3 ᒫᑲ ᑮᔥᐱᓐ ᓂ ᒥᓗᐋᒋᒧᐎᓂᓈᓐ ᑭᐋᒋᑳᑌᑭ, ᑳᑕᒪᐙᐗᒃ ᐊᓂᑭ ᑳ ᐗᓂᔑᑭᒃ:
ᐁᑯᔅᐱ, ᒋᓴᔅ ᑮ ᑭᑐ, ᐁ ᐃᑗᑦ, ᑭ ᓇᓈᔅᑯᒥᑎᓐ, ᐅ ᐌᐅᑖᐎᒪᐎᔭᓐ, ᑌᐯᓕᒋᑫᔭᓐ ᑭᒋᑭᔑᑯᒃ ᓀᔥᑕ ᐊᔅᑮᒃ, ᐅᐅ ᑫᒀᓇ ᐁ ᑮ ᑳᑕᐗᒋᒃ ᐅᑲᑫᑕᐌᓕᑕᒶᒃ ᓀᔥᑕ ᐅᓕᑆᑳᐗᒃ, ᐁ ᑮ ᐙᐸᑎᓚᒋᒃ ᒫᑲ ᐅᔥᑲᐙᔑᔕᒃ᙮
ᐊᓂᒪ ᑫ ᑭᔑᑳᒃ ᐃᔅᐱ ᑭᒋᒪᓂᑐ ᑫ ᑎᐹᔅᑯᓇᒸᑦ ᐃᓕᓕᐗ ᐅ ᑭᒧᑎᓯᐎᓂᓕᐗ ᐎᓚ ᐅᒋ ᒋᓴᔅ ᙭, ᐁ ᐃᑗᒪᑲᒃ ᓂ ᒥᓗᐋᒋᒧᐎᓐ᙮
ᐌᓴ ᐁ ᑲᑫᔅᑭᒥᐙᓂᐗᒃ ᐊᓂᒪ ᐋᔑᑌᐋᑎᒃ ᑭᔥᑴᐄᓐ ᐃᑌᓕᑕᒶᒃ ᐊᓂᑭ ᑳ ᓂᔑᐗᓈᑎᓯᒋᒃ; ᒫᑲ ᑭᓚᓈᓇᐤ ᑳ ᐱᒫᒋᐃᑲᐎᔭᒃ ᑭᒋᒪᓂᑐ ᐅ ᑲᔥᑭᐅᐎᓐ ᑭᑦ ᐃᑌᓕᑌᓈᓇᐤ᙮
ᐁᓕᐌᒃ ᒫᑲ ᓂᑦ ᐋᔭᒥᓈᓐ ᑲᑫᑕᐌᓕᑕᒧᐎᓐ ᒣᑴᔭᔥ ᐊᓂᑭ ᑳ ᑭᔑᓂᑕᐎᑭᒋᒃ: ᓇᒪᐎᓚ ᒫᑲ ᐅᒪ ᐊᔅᑭ ᑲᑫᑕᐌᓕᑕᒧᐎᓐ, ᓇᒪ ᓀᔥᑕ ᐅ ᑲᑫᑕᐌᓕᑕᒧᐎᓂᐗᐤ ᐊᓂᑭ ᑳ ᐅᑭᒫᐎᒋᒃ ᐅᑕ ᐊᔅᑮᒃ, ᑳ ᐊᑎ ᒣᒋᐸᓕᒋᒃ:
ᓀᔥᑕ ᒫᑲ, ᐃᔅᐱ ᐱᐁᒋ ᐅᑎᑕᒫᓐ ᑦᕈᐊᔅ, ᑭᒋ ᐙᐎᑕᒶᒃ ᙭ ᐅ ᒥᓗᐋᒋᒧᐎᓐ, ᓀᔥᑕ ᐁ ᑮ ᐹᔅᑭᑌᓇᒪᐎᑦ ᐅᑎᐯᓕᒋᑫᐤ ᐃᔥᒀᑌᒥᓕᐤ,
ᒫᑲ ᓇᒪᐎᓚ ᑮ ᐙᐱᒫᑲᓂᓕᐗ ᐅ ᒥᑐᓀᓕᒋᑲᓂᐗᐗ: ᐌᓴ ᐱᓕᔥ ᐊᓄᒡ ᐁ ᑭᔑᑳᒃ ᐃᑕᑾᓐ ᑫᔮᐸᒡ ᐊᓂᒪ ᐊᑯᐙᐱᑴᐙᓐ ᐁᑳ ᐁ ᐅᒋ ᐃᑲᑌᓂᑳᑌᒃ ᐁ ᐋᔭᒥᑖᓂᐗᒡ ᐊᓂᒪ ᑳᔮᔥ ᓇᔅᑯᒥᑐᐎᓐ; ᐁᐗᑯ ᐊᑯᐙᐱᑴᐙᓐ ᐃᑲᑌᓂᑳᑌᐤ ᙭ᑎᒃ᙮
ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮
ᐌᓴ ᓂ ᒥᓗᐋᒋᒧᐎᓂᓈᓐ ᓇᒪᐎᓚ ᐱᑯ ᐊᔮᒥᐎᓂᒃ ᑭ ᑮ ᐅᑎᑎᑯᓇᐗᐤ, ᒫᑲ ᑲᔥᑭᐅᐎᓂᒃ ᐊᓯᒋ, ᓀᔥᑕ ᐸᓓᑭ ᐊᒑᑯᒃ, ᓀᔥᑕ ᒥᔅᑕᐃ ᑫᒋᓇᐅᐎᓂᒃ; ᐁ ᐃᔑ ᑭᔅᑫᓕᑕᒣᒃ ᑳ ᑮ ᐃᔑᑣᔮᒃ ᐃᑕ ᐁ ᐃᑖᔦᒃ ᑭᓚᐗᐤ ᐅᒋ᙮
ᐁ ᐃᔑ ᐃᑗᒪᑲᓂᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓐ ᑳ ᔕᐌᓕᑖᑯᓯᑦ ᑭᒋᒪᓂᑐ, ᑳ ᑮ ᐸᑭᑎᓇᒫᑲᐎᐗᒃ ᑭᒋ ᑲᓇᐌᓕᑕᒶᒃ᙮
