅᑕᐗᐗᐤ ᑭᒋᒪᓂᑐ ᓀᔥᑕ ᒥᔕᑭᓯᐎᓐ᙮

ᐅᐸᓓᑭᔅ ᓘᒃ 5:36

ᑮ ᐎᑕᒪᐌᐤ ᒫᑲ ᓇᔅᐱᑐᐌᐎ ᐋᑕᓗᑳᓂᓕᐤ, ᓇᒪᐎᓚ ᐊᐌᓇ ᒥᔖᐃᑳᑫᐤ ᐅᔥᑭ ᐎᓛᒋᑲᓂᓕᐤ ᑳᔮᔑ ᐎᓛᒋᑲᓂᒃ: ᑮᔥᐱᓐ ᒫᑲ ᑐᑕᑫ, ᐁᑯ ᐊᓂᒪ ᐆᔥᑫᑭᓐ ᑫ ᑕᑐᐱᑕᒧᒪᑲᒃ, ᓀᔥᑕ ᐊᓂᒪ ᐅᔥᑭ ᐎᓛᒋᑲᓂᒃ ᑳ ᐅᒋ ᐅᑎᓂᑳᑌᒃ ᓇᒪᐎᓚ ᓇᐃᐸᓕᐤ ᑳᔮᔑ ᐎᓛᒋᑲᓂᒃ᙮

ᐅᐸᓓᑭᔅ ᒑᓐ 14:23

ᒋᓴᔅ ᑮ ᓇᔥᑴᐗᔑᐁᐤ, ᐁ ᐃᑖᑦ, ᑮᔥᐱᓐ ᐊᐌᓇ ᓵᑭᐃᑌ ᑲᑕ ᑲᓇᐎᑕᐤ ᓂᑦ ᐋᔭᒥᐎᓇ: ᓀᔥᑕ ᑲᑕ ᓵᑭᐃᑯ ᓄᑖᐎᔭ, ᓂ ᑳ ᐯᒋ ᓈᑖᓈᓐ ᒫᑲ, ᓀᔥᑕ ᓂ ᑳ ᐎᒋᑕᔑᑫᒫᓈᓐ᙮

ᐅᐸᓓᑭᔅ ᒑᓐ 6:56

ᐊᓇ ᑳ ᒥᒋᑦ ᓂᔮᓯᓕᐤ, ᓀᔥᑕ ᑳ ᒥᓂᑴᑦ ᓂᒥᑯᓕᐤ, ᓂ ᐱᒋᔅᑳᒃ, ᓀᔥᑕ ᓂᓚ ᓂ ᐱᒋᔅᑲᐗᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:11

ᒫᑲ ᑮᔥᐱᓐ ᐅᑦ ᐊᒑᑾ ᐊᓇ ᑳ ᑮ ᐗᓂᔥᑳᓈᑦ ᒋᓴᓴ ᐅᓂᐱᐗ ᐅᒋ ᐱᐃᑭᔅᑳᒥᑖᑴ, ᐊᓇ ᑳ ᑮ ᐗᓂᔥᑳᓈᑦ ᙭ᑕ ᐅᓂᐱᐗ ᐅᒋ ᐊᓯᒋ ᓀᔥᑕ ᑲᑕ ᐗᓂᔥᑲᓇᒻ ᑭ ᓂᐱᐎ ᑭᔭᐙᐗ ᐅᑦ ᐊᒑᑾ ᐅᒋ ᑳ ᐃᒋᔅᑳᒥᑕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:9

ᒫᑲ ᑭᓚᐗᐤ ᓇᒪᐎᓚ ᐎᔮᓯᐎᓂᒃ ᑭᑦ ᐃᑖᓇᐗᐤ, ᒫᑲ ᐊᒑᑯᒃ, ᑮᔥᐱᓐ ᐅᑎ ᑭᒋᒪᓂᑐ ᐅᑦ ᐊᒑᑾ ᐱᒋᔅᑳᒥᑖᒃ, ᑮᔥᐱᓐ ᒫᑲ ᐊᐌᓇ ᐁᑳ ᐃᐋᔭᐙᒋ ᙭ᑕ ᐅᑦ ᐊᒑᑯᓕᐗ, ᐊᐗ ᓇᒪᐎᓚ ᐙᐙᒡ ᑎᐯᓕᒥᑯ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:26

ᑲᑕ ᐃᑭᓐ ᒫᑲ, ᐊᓂᒪ ᐃᑕ ᑳ ᑮ ᐃᑖᑲᓂᐎᒋᒃ, ᓇᒪᐎᓚ ᑭᓚᐗᐤ ᓂᑦ ᐃᓕᓕᒪᒃ; ᐁᑯᑕ ᑫ ᐃᔑᓂᑳᑖᑲᓂᐎᒋᒃ ᐅᑦ ᐊᐙᔑᒥᔕ ᐯᒫᑎᓰᑦ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 10:21

ᓇᒪᐎᓚ ᑭ ᑲᔥᑭᑖᓇᐗᐤ ᑭᒋ ᐅᒋ ᒥᓂᑴᔦᒃ ᐅᑎᐯᓕᒋᑫᐤ ᐅ ᒥᓂᒀᑲᓂᒃ, ᓀᔥᑕ ᐅ ᒥᓂᒀᑲᓂᐙᒃ ᒪᒋᒪᓂᑐᐗᒃ: ᓇᒪᐎᓚ ᑭ ᑲᔥᑭᑖᓇᐗᐤ ᑭᒋ ᐅᒋ ᒥᒋᓱᔦᒃ ᐅ ᒥᒋᓱᓈᑎᑯᒃ ᐅᑎᐯᓕᒋᑫᐤ, ᓀᔥᑕ ᐅ ᒥᒋᓱᓈᑎᑯᐙᒃ ᒪᒋᒪᓂᑐᐗᒃ᙮

ᓂᔥᑕᒻ ᑯᕆᓐᑎᐊᓇ 6:19

ᑫᒀᓐ! ᓇᒪ ᓈ ᑭ ᑭᔅᑫᓕᑌᓇᐗᐤ ᑭᔭᐎᐗᐤ ᐁ ᐅᑦ ᐋᔭᒥᐁᐎᑲᒥᑯᒥᑦ ᐸᓓᑭ ᐊᒑᒃ, ᑳ ᐱᒋᔅᑳᑖᒃ, ᑳ ᑮ ᒥᓕᑖᒃ ᑭᒋᒪᓂᑐ, ᓀᔥᑕ ᐁᑳ ᐁ ᑎᐯᓕᒥᑎᓱᔦᒃ?

ᐃᐱᓯᔭᓇ 2:20

ᓀᔥᑕ ᐁ ᒋᒪᓕᑲᐎᔦᒃ ᐃᑕ ᐁ ᐋᒋᔪᑖᓂᐗᒃ ᐁᐗᑯ ᐊᐸᔅᑕᓚᒃ ᓀᔥᑕ ᐅᑭᔅᑭᐙᐃᑫᐗᒃ, ᒋᓴᔅ ᙭ ᑫᒋᐙᒃ ᐁ ᐋᐎᑦ ᒫᐗᒋ ᑭᒋ ᐊᓯᓂ ᑭᑫᔮᒃ;

ᐃᐱᓯᔭᓇ 2:22

ᐊᓇ ᐃᑕ ᑭᓚᐗᐤ ᐊᓯᒋ ᑳ ᒫᒪᐎ ᒋᒪᓕᑲᐎᔦᒃ ᑭᒋ ᐋᐎᔦᒃ ᐃᑕ ᐁ ᐎᑭᑦ ᑭᒋᒪᓂᑐ ᐎᓚ ᐊᒑᒃ ᐅᒋ᙮

ᐃᐱᓯᔭᓇ 3:17

᙭ ᑭᒋ ᐎᑭᑦ ᑭᑌᐃᐙᒃ ᑖᐺᔦᓕᑕᒧᐎᓐ ᐅᒋ; ᑭᓚᐗᐤ ᐁ ᒪᔥᑲᐎ ᑳᐸᐎᐃᑲᐎᔦᒃ ᓀᔥᑕ ᐊᓕᒋᐃᑲᐎᔦᒃ ᓵᑭᐃᐌᐎᓂᒃ,

ᓂᔥᑕᒻ ᑎᒧᑎ 3:15

ᒫᑲ ᑮᔥᐱᓐ ᑭᓉᔥ ᐃᑖᐱᒋᔮᓀ, ᑭᒋ ᑭᔅᑫᓕᑕᒪᓐ ᑫ ᐃᑖᑎᓯᔭᓐ ᑭᒋᒪᓂᑐ ᐅ ᐙᔅᑳᔨᑲᓂᒥᒃ, ᐁᐗᑯ ᐅ ᒫᒪᐎᐋᔭᒥᐋᒪ ᐯᒫᑎᓰᑦ ᑭᒋᒪᓂᑐ, ᑳ ᐅᒋ ᓯᑐᓂᑳᑌᒃ ᓀᔥᑕ ᐋᔨᒋᑖᓂᐗᒃ ᑖᐺᐎᓐ᙮

ᓂᔓ ᑎᒧᑎ 1:14

ᐊᓂᒪ ᒥᓗ ᑫᒀᓐ ᑳ ᑮ ᐸᑭᑎᓇᒫᑲᐎᔭᓐ, ᑲᓇᐌᓕᑕ ᐸᓓᑭ ᐊᒑᒃ ᐅᒋ ᑳ ᐱᒋᔅᑳᑕᒃ᙮

ᐦᐃᑉᕉᐗ 3:6

ᒫᑲ ᙭ ᑖᐱᔅᑯᒡ ᐌᐅᑯᓯᓯᒪᐎᑦ ᐁ ᑎᐯᓕᑕᒃ ᑎᐱᓚᐌ ᐎᑭ; ᑭᓚᓈᓇᐤ ᒫᑲ ᐁᐗᑯ ᐅ ᐙᔅᑳᔨᑲᓂᒻ, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᐊᓂᒪ ᑫᒋᓀᓕᑕᒧᐎᓐ, ᓀᔥᑕ ᐁ ᒥᓚᐙᑕᒪᒃ ᐁ ᐋᔨᒋ ᐊᔅᐯᓕᒧᔭᒃ ᐱᓕᔥ ᑫ ᐃᔥᒀᐸᓕᒃ᙮

ᐦᐃᑉᕉᐗ 8:10

ᐌᓴ ᐁᐗᑯ ᐅᒪ ᓇᔅᑯᒥᑐᐎᓐ ᑫ ᐅᔑᑕᒪᐗᑭᒃ ᑳ ᐃᑕᔑᑦ ᐃᔅᕃᐃᓪ ᑮ ᐳᓂᐸᓕᑾᐌ ᐅᐅ ᑭᔑᑳᐗ, ᐃᑗᐤ ᐅᑎᐯᓕᒋᑫᐤ; ᓂ ᑳ ᐸᑭᑎᓀᓐ ᓂᑦ ᐅᓚᔓᐌᐎᓇ ᐅ ᒥᑐᓀᓕᒋᑲᓂᐙᒃ, ᓀᔥᑕ ᓂ ᑳ ᒪᓯᓇᐁᓐ ᐅᑌᐃᐙᒃ; ᓂ ᑳ ᐅ ᑭᒋᒪᓂᑐᒥᒥᑾᒃ ᒫᑲ, ᓀᔥᑕ ᓂ ᑳ ᐅᑦ ᐃᓕᓕᒥᒫᐗᒃ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:5

ᑭᑦ ᐃᑌᓕᑌᓇᐗᐤ ᓈ ᒪᓯᓇᐃᑫᐎᓐ ᐸᑾᓐᑕᐤ ᐁ ᐃᑗᒪᑲᒃ, ᐊᓇ ᐊᒑᒃ ᑳ ᐱᒋᔅᑳᑕᒃ ᐊᑲᐙᑕᒻ ᐅᑌᓕᑕᒧᐎᓂᓕᐤ?

ᓂᔥᑕᒻ ᐱᑕᕐ 2:5

ᑭᓚᐗᐤ ᓀᔥᑕ ᑖᐱᔅᑯᒡ ᐱᒫᑎᓯᐎ ᐊᓯᓂᔭᒃ ᑭᑦ ᐅᔑᐃᑲᐎᓇᐗᐤ ᐊᒑᑯᐎ ᐙᔅᑳᔨᑲᓐ, ᐸᓓᑭ ᓵᓵᑭᐎᓕᐌᐎᓕᓕᐎᐎᓐ, ᑭᒋ ᐸᑭᑎᓂᑫᔦᒃ ᐊᒑᑯᐎ ᓵᓵᑭᐎᓕᐌᐎᓇ, ᑳ ᓇᐃᓚᐌᐃᑯᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭᙮

ᓂᔥᑕᒻ ᒑᓐ 4:12

ᓇᒪᐎᓚ ᐊᐌᓇ ᐃᓕᓕᐤ ᐎᔅᑳᑦ ᐅᒋ ᐙᐸᒣᐤ ᑭᒋᒪᓂᑐᐗ᙮ ᑮᔥᐱᓐ ᓯᐋᑭᐃᑐᐗᑴ ᑭᒋᒪᓂᑐ ᑭ ᐱᒋᔅᑳᑯᓇᐤ, ᓀᔥᑕ ᐅ ᓵᑭᐃᐌᐎᓐ ᒥᑐᓂᐎᐃᑳᑌᓕᐤ ᐁ ᐱᒋᔅᑳᑯᐗᒃ᙮

ᓂᔥᑕᒻ ᒑᓐ 4:15

ᒥᓯᐌ ᐊᐌᓇ ᑫ ᐎᑕᒧᑴ ᒋᓴᓴ ᐁ ᐋᐎᓕᒋ ᑭᒋᒪᓂᑐ ᐅᑯᓯᓴ, ᑭᒋᒪᓂᑐᐗ ᐱᒋᔅᑳᑯ, ᐎᓚ ᓀᔥᑕ ᐱᒋᔅᑲᐌᐤ ᑭᒋᒪᓂᑐᐗ᙮

ᑭᔅᑫᓕᑖᑯᑖᑫᐎᓐ 2:1

ᐊᓇ ᐁᓐᒐᓪ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᐁᐱᓴᓯᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᒥᒋᒥᓈᑦ ᐊᓂᐃ ᓂᔂᔅ ᐊᒐᑾ ᐅ ᑭᒋᓂᔅᑮᒃ, ᑳ ᐱᒧᑌᑦ ᒣᑴᔭᔥ ᐊᓂᐃ ᓂᔂᔅ ᐅᓵᐎᔔᓕᐋᓈᐱᔉ ᐙᔅᑌᓇᒫᑲᓈᑎᑾ;

ᑭᔅᑫᓕᑖᑯᑖᑫᐎᓐ 21:3

ᓂ ᑮ ᐯᑌᓐ ᒫᑲ ᑭᒋ ᐯᑖᑯᓯᐎᓐ ᑭᒋᑭᔑᑯᒃ ᐅᒋ ᐁ ᐃᑗᒪᑲᒃ, ᒫᑎᑲ ᑭᒋᒪᓂᑐ ᐎᑭ ᐃᑕᑾᓂᓕᐤ ᐃᑕ ᐁ ᐃᑖᓕᒋ ᐃᓕᓕᐗ, ᑲᑕ ᐎᒋᑕᔑᑫᒣᐤ ᒫᑲ, ᑲᑕ ᐅᑦ ᐃᓕᓕᒥᐤ ᒫᑲ, ᑭᒋᒪᓂᑐ ᑫᒋᐙᒃ ᓀᔥᑕ ᑲᑕ ᐎᒉᐌᐤ, ᓀᔥᑕ ᑲᑕ ᐅ ᑭᒋᒪᓂᑐᒥᒥᑯᐗᒃ᙮

ᑭᔅᑫᓕᑖᑯᑖᑫᐎᓐ 21:7

ᐊᓇ ᑳ ᔖᑯᒋᐃᐌᑦ ᑲᑕ ᐊᑎ ᐋᔭᐤ ᐅᐅ ᑫᒀᓇ; ᓂ ᑳ ᐅ ᑭᒋᒪᓂᑐᒥᒥᒃ ᒫᑲ, ᓂᓚ ᓀᔥᑕ ᓂ ᑳ ᐅᑯᓯᓯᒪᐤ᙮