ᓂᔥᑕᒻ ᑎᒧᑎ 6:4 - ᐅᔅᑭ ᑎᔅᑌᒥᓐᑦ

⁴ ᑭᔅᑌᓕᒧ, ᐁᑳ ᑫᒀᓐ ᐁ ᑭᔅᑫᓕᑕᒃ, ᒫᑲ ᐁ ᑭᔥᑴᓕᑕᒃ ᑲᑴᒋᑫᒧᐎᓇ ᓀᔥᑕ ᐋᔭᒥᐎᓂ ᐋᔑᑌᒥᑐᐎᓇ, ᐃᑕ ᑳ ᐅᒋᐸᓕᒃ ᐅᑌᓕᒥᑐᐎᓐ, ᒀᓗᑐᑖᑐᐎᓐ, ᒪᒋ ᐋᔭᒥᐃᑐᐎᓐ, ᒪᒋ ᐃᑌᓕᒥᑐᐎᓇ,

ᓂᔥᑕᒻ ᑎᒧᑎ 6:4 Iomraidhean Croise

ᐊᐸᔅᑕᓚᒃ 15:2

ᐁᐗᑯ ᐅᒋ ᐃᔅᐱ ᐹᓪ ᓀᔥᑕ ᐹᕐᓇᐸᔅ ᐁᑳ ᐊᐱᔑᔥ ᑳ ᐋᓉᑕᐙᒌᒃ ᓀᔥᑕ ᐋᔑᑌᒫᒋᒃ, ᑮ ᐃᑌᓕᑕᒶᒃ ᐊᓇ ᐹᓪ ᓀᔥᑕ ᐸᕐᓇᐸᔅ ᓀᔥᑕ ᐊᑎᑦ ᑯᑕᑭᔭᒃ ᐁ ᐃᑕᔑᒋᒃ, ᑭᒋ ᐃᑐᑌᒋᒃ ᒋᕉᓴᓚᒥᒃ, ᑭᒋ ᓈᑖᒋᒃ ᐋᐸᔅᑎᓚ ᓀᔥᑕ ᑳ ᓂᑳᓀᓕᑖᑯᓯᓕᒋ, ᐅᒪ ᑲᑴᒋᑫᒧᐎᓐ ᐅᒋ᙮

ᐊᐸᔅᑕᓚᒃ 18:15

ᒫᑲ ᑮᔥᐱᓐ ᐱᑯ ᑲᑴᒋᑫᒧᓇᓂᐗᒃ ᐋᔭᒥᐎᓇ ᐅᒋ ᓀᔥᑕ ᐃᔑᓂᑳᓱᐎᓇ, ᓀᔥᑕ ᑭᑦ ᐅᓚᔓᐌᐎᓂᐗᐤ ᐅᒋ, ᑭᓚᐗᐤ ᑲᓇᐙᐸᑕᒧᒃ ᐊᓂᒪ; ᐌᓴ ᓇᒪᐎᓚ ᓂᓚ ᓂ ᑳ ᑎᐹᔅᑯᓀᐤ ᐊᓂᐃ ᑐᐎ ᑫᒀᓇ᙮

ᐊᐸᔅᑕᓚᒃ 8:9

ᒫᑲ ᑮ ᐃᑖᐤ ᐯᔭᒃ ᐃᓕᓕᐤ ᐊᓐᑕ, ᓵᐃᒪᓐ ᐁ ᐃᔑᓂᑳᓱᑦ, ᐊᓇ ᐌᔅᑲᒡ ᐅᒋ ᐊᓂᒪ ᐃᑖᐃᓂᒃ ᑳ ᒫᒥᑌᐎᑦ, ᓀᔥᑕ ᑮ ᑭᔥᑴᐁᐤ ᐊᓂᐃ ᓵᒣᕆᔭ ᐃᓂᓕᐗ, ᓂ ᑭᒋ ᐃᓕᓕᐎᓐ ᐁ ᐃᑣᓱᑦ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:16

ᐋᔮᒃ ᐯᔭᒃ ᒥᑐᓀᓕᒋᑲᓐ ᑭᒋ ᐃᑌᓕᑕᒫᑐᔦᒃ᙮ ᐁᑳᐎᓚ ᐱᓯᔅᑫᓕᑕᒧᒃ ᑳ ᐃᔅᐯᓕᑖᑾᑭ, ᒫᑲ ᐙᑯᒥᑯᒃ ᑳ ᑕᐸᑌᓕᑖᑯᓯᒋᒃ᙮ ᐁᑳᐎᓚ ᓂ ᑲᑫᑕᐌᓕᑌᓐ ᐃᑌᓕᒥᑎᓱᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:13

ᐁᑯᔑ ᒀᔭᔉ ᐃᔑ ᐱᒧᑌᑕᐤ ᑖᐱᔅᑯᒡ ᐁ ᑭᔑᑳᒃ; ᐁᑳᐎᓚ ᒪᒋ ᒪᑯᔕᐎᓂᒃ ᓀᔥᑕ ᑮᔥᑴᐯᐎᓂᒃ; ᐁᑳᐎᓚ ᒪᒋ ᑳᐎᔑᒧᑐᑖᑐᐎᓂᒃ ᓀᔥᑕ ᐱᔑᑳᑎᓯᐎᓂᒃ; ᐁᑳᐎᓚ ᒀᓗᑖᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:1

ᐊᓇ ᑳ ᓕᓚᒥᓰᑦ ᑖᐺᔦᓕᑕᒧᐎᓂᒃ ᐅᑎᓂᒃ, ᒫᑲ ᐁᑳ ᐁ ᑎᐹᔅᑯᓇᒬᒃ ᐅ ᑶᑕᐎ ᐃᑌᓕᑕᒧᐎᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:8

ᒫᑲ ᐊᓂᐃ ᑳ ᐗᑴᓕᑖᑯᓯᓕᒋ, ᐁᑳ ᓀᔥᑕ ᑳ ᓇᓇᐃᑕᒥᓕᒋ ᑖᐺᐎᓂᓕᐤ, ᒫᑲ ᑳ ᓇᓇᐃᑕᒥᓕᒋ ᒪᒑᑎᓯᐎᓂᓕᐤ, ᑎᐸᐊᒪᐌᐤ ᑭᒋᑭᓯᐙᓯᐎᓂᓕᐤ ᓀᔥᑕ ᐗᑯᓚᐌᓯᐎᓂᓕᐤ,

ᓂᔥᑕᒻ ᑯᕆᓐᑎᐊᓇ 11:16

ᒫᑲ ᑮᔥᐱᓐ ᐊᐌᓇ ᐃᓕᓕᐤ ᐎ ᐋᓉᔦᓕᑖᑯᓯᒋ, ᓇᒪᐎᓚ ᐊᓂᒪ ᑐᐎ ᐃᔑᒋᑫᐎᓐ ᑭᑦ ᐋᔮᓈᓇᐤ, ᓇᒪ ᓀᔥᑕ ᐅ ᒫᒪᐎᐗᔭᒥᐋᒪ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 11:18

ᐌᓴ ᓃᔥᑕᒻ, ᐃᔅᐱ ᒥᔭᐗᒋᐃᑐᔦᑯ ᐋᔮᒥᐁᐎᑲᒥᑯᒃ, ᓂ ᐯᑌᓐ ᐁ ᐃᑕᑾᑭ ᐋᔑᑌᒥᑐᐎᓇ ᐃᑕ ᐁ ᐃᑖᔦᒃ; ᓇᐗᒡ ᓀᔥᑕ ᓂ ᑖᐺᑌᓐ᙮

ᓂᔥᑕᒻ ᑯᕆᓐᑎᐊᓇ 3:18

ᐁᑯᔑ ᐁᑳᐎᓚ ᐊᐌᓇ ᑲᑕ ᐙᔦᔑᐃᑎᓱ: ᑮᔥᐱᓐ ᐊᐌᓇ ᐃᓕᓕᐤ ᐁ ᐃᑕᔑᔦᒃ ᑫᑫᑕᐌᓕᒥᒋ ᐅᑕ ᐊᔅᑮᒃ, ᐁᑯᔑ ᑲᑕ ᑮᔥᑴᑲᓂᐎᐤ, ᐁᑯ ᐃᔑ ᑭᒋ ᑲᑫᑕᐌᓕᑕᒃ᙮

ᓂᔥᑕᒻ ᑯᕆᓐᑎᐊᓇ 3:3

ᐌᓴ ᑫᔮᐸᒡ ᑭ ᐎᔮᓯᐃᑖᑎᓯᓇᐗᐤ: ᐌᓴ ᐃᑕ ᐁ ᐃᑖᔦᒃ ᐃᑕᑾᓐ ᐅᑌᓕᒥᑐᐎᓐ, ᓀᔥᑕ ᒀᓗᑐᑖᑐᐎᓐ, ᓀᔥᑕ ᐸᑳᓂᐃᓱᐎᓇ, ᓇᒪ ᓈ ᑭ ᐎᔮᓯᐃᑖᑎᓯᓇᐗᐤ, ᓀᔥᑕ ᑖᐱᔅᑯᒡ ᐃᓕᓕᐗᒃ ᑭᑦ ᐃᔑ ᐱᒧᑖᓇᐗᐤ?

ᓂᔓ ᑯᕆᓐᑎᐊᓇ 11:20

ᐌᓴ ᑭᑦ ᐃᓕᓀᓇᐗᐤ ᑮᔥᐱᓐ ᐊᐌᓇ ᐯᔑᑖᒃ ᐊᐗᑳᔑᐌᐎᓂᒃ, ᑮᔥᐱᓐ ᐊᐌᓇ ᒣᔅᑎᓂᑖᒃ, ᑮᔥᐱᓐ ᐊᐌᓇ ᒪᔅᑲᒥᑖᒃ, ᑮᔥᐱᓐ ᐊᐌᓇ ᑭᔅᑌᓕᒥᑎᓱᑦ, ᑮᔥᐱᓐ ᐊᐌᓇ ᐸᓯᑴᐅᑖᒃ᙮

ᑲᓓᔕᐊᓇ 5:15

ᒫᑲ ᑮᔥᐱᓐ ᒫᑯᒥᑐᔦᒃ ᓀᔥᑕ ᒧᐎᑐᔦᒃ, ᔮᒀᒥᓯᒃ ᐁᑳ ᒣᒥᔅᑯᒡ ᑭᒋ ᑭᑕᒧᑐᔦᒃ᙮

ᑲᓓᔕᐊᓇ 5:26

ᐁᑯᔑ ᐁᑳᐎᓚ ᓇᑕᐌᓕᑖᑕᐤ ᐸᑾᓐᑕᐤ ᒫᒪᑖᑯᒥᑯᓯᐎᓐ, ᐁ ᑭᔑᐗᐃᑐᔭᒃ, ᐁ ᐅᑌᓕᒥᑐᔭᒃ᙮

ᑲᓓᔕᐊᓇ 6:3

ᐌᓴ ᑮᔥᐱᓐ ᐊᐌᓇ ᐃᓕᓕᐤ ᐙᔦᔥ ᐁᑌᓕᒥᑎᓱᒋ, ᐋᑕ ᐁᑳ ᐙᔦᔥ ᐁ ᐃᑌᓕᑖᑯᓯᑦ, ᐙᔦᔑᐃᑎᓱ᙮

ᐱᓕᐱᔭᓇ 1:15

ᐋᑎᑦ ᑖᐺ ᐙᐎᑕᒶᒃ ᙭ᑕ ᐅᑌᓕᑕᒧᐎᓂᒃ ᓀᔥᑕ ᒪᒉᓕᑕᒧᐎᓂᒃ; ᐋᑎᑦ ᓀᔥᑕ ᒥᓜᓕᑕᒧᐎᓂᒃ:

ᐱᓕᐱᔭᓇ 2:14

ᒥᓯᐌ ᑫᒀᓇ ᑐᑕᒧᒃ ᐁᑳ ᐁ ᐊᓗᑗᐌᒧᔦᒃ ᐁᑳ ᓀᔥᑕ ᐁ ᒀᓗᑐᑖᑐᔦᒃ:

ᐱᓕᐱᔭᓇ 2:3

ᐁᑯᔑ ᐁᑳᐎᓚ ᑫᒀᓐ ᑲᑕ ᑐᒋᑳᑌᐤ ᑾᓗᑖᑐᐎᓂᒃ ᓀᔥᑕ ᐸᑾᓐᑕᐤ ᒫᒪᑖᑯᒧᐎᓂᒃ; ᒫᑲ ᑕᐸᑌᓕᒥᑎᓱᐎ ᒥᑐᓀᓕᒋᑲᓂᒃ ᐁᑯᔑ ᒥᓯᐌ ᑲᑕ ᑭᔅᑌᓕᒣᐗᒃ ᑯᑕᑭᔭ ᐊᐙᓯᑌ ᐃᔥᐱᔥ ᐁ ᑭᔅᑌᓕᒥᑎᓱᒋᒃ᙮

ᑯᓚᔑᔭᓇ 2:18

ᐁᑳᐎᓚ ᐊᐌᓇ ᐃᓕᓕᐤ ᑭ ᑳ ᐙᔦᔑᒥᑯᐗᐤ ᑭ ᑎᐸᐊᒫᑯᓯᐎᓂᐗᐤ, ᐃᑌᓕᑕᒪᐎ ᑕᐸᑌᓕᒥᑎᓱᐎᓂᒃ, ᓀᔥᑕ ᐁ ᓇᐗᑮᔅᑕᐙᒋᒃ ᐁᓐᒐᓚ, ᐁ ᑭᔅᑫᓕᑕᒥᑳᓱᑦ ᐊᓂᐃ ᐁᑳ ᑳ ᑮ ᐙᐸᑕᒃ, ᐸᑾᓐᑕᐤ ᐁ ᑭᔅᑌᓕᒧᐃᑯᑦ ᐅ ᐎᔮᓯᐎ ᒥᑐᓀᓕᒋᑲᓐ,

ᓂᔓ ᑌᓴᓗᓂᔭᓇ 2:4

ᐊᓇ ᑳ ᓇᔅᑯᔅᑳᑫᑦ ᓀᔥᑕ ᐊᐙᓯᑌ ᑭᔅᑌᓕᑖᑯᐃᑎᓱᑦ ᐃᔥᐱᔥ ᐊᓂᐃ ᑭᒋᒪᓂᑐ ᑳ ᐃᔑᓂᑳᓱᓕᑭ, ᓀᔥᑕᐱᑯ ᑳ ᓇᐗᑮᔅᑕᐙᑲᓂᐎᓕᒋ; ᓀᔥᑕ ᒫᑲ ᑖᐱᔅᑯᒡ ᑭᒋᒪᓂᑐᐗ ᐊᐱᐤ ᐅᑦ ᐋᔭᒥᐁᐎᑲᒥᑯᓕᒃ ᑭᒋᒪᓂᑐᐗ, ᐁ ᐙᐸᑎᓕᐌᑦ ᐁ ᑭᒋᒪᓂᑐᐎᑦ᙮

ᓂᔥᑕᒻ ᑎᒧᑎ 1:4

ᐁᑳ ᓀᔥᑕ ᑭᒋ ᐱᓯᔅᑫᓕᑕᑭᒃ ᑭᓛᔅᑭᐙᒋᒧᐎᓇ ᓀᔥᑕ ᐁᑳ ᐎᔅᑳᑦ ᑳ ᐳᓂᐸᓕᑭ ᐊᔮᓂᔅᑫᐋᔭᒥᐎᓇ, ᑳ ᐅᒋ ᐅᒋᐸᓕᑭ ᑲᑴᒋᒥᑐᐎᓇ ᐊᐙᓯᑌ ᐃᔥᐱᔥ ᒪᓂᑐᐎ ᑭᔅᑭᓄᐊᒫᑫᐎᓐ ᑖᐺᔦᓕᑕᒧᐎᓂᒃ ᑳ ᐃᑕᑾᒃ᙮

ᓂᔥᑕᒻ ᑎᒧᑎ 1:7

ᐁ ᐸᑯᓭᓂᒧᒋᒃ ᑭᒋ ᑭᔅᑭᓄᐊᒫᑫᒋᒃ ᐅᓚᔓᐌᐎᓂᓕᐤ; ᐁᑳ ᐁ ᓂᓯᑐᑕᑭᒃ ᑫᒀᓕᐤ ᑳ ᐃᑗᒋᒃ ᓀᔥᑕᐱᑯ ᑳ ᐋᓕᒧᑕᑭᒃ᙮

ᓂᔥᑕᒻ ᑎᒧᑎ 3:6

ᐁᑳ ᐊᓄᒋᑫ ᑳ ᑮ ᐯᒋ ᑕᐺᔦᓕᑕᒃ, ᒫᔅᑯᒡ ᐅᑐᑫ ᐁ ᓵᑲᔅᑭᓀᔅᑳᑯᑦ ᑭᔅᑌᓕᒥᑎᓱᐎᓂᓕᐤ, ᑲᑕ ᐸᑭᔑᓐ ᐅ ᓂᔑᐗᓈᒋᒥᐌᐎᓂᓕᒃ ᒪᒋᒪᓂᑐᐗ᙮

ᓂᔓ ᑎᒧᑎ 2:14

ᐅᐅ ᑫᒀᓇ ᑭᔅᑭᓯᑐᑕᒥᐃᒃ, ᐁ ᐃᑕᔓᒪᒋᒃ ᐅᑎᔥᑲᐤ ᐅᑎᐯᓕᒋᑫᐗ, ᐁᑳᐎᓚ ᑭᒋ ᐋᔑᑌᒥᐌᒋᒃ ᐋᔭᒥᐎᓇ ᐅᒋ ᐁᑳ ᓈᓐᑕᐤ ᑳ ᐃᑖᐸᑕᑭ, ᑳ ᐗᓀᓕᑕᒥᐃᑯᒋᒃ ᐱᑯ ᐊᓂᑭ ᑳ ᓇᑐᑕᑭᒃ᙮

ᓂᔓ ᑎᒧᑎ 2:23

ᒫᑲ ᑲᑫᐹᑎᓯᐎ ᓀᔥᑕ ᐁᑳᑭᔅᑫᓕᑖᑯᓯᐎ ᑲᑫᒋᑫᒧᐎᓇ ᐋᑕᐌᓕᑕ, ᐁ ᑭᔅᑫᓕᑕᒪᓐ ᐁ ᓂᑕᐎᑭᑖᒪᑲᑭ ᒀᓗᑐᑖᑐᐎᓇ;

ᓂᔓ ᑎᒧᑎ 3:4

ᐁ ᑭᓛᔅᑭᑌᐁᔅᑭᒋᒃ, ᐁ ᒪᔥᑲᐎᔅᑎᒀᓂᒋᒃ, ᐁ ᑭᔅᑌᓕᒥᑎᓱᑭᒋᒃ, ᐊᐙᓯᑌ ᐁ ᓵᑭᑖᒋᒃ ᒥᓚᐙᑎᑯᓯᐎᓐ ᐃᔥᐱᔥ ᐁ ᓵᑭᐋᒋᒃ ᑭᒋᒪᓂᑐᐗ:

ᑕᐃᑕᔅ 3:9

ᒫᑲ ᐁᑳ ᐱᓯᔅᑫᓕᑕ ᑲᑫᐹᑎᓯᐎ ᑲᑴᒋᑫᒧᐎᓇ, ᓀᔥᑕ ᐋᔮᓂᔅᑫᐋᔭᒥᐎᓇ, ᓀᔥᑕ ᑾᓗᑐᑖᑫᐎᓇ ᓀᔥᑕ ᐋᔑᑌᒥᐌᐎᓇ ᐅᓚᔓᐌᐎᓐ ᐅᒋ; ᐌᓴ ᓇᒪᐎᓚ ᐙᔦᔥ ᐃᑖᐸᑕᓋ ᓀᔥᑕ ᐸᑾᓐᑕᐤ ᐃᑌᓕᑖᑾᓋ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:19

ᐁᐗᑯ ᐅᒋ, ᓯᐋᑭᐃᑕᑾᒃ ᓂᒋᔖᓂᑐᒃ, ᐁᑯᔑ ᒥᓯᐌ ᑕᑐ ᐊᐌᓇ ᑲᑕ ᑭᓕᐱᐤ ᐁ ᐱᔑᒋᑕᒃ, ᑲᑕ ᐯᑭᑳᑎᓯᐤ ᐁ ᐋᔭᒥᑦ, ᑲᑕ ᐯᑭᑳᑎᓯᐤ ᐁ ᑭᓯᐙᓯᑦ:

ᓂᔓ ᐱᑕᕐ 2:12

ᒫᑲ ᐅᑯ, ᑖᐱᔅᑯᒡ ᐃᓚᑐ ᐊᐌᓯᓴᒃ, ᐁ ᑮ ᐅᔑᐋᑲᓂᐎᒋᒃ ᑭᒋ ᐅᑎᓈᑲᓂᐎᒋᒃ ᓀᔥᑕ ᑭᒋ ᓂᔑᐗᓈᒋᐋᑲᓂᐎᒋᒃ, ᒪᒋ ᐋᓕᒧᑕᒶᒃ ᐊᓂᐃ ᑫᒀᓇ ᐁᑳ ᑳ ᓂᓯᑐᑕᑭᒃ; ᒥᑐᓂ ᒫᑲ ᑲᑕ ᓂᔑᐗᓈᑎᓯᐗᒃ ᑎᐱᓚᐌ ᐅ ᒪᒑᑎᓯᐎᓂᐙᒃ;

ᓂᔓ ᐱᑕᕐ 2:18

ᐌᓴ ᐃᔅᐱ ᐋᔭᒥᒋᒃ ᑭᒋ ᑭᔅᑌᓕᒥᑎᓱᐎ ᐋᔭᒥᐎᓇ, ᐙᔦᔑᒣᐗᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᐎᔮᓯᐎᓐ ᐅᒋ, ᒥᔅᑕᐃ ᐎᓂᓯᐎ ᐃᑌᓕᑕᒧᐎᓐ ᐅᒋ, ᐊᓂᐃ ᐊᑳᐙᒡ ᑳ ᑮ ᐅᔑᒫᓕᒋ ᐊᓂᐃ ᐗᓀᓕᑕᒧᐎᓂᒃ ᑳ ᐱᒫᑎᓯᓕᒋ᙮

ᒎᑦ 1:10

ᒫᑲ ᐅᑯ ᒪᒋ ᐋᓕᒧᑕᒶᒃ ᐊᓂᐃ ᑫᒀᓇ ᐁᑳ ᑳ ᑭᔅᑫᓕᑕᑭᒃ: ᒫᑲ ᑫᒀᓐ ᐅᒋᑕᐤ ᑳ ᑭᔅᑫᓕᑕᑭᒃ, ᑖᐱᔅᑯᒡ ᐃᓚᑐ ᐊᐌᓯᓴᒃ, ᐅᐅ ᑫᒀᓇ ᐅᒋ ᐎᓂᐃᑎᓱᐗᒃ᙮

ᒎᑦ 1:16

ᐅᑯ ᐁᐗᒀᓂᑭ ᐅᒥᑕᐌᔅᑲᒃ, ᐅᑕᑖᒥᒥᐌᔅᑲᒃ, ᐁ ᓄᔅᐱᓇᑕᑭᒃ ᑎᐱᓚᐌ ᐅ ᒪᒋ ᓇᑕᐌᓕᑕᒧᐎᓂᐙᐗ; ᐅᑐᓂᐗᐗ ᒫᑲ ᐋᔭᒥᒪᑲᓂᓕᐗ ᑭᒋ ᑭᔅᑌᓕᒧᐎ ᐋᔭᒥᐎᓇ, ᐁ ᒥᓨᐸᒫᒋᒃ ᐃᓕᓕᐗ ᐁ ᐃᔑᓈᑯᓯᓕᒋ ᑭᒋ ᐅᒋ ᐅᑎᓯᒋᒃ᙮

ᑭᔅᑫᓕᑖᑯᑖᑫᐎᓐ 3:17

ᐌᓴ ᑭᑦ ᐃᑣᓐ, ᓂ ᒥᔕᑭᓰᓐ, ᓀᔥᑕ ᓂ ᐌᓗᑎᓰᓐ, ᓇᒪ ᓀᔥᑕ ᑫᒀᓐ ᓂ ᒪᓀᓯᓐ; ᓇᒪ ᒫᑲ ᑭ ᑭᔅᑫᓕᑌᓐ ᐁ ᑲᒀᑕᑭᓯᔭᓐ, ᓀᔥᑕ ᐁ ᑭᑎᒫᑭᓈᑯᓯᔭᓐ, ᓀᔥᑕ ᐁ ᑭᑎᒫᑭᓯᔭᓐ, ᓀᔥᑕ ᐁᑳ ᐁ ᐙᐱᔭᓐ, ᓀᔥᑕ ᐁ ᒧᔑᔥᑲᑌᔭᓐ: