ᓂᔓ ᑯᕆᓐᑎᐊᓇ 4:6 - ᐅᔅᑭ ᑎᔅᑌᒥᓐᑦ

⁶ ᐌᓴ ᑭᒋᒪᓂᑐ ᑳ ᑮ ᐃᑕᔓᐗᑕᒃ ᐙᓭᔮᓯᐎᓐ ᑭᒋ ᓵᑳᔅᑌᓕᒃ ᐁ ᐗᓂᑎᐱᔅᑳᒃ ᐅᒋ, ᓂ ᑮ ᓵᑳᔅᑌᔅᑳᑯᓈᓐ ᓂᑌᐃᓈᒃ, ᑭᒋ ᒥᓕᔮᒃ ᐊᓂᒪ ᐙᔅᑌᐎᓐ ᑳ ᐃᑕᑾᒃ ᐁ ᑭᔅᑫᓕᒋᑳᑌᓕᒃ ᐅ ᑭᔅᑌᓕᑖᑯᓯᐎᓐ ᑭᒋᒪᓂᑐ ᐅᑖᔅᑕᒥᑯᒃ ᒋᓴᔅ ᙭᙮

ᓂᔓ ᑯᕆᓐᑎᐊᓇ 4:6 Iomraidhean Croise

ᐅᐸᓓᑭᔅ ᓘᒃ 10:22

ᒥᓯᐌ ᑫᒀᓇ ᓂ ᐸᑭᑎᓇᒫᒃ ᓄᑖᐎ: ᓇᒪᐎᓚ ᐊᐌᓇ ᓀᔥᑕ ᑭᔅᑫᓕᒣᐤ ᐅᑯᓯᓯᒫᐗ ᐊᐌᓕᐗ ᐃᐋᐎᓕᒋ, ᐱᑯ ᐅᑖᐎᒪᐤ; ᓀᔥᑕ ᐊᐌᓕᐗ ᐃᐋᐎᓕᒋ ᐅᑖᐎᒫᐗ ᐱᑯ ᐅᑯᓯᓯᒫᐤ, ᓀᔥᑕ ᐊᓇ ᑫ ᑭᔅᑫᓕᑕᒥᐃᑯᑦ ᐅᑯᓯᓯᒫᐗ᙮

ᐅᐸᓓᑭᔅ ᒑᓐ 1:14

ᐋᔭᒥᐎᓐ ᒫᑲ ᑮ ᐎᔮᓯᐎᐋᑲᓂᐎᐤ, ᓀᔥᑕ ᑭ ᑮ ᐎᒋᑕᔑᑫᒥᑯᓇᐤ, ᓀᔥᑕ ᑭ ᑮ ᐙᐸᑕᒸᓈᓇᐤ ᐅ ᑭᔅᑌᓕᑖᑯᓯᐎᓐ, ᐅ ᑭᔅᑌᓕᑖᑯᓯᐎᓐ ᑖᐱᔅᑯᒡ ᐅ ᐯᔭᑯᔖᓇ ᐌᐅᑖᐎᒪᐎᑦ, ᐁ ᓵᑲᔅᑭᓀᔅᑳᑯᑦ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 11:40

ᒋᓴᔅ ᐃᑌᐤ, ᓇᒪ ᓈ ᑭ ᑮ ᐃᑎᑎᑖᔾ, ᑮᔥᐱᔥ ᑖᐺᑕᒪᓀ, ᑭ ᑳ ᐙᐸᑕᒸᓐ ᑭᒋᒪᓂᑐ ᐅ ᑭᔅᑌᓕᑖᑯᓯᐎᓐ?

ᐅᐸᓓᑭᔅ ᒑᓐ 12:41

ᐅᐅ ᑫᒀᓇ ᑮ ᐃᑗᐤ ᐋᐃᓭᔭ, ᐃᔅᐱ ᐎᐋᐸᑕᒸᑦ ᐅ ᑭᔅᑌᓕᑖᑯᓯᐎᓂᓕᐤ, ᓀᔥᑕ ᐃᐋᓕᒧᒫᑦ᙮

ᐊᐸᔅᑕᓚᒃ 26:18

ᑭᒋ ᐹᔅᑭᑌᓇᒶᑦ ᐅᔅᑭᔑᑯᐙᐗ, ᓀᔥᑕ ᑎᐱᔅᑭᓯᐎᓂᒃ ᑭᑭ ᐅᒋ ᑴᔅᑭᓇᒋᒃ ᐙᓭᔮᓯᐎᓂᒃ ᐃᔑ, ᓀᔥᑕ ᓭᑖᓐ ᐅ ᑲᔥᑭᐅᐎᓂᒃ ᐃᔑ ᑭᒋ ᑖᐺᔦᓕᒫᒋᒃ ᑭᒋᒪᓂᑕᐗ, ᑭᒋ ᒥᓛᑲᓂᐎᒋᒃ ᑭᒋ ᐌᐯᓕᑕᒫᒋᒃ ᐅ ᒪᒋᑣᐎᓂᐙᐗ, ᓀᔥᑕ ᑎᐯᓕᑕᒧᐎᓂᓕᐤ ᒣᑴᔭᔥ ᐊᓂᐃ ᑳ ᐸᓓᑭᐋᑲᓂᐎᓕᒋ ᑖᐺᔦᓕᑕᒧᐎᓐ ᐅᒋ ᑳ ᐯᒋᔅᑳᑯᔮᓐ᙮

ᓂᔥᑕᒻ ᑯᕆᓐᑎᐊᓇ 12:8

ᐌᓴ ᐯᔭᒃ ᒥᓛᑲᓂᐎᐤ ᐊᒑᑾ ᐅᒋ ᑲᑫᑕᐌᓕᑕᒧᐎ ᐋᔭᒥᐎᓂᓕᐤ; ᑯᑕᒃ ᑭᔅᑫᓕᑕᒧᐄ ᐊᔭᒥᐎᓂᓕᐤ ᐊᓂᐃ ᑫᔮᐸᒡ ᐊᒑᑾ ᐅᒋ;

ᓂᔓ ᑯᕆᓐᑎᐊᓇ 2:10

ᐊᓇ ᐙᔦᔥ ᑳ ᐌᐯᓕᑕᒧᐌᒃ, ᓂᓚ ᓀᔥᑕ ᓂ ᐌᐯᓕᑕᒧᐗᐤ: ᐌᓴ ᑮᔥᐱᓐ ᐙᔦᔥ ᐎᐁᐯᓕᑕᒫᑫᔮᓂ, ᐊᓇ ᑳ ᐌᐯᓕᑕᒧᐗᒃ, ᑭᓚᐗᐤ ᐅᒋ ᓂ ᑮ ᐌᐯᓕᑌᓐ, ᐅᑎᔥᑲᐤ ᙭ᑕ;

ᓂᔓ ᑯᕆᓐᑎᐊᓇ 3:18

ᒫᑲ ᒥᓯᐌ ᐁ ᐃᑕᔑᔭᒃ, ᒧᔐ ᐁ ᐅᑖᔅᑕᒥᑯᔭᒃ, ᐁ ᐙᐸᑕᒶᒃ ᑖᐱᔅᑯᒡ ᐗᐹᒧᐎᓂᐤ, ᐅ ᑭᔅᑌᓕᑖᑯᓯᐎᓐ ᐅᑎᐯᓕᒋᑫᐤ, ᑭ ᑴᔅᑭᓈᑯᐃᑲᐎᓈᓇᐤ ᐊᓂᒪ ᐃᔑᓈᑯᓯᐎᓂᒃ ᑭᔅᑌᓕᑖᑯᓯᐎᓂᒃ ᐅᒋ ᑭᔅᑌᓕᑖᑯᓯᐎᓂᒃ ᐃᔑ, ᑖᐱᔅᑯᒡ ᐅᑎᐯᓕᒋᑫᐤ ᐅᒋ ᑳ ᐊᒑᑯᐎᑦ᙮

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᐃᐱᓯᔭᓇ 1:17

ᐅ ᑭᒋᒪᓂᑐᒪ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᐅᑖᐎᒥᑯᑦ ᑭᔅᑌᓕᑖᑯᓯᐎᓂᓕᐤ, ᑭᒋ ᒥᓕᑕᒃ ᑲᑫᑕᐌᓕᑕᒧᐎᓂ ᓀᔥᑕ ᑭᔅᑌᓕᑖᑯᑖᑫᐎᓂ ᐊᒑᑾ ᑭᒋ ᑭᔅᑫᓕᒣᒃ:

ᐃᐱᓯᔭᓇ 1:18

ᐁ ᐅᔥᑭᔑᑯᒪᑲᒃ ᑭ ᓂᓯᑐᑕᒧᐎᓂᐗᐤ ᐁ ᐙᔅᑌᓂᑳᑌᒃ; ᑭᒋ ᑭᔅᑫᓕᑕᒣᒃ ᑫᒀᓐ ᑳ ᐊᐯᓕᒧᓈᓂᐗᒃ ᐁ ᓇᑐᑫᑦ, ᓀᔥᑕ ᐁ ᐃᔑ ᐌᓗᒋ ᑭᔅᑌᓕᑖᑾᓂᓕᒃ ᐅ ᑎᐱᓚᐌᐎᓯᐎᓐ ᑫ ᐋᔮᓕᒋ ᐅᐸᓓᑭᓴ;

ᐃᐱᓯᔭᓇ 5:8

ᐌᓴ ᐌᔅᑲᒡ ᑭ ᑮ ᐗᓂᑎᐱᔅᑭᓯᓇᐗᐤ, ᐊᓄᒡ ᒫᑲ ᑭ ᐙᔅᑌᐎᓇᐗᐤ ᐅᑎᐯᓕᒋᑫᒃ: ᐱᒧᑌᒃ ᑖᐱᔅᑯᒡ ᐙᔅᑌᐎᓂ ᐊᐙᔑᔕᒃ᙮

ᐱᓕᐱᔭᓇ 2:6

ᐊᓇ, ᐁ ᓇᔅᐱᑕᐙᑦ ᑭᒋᒪᓂᑐᐗ, ᓇᒪᐎᓚ ᒪᔅᑲᑗᐎᓐ ᑮ ᐅᒋ ᐃᑌᓕᑕᒻ ᑭᒋ ᐃᑌᓕᑖᑯᓯᑦ ᑖᐱᔅᑯᒡ ᑭᒋᒪᓂᑐᐗ;

ᑯᓚᔑᔭᓇ 1:15

ᐊᓇ ᑳ ᓇᔅᐱᑕᐙᑦ ᐁᑳ ᑳ ᓄᑯᓯᓕᒋ ᑭᒋᒪᓂᑐᐗ, ᐊᓇ ᑳ ᓂᔥᑕᒧᔖᓂᐎᑦ ᒥᓯᐌ ᑳ ᐅᔑᐃᒥᑦ:

ᓂᔥᑕᒻ ᑌᓴᓗᓂᔭᓇ 2:12

ᑭᒋ ᐃᔑ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᑭᒋᒪᓂᑐ, ᑳ ᑮ ᐃᔑ ᓇᑐᒥᑖᒃ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᑭᔅᑌᓕᑖᑯᓯᐎᓂᒃ᙮

ᐦᐃᑉᕉᐗ 1:3

ᐊᓇ ᐁ ᐙᓯᓱᑦ ᐅ ᑭᔅᑌᓕᑖᑯᓯᐎᓂᓕᒃ, ᓀᔥᑕ ᒥᑐᓂ ᐁ ᓇᔥᐱᑕᐙᑦ ᐁ ᐃᔑᓈᑯᓯᓕᒋ, ᓀᔥᑕ ᐁ ᓯᑐᓇᒃ ᒥᓯᐌ ᑫᒀᓇ ᐅ ᓱᑳᑎᓯᐎ ᐋᔭᒥᐎᓂᓕᐤ ᐅᒋ, ᐃᔅᐱ ᐎᓚ ᑫᒋᐙᒃ ᑳ ᑮ ᐃᑲᑌᓇᒃ ᑭ ᒪᒋᑣᐎᓂᓇᐗ, ᑮ ᓇᐊᐱᐌᐤ ᐅ ᑭᒋᓂᔅᑮᓕᒃ ᐊᓂᐃ ᒥᔭᐗᒋ ᐃᔅᐯᓕᑖᑯᓯᓕᒋ ᐃᔥᐱᒥᒃ;

ᐦᐃᑉᕉᐗ 6:4

ᐌᓴ ᓈᔦᑖᐗᓐ ᐊᓂᑭ ᐯᔭᑾᐤ ᑳ ᑮ ᐙᔅᑌᓇᒪᐙᑲᓂᐎᒋᒃ, ᓀᔥᑕ ᑳ ᑮ ᑯᒋᔅᑕᑭᒃ ᑭᒋᑭᔑᑳᐎ ᒥᓕᐌᐎᓂᓕᐤ, ᓀᔥᑕ ᑳ ᑮ ᒥᓛᑲᓂᐎᒋᒃ ᐸᓓᑭ ᐊᒑᑾ,

ᓂᔥᑕᒻ ᐱᑕᕐ 1:12

ᐊᓂᑭ ᑳ ᑮ ᐙᐸᑎᓛᑲᓂᐎᒋᒃ, ᓇᒪᐎᓚ ᐎᓚᐗᐤ ᑫᒋᐙᒃ, ᒫᑲ ᑭᓚᓈᓇᐤ ᐊᓂᐃ ᐁ ᑮ ᐊᑐᔅᑫᔅᑕᒫᑕᑾᒃ, ᐊᓂᐃ ᐊᓄᒡ ᑳ ᐎᑕᒫᑖᑾᒃ ᐊᓂᑭ ᑳ ᑮ ᑲᑫᔅᑭᒥᑖᑾᒃ ᒥᓗᐋᒋᒧᐎᓐ ᐯᓓᑭᓯᑦ ᐊᒑᒃ ᐅᒋ ᑭᒋᑭᔑᑯᒃ ᑳ ᑮ ᐯᒋ ᓛᔑᑎᔕᐙᑲᓂᐎᑦ: ᐅᐅ ᑫᒀᓇ ᐁᓐᒐᓚᒃ ᑮ ᐸᑯᓭᓕᒧᐗᒃ ᑭᒋ ᑲᓇᐗᐸᑕᑭᒃ᙮

ᓂᔥᑕᒻ ᐱᑕᕐ 2:9

ᒫᑲ ᑭᓚᐗᐤ ᑭᑦ ᐋᐎᓇᐎᐤ ᑳ ᐙᐌᓛᐸᒫᑲᓂᐎᒋᒃ ᑳ ᐋᓂᔅᑫ ᐱᒫᑎᓯᒋᒃ, ᑳ ᑭᔅᑌᓕᑖᑯᓯᒋᒃ ᓵᓵᑭᐎᓕᐌᐎᓕᓕᐗᒃ, ᑳ ᐸᓓᑭᓯᒋᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᑳ ᑭᔅᑕᑭᑖᑯᓯᒋᒃ ᐃᓕᓕᐗᒃ; ᑭᒋ ᐙᐸᑎᓕᐌᔦᒃ ᐅ ᒥᓨᑎᓰᐃᓇ ᐊᓇ ᐗᓂᑎᐱᔅᑭᓯᐎᓂᒃ ᑳ ᑮ ᐅᒋ ᓇᑐᒥᑖᒃ ᐅ ᒫᒪᔅᑳᒋ ᐙᓭᔮᓱᐎᓂᒃ ᐃᔑ;

ᓂᔓ ᐱᑕᕐ 1:19

ᑭᑦ ᐋᔮᓈᓇᐤ ᓀᔥᑕ ᐊᐙᓯᑌ ᑭᐁᒋᓇᔦᓕᑖᑾᒃ ᑭᔅᑭᐙᐃᑫᐎ ᐋᔭᒥᐎᓐ; ᐁᐗᑯ ᐁ ᔭᒀᒥᓇᒣᒃ ᑭ ᒥᓗᑐᑌᓇᐗᐤ, ᑖᐱᔅᑯᒡ ᐙᓭᔮᓯᐎᓐ ᑳ ᓵᑳᔅᑌᒃ ᐃᑕ ᐁ ᐗᓂᑎᐱᔅᑳᒃ, ᐃᓕᑯᒃ ᑭᒋ ᐯᑖᐸᒃ, ᓀᔥᑕ ᑭᔑᑲᐎ ᐊᒐᑯᔥ ᑭᑕ ᓵᑳᔅᑌᑦ ᑭᑌᐃᐙᒃ: