8 ᓇᒪ ᓈ ᐊᐙᓯᑌ ᑭᒋᐃᑌᓕᑖᑾᓐ ᐊᓂᒪ ᐋᔭᒥᐋᐎ ᐊᑑᔅᑫᐎᓐ ᐊᒑᑯᒃ ᑳ ᐅᒋᒪᑲᒃ?
ᐌᓴ ᐅᓚᔓᐌᐎᓐ ᑮ ᒥᓕᐙᓂᐗᓐ ᒧᓯᔅ ᐅᒋ, ᒫᑲ ᒋᓴᔅ ᙭ ᑮ ᐯᑕᐤ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮
(ᒫᑲ ᐅᒣᓕᐤ ᑮ ᐃᑗᐤ ᐁ ᐋᓕᒧᒫᑦ ᐊᒑᑾ ᑫ ᒥᓛᑲᓂᐎᓕᒋ ᐊᓂᐃ ᑳ ᑖᐺᔦᓕᒥᑯᑦ: ᐌᓴ ᐯᓓᑭᓯᑦ ᐊᒑᒃ ᓇᒪᐎᓚ ᐁᔥᑾ ᐅᒋ ᒥᓕᐙᓂᐎᐤ; ᐁᑳ ᐁᔥᑾ ᐁ ᑮ ᑭᔅᑌᓕᑖᑯᐋᑲᓂᐎᑦ ᒋᓴᔅ᙮)
ᓇᒪ ᓈ ᑭ ᑭᔅᑫᓕᑌᓇᐗᐤ ᐁ ᐅᑦ ᐋᔭᒥᐁᐎᑲᒥᒥᑯᔦᒃ ᑭᒋᒪᓂᑐ, ᓀᔥᑕ ᐅᑦ ᐊᒑᑾ ᑭᒋᒪᓂᑐ ᐁ ᐱᒋᔅᑳᒥᑖᒃ?
ᐌᓴ ᑮᔥᐱᓐ ᐊᓇ ᑳ ᐯᒋ ᐃᑐᑌᑦ ᑲᑫᔅᑭᒥᐌᑌ ᑯᑕᑭᔭ ᒋᓴᓴ, ᐁᑳ ᑳ ᑮ ᑲᑫᔅᑭᒥᐌᔮᒃ ᓂᓚᓈᓐ, ᓀᔥᑕᐱᑯ ᑮᔥᐱᓐ ᐅᑎᓀᑴ ᑯᑕᒃ ᐊᒑᒃ ᐁᑳ ᑳ ᑮ ᐅᑎᓀᒃ, ᓀᔥᑕᐱᑯ ᑯᑕᒃ ᒥᓗᐋᒋᒧᐎᓐ, ᐁᑳ ᑳ ᑮ ᐅᑎᓇᒣᒃ, ᑖᐺ ᑭ ᑳ ᔑᐱᓚᐌᓯᔅᑕᐙᑕᐗᐤ᙮
ᐅᑎᐯᓕᒋᑫᐤ ᒫᑲ ᐁᐗᑯ ᐊᒑᒃ: ᐃᑕ ᒫᑲ ᐁ ᐃᑖᓕᒋ ᐅᑎᐯᓕᒋᑫᐤ ᐅᑦ ᐊᒑᑾ, ᐁᑯᑕ ᐃᑕᑾᒃ ᑎᐯᓕᒥᑎᓯᐎᓐ᙮
ᐁᐗᒀᓇ ᓀᔥᑕ ᑳ ᐋᔭᒥᐋᐎ ᐊᑑᔅᑫᓛᑲᓂᐃᔭᒥᑦ ᑭᒋ ᐎᑕᒫᒃ ᐊᓂᒪ ᐅᔥᑭ ᓇᔅᑯᒥᑐᐎᓐ; ᓇᒪᐎᓚ ᑳ ᐃᑗᒪᑲᒃ, ᒫᑲ ᑳ ᐊᒑᑯᐎᒪᑲᒃ; ᐌᓴ ᑳ ᐃᑗᒪᑲᒃ ᓂᐹᔭᐌᒪᑲᓐ, ᒫᑲ ᑳ ᐊᒐᑯᐎᒪᑲᒃ ᒥᓕᐌᒪᑲᓐ ᐱᒫᑎᓯᐎᓐ᙮
ᒫᑲ ᑮᔥᐱᓐ ᑫᒋᐃᑌᓕᑖᑾᓄᑴ ᐊᓂᒪ ᐋᔭᒥᐋᐎ ᐊᑑᔅᑫᐎᓐ ᑳ ᒥᓕᐌᒪᑲᒃ ᓂᐱᐎᓐ ᑳ ᒪᓯᓇᐃᑳᑌᒃ ᓀᔥᑕ ᒪᓯᓂᔑᑳᑌᒃ ᐊᓯᓂᒃ, ᑳ ᐅᒋ ᐁᑳ ᑲᔥᑭᑖᒋᒃ ᐊᓂᑭ ᐃᔅᕃᐃᓪ ᐅᑦ ᐊᐙᔑᒥᔕ ᓱᑲ ᑭᒋ ᑲᓇᐙᐸᑕᒸᒋᒃ ᒧᓯᓴ ᐅᑖᔅᑕᒥᑯᓕᐤ, ᐁ ᐃᔅᐱᔑ ᐙᓯᑯᔅᑌᓕᒃ, ᐁᐗᑯ ᐁ ᐙᓯᑯᔅᑌᒃ ᑳ ᐊᑎ ᐹᔑᑯᓈᑾᒃ;
ᐌᓴ ᑮᔥᐱᓐ ᑫᒋᐃᑌᓕᑖᑾᓄᑴ ᐊᓂᒪ ᐋᔭᒥᐋᐎ ᐊᑑᔅᑫᐎᓐ ᑳ ᒥᓕᐌᒪᑲᒃ ᓂᔑᐗᓈᒋᐃᒥᐌᐎᓐ, ᐊᐙᓯᑌ ᑖᐺ ᑭᒋᐃᑌᓕᑖᑾᓐ ᐊᓂᒪ ᐋᔭᒥᐊᐎ ᐊᑑᔅᑫᐎᓐ ᑳ ᒥᓕᐌᒪᑲᒃ ᒀᔭᔅᑭᑖᑎᓯᐎᓐ᙮
ᐊᓂᒪ ᐅ ᒥᓦᑭᒥᑯᓯᐎᓐ ᐁᑉᕃᐋᒻ ᑭᒋ ᐅᑎᑎᑯᐗᒃ ᒉᓐᑖᐃᓚᒃ, ᐎᓚ ᐅᒋ ᒋᓴᔅ ᙭: ᑭᒋ ᑮ ᐋᔭᐗᒃ ᐊᒑᒃ ᐊᔓᑕᒫᑫᐎᓐ ᑖᐺᔦᓕᑕᒧᐎᓐ ᐅᒋ᙮
ᐌᓴ ᑭ ᐯᑖᓈᓇᐤ ᐎᓚ ᐊᒑᒃ ᐅᒋ ᒀᔭᔅᑭᑖᑎᓯᐎᓂ ᐊᔅᐯᓕᒧᐎᓐ ᑖᐺᔦᓕᑕᒧᐃᓐ ᐅᒋ᙮
ᐌᓴ ᐎᓚ ᐅᒋ ᐯᔭᒃ ᐊᒑᑯᒃ ᓂ ᐯᔣᐸᒫᓈᓐ ᐅᑖᐎᒪᐤ᙮
ᒫᑲ ᓂᑦ ᐃᑌᓕᑖᑯᓯᓈᓐ ᒧᔕᒃ ᑭᒋ ᓇᓈᔅᑯᒪᑭᑦ ᑭᒋᒪᓂᑐ ᑭᓚᐗᐤ ᐅᒋ, ᓂᒋᔖᓂᑐᒃ, ᑳ ᓵᑭᐃᑖᒃ ᐅᑎᐯᓕᒋᑫᐤ, ᐌᔅᑲᒡ ᐅᒋ ᐁ ᑮ ᐙᐌᓛᐸᒥᑖᒃ ᑭᒋᒪᓂᑐ ᑭᒋ ᐱᒫᒋᐃᑲᐎᔦᒃ, ᐁ ᐸᓓᑭᐃᑖᒃ ᐊᒑᒃ, ᓀᔥᑕ ᐁ ᑖᐺᑕᒣᒃ ᑖᐺᐎᓐ:
ᑳ ᑮ ᐙᐌᓛᐸᒥᒋᒃ ᑳ ᐃᑕᔅᑌᓕᒃ ᑭᒋᒪᓂᑐ ᐌᐅᑖᐎᒪᐎᑦ ᐅ ᓂᑳᓂ ᑭᔅᑫᓕᑕᒧᐎᓐ, ᐅ ᐸᓓᑭᐃᐌᐎᓐ ᐊᒑᒃ ᐅᒋ, ᓇᓇᐃᑕᒧᐎᓂᒃ ᐃᔑ ᓀᔥᑕ ᐁ ᐊᑭᑲᐎᐌᐱᓂᑳᑌᓕᒃ ᐅᒥᑯ ᒋᓴᔅ ᙭: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ ᑭ ᑳ ᐎ ᓚᑭᑕᒫᑲᐎᓇᐗᐤ᙮
