ᓂᔓ ᑯᕆᓐᑎᐊᓇ 11:4 - ᐅᔅᑭ ᑎᔅᑌᒥᓐᑦ

⁴ ᐌᓴ ᑮᔥᐱᓐ ᐊᓇ ᑳ ᐯᒋ ᐃᑐᑌᑦ ᑲᑫᔅᑭᒥᐌᑌ ᑯᑕᑭᔭ ᒋᓴᓴ, ᐁᑳ ᑳ ᑮ ᑲᑫᔅᑭᒥᐌᔮᒃ ᓂᓚᓈᓐ, ᓀᔥᑕᐱᑯ ᑮᔥᐱᓐ ᐅᑎᓀᑴ ᑯᑕᒃ ᐊᒑᒃ ᐁᑳ ᑳ ᑮ ᐅᑎᓀᒃ, ᓀᔥᑕᐱᑯ ᑯᑕᒃ ᒥᓗᐋᒋᒧᐎᓐ, ᐁᑳ ᑳ ᑮ ᐅᑎᓇᒣᒃ, ᑖᐺ ᑭ ᑳ ᔑᐱᓚᐌᓯᔅᑕᐙᑕᐗᐤ᙮

ᓂᔓ ᑯᕆᓐᑎᐊᓇ 11:4 Iomraidhean Croise

ᐅᐸᓓᑭᔅ ᒫᕐᒃ 7:9

ᑮ ᐃᑌᐤ ᒫᑲ, ᒥᑐᓂ ᑭᑦ ᐋᑕᐌᓕᑕᒸᓇᐗᐤ ᐅ ᑲᑫᔅᑴᐎᓐ ᑭᒋᒪᓂᑐ, ᑭᒋ ᑮ ᑲᓇᐌᓕᑕᒣᒃ ᑎᐱᓚᐌ ᑮ ᑭᔅᑭᓄᐊᒫᑫᐎᓂᐗᐤ᙮

ᐊᐸᔅᑕᓚᒃ 4:12

ᓇᒪᐎᓚ ᑯᑕᒃ ᐊᐌᓇ ᐱᒫᒋᐃᐌᐎᓐ ᐊᔮᐤ; ᐌᓴ ᓇᒪᐎᓚ ᐃᑕᑾᓐ ᑯᑕᒃ ᐃᔑᓂᑳᓱᐎᓐ ᔑᐸ ᑭᔑᑯᒃ ᑳ ᒥᓕᒋᒃ ᐃᓕᓕᐗᒃ, ᑫ ᑮ ᐅᒋ ᐱᒫᒋᐃᑲᐎᔭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:15

ᐌᓴ ᓇᒪᐎᓚ ᑭ ᑮ ᐅᒋ ᒥᓕᑲᐎᓇᐗᐤ ᐊᐗᑳᓂᐎ ᐊᒑᒃ ᒥᓇ ᑭᒋ ᓭᑭᓯᔦᒃ; ᒫᑲ ᑭ ᑮ ᒥᓕᑲᐎᓇᐗᐤ ᐅᑯᓯᓯᒪᐎ ᐊᒑᒃ ᑳ ᐅᒋ ᑌᐺᔦᒃ, ᐋᐸ, ᓄᑖ᙮

ᓂᔥᑕᒻ ᑯᕆᓐᑎᐊᓇ 3:11

ᐌᓴ ᑯᑕᑭᓕᐤ ᐅᓚᔅᑖᒋᑲᓂᓕᐤ ᓇᒪᐎᓚ ᐊᐌᓇ ᑲᑕ ᑮ ᐅᓚᔅᑕᐤ, ᐱᑯ ᐊᓂᒪ ᑳ ᑮ ᐅᓚᔅᑖᓂᐗᒃ, ᐁᐗᑯ ᒋᓴᔅ ᙭᙮

ᓂᔓ ᑯᕆᓐᑎᐊᓇ 11:1

ᓇᑕᒫ ᑮ ᔑᐱᓚᐌᓯᔅᑕᐎᔦᒃ ᒫᓐᔑᔥ ᓂ ᑲᑫᐹᑎᓯᐎᓂᒃ: ᑖᐺ ᐃᓴ ᔑᐱᓚᐌᓰᔅᑕᐎᒃ᙮

ᓂᔓ ᑯᕆᓐᑎᐊᓇ 2:12

ᓀᔥᑕ ᒫᑲ, ᐃᔅᐱ ᐱᐁᒋ ᐅᑎᑕᒫᓐ ᑦᕈᐊᔅ, ᑭᒋ ᐙᐎᑕᒶᒃ ᙭ ᐅ ᒥᓗᐋᒋᒧᐎᓐ, ᓀᔥᑕ ᐁ ᑮ ᐹᔅᑭᑌᓇᒪᐎᑦ ᐅᑎᐯᓕᒋᑫᐤ ᐃᔥᒀᑌᒥᓕᐤ,

ᑲᓓᔕᐊᓇ 3:2

ᐅᒪ ᐱᑯ ᑭ ᓇᑕᐌᓕᒥᑎᓇᐗᐤ ᑭᒋ ᑫᔅᑫᓕᑕᒥᐃᔦᒃ; ᑭ ᑮ ᒥᓕᑲᐎᓇᐗᐤ ᓈ ᐊᒑᒃ ᐅᓚᔓᐌᐎᓂ ᐃᔑᒋᑫᐎᓇ ᐅᒋ, ᓀᔥᑕᐱᑯ ᐁ ᑮ ᐯᑕᒣᒃ ᑖᐺᔦᓕᑕᒧᐎᓐ?

ᓂᔥᑕᒻ ᑎᒧᑎ 1:3

ᑳ ᐃᔑ ᐸᑯᓭᓕᒥᑖᓐ ᑫᔮᐸᒡ ᑭᒋ ᑕᔑᑫᔭᓐ ᐁᐱᓴᓯᒃ, ᐃᔅᐱ ᑳ ᐱᑐᑌᔮᓐ ᒫᓯᑐᓂᔭᐃᒃ, ᑭᒋ ᐃᑕᔓᒪᒋᒃ ᐋᑎᑦ ᐊᐌᓂᑭ ᐁᑳ ᑯᑕᑭᓕᐤ ᑭᔅᑭᓄᐊᒫᑫᐎᓂᓕᐤ ᑭᒋ ᑭᔅᑭᓄᐊᒫᑫᒋᒃ,

ᓂᔥᑕᒻ ᑎᒧᑎ 2:5

ᐌᓴ ᐯᔭᑯ ᑭᒋᒪᓂᑐ, ᐯᔭᑯ ᓀᔥᑕ ᐅᑕᔭᒥᐁᔅᑕᒫᑫᐤ ᑕᔅᑕᐎᒡ ᑭᒋᒪᓂᑐᐗ ᓀᔥᑕ ᐃᓕᓕᐗ, ᐊᓇ ᐃᓕᓕᐤ ᙭ ᒋᓴᔅ;