ᓂᔓ ᑯᕆᓐᑎᐊᓇ 1:12 - ᐅᔅᑭ ᑎᔅᑌᒥᓐᑦ

¹² ᐌᓴ ᐅᒪ ᐅᒋ ᓂ ᒧᒋᑫᓕᑌᓈᓐ, ᐁ ᐃᑖᒋᒧᔅᑖᑯᔮᒃ ᓂ ᒥᑐᓀᓕᒋᑲᓂᓇᓐ, ᒀᔭᔉ ᐃᑌᓕᑕᒧᐎᓂᒃ ᓀᔥᑕ ᒪᓂᑐᐎ ᑖᐺᔦᓕᑖᑯᓯᐎᓂᒃ, ᓇᒪᐎᓚ ᐎᔮᓯᐎ ᑲᑫᑕᐌᓕᑕᒧᐎᓂᒃ, ᒫᑲ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ, ᓂ ᑮ ᐃᔑ ᐱᒫᑎᓯᓈᓐ ᐅᑕ ᐊᔅᑮᒃ, ᐋᓕᐗᒃ ᒫᑲ ᑭᓚᐗᐤ ᐃᔑ᙮

ᓂᔓ ᑯᕆᓐᑎᐊᓇ 1:12 Iomraidhean Croise

ᐊᐸᔅᑕᓚᒃ 23:1

ᐹᓪ ᒫᑲ, ᐁ ᐊᔑᑳᐸᒫᑦ ᑳ ᒪᐗᒋᐃᑐᓕᑭ, ᑮ ᐃᑗᐤ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᓂ ᑮ ᐱᒫᑎᓰᔅᑕᐗᐤ ᑭᒋᒪᓂᑐ ᒥᑐᓂ ᒥᓗ ᒥᑐᓀᓕᒋᑲᓂᒃ ᐱᓕᔥ ᐊᓄᒡ ᐁ ᑭᔑᑳᒃ᙮

ᐊᐸᔅᑕᓚᒃ 24:16

ᐅᑕ ᒫᑲ ᓂᑦ ᐅᒋ ᓈᑲᑕᐌᓕᒥᑎᓱᓐ ᒧᔕᒃ ᑭᒋ ᐅ ᒥᑐᓀᓕᒋᑲᓂᔮᓐ ᐁᑳ ᑭᒋ ᓈᔦᑕᐎᑐᑕᐗᒃ ᑭᒋᒪᓂᑐ, ᓀᔥᑕ ᐃᓕᓕᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:1

ᓂ ᑖᑆᓐ ᑳ ᐃᑗᔮᓐ ᙭ᑎᒃ, ᓇᒪᐎᓚ ᓂ ᑭᓛᔅᑭᓐ, ᓂ ᒥᑐᓀᓕᒋᑲᓐ ᓀᔥᑕ ᓂ ᑎᐹᒋᒥᑯᓐ ᐯᓓᑭᓯᑦ ᐊᒑᑯᒃ,

ᓂᔥᑕᒻ ᑯᕆᓐᑎᐊᓇ 1:17

ᐌᓴ ᙭ ᓇᒪᐎᓚ ᓂ ᑮ ᐃᔑᑎᔕᐅᒃ ᑭᒋ ᓯᑲᐋᑖᑫᔭᓐ, ᒫᑲ ᑭᒋ ᑲᑫᔅᑭᒥᐌᔮᓐ ᒥᓗᐋᒋᒧᐎᓐ: ᓇᒪᐎᓚ ᑲᑫᑕᐌᓕᑕᒧᐎ ᐋᔭᒥᐎᓇ ᐅᒋ, ᐁᑳ ᙭ ᐅᑦ ᐋᔑᑌᐋᑎᑯᒻ ᐁᑳ ᐙᔦᔥ ᑭᒋ ᐃᑖᐸᑕᓂᓕᒃ᙮

ᓂᔥᑕᒻ ᑯᕆᓐᑎᐊᓇ 12:8

ᐌᓴ ᐯᔭᒃ ᒥᓛᑲᓂᐎᐤ ᐊᒑᑾ ᐅᒋ ᑲᑫᑕᐌᓕᑕᒧᐎ ᐋᔭᒥᐎᓂᓕᐤ; ᑯᑕᒃ ᑭᔅᑫᓕᑕᒧᐄ ᐊᔭᒥᐎᓂᓕᐤ ᐊᓂᐃ ᑫᔮᐸᒡ ᐊᒑᑾ ᐅᒋ;

ᓂᔥᑕᒻ ᑯᕆᓐᑎᐊᓇ 15:10

ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᐅᒋ ᓂᑦ ᐃᔑᓈᑯᓯᓐ ᑳ ᐃᔑᓈᑯᓯᔮᓐ: ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᐗᒃ, ᓇᒪᐎᓚ ᐸᑾᓐᑕᐤ ᓂ ᑮ ᐅᒋ ᒥᓕᑳᐎᓐ: ᒫᑲ ᐊᐙᓯᑌ ᓂ ᑮ ᐊᑑᔅᑳᓐ ᐃᔥᐱᔥ ᒥᓯᐌ ᐁ ᐃᑕᓯᒋᒃ; ᐁᓕᐌᒃ ᒫᑲ ᓇᒪᐎᓚ ᓂᓚ ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᑳ ᐎᒉᐎᑯᐗᒃ᙮

ᓂᔥᑕᒻ ᑯᕆᓐᑎᐊᓇ 2:13

ᐁᐗᒀᓂᐃ ᓀᔥᑕ ᑳ ᐋᓕᒧᑕᒫᒃ, ᓇᒪᐎᓚ ᐗᔭᒥᐎᓂᒃ ᐃᓕᓕᐤ ᐅ ᑲᑫᑕᐌᓕᑕᒧᐎᓐ ᐁ ᐃᔑ ᑭᔅᑭᓄᐊᒫᑫᒪᑲᓂᓕᒃ, ᒫᑲ ᐊᓂᐃ ᑳ ᑭᔅᑭᓄᐊᒫᑫᑦ ᐸᓓᑭ ᐊᒑᒃ; ᐁ ᑖᐱᔅᑯᑌᓕᒋᑳᑌᑭ ᐊᒑᑯᐎ ᑫᒀᓇ ᐊᓯᒋ ᐊᓂᐃ ᑳ ᐊᒑᑯᐗᑭ᙮

ᓂᔥᑕᒻ ᑯᕆᓐᑎᐊᓇ 4:4

ᐌᓴ ᓂᓚ ᑫᒋᐙᒃ ᓇᒪᐎᓚ ᑫᒀᓐ ᓂ ᑭᔅᑫᓕᑌᓐ; ᐁᓕᐌᒃ ᒫᑲ ᓇᒪᐎᓚ ᐅᒪ ᓂᑦ ᐅᒋ ᒀᔭᔅᑭᑖᑎᓯᐃᑲᐎᓐ: ᒫᑲ ᐊᓇ ᑳ ᑎᐹᔅᑯᓂᑦ ᐁᐗᒀᓇ ᐅᑎᐯᓕᒋᑫᐤ᙮

ᓂᔥᑕᒻ ᑯᕆᓐᑎᐊᓇ 5:8

ᐁᐗᑯ ᐅᒋ ᑲᓇᐌᓕᑖᑕᐤ ᒪᑯᔐᐎᓐ, ᐁᑳ ᐁ ᐋᐸᒋᐋᒃ ᑳᔮᔥ ᐅᐱᓯᑲᓐ, ᐁᑳ ᓀᔥᑕ ᐅᐱᓯᑲᓐ ᑭᓯᔅᑖᑐᐎᓂᒃ ᓀᔥᑕ ᒪᒑᑎᓯᐎᓂᒃ ᑳ ᐅᒋᐸᓕᒃ; ᒫᑲ ᐁᑳ ᐁ ᐅᐱᓱᑦ ᐊᓚᑯᓇᐤ ᒀᔭᔉ ᐃᑌᓕᑕᒧᐎᓐ ᓀᔥᑕ ᑖᐺᐎᓐ᙮

ᓂᔓ ᑯᕆᓐᑎᐊᓇ 1:17

ᐃᔅᐱ ᒫᑲ ᐅᒪ ᑳ ᐃᑌᓕᑕᒫᐸᓐ, ᓂ ᑮ ᐙᐌᑌᓕᑌᓐ ᓈ? ᓀᔥᑕᐱᑯ ᐊᓂᐃ ᑳ ᐃᑌᓕᑕᒫᓐ, ᓂᑦ ᐃᑌᓕᑌᓐ ᓈ ᐎᔮᓯᐎᓂᒃ ᐃᔑ, ᑭᒋ ᐙᐌᓓᓕᑕᒫᓐ ᐁᐁ ᐁᐁ, ᓀᔥᑕ ᓇᒪᐎᓚ, ᓇᒪᐎᓚ?

ᓂᔓ ᑯᕆᓐᑎᐊᓇ 11:3

ᒫᑳ ᓂ ᑯᔅᑖᒋᓐ, ᓈᓐᑕᐤ ᐃᔑ, ᑖᐱᔅᑯᒡ ᒥᔑᑭᓀᐱᒃ ᑳ ᑮ ᐃᔑ ᐙᔦᔑᐋᑦ ᐃᐸ ᐅ ᑲᑳᔦᓕᓯᐎᓂᒃ ᐅᒋ, ᐁᑯ ᑖᐱᔅᑯᒡ ᑭ ᒥᑐᓀᓕᒋᑲᓂᐗᐗ ᑭᒋ ᐙᔦᔑᑖᓂᐗᑭ ᐸᓓᑭᑌᓕᑕᒧᐎᓂᐤ ᐅᒋ ᙭ᑎᒃ ᑳ ᐃᑕᑾᓂᓕᒃ᙮

ᓂᔓ ᑯᕆᓐᑎᐊᓇ 2:17

ᐌᓴ ᓂᓚᓈᓐ ᓇᒪᐎᓚ ᑖᐱᔅᑯᒡ ᒥᒉᑦ ᑳ ᒪᒋ ᐋᐸᒋᑕᐙᒋᒃ ᑭᒋᒪᓂᑐᐗ ᐅᑦ ᐗᔭᒥᐎᓂᓕᐤ: ᒫᑲ ᒀᔭᔉ ᐃᑌᓕᑕᒧᐎᓂᒃ, ᒫᑲ ᑖᐱᔅᑯᒡ ᑭᒋᒪᓂᑐ ᐅᒋ, ᐁ ᑲᓇᐙᐸᒥᔭᒥᑦ ᑭᒋᒪᓂᑐ, ᓂᑦ ᐋᔭᒥᓈᓐ ᙭ᑎᒃ᙮

ᓂᔓ ᑯᕆᓐᑎᐊᓇ 4:2

ᒫᑲ ᓂ ᑮ ᐌᐱᓀᓈᓐ ᐊᓂᐃ ᑭᒧᒡ ᑫᒀᓇ ᓇᓀᐯᐎᓯᐎᓂᒃ ᑳ ᐃᑕᑾᑭ, ᐁᑳ ᐁ ᐱᒧᑌᔮᒃ ᑲᑳᔦᓕᓯᐃᓂᒃ, ᐁᑳ ᓀᔥᑕ ᐁ ᐙᔦᔑᐃᐌᐎ ᑕᑯᓇᒶᒃ ᑭᒋᒪᓂᑐ ᐅᑦ ᐋᔭᒥᐎᓐ; ᒫᑲ ᐁ ᑭᔅᑫᓕᑖᑯᑖᔮᒃ ᑖᐺᐎᓐ, ᓂ ᒥᓗᐋᒋᒥᑎᓱᔅᑕᐙᓈᓐ ᒥᓯᐌ ᑕᑐ ᐃᓕᓕᐤ ᐅ ᒥᑐᓀᓕᒋᑲᓂᒃ ᐁ ᑲᓇᐙᐸᒥᑦ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 8:8

ᓇᒪᐎᓚ ᑲᑫᔅᑴᐎᓐ ᓂᑦ ᐅᒋ ᐋᔭᒥᓐ, ᒫᑲ ᐅ ᓂᑳᓀᓕᒧᐎᓂᐗᐤ ᑯᑕᑭᔭᒃ ᐅᒋ, ᓀᔥᑕ ᑭᒋ ᑭᔅᑫᓕᑖᑾᒃ ᐁ ᐃᔑ ᑫᒋᓈᔦᓕᑖᑾᒃ ᑭ ᓵᑭᐃᐌᐎᓂᐗᐤ᙮

ᑲᓓᔕᐊᓇ 6:4

ᒫᑲ ᐁᑯᔑ ᒥᓯᐌ ᑕᑐ ᐃᓕᓕᐤ ᒥᑐᓂ ᑲᑕ ᑲᑴᒋᑕᐤ ᑎᐱᓚᐌ ᐅᑦ ᐅᑑᔅᑫᐎᓐ, ᐁᑯ ᒫᑲ ᑫ ᐯᔭᑯ ᐋᔮᑦ ᑎᐱᓚᐌ ᐅ ᒥᓚᐙᑕᒧᐎᓐ, ᓇᒪ ᒫᑲ ᑯᑕᑭᔭ ᑲᑕ ᐅᒋ ᒥᓚᐙᑕᒻ᙮

ᐃᐱᓯᔭᓇ 6:14

ᓂᐸᐎᒃ ᒫᑲ, ᐁ ᐸᑯᑌᐅᓂᔥᑲᒣᒃ ᐋᐱᑕᐎᔭᐤ ᑖᐺᐎᓐ, ᓀᔥᑕ ᐁ ᑭᑭᔥᑲᒣᒃ ᒀᔭᔅᑭᑖᑎᓯᐎᓐ ᑖᐱᔅᑯᒡ ᒥᔅᑳᔅᑭᑲᓈᐱ;

ᐱᓕᐱᔭᓇ 1:10

ᑭᒋ ᑯᒋᑭᔅᑫᓕᑕᒣᒃ ᑫᒀᓇ ᑳ ᒥᓨᔑᑭ; ᑭᒋ ᐸᓓᑭᓯᔦᒃ ᓀᔥᑕ ᐁᑳ ᑭᒋ ᓈᔦᑕᐌᓕᒥᑲᐎᔦᒃ ᐱᓕᔥ ᐅᑎᒋᐸᓕᓕᑫ ᐅ ᑭᔑᑳᒻ ᙭;

ᓂᔥᑕᒻ ᑌᓴᓗᓂᔭᓇ 2:10

ᑭᓚᐗᐤ ᑭ ᑭᔅᑫᓕᑌᓇᐗᐤ, ᐊᓯᒋ ᓀᔥᑕ ᑭᒋᒪᓂᑐ, ᑖᐺ ᐸᓓᑭᓯᐎᓂᒃ, ᓀᔥᑕ ᒀᔭᔅᑭᑎᐎᓂᒃ, ᓀᔥᑕ ᒥᓨᑎᓯᐎᓂᒃ, ᓂ ᑮ ᐃᑖᑎᓯᓈᓐ ᐃᑕ ᐁ ᐃᑖᔦᒃ ᑭᓚᐗᐤ ᑳ ᑖᐺᑕᒣᒃ;

ᓂᔥᑕᒻ ᑎᒧᑎ 1:5

ᐁ ᑭᔑᐹᒃ ᒫᑲ ᑲᑫᔅᑴᐎᓐ ᐁᐗᑯ ᓵᑭᐃᐌᐎᓐ ᐸᓓᑭ ᒥᑌᐃᒃ ᐁ ᐅᒋᐸᓕᒃ, ᓀᔥᑕ ᒥᓗ ᒥᑐᓀᓕᒋᑲᓂᒃ, ᓀᔥᑕ ᑳ ᑖᐺᔦᓕᑖᑾᒃ ᑖᐺᔦᓕᑕᒧᐎᓂᒃ;

ᑕᐃᑕᔅ 2:7

ᒥᓯᐌ ᑫᒀᓐ ᐃᔑ ᐁ ᐙᐸᑎᓕᐌᔭᓐ ᑭᒋ ᑭᔅᑭᓄᐙᐸᒥᑲᐎᔭᓐ ᒥᓗ ᐊᑑᔅᑫᐎᓂᒃ: ᑭᔅᑭᓄᐊᒫᑫᐎᓂᒃ ᐁ ᐙᐸᑎᓕᐌᔭᓐ ᐸᓓᑭᓯᐎᓐ, ᓕᑆᑳᐎᓐ, ᒀᔭᔉ ᐃᑌᓕᑕᒧᐎᓐ;

ᐦᐃᑉᕉᐗ 13:18

ᐋᔭᒥᐁᔅᑕᒫᑯᒃ: ᐌᓴ ᓂ ᐸᑯᓯᓕᒧᓈᓐ ᐁ ᒥᓗ ᒥᑐᓀᓕᒋᑲᓂᔮᒃ, ᒥᓯᐌ ᐃᔑ ᐁ ᐃᑌᓕᒧᔮᒃ ᒀᔭᔉ ᑭᒋ ᐃᔑ ᐱᒫᑎᓯᔮᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:6

ᒫᑲ ᐊᐙᓯᑌ ᒥᓕᐌᐤ ᔕᐌᓕᒋᑫᐎᓂᓕᐤ: ᐁᐗᑯ ᐌᒋ ᐃᑗᑦ, ᑭᒋᒪᓂᑐ ᓇᔅᑯᔅᑕᐌᐤ ᐅᒥᔕᑭᓯᐗ, ᒫᑲ ᔕᐌᓕᒋᑫᐎᓂᓕᐤ ᒥᓓᐤ ᐅᑕᐸᑌᓕᒧᐗ᙮

ᓂᔥᑕᒻ ᐱᑕᕐ 3:16

ᐁ ᒥᓗ ᒥᑐᓀᓕᒋᑲᓂᔦᒃ; ᐁ ᒪᒋ ᐋᓕᒧᒥᑖᑾᒃ, ᑖᐱᔅᑰᒡ ᐅᒪᒋᑐᑕᒧᔅᑲᒃ, ᑭᒋ ᓇᓀᐯᐎᓯᒋᒃ ᐊᓂᑭ ᑳ ᑭᓛᔅᑭᐎ ᒪᒥᔑᑐᑕᑭᒃ ᑭ ᒥᓗ ᐃᔑᐱᒫᑎᓯᐎᓂᐗᐤ ᙭ᑎᒃ᙮

ᓂᔥᑕᒻ ᐱᑕᕐ 3:21

ᐊᓂᒪ ᑳ ᓇᔅᐱᑕᒧᒪᑲᒃ ᓯᑲᐋᑖᑫᐎᓐ ᐊᓄᒡ ᓀᔥᑕ ᑳ ᐱᒫᒋᐃᑯᔭᒃ, (ᓇᒪᐎᓚ ᐁ ᐌᐱᓂᑳᑌᒃ ᐎᔮᓯᐎ ᐎᓂᓯᐎᓐ, ᒫᑲ ᐁ ᓇᔥᑴᐗᔑᐃᐌᒪᑲᒃ ᒥᓗ ᒥᑐᓀᓕᒋᑲᓐ ᐅᑎᔥᑲᐤ ᑭᒋᒪᓂᑐ,) ᐅ ᐗᓂᔥᑲᐎᓐ ᐅᒋ ᒋᓴᔅ ᙭: