ᓂᔓ ᑯᕆᓐᑎᐊᓇ 11:13 - ᐅᔅᑭ ᑎᔅᑌᒥᓐᑦ

¹³ ᐌᓴ ᐁᐗᑯ ᑐᐎ ᑭᓛᔅᑭᐎ ᐊᐸᔅᑕᓚᒃ, ᐙᔦᔑᐃᐌᐎ ᐅᑕᑐᔅᑫᐗᒃ, ᐁ ᑴᔅᑭᓈᑯᐃᑎᓱᒋᒃ ᑳ ᐃᔑᓈᑯᓯᓕᒋ ᐅᑦ ᐊᐸᔅᑕᓕᒪ ᙭᙮

ᓂᔓ ᑯᕆᓐᑎᐊᓇ 11:13 Iomraidhean Croise

ᐅᐸᓓᑭᔅ ᒫᑎᐤ 25:24

ᐁᑯ ᐊᓇ ᑳ ᑮ ᐅᑎᓈᑦ ᐯᔭᒃ ᑖᓕᓐᑕ ᐱᐁᒋ ᐃᑗᑦ, ᑌᐯᓕᒋᑫᔭᓐ, ᑮ ᑭᔅᑫᓕᒥᑎᑖᔾ ᐁ ᐊᓕᒥᓯᐎ ᐃᓕᓕᐎᔭᓐ, ᐁ ᒪᓂᔑᑫᔭᓐ ᐃᑕ ᐁᑳ ᐁ ᐅᒋ ᐸᑭᑎᓂᑫᔭᓐ, ᓀᔥᑕ ᐁ ᒪᐗᒋᒋᑫᔭᓐ ᐃᑕ ᐁᑳ ᐁ ᐅᒋ ᐗᓴᓶᐱᓂᑫᔭᓐ;

ᐊᐸᔅᑕᓚᒃ 15:1

ᐊᑎᑦ ᒫᑲ ᐃᓕᓕᐗᒃ ᑳ ᑮ ᐯᒋ ᐅᑐᑌᒋᒃ ᒎᑎᐊᐃᒃ ᑮ ᑭᔅᑭᓄᐊᒪᐌᐗᒃ ᑳ ᐎᒋᔕᓂᑐᓕᒋ, ᓀᔥᑕ ᑮ ᐃᑗᐗᒃ, ᑮᔥᐱᓐ ᐁᑳ ᑭᔅᑭᓄᐙᒋᔓᑲᐎᔦᑴ ᑳ ᐃᔑ ᑲᑫᔅᑭᒥᐌᑦ ᒧᓯᔅ, ᓇᒪᐎᓚ ᑭ ᑳ ᑮ ᐱᒫᒋᐅᓈᐙᐤ᙮

ᐊᐸᔅᑕᓚᒃ 15:24

ᐁ ᑮ ᐯᑕᒫᒃ, ᐋᑎᑦ ᑳ ᑮ ᐗᓚᐎᒋᒃ ᓂᓚᓈᓐ ᐅᒋ ᐁ ᑮ ᒥᑯᔅᑳᒋᐃᑖᑾᒃ ᐋᔭᒥᐎᓇ ᐅᒋ, ᐁ ᐎ ᐗᓂᔑᒫᒋᒃ ᑭᑦ ᐊᒑᑯᐙᐗ, ᐁ ᐃᑗᒋᒃ, ᑭ ᑳ ᑭᔅᑭᓄᐗᒋᔓᑲᐎᑖᐗᐤ ᐃᓴ, ᓀᔥᑕ ᑭ ᑳ ᑲᓇᐌᓕᑌᑖᐗᐤ ᐅᓚᔓᐌᐎᓐ: ᐊᓂᑭ ᐁᑳ ᑳ ᑮ ᐃᔑ ᐅᓚᔓᒪᑭᒋᒃ;

ᐊᐸᔅᑕᓚᒃ 20:30

ᓀᔥᑕ ᒫᑲ ᑫᒋᐙᒃ ᑭᓚᐙᐤ ᐅᒋ ᐃᓕᓕᐗᒃ ᑲᑕ ᐸᓯᑯᐗᒃ ᐁ ᐊᓕᒧᑕᑭᒃ ᒪᒋ ᑫᒀᓇ, ᑭᒋ ᐅᒋᐱᑕᒫᓱᒋᒃ ᑭᔅᑭᓄᐊᒪᐗᑲᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:18

ᐌᓴ ᐁᐗᒀᓂᑭ ᑐᐎᑳᓇᒃ ᐁᑳ ᑳ ᐊᑑᔅᑫᔅᑕᐙᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ, ᒫᑲ ᑎᐱᓚᐌ ᐙᑖᐗᐤ; ᓀᔥᑕ ᐁ ᒥᓗᐋᔭᒥᒋᒃ ᓀᔥᑕ ᐁ ᓱᔅᒀᒋ ᐋᔭᒥᒋᒃ ᑳ ᐙᔦᔑᑕᒸᒋᒃ ᐅᑌᐃᓕᐗ ᐊᓂᐃ ᐁᑳ ᑳ ᓕᑆᑳᓂᒋ᙮

ᓂᔓ ᑯᕆᓐᑎᐊᓇ 11:15

ᐁᐗᑯ ᐅᒋ ᓇᒪᐎᓚ ᑭᒋ ᑫᒀᓐ ᑮᔥᐱᓐ ᐅᑦ ᐊᑑᔅᑫᓛᑲᓂᒪ ᑶᐁᔅᑭᓈᑯᐃᒥᒋ ᑖᐱᔅᑯᒡ ᒀᔭᔅᑭᑖᑎᓯᐎᓂ ᐊᑑᔅᑫᓛᑲᓇᒃ; ᑫ ᐳᓂᐸᓕᒋᒃ ᐁ ᐃᔑᓈᑾᓂᓕᑭ ᐅᑦ ᐊᑑᔅᑫᐎᓂᐗᐗ᙮

ᓂᔓ ᑯᕆᓐᑎᐊᓇ 2:17

ᐌᓴ ᓂᓚᓈᓐ ᓇᒪᐎᓚ ᑖᐱᔅᑯᒡ ᒥᒉᑦ ᑳ ᒪᒋ ᐋᐸᒋᑕᐙᒋᒃ ᑭᒋᒪᓂᑐᐗ ᐅᑦ ᐗᔭᒥᐎᓂᓕᐤ: ᒫᑲ ᒀᔭᔉ ᐃᑌᓕᑕᒧᐎᓂᒃ, ᒫᑲ ᑖᐱᔅᑯᒡ ᑭᒋᒪᓂᑐ ᐅᒋ, ᐁ ᑲᓇᐙᐸᒥᔭᒥᑦ ᑭᒋᒪᓂᑐ, ᓂᑦ ᐋᔭᒥᓈᓐ ᙭ᑎᒃ᙮

ᓂᔓ ᑯᕆᓐᑎᐊᓇ 4:2

ᒫᑲ ᓂ ᑮ ᐌᐱᓀᓈᓐ ᐊᓂᐃ ᑭᒧᒡ ᑫᒀᓇ ᓇᓀᐯᐎᓯᐎᓂᒃ ᑳ ᐃᑕᑾᑭ, ᐁᑳ ᐁ ᐱᒧᑌᔮᒃ ᑲᑳᔦᓕᓯᐃᓂᒃ, ᐁᑳ ᓀᔥᑕ ᐁ ᐙᔦᔑᐃᐌᐎ ᑕᑯᓇᒶᒃ ᑭᒋᒪᓂᑐ ᐅᑦ ᐋᔭᒥᐎᓐ; ᒫᑲ ᐁ ᑭᔅᑫᓕᑖᑯᑖᔮᒃ ᑖᐺᐎᓐ, ᓂ ᒥᓗᐋᒋᒥᑎᓱᔅᑕᐙᓈᓐ ᒥᓯᐌ ᑕᑐ ᐃᓕᓕᐤ ᐅ ᒥᑐᓀᓕᒋᑲᓂᒃ ᐁ ᑲᓇᐙᐸᒥᑦ ᑭᒋᒪᓂᑐ᙮

ᑲᓓᔕᐊᓇ 1:7

ᓇᒪᐎᓚ ᒫᑲ ᑯᑕᒃ; ᒫᑲ ᐃᑖᐗᒃ ᐋᑎᑦ ᑳ ᒥᑯᔥᑳᒋᐃᑖᑾᒃ, ᓀᔥᑕ, ᑳ ᐎ ᓂᔑᐗᓈᒋᑕᐙᒋᒃ ᐅ ᒥᓗᐋᒋᒧᐎᓂᓕᐤ ᙭ᑕ᙮

ᑲᓓᔕᐊᓇ 2:4

ᐌᓴ ᐋᑎᑦ ᑭᓛᔅᑭᐎ ᐎᒋᔖᓂᒪᐗᒃ ᑭᒧᒡ ᐁ ᑮ ᐱᑐᑲᐋᑲᓂᐎᒋᒃ, ᑭᒧᒡ ᑳ ᑮ ᐯᒋ ᐃᑐᑌᒋᒃ ᑭᒋ ᑭᒫᐸᑕᑭᒃ ᓂ ᑎᐯᓕᒥᑎᓯᐎᓂᓈᓐ, ᑳ ᐋᔮᔮᒃ ᙭ ᒋᓴᓯᒃ ᑭᒋ ᐃᔑᐎᓕᔭᒥᒋᒃ ᐊᐗᑳᑎᑯᐎᓂᒃ:

ᑲᓓᔕᐊᓇ 4:17

ᑭᑦ ᐋᑕ ᓴᑭᐃᑯᐗᐗᒃ, ᒫᑲ ᓇᒪᐎᓚ ᒀᔭᔉ; ᐁᐁ, ᑭ ᑳ ᐃᑲᑌᓂᑯᐙᑕᐗᐗᒃ, ᑭᒋ ᓵᑭᐁᑾᒃ᙮

ᑲᓓᔕᐊᓇ 6:12

ᑕᑐ ᑳ ᓇᑕᐌᓕᑕᑭᒃ ᑭᒋ ᒥᓗᐊᓕᒧᒫᑲᓂᐎᒋᒃ ᐎᔮᓯᐎ ᑫᒀᓇ ᐅᒋ, ᑮ ᔖᑯᒋᒥᑯᐗᐗᒃ ᑭᒋ ᑭᔅᑭᓄᐙᒋᔓᑲᐎᔦᒃ, ᐱᑯ ᐁᑳ ᑭᒋ ᑲᒀᑕᑭᐋᑲᓂᐎᒋᒃ ᙭ ᐅᑦ ᐊᔑᑌᐋᑎᑯᒻ ᐅᒋ᙮

ᐃᐱᓯᔭᓇ 4:14

ᐁᑳ ᑫᔮᐸᒡ ᑭᒋ ᐊᐙᔑᔑᐎᔭᒃ ᐁ ᒫᒦᔅᑯᒋᐸᓕᔭᒃ ᐸᐹᐌᐹᔅᑎᒥᑯᔭᒃ ᒥᓯᐌ ᐹᐱᑐᔥ ᑭᔅᑭᓄᐊᒫᑫᐎᓐ, ᐁ ᒋᔑᐃᑕᑾᒃ ᐙᔦᔑᐃᐌᐎᓕᓕᐗᒃ, ᓀᔥᑕ ᐅ ᒪᒋ ᑲᑳᔦᓕᓯᐎᓂᐗᐤ, ᐃᑕ ᑳ ᐅᒋ ᐊᔣᐃᑫᒋᒃ ᑭᒋ ᐙᔦᔑᐃᐌᒋᒃ;

ᐱᓕᐱᔭᓇ 3:18

ᐌᓴ ᒥᒉᑦ ᐱᒧᑌᐗᒃ, ᒥᒉᑡᐤ ᑳ ᑮ ᐋᓕᒧᑕᒫᑕᑾᒃ, ᐊᓄᒡ ᓀᔥᑕ ᑳ ᐋᓕᒧᑕᒫᑕᑾᒃ ᐁ ᒫᑐᔮᓐ ᐅᑎ, ᐁ ᐸᒀᑕᒸᒋᒃ ᙭ᑕ ᐅᑦ ᐋᔑᑌᐋᑎᑯᒥᓕᐤ;

ᐱᓕᐱᔭᓇ 3:2

ᔮᒀᒥᔅᑖᑯᒃ ᐊᑎᒶᒃ, ᔮᒀᒥᔅᑖᑯᒃ ᑳ ᒪᒋ ᐊᑑᔅᑫᒋᒃ, ᔮᑾᒥᔅᑕᒧᒃ ᑭᔥᑲᑎᔓᐎᓐ᙮

ᑯᓚᔑᔭᓇ 2:4

ᐅᒪ ᒫᑲ ᓂᑦ ᐃᑣᓐ, ᐁᑳ ᐊᐌᓇ ᐃᓕᓕᐤ ᑭᒋ ᐙᔦᔑᒥᑖᒃ ᔓᔅᒀᒋᐋᔭᒥᐎᓇ ᐅᒋ᙮

ᑯᓚᔑᔭᓇ 2:8

ᔮᒀᒥᓯᒃ ᐁᑳᐎᓚ ᐊᐌᓇ ᐃᓕᓕᐤ ᑭᒋ ᐊᐗᑳᓂᐃᑖᒃ ᒥᔅᑲᐙᑕᐎᓐ ᐅᒋ ᓀᔥᑕ ᐸᑾᓐᑕᐤ ᑲᑳᔦᓕᓯᐎᓐ, ᐁ ᐃᔑ ᑭᔅᑭᓄᐊᒫᑫᒋᒃ ᐃᓕᓕᐗᒃ, ᑳ ᐃᑕᔅᑌᑭ ᓂᔥᑕᒻ ᑭᔅᑭᓄᐊᒫᑫᐎᓇ ᐅᑕ ᐊᔅᑮᒃ, ᓇᒪᐎᓚ ᒫᑲ ᑳ ᐃᔑ ᑭᔅᑭᓄᐊᒫᑫᑦ ᙭᙮

ᓂᔥᑕᒻ ᒑᓐ 2:18

ᐊᐱᔅᑕᐙᔑᔑᑐᒃ, ᐊᓄᒡ ᐁᐗᑯ ᒫᒋᒡ ᐁ ᑭᔑᑳᑭ: ᑖᐱᔅᑯᒡ ᒫᑲ ᐁ ᑮ ᐯᑕᒣᒃ ᓇᔅᐹᒡ ᙭ ᑭᒋ ᑕᑯᔑᒃ, ᐊᓄᒡ ᐅᑎ ᐃᑕᐗᒃ ᒥᒉᑦ ᓇᔅᐹᒡ ᙭ᑕᒃ; ᐁᐗᑯ ᑳ ᐅᒋ ᑭᔅᑫᓕᑕᒪᒃ ᒫᒋᒡ ᐁ ᑭᔑᑳᑭ᙮

ᓂᔥᑕᒻ ᒑᓐ 4:1

ᓯᐋᑭᐃᑕᑾᒃ, ᐁᑳᐎᓚ ᒥᓯᐌ ᑕᑐ ᐊᒑᒃ ᑖᐺᑖᒃ, ᒫᑲ ᑲᑴᒋᐃᑯᒃ ᐊᒑᑾᒃ ᑮᔥᐱᓐ ᑭᒋᒪᓂᑐᒃ ᐅᒋᐙᑴ; ᐌᓴ ᒥᒉᑦ ᓇᔅᐹᒡ ᐅᑭᔅᑭᐙᐃᑫᐗᒃ ᐊᔅᑮᒃ ᑮ ᐃᑐᑌᐗᒃ᙮

ᒎᑦ 1:4

ᐌᓴ ᐋᑎᑦ ᐃᓕᓕᐗᒃ ᑭᒧᒡ ᑮ ᐱᑐᑫᑖᒋᒧᐗᒃ, ᐌᔅᑲᒡ ᑳ ᑮ ᐅᓚᑭᒫᑲᓂᐎᒋᒃ ᑭᒋ ᐋᔮᒋᒃ ᐅᒣᓕᐤ ᓂᔑᐗᓈᒋᒥᐌᐎᓂᓕᐤ; ᑳ ᒪᒋᑣᒋᒃ ᐃᓕᓕᐗᒃ, ᐁ ᑴᔅᑭᓇᒸᒋᒃ ᑭ ᑭᒋᒪᓂᑐᒥᓇᐗ ᐅ ᔕᐌᓕᒋᑫᐎᓂᓕᐤ ᑮᔥᑴᐙᑎᓯᐎᓂᒃ ᐃᔑ, ᓀᔥᑕ ᐁ ᐋᓉᑕᐙᒋᒃ ᐱᔦᔭᑯᓕᒋ ᐅᑎᐯᓕᒋᑫᐗ ᑭᒋᒪᓂᑐᐗ, ᓀᔥᑕ ᑭ ᑎᐯᓕᒋᑫᒥᓇᐗ ᒋᓴᔅ ᙭᙮

ᑭᔅᑫᓕᑖᑯᑖᑫᐎᓐ 19:20

ᐊᓇ ᐊᐌᓯᔅ ᒫᑲ ᑭ ᐅᑎᓇᐤ, ᐊᓯᒋ ᐊᓇ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗ ᑳ ᒫᒪᑖᐎ ᐃᔑᒋᑫᔅᑖᑯᑦ, ᐊᓂᐃ ᑳ ᐅᒋ ᐙᔦᔑᐋᑦ ᑳ ᑮ ᐅᑎᓇᒥᓕᒋ ᐅ ᑭᔅᑭᓄᐙᒋᒋᑲᓂᓕᐤ ᐊᐌᓯᓴ, ᓀᔥᑕ ᐊᓂᑭ ᑳ ᓇᐗᑭᔅᑕᐅᒫᒋᒃ ᐅ ᒪᓯᓕᓕᒪ᙮ ᐅᑯ ᒫᑲ ᒫᒪᐤ ᐁ ᐱᒫᑎᓯᒋᒃ ᑮ ᐃᔑᐌᐱᓇᐗᒃ ᐃᔥᑯᑌᐎ ᓵᑲᐃᑲᓂᒃ ᐁ ᐗᓚᑌᒃ ᐅᓵᐙᐱᔅᑯᓯᓂ᙮

ᑭᔅᑫᓕᑖᑯᑖᑫᐎᓐ 2:2

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭᑦ ᐋᐸᑎᓯᐎᓐ, ᓀᔥᑕ ᑭ ᔑᐱᓚᐌᓯᐎᓐ, ᓀᔥᑕ ᐁᑳ ᐁ ᑮ ᔑᐯᓕᒪᒋᒃ ᐊᓂᑭ ᑳ ᒪᒋᑣᒋᒃ: ᑭ ᑮ ᑲᑴᒋᐋᐗᒃ ᒫᑲ ᐊᓂᑭ ᓂᑦ ᐊᐸᔅᑕᓕᐎᓂᓈᓐ ᑳ ᐃᑗᒋᒃ, ᐁᑳ ᒫᑲ ᐁᐗᑯ ᑳ ᑐᐎᑳᓂᐎᒋᒃ, ᑭ ᑮ ᒥᔅᑲᐙᐗᒃ ᒫᑲ ᐁ ᑭᓛᔅᑭᔅᑭᒋᒃ:

ᑭᔅᑫᓕᑖᑯᑖᑫᐎᓐ 2:20

ᐁᓕᐌᒃ ᒫᑲ, ᓂᑦ ᐋᔮᓐ ᐋᑎᑦ ᑫᒀᓇ ᑭᒋ ᒫᒥᔑᒥᑖᓐ, ᐁ ᐃᓕᓇᐗᑦ ᐊᓇ ᐎᔅᑴᐤ ᒉᓯᐸᓐ, ᐅᑭᔅᑭᐙᐃᑫᔅᑴᐤ ᑳ ᐃᔑᓂᑲᑎᑎᓱᑦ, ᑭᒋ ᑭᔅᑭᓄᐊᒪᐙᑦ, ᓀᔥᑕ ᑭᒋ ᐙᔦᔑᒫᑦ ᓂᑦ ᐊᑑᔅᑫᓛᑲᓂᒪ ᑭᒋ ᐱᔑᑾᒋ ᐃᓯᒋᑫᓕᒋ, ᓀᔥᑕ ᑭᒋ ᒥᒋᓕᒋ ᑫᒀᓇ ᑳ ᐸᑭᑎᓇᒫᒥᑦ ᒪᓂᑐᑲᓇ᙮

ᑭᔅᑫᓕᑖᑯᑖᑫᐎᓐ 2:9

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭᑦ ᐊᓕᒥᓯᐎᓐ, ᓀᔥᑕ ᑭ ᒪᓀᓯᐎᓐ, (ᒫᑲ ᑮ ᒥᔕᑭᓯᓐ,) ᓂ ᑭᔅᑫᓕᑕᒸᓐ ᐅ ᐹᔅᑕᒧᐎᓂᐙᐗ ᐊᓂᑭ ᓂ ᒎᐎᓈᓐ ᑳ ᐃᑗᒋᒃ ᐁᑳ ᒫᑲ ᐁᐗᑯ ᑳ ᑐᐎᑳᓂᐎᒋᒃ, ᒫᑲ ᑳ ᐅᑦ ᐋᔭᒥᐁᐎᑲᒥᒥᑯᒋᒃ ᓭᑕᓇ᙮