ᓂᔓ ᑯᕆᓐᑎᐊᓇ 3:6 - ᐅᔅᑭ ᑎᔅᑌᒥᓐᑦ

⁶ ᐁᐗᒀᓇ ᓀᔥᑕ ᑳ ᐋᔭᒥᐋᐎ ᐊᑑᔅᑫᓛᑲᓂᐃᔭᒥᑦ ᑭᒋ ᐎᑕᒫᒃ ᐊᓂᒪ ᐅᔥᑭ ᓇᔅᑯᒥᑐᐎᓐ; ᓇᒪᐎᓚ ᑳ ᐃᑗᒪᑲᒃ, ᒫᑲ ᑳ ᐊᒑᑯᐎᒪᑲᒃ; ᐌᓴ ᑳ ᐃᑗᒪᑲᒃ ᓂᐹᔭᐌᒪᑲᓐ, ᒫᑲ ᑳ ᐊᒐᑯᐎᒪᑲᒃ ᒥᓕᐌᒪᑲᓐ ᐱᒫᑎᓯᐎᓐ᙮

ᓂᔓ ᑯᕆᓐᑎᐊᓇ 3:6 Iomraidhean Croise

ᐅᐸᓓᑭᔅ ᒫᑎᐤ 13:52

ᐁᑯ ᐁᑖᑦ, ᐁᐗᑯ ᐅᒋ ᒥᓯᐌ ᑕᑐ ᐅᒪᓯᓇᐃᑫᐤ ᑳ ᑭᔅᑭᓄᐊᒫᑦ ᑭᒋᑭᔑᑳᐎ ᐅᑭᒫᐎᐎᓂᒃ, ᓇᔅᐱᑕᐌᐤ ᐃᓕᓕᐗ ᑳ ᑎᐯᓕᑕᒥᓕᒋ ᐙᔅᑳᔨᑲᓂᓕᐤ, ᑳ ᐅᒋ ᐗᓚᐎᑕᑖᑦ ᐅ ᐌᓗᑎᓯᐎᓂᒃ ᐅᔥᑭ ᑫᒀᓇ ᓀᔥᑕ ᑳᔮᔥ ᑫᒀᓇ᙮

ᐅᐸᓓᑭᔅ ᒫᑎᐤ 26:28

ᐌᓴ ᐁᐗᑯ ᐅᒪ ᓂᒥᑯᒻ ᐅᔥᑭ ᓇᔅᑯᒥᑐᐎᓂᒃ, ᒥᒉᑦ ᑳ ᐅᒋ ᓯᑲᐃᑳᑌᒃ ᑭᒋ ᐌᐯᓕᒋᑳᑌᑭ ᒪᒋᑣᐎᓇ᙮

ᐅᐸᓓᑭᔅ ᒫᕐᒃ 14:24

ᑮ ᐃᑌᐤ ᒫᑲ, ᐁᐗᑯ ᐅᒪ ᓂ ᒥᑯᒻ ᐅᔥᑭ ᓇᔅᑯᒥᑐᐎᓂᒃ, ᒥᒉᑦ ᑳ ᐅᒋ ᓯᑲᐃᑳᑌᒃ᙮

ᐅᐸᓓᑭᔅ ᓘᒃ 22:20

ᑖᐱᔅᑯᒡ ᓀᔥᑕ ᒥᓂᒀᑲᓂᓕᐤ ᑳ ᓂᐯᑴᒋᒃ, ᐁ ᐃᑗᑦ, ᐅᒪ ᒥᓂᒀᑲᓐ ᐁᐗᑯ ᐅᔥᑭ ᓇᔅᑯᒥᑐᐎᓐ ᓂᒥᑯᒃ, ᑲᓚᐗᐤ ᑳ ᐅᒋ ᓯᑭᓂᑳᑌᒃ᙮

ᐅᐸᓓᑭᔅ ᒑᓐ 5:21

ᐌᓴ ᑖᐱᔅᑯᒡ ᐅᑖᐎᒫᐤ ᐁ ᐃᔑ ᐗᓂᔥᑳᓈᑦ ᑳ ᓂᐱᓕᒋ, ᓀᔥᑕ ᐁ ᐋᐱᓯᐋᑦ: ᐁᑯ ᓀᔥᑕ ᐅᑯᓯᓯᒪᐤ ᐁ ᐃᔑ ᐋᐱᓯᐋᑦ ᐊᓂᐃ ᐙᑐᑕᐙᑦ᙮

ᐅᐸᓓᑭᔅ ᒑᓐ 6:63

ᐊᒑᒃ ᐁᐗᑯ ᑳ ᐱᒫᑎᓯᐃᐌᑦ: ᐎᔮᔅ ᓇᒪ ᐙᔦᔥ ᐃᑖᐸᑕᓐ: ᐋᔭᒥᐎᓇ ᑳᐎᑕᒫᑕᑾᒃ, ᐊᒑᑯᐗᓋ, ᓀᔥᑕ ᐱᒫᑎᓯᐎᓂᐗᓋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:5

ᐁᐗᑯ ᐊᐗ ᑳ ᑮ ᐅᒋ ᒥᓕᑲᐎᔭᒃ ᔕᐌᓕᒋᑫᐎᓐ ᓀᔥᑕ ᐊᐸᔅᑕᓕᐎᐎᓐ, ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ ᒥᓯᐌ ᐁ ᐃᑕᑐᔅᑳᓀᓯᒋᒃ ᐃᓕᓕᐗᒃ, ᐅᑦ ᐃᔑᓇᑳᓱᐎᓐ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:20

ᐁᐗᑯ ᒫᑲ ᐅᒋ ᐁ ᐊᔨᑎᓈᓂᐗᒃ ᐅᓚᔓᐌᐎᓂᒃ ᐅᒋ ᓇᒪᐎᓚ ᐊᐌᓇ ᑲᑕ ᑮ ᒀᔭᔅᑭᑖᑎᓯᐊᐤ ᐎᓚ ᐁ ᑲᓇᐙᐸᑫᑦ: ᐌᓴ ᐅᓚᔓᐌᐎᓐ ᐅᒋ ᑭᔅᑫᓕᒋᑳᑌᐤ ᒪᒋᑣᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:15

ᐌᓴ ᐅᓚᔓᐌᐎᓐ ᐋᑯᓚᐌᓯᐎᓐ ᐅᔑᑖᒪᑲᓐ: ᐌᓴ ᐃᑕ ᐁᑳ ᐁ ᐃᑕᑾᒃ ᐅᓚᔓᐌᐎᓐ, ᓇᒪᐎᓚ ᐃᑕᑾᓐ ᐗᓂᑐᑕᒧᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:17

ᐁ ᐃᑕᓯᓇᐃᑳᑌᒃ, ᑭ ᑮ ᐃᔑᐃᑎᓐ ᑭᒋ ᐅᑖᐎᒪᔅᑭᒃ ᒥᒉᑦ ᑳ ᐃᑕᔅᑳᓀᓯᒋᒃ ᐃᓕᓕᐗᒃ, ᐅᑎᔥᑲᐤ ᐊᓂᐃ ᑳ ᑮ ᑖᐺᑕᐙᑦ, ᑭᒋᒪᓂᑐᐗ ᐅᑎ, ᐊᓇ ᑳ ᐱᒫᒋᐋᑦ ᐊᓂᐃ ᑳ ᓂᐱᓕᒋ, ᓀᔥᑕ ᑳ ᐃᔑᓂᑳᑕᒃ ᐊᓂᐃ ᐁᑳ ᑳ ᐃᑕᑾᓂᓕᑭ ᑖᐱᔅᑯᒡ ᐊᓂᐃ ᑳ ᐃᑕᑾᓂᓕᑭ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:6

ᐊᓄᒡ ᒫᑲ ᑭ ᐎᑾᒋᐃᑲᐎᓈᓇᐤ ᐅᓚᔓᐌᐎᓂᒃ ᐅᒋ, ᐁ ᓂᐱᔭᒃ ᐊᓂᒪ ᐅᒋ ᑳ ᑮ ᑎᐯᓕᒥᑯᔭᒃ; ᑭᒋ ᑮ ᐊᑑᔅᑫᔭᒃ ᐅᔥᑭ ᐊᒑᑯᐎᓂᒃ, ᓇᒪ ᒫᑲ ᑳᔮᔥ ᐁ ᐃᔑ ᒪᓯᓇᐃᑳᑌᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:2

ᐌᓴ ᐊᓂᒪ ᐅᓚᔓᐌᐎᓐ ᐱᒫᑎᓯᐎᓂ ᐊᒑᑯᒃ ᑳ ᐅᒋᒪᑲᒃ ᙭ ᒋᓴᓯᒃ ᓂ ᑮ ᐎᑾᒋᐃᑯᓐ ᐊᓂᒪ ᐅᓚᔓᐌᐎᓐ ᐅᒋ ᒪᒋᑣᐎᓂᒃ ᓀᔥᑕ ᓂᐱᐎᓂᒃ ᑳ ᐅᒋᒪᑲᒃ᙮

ᓂᔥᑕᒻ ᑯᕆᓐᑎᐊᓇ 11:25

ᑖᐱᔅᑯᒡ ᐃᔑ ᓀᔥᑕ ᑮ ᐅᑎᓇᒻ ᒥᓂᒀᑲᓂᓕᐤ, ᐃᔅᐱ ᑳ ᑮ ᓂᐯᑴᑦ, ᐁ ᐃᑗᑦ ᐅᒪ ᒥᓂᒀᑲᓐ ᐁᐗᑯ ᐅᔥᑭ ᓇᔅᑯᒥᑐᐎᓐ ᓂᒥᑯᒃ: ᐅᒪ ᑐᑕᒧᒃ, ᑕᑡᐤ ᒣᓂᑴᔦᑯ ᐁ ᑭᔅᑭᓯᑐᑕᐎᔦᒃ᙮

ᓂᔥᑕᒻ ᑯᕆᓐᑎᐊᓇ 12:28

ᑭᒋᒪᓂᑐ ᒫᑲ ᑮ ᐊᓓᐤ ᐋᑎᑦ ᐅᑦ ᐗᔭᒥᐋᐎᓂᒃ, ᓃᔥᑕᒻ ᐊᐸᔅᑕᓚ, ᐁ ᓂᔑᒃ ᐅᑭᔅᑭᐙᐃᑫᐗ, ᐁ ᓂᔅᑎᒃ ᐅᑭᔅᑭᓄᐊᒫᑫᐗ, ᐁᑯ ᒫᒪᑖᐎᐃᔑᒋᑫᐎᓇ, ᐁᑯ ᒥᓇᐙᒋᐃᐌᐎ ᒥᓕᐌᐎᓇ, ᓂᔓᑲᒫᑫᐎᓇ, ᑎᐯᓕᒋᑫᐎᓇ, ᐹᐱᑐᔥ ᐃᔑᑭᔗᐎᓇ᙮

ᓂᔥᑕᒻ ᑯᕆᓐᑎᐊᓇ 15:45

ᐁᑯ ᓀᔥᑕ ᐁᑕᓯᓇᐃᑳᑌᒃ, ᐊᓇ ᓃᔥᑕᒻ ᓈᐯᐤ, ᐋᑕᒻ, ᑮ ᐃᔑᐋᑲᓂᐎᐤ ᐁ ᐱᒫᑎᓯᓕᒋ ᐊᒑᑾ ᑭᒋ ᐋᔭᐙᑦ; ᐊᓇ ᒫᒋᒡ ᐋᑕᒻ ᑮ ᐃᔑᐋᑲᓂᐎᐤ ᑭᒋ ᐱᒫᑎᓯᐃᐌᑦ ᐊᒑᒃ᙮

ᓂᔥᑕᒻ ᑯᕆᓐᑎᐊᓇ 3:10

ᑳ ᐃᔑ ᒥᓕᑲᐎᔮᓐ ᑭᒋᒪᓂᑐ ᐅ ᔕᐌᓕᒋᑫᐎᓐ, ᑖᐱᔅᑯᒡ ᑫᑫᑕᐌᓕᑕᒃ ᐅᓂᑲᓂ ᐙᔅᑳᔨᑲᓂᑫᐤ, ᓂ ᑮ ᐅᓚᔅᑕᒋᑳᓐ, ᑯᑕᒃ ᒫᑲ ᐁᑯᑕ ᐎᐋᔅᑳᔨᑲᓂᑫᑦ᙮ ᒫᑲ ᐁᑯᔑ ᒥᓯᐌ ᑕᑐ ᐃᓕᓕᐤ ᑲᑕ ᔮᒀᒥᓯᐤ ᐁ ᐃᔑ ᐙᔅᑳᔨᑲᓂᑫᑦ ᐁᑯᑕ᙮

ᓂᔥᑕᒻ ᑯᕆᓐᑎᐊᓇ 3:5

ᐊᐌᓇ ᒫᑲ ᐹᓪ, ᐊᐌᓇ ᒫᑲ ᐊᐸᓚᔅ, ᐱᑯ ᐋᔭᒥᐋᐎ ᐊᑑᔅᑫᓛᑲᓇᒃ ᑳ ᑮ ᐅᒋ ᑖᐺᔦᓕᑕᒣᒃ, ᐱᑯ ᑳ ᐃᔑ ᒥᓛᑦ ᐅᑎᐯᓕᒋᑫᐤ ᒥᓯᐌ ᑕᑐ ᐃᓕᓕᐗ?

ᓂᔓ ᑯᕆᓐᑎᐊᓇ 11:23

ᐎᓚᐗᐤ ᓈ ᙭ ᐅᑦ ᐋᔭᒥᐋᐎ ᐊᑑᔅᑫᓛᑲᓇ? ᓂ ᑮᔥᑴᒧᓐ, ᓂᓚ ᐊᐙᓯᑌ; ᓂᑦ ᐊᑑᔅᑫᐎᓇ ᐊᐙᓯᑌ ᐁ ᒥᒉᑎᑭ, ᒥᒉᑡᐤ ᐁ ᐸᐸᓴᔅᑌᐅᑲᐎᔮᓐ, ᑭᐸᐅᑐᐎᑲᒥᑯᒃ ᐊᐙᓯᑌ ᒥᒉᑡᐤ, ᓂᐱᐎᓂᒃ ᒥᒉᑡᐤ᙮

ᓂᔓ ᑯᕆᓐᑎᐊᓇ 3:14

ᒫᑲ ᓇᒪᐎᓚ ᑮ ᐙᐱᒫᑲᓂᓕᐗ ᐅ ᒥᑐᓀᓕᒋᑲᓂᐗᐗ: ᐌᓴ ᐱᓕᔥ ᐊᓄᒡ ᐁ ᑭᔑᑳᒃ ᐃᑕᑾᓐ ᑫᔮᐸᒡ ᐊᓂᒪ ᐊᑯᐙᐱᑴᐙᓐ ᐁᑳ ᐁ ᐅᒋ ᐃᑲᑌᓂᑳᑌᒃ ᐁ ᐋᔭᒥᑖᓂᐗᒡ ᐊᓂᒪ ᑳᔮᔥ ᓇᔅᑯᒥᑐᐎᓐ; ᐁᐗᑯ ᐊᑯᐙᐱᑴᐙᓐ ᐃᑲᑌᓂᑳᑌᐤ ᙭ᑎᒃ᙮

ᓂᔓ ᑯᕆᓐᑎᐊᓇ 3:3

ᐁ ᐹᔦᑌ ᓄᑯᑖᓂᐗᒃ ᑭᓚᐗᐤ ᐁᐗᑯ ᐅ ᒪᓯᓇᐃᑫᐎᓐ ᙭, ᑳ ᐋᔭᒥᐋᐎ ᐗᐸᒋᑖᔭᒃ ᓂᓚᓈᓐ, ᐁᑳ ᒪᓯᓂᐃᑲᓈᐳ ᐁ ᐅᒋ ᒪᓯᓂᐃᑳᑌᒃ, ᒫᑲ ᐅᑦ ᐊᒑᑾ ᐅᒋ ᐯᒫᑎᓰᑦ ᑭᒋᒪᓂᑐ; ᓇᒪᐎᓚ ᓇᐸᑳᐱᔅᑯᒃ, ᒫᑲ ᐁ ᐎᔮᓯᐎ ᒥᑌᐃᒃ᙮

ᓂᔓ ᑯᕆᓐᑎᐊᓇ 3:7

ᒫᑲ ᑮᔥᐱᓐ ᑫᒋᐃᑌᓕᑖᑾᓄᑴ ᐊᓂᒪ ᐋᔭᒥᐋᐎ ᐊᑑᔅᑫᐎᓐ ᑳ ᒥᓕᐌᒪᑲᒃ ᓂᐱᐎᓐ ᑳ ᒪᓯᓇᐃᑳᑌᒃ ᓀᔥᑕ ᒪᓯᓂᔑᑳᑌᒃ ᐊᓯᓂᒃ, ᑳ ᐅᒋ ᐁᑳ ᑲᔥᑭᑖᒋᒃ ᐊᓂᑭ ᐃᔅᕃᐃᓪ ᐅᑦ ᐊᐙᔑᒥᔕ ᓱᑲ ᑭᒋ ᑲᓇᐙᐸᑕᒸᒋᒃ ᒧᓯᓴ ᐅᑖᔅᑕᒥᑯᓕᐤ, ᐁ ᐃᔅᐱᔑ ᐙᓯᑯᔅᑌᓕᒃ, ᐁᐗᑯ ᐁ ᐙᓯᑯᔅᑌᒃ ᑳ ᐊᑎ ᐹᔑᑯᓈᑾᒃ;

ᓂᔓ ᑯᕆᓐᑎᐊᓇ 3:9

ᐌᓴ ᑮᔥᐱᓐ ᑫᒋᐃᑌᓕᑖᑾᓄᑴ ᐊᓂᒪ ᐋᔭᒥᐋᐎ ᐊᑑᔅᑫᐎᓐ ᑳ ᒥᓕᐌᒪᑲᒃ ᓂᔑᐗᓈᒋᐃᒥᐌᐎᓐ, ᐊᐙᓯᑌ ᑖᐺ ᑭᒋᐃᑌᓕᑖᑾᓐ ᐊᓂᒪ ᐋᔭᒥᐊᐎ ᐊᑑᔅᑫᐎᓐ ᑳ ᒥᓕᐌᒪᑲᒃ ᒀᔭᔅᑭᑖᑎᓯᐎᓐ᙮

ᑲᓓᔕᐊᓇ 3:21

ᐅᓚᔓᐌᐎᓐ ᓈ ᒫᑲ ᓇᔅᑯᔅᑕᒫᑫᒪᑲᓐ ᑭᒋᒪᓂᑐ ᐅᑦ ᐊᔓᑕᒫᑫᐎᓇ? ᓇᒪᐎᓚ ᑲᑕ ᐎ ᐃᑭᓐ: ᐌᓴ ᑮᔥᐱᓐ ᑮ ᒥᓕᐙᓂᐗᓄᑯᐸᓀ ᐅᓚᔓᐌᐎᓐ ᑫ ᑮ ᒥᓕᐌᒪᑲᑭᐸᓐ ᐱᒪᑎᓯᐎᓐ, ᑖᐺ ᒀᔭᔅᑭᑖᑎᓯᐎᓐ ᐅᓚᔓᐌᐎᓂᒃ ᑲᑕ ᑮ ᐅᒋ ᑕᑾᓄᐸᓐ᙮

ᐃᐱᓯᔭᓇ 2:1

ᑭᓚᐗᐤ ᒫᑲ ᑭ ᑮ ᐱᒫᑎᓯᐃᑯᐗᐤ, ᑳ ᑮ ᓂᐱᔦᒃ ᐗᓂᑐᑕᒧᐎᓂᒃ ᓀᔥᑕ ᒪᒋᑣᐎᓂᒃ;

ᐃᐱᓯᔭᓇ 2:5

ᐊᐳᒋᑲ ᒣᒀᒡ ᐁ ᓂᐱᔭᒃ ᒪᒋᑣᐎᓂᒃ, ᐊᓯᒋ ᙭ ᑭ ᑮ ᒫᒪᐎ ᐱᒫᑎᓯᐃᑯᓇᐤ, ᔕᐌᓕᒋᑫᐎᓐ ᑭᑦ ᐅᒋ ᐱᒫᒋᐃᑲᐎᓇᐗᐤ;

ᐃᐱᓯᔭᓇ 3:7

ᐁᐗᒀᓂᒪ ᑳ ᐅᒋ ᐋᔭᒥᐋᐎ ᐊᑑᔅᑫᓛᑲᓂᐎᔮᓐ, ᐁᔅᐱᔑ ᒥᓕᑲᐎᐗᒃ ᐅ ᔕᐌᓕᒋᑫᐎᓐ ᑭᒋᒪᓂᑐ, ᒀᔭᔉ ᐁ ᐃᔑᐃᑯᐗᒃ ᐅ ᑲᔥᑭᐅᐎᓐ᙮

ᓂᔥᑕᒻ ᑎᒧᑎ 4:6

ᑮᔥᐱᓐ ᐅᐅ ᑭᔅᑭᓯᑐᑕᒥᐊᑡᐌ ᐎᒋᔖᓂᒪᐗᒃ, ᑭ ᑳ ᒥᓗ ᐋᔭᒥᐊᐎ ᐊᑑᔅᑫᓛᑲᓂᒥᒥᒃ ᒋᓴᔅ ᙭, ᐁ ᐅᐱᑭᔭᓐ ᑖᐺᔦᓕᑕᒧᐎᓂ ᐋᔭᒥᐎᓂᒃ ᓀᔥᑕ ᒥᓗ ᑭᔅᑭᓄᐊᒫᑫᐎᓂᒃ, ᐁᐗᑯ ᑳ ᑮ ᓄᔅᐱᓈᑕᒪᓐ᙮

ᓂᔓ ᑎᒧᑎ 1:11

ᐃᑕ ᑳ ᑮ ᐅᒋ ᐃᑕᔓᐙᑎᑲᐎᔮᓐ ᑭᒋ ᑲᑫᔅᑭᒥᐌᔮᓐ, ᓀᔥᑕ ᑭᒋ ᐊᐸᔅᑕᓕᐎᔮᓐ, ᓀᔥᑕ ᑭᒋ ᑭᔅᑭᓄᐊᒪᐗᑭᒃ ᒉᓐᑖᐃᓚᒃ᙮

ᐦᐃᑉᕉᐗ 12:24

ᓀᔥᑕ ᒋᓴᔅ ᑳ ᐋᔭᒥᐁᔅᑕᒫᑫᑦ ᐅᔥᑭ ᓇᔅᑯᒥᑐᐎᓂᒃ, ᓀᔥᑕ ᒥᑯ ᐁ ᐸᑭᑲᐎᐌᐱᓂᑳᑌᒃ, ᓇᐗᒡ ᒥᓗ ᑫᒀᓇ ᑳ ᐋᓕᒧᑕᒧᒪᑲᑭ ᐃᔥᐱᔥ ᐅᒥᑯᒻ ᐁᐱᓪ᙮

ᐦᐃᑉᕉᐗ 13:20

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ, ᐊᓇ ᑳ ᑮ ᑭᐌ ᐯᔑᐙᑦ ᐅᓂᐱᐗ ᐅᒋ ᑭ ᑎᐯᓕᒋᑫᒥᓇᐗ ᒋᓴᓴ, ᐊᓇ ᐅ ᑭᒋ ᒫᓂᔥᒑᓂᔑᐎᓕᓕᒥᐗᐗ ᒫᓂᔥᒑᓂᔕᒃ, ᐊᓂᒪ ᑳᑭᑫ ᓇᑲᑕᒫᑫᐎ ᒪᓯᓇᐃᑲᓂ ᒥᑯ ᐅᒋ,

ᐦᐃᑉᕉᐗ 7:22

ᒫᑲ ᐁᑯ ᐃᔥᐱᔥ ᒋᓴᔅ ᐊᐙᓯᑌ ᑭ ᑫᒋᓇᐅᐎᓂᐊᐤ ᓇᐗᒡ ᑳ ᒥᓨᔑᒃ ᓇᔅᑯᒥᑐᐎᓐ ᐅᒋ᙮

ᐦᐃᑉᕉᐗ 8:13

ᐁ ᐃᑗᑦ ᒫᑲ, ᐅᔥᑭ ᓇᔅᑯᒥᑐᐎᓐ, ᐊᓂᒪ ᓃᔥᑕᒻ ᑮ ᑳᔮᔑᑕᐤ᙮ ᐁᑯ ᐊᓂᒪ ᑳ ᐊᑎ ᓂᔑᐗᓈᑕᒃ ᓀᔥᑕ ᑳ ᐊᑎ ᑳᔮᔑᐗᒃ ᐋᔕᔾ ᐃᑌᓕᑖᑾᓐ ᑭᒋ ᐹᔑᑯᓈᑾᒃ᙮

ᓂᔥᑕᒻ ᐱᑕᕐ 3:18

ᐌᓴ ᙭ ᓀᔥᑕ ᐯᔭᑾᐤ ᒪᒋᑐᑕᒧᐎᓇ ᑮ ᐅᒋ ᐙᐎᓴᑭᓕᑕᒻ, ᑳ ᒀᔪᔅᑭᑎᑦ ᒦᔅᑯᒡ ᐁᑳ ᑳ ᒀᔭᔅᑭᑎᓕᒋ, ᑭᒋ ᑮ ᐯᔑᑕᒃ ᑭᒋᒪᓂᑐ ᑭᒋ ᐋᔭᐎᑕᒃ, ᐁ ᑮ ᓂᐸᐋᑲᓂᐎᑦ ᐎᔮᓯᐎᓂᒃ, ᒫᑲ ᐁ ᑮ ᐅᒋ ᐱᒫᑎᓯᐋᑲᓂᐎᑦ ᐊᒑᑾ:

ᓂᔥᑕᒻ ᒑᓐ 1:1

ᐊᓂᒪ ᒪᐗᒋ ᓃᔥᑕᒻ ᑳ ᑮ ᐅᒌᒃ, ᑳ ᑮ ᐯᑕᒫᒃ, ᓂᔥᑭᔑᑯᓈᓇ ᑳ ᑮ ᐅᒋ ᐙᐸᑕᒫᒃ, ᑳ ᑮ ᑲᓇᐙᐸᑕᒫᒃ, ᓀᔥᑕ ᑳ ᑮ ᓵᒥᓇᒫᒃ ᐱᒫᑎᓯᐎᓂ ᐋᔭᒥᐎᓐ;