ᓂᔥᑕᒻ ᑎᒧᑎ 6:2 - ᐅᔅᑭ ᑎᔅᑌᒥᓐᑦ

² ᐊᓂᑭ ᒫᑲ, ᐅᑦ ᐅᑭᒫᒥᐗᐗ ᑳ ᑖᐺᔦᓕᑕᒥᓕᒋ, ᐁᑳᐎᓚ ᑲᑕ ᐋᑕᐌᓕᒣᐗᒃ, ᐁ ᐎᒋᔖᓂᒪᐎᓕᒋ; ᒫᑲ ᐊᐙᓯᑌ ᑲᑕ ᐊᑑᔅᑲᐌᐗᒃ, ᐁ ᑖᐺᔦᓕᑕᒥᓕᒋ ᓀᔥᑕ ᐁ ᓵᑭᐋᑲᓂᐎᓕᒋ, ᐁ ᐎᒋᐅᑎᓇᒥᓕᒋ ᐊᓂᐁᓕᐤ ᒥᓗᐋᔨᑎᐎᓂᓕᐤ᙮ ᐅᐅ ᑫᒀᓇ ᑭᔅᑭᓄᐊᒫᑫ ᓀᔥᑕ ᔑᑭᑫᒧ᙮

ᓂᔥᑕᒻ ᑎᒧᑎ 6:2 Iomraidhean Croise

ᐅᐸᓓᑭᔅ ᒫᑎᐤ 23:8

ᒫᑲ ᐁᑳᐎᓚ ᑭᓚᐗᐤ ᓇᑕᐌᓕᑕᒧᒃ ᕌᐸᐃ ᑭᒋ ᐃᑎᑳᐎᔦᒃ: ᐌᓴ ᐯᔭᑯ ᑭᑦ ᐅᑭᒫᒥᐗᐤ, ᙭ ᐅᑎ; ᒥᓯᐌ ᑭᓚᐗᐤ ᒫᑲ ᑭ ᐎᒋᔖᓂᑐᓇᐗᐤ᙮

ᐅᐸᓓᑭᔅ ᒫᑎᐤ 25:40

ᑭᒋᐅᑭᒪᐤ ᒫᑲ ᑲᑕ ᓇᔥᑴᐗᔑᐁᐤ, ᐁ ᐃᑖᑦ, ᑖᐺ ᑭᑦ ᐃᑎᓇᐗᐤ, ᐁ ᑮ ᐃᔑ ᑐᑕᐌᒃ ᐯᔭᒃ ᐅᑯ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᓂᒋᔖᓇᒃ, ᓂᓚ ᑭ ᑮ ᑐᑕᐎᓇᐗᐤ᙮

ᐅᐸᓓᑭᔅ ᒫᑎᐤ 6:24

ᓇᒪᐎᓚ ᐊᐌᓇ ᐃᓕᓕᐤ ᑲᑕ ᑮ ᐊᑑᔅᑲᐌᐤ ᓂᔓ ᐅᑭᒫᐗ: ᐌᓴ ᐯᔭᒃ ᑲᑕ ᐸᒀᑌᐤ, ᓀᔥᑕ ᑯᑕᑭᔭ ᑲᑕ ᓵᑭᐁᐤ; ᓀᔥᑕᐱᑯ ᐯᔭᒃ ᑲᑕ ᑭᔅᑌᓕᒣᐤ, ᑯᑕᑭᔭ ᒫᑲ ᑲᑕ ᐋᑕᐌᓕᒣᐤ᙮ ᓇᒪᐎᓚ ᑭ ᑳ ᑮ ᐊᑐᔅᑫᔅᑕᐗᐗᐤ ᑭᒋᒪᓂᑐ ᓀᔥᑕ ᒥᔕᑭᓯᐎᓐ᙮

ᐊᐸᔅᑕᓚᒃ 1:15

ᒣᒀᒡ ᒫᑲ ᐊᓂᐃ ᑭᔑᑳᐗ ᐱᑕᕐ ᑮ ᓂᐸᐎᐤ ᑌᑖᐎᒡ ᑭᔅᑭᓄᐊᒪᐙᑲᓇ, ᑮ ᐃᑗᐤ ᒫᑲ (ᐁ ᐃᑕᑎᓂᓕᑭ ᐅᑦ ᐃᔑᓂᑳᓱᐎᓂᐗᐗ ᓈᓐᑕᐤ ᒥᑖᑐᒥᑕᓇᐤ ᓂᔑᑎᓇᐤ ᓀᔥᑕ):

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:17

ᑮᔥᐱᓐ ᒫᑲ ᐋᑎᑦ ᐗᑎᑾᓇ ᓈᑡᐸᓕᑾᐎ, ᑭᓚ ᒫᑲ ᐱᑾᒋ ᐊᓕᑉ ᒥᔅᑎᒃ, ᐁᑯᑕ ᑭ ᑮ ᑭᓕᑲᐎᐗᑯᑳᑎᑲᐎᔭᓐ, ᐊᓯᒋ ᒫᑲ ᐁᐗᑾᓂᐃ ᐅᑎᓇᒪᓐ ᐅᒉᐱᒃ ᓀᔥᑕ ᐁ ᐃᔑ ᐎᓕᓗᑦ ᐊᓇ ᐊᓕᑉ ᒥᔅᑎᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:29

ᐌᓴ ᐊᓂᐃ ᑳ ᑮ ᓂᑳᓂᑭᔅᑫᓕᒫᑦ, ᐁᐗᒀᓂᐃ ᓀᔥᑕ ᑳ ᑮ ᓂᑳᓂᑭᔅᑭᓇᐌᔦᓕᒫᑦ ᑭᒋ ᐃᔑᐋᑲᓂᐎᓕᒋ ᑭᒋ ᓇᔅᐱᑕᐙᓕᒋ ᐁ ᐃᔑᓈᑯᓯᓕᒋ ᐅᑯᓯᓴ, ᐎᓚ ᑭᒋ ᓃᔥᑕᒧᔖᓂᐎᑦ ᒣᑴᔭᔥ ᑳ ᒥᒉᑎᓕᒋ ᐎᒋᔖᓇ᙮

ᑲᓓᔕᐊᓇ 5:6

ᐌᓴ ᒋᓴᔅ ᙭ᑎᒃ ᑭᔅᑭᓄᐙᒋᔓᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᐎᓐ; ᒫᑲ ᑖᐺᔦᓕᑕᒧᐎᓐ ᓵᑭᐃᐌᐎᓂᒃ ᑳ ᐅᒋ ᐊᑑᔅᑫᒪᑲᒃ᙮

ᐃᐱᓯᔭᓇ 1:1

ᐹᓪ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᐃᑌᓕᑕᒃ ᑭᒋᒪᓂᑐ, ᐁ ᒪᓯᓇᐊᒪᐙᑦ ᐊᓂᐃ ᐅᐸᓓᑭᓴ ᑳ ᐃᑕᓕᒋ ᐁᐱᓴᓯᒃ, ᓀᔥᑕ ᐊᓂᐃ ᑳ ᒀᔭᔅᑭᑎᓕᒋ ᙭ ᒋᓴᓯᒃ:

ᐃᐱᓯᔭᓇ 1:15

ᐁᐗᑯ ᐅᒋ ᓂᓚ ᐊᓯᒋ, ᐃᔅᐱ ᑳ ᑮ ᐯᑕᒫᓐ ᐁ ᑖᐺᔦᓕᒣᒃ ᐅᑎᐯᓕᒋᑫᐤ ᒋᓴᔅ, ᓀᔥᑕ ᐁ ᐃᔑ ᓵᑭᐁᑾᒃ ᒥᓯᐌ ᐅᐸᓓᑭᓴᒃ,

ᐃᐱᓯᔭᓇ 3:6

ᒉᓐᑖᐃᓚᒃ ᑭᒋ ᐎᒋ ᑎᐯᓕᑕᒧᒥᐌᒋᒃ, ᐊᓂᒪ ᑫᔮᐸᒡ ᒥᔭᐎᒃ ᓀᔥᑕ ᑭᒋ ᑕᑯᐋᑲᓂᐎᒋᒃ, ᓀᔥᑕ ᑭᒋ ᐎᒋ ᐅᑎᓇᒧᒥᐌᒋᒃ ᐅᑦ ᐊᔓᑕᒫᑫᐎᓂᓕᐤ ᙭ᑎᒃ ᒥᓗᐋᒋᒧᐎᓐ ᐅᒋ:

ᑯᓚᔑᔭᓇ 1:2

ᐁ ᒪᓯᓇᐊᒪᐙᑦ ᐊᓂᐃ ᐅᐸᓓᑭᓴ ᓀᔥᑕ ᑳ ᒀᔭᔅᑭᑎᓕᒋ ᐎᒋᔖᓂᒪᐗ ᙭ᑎᒃ, ᑳ ᐃᑖᓕᒋ ᑯᓚᓯᐃᒃ: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ, ᑭᒋᒪᓂᑐ ᑯᑖᐎᓇᐤ ᐅᒋ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭᙮

ᑯᓚᔑᔭᓇ 1:4

ᐊᔅᐱᓐ ᐁ ᑮ ᐯᑐᒫᒃ ᐁ ᐃᔑ ᑖᐺᔦᓕᒣᒃ ᒋᓴᔅ ᙭, ᓀᔥᑕ ᐁᔅᐱᒋ ᓵᑭᐁᒀᒃ ᒥᓯᐌ ᐅᐸᓓᑭᓴᒃ;

ᑯᓚᔑᔭᓇ 4:1

ᐅᑭᒫᑐᒃ, ᒥᓕᑯᒃ ᑭᑦ ᐊᑑᔅᑫᓚᑲᓂᐗᐗᒃ, ᐊᓂᒪ ᑳ ᒀᔭᔅᑾᒃ ᓀᔥᑕ ᒥᓗᓈᑾᒃ; ᐁ ᑭᔅᑫᓕᑕᒣᒃ ᑭᓚᐗᐤ ᓀᔥᑕ ᐁ ᐅᑦ ᐅᑭᒫᒥᔦᒃ ᑭᒋᑭᔑᑯᒃ᙮

ᓂᔓ ᑌᓴᓗᓂᔭᓇ 1:3

ᓂᑦ ᐃᑌᓕᑖᑯᓯᓈᓐ ᒧᔕᒃ ᑭᒋ ᓇᓈᔅᑯᒪᑭᑦ ᑭᒋᒪᓂᑐ ᑭᓚᐗᐤ ᐅᒋ ᓂᒋᔖᓂᑐᒃ, ᐁ ᐃᔑ ᒥᓗᐃᑌᓕᑖᑾᒃ, ᑭ ᑖᐺᔦᓕᑕᒧᐎᓂᐗᐤ ᐁ ᐌᓗᒋ ᓂᑕᐎᑭᒃ, ᓀᔥᑕ ᑭ ᓵᑭᐃᑐᐎᓂᐗᐤ ᐁ ᐃᔑ ᓵᑭᐃᑐᔦᒃ ᐁ ᐌᓗᒋᐸᓕᒃ;

ᓂᔥᑕᒻ ᑎᒧᑎ 4:11

ᐅᐅ ᑫᒀᓇ ᐃᑕᔓᐌ ᓀᔥᑕ ᑭᔅᑭᓄᐊᒫᑫ᙮

ᓂᔥᑕᒻ ᑎᒧᑎ 5:1

ᐁᑳᐎᓚ ᑭᑐᔥ ᑳ ᓂᑳᓀᓕᑖᑯᓯᑦ, ᒫᑲ ᓇᑐᑕᒪᐤ ᑖᐱᔅᑯᒡ ᑯᑖᐎ, ᓀᔥᑕ ᐅᔥᑭᓂᑭᐗᒃ ᑖᐱᔅᑯᒡ ᑭᒋᔖᓇᒃ;

ᑕᐃᑕᔅ 2:1

ᒫᑲ ᑭᓚ ᐋᓕᒧᑕ ᐊᓂᐃ ᐌᒋᐸᓕᑭ ᒥᓗ ᑭᔅᑭᓄᐊᒫᑫᐎᓂᒃ:

ᑕᐃᑕᔅ 2:15

ᐅᐅ ᑫᒀᓇ ᐙᐎᑕ ᓀᔥᑕ ᔑᑭᑫᒧ, ᓀᔥᑕ ᑭᑕᐊᒫᑫ ᒥᓯᐌ ᑎᐯᓕᒋᑫᐎᓐ ᐅᒋ᙮ ᐁᑳᐎᓚ ᐊᐌᓇ ᑭ ᑳ ᐋᑕᐌᓕᒥᒃ᙮

ᑕᐃᑕᔅ 3:8

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ; ᐅᐅ ᑫᑾᓇ ᓀᔥᑕ ᑭ ᓇᑕᐌᓕᒥᑎᓐ ᒧᔕᒃ ᑭᒋ ᐙᐎᑕᒪᓐ, ᐊᓂᑭ ᑳ ᑖᐺᔦᓕᒫᒋᒃ ᑭᒋᒪᓂᑐᐗ ᑭᒋ ᔮᒀᒥᓯᒋᒃ ᑭᒋ ᒥᓗ ᐊᑑᔅᑫᒋᒃ: ᐅᐅ ᑫᒀᓇ ᒥᓦᔑᓂᓕᐤ ᓀᔥᑕ ᐋᐸᑕᓂᓕᐤ ᐃᓕᓕᐗᒃ᙮

ᐦᐃᑉᕉᐗ 3:1

ᐁᐗᑯ ᒫᑲ ᐅᒋ, ᑳ ᐸᓓᑭᓯᔦᒃ ᓂᒋᔖᓂᑐᒃ, ᑳ ᐎᒋᐃᐌᔦᒃ ᑭᒋᑭᔑᑳᐎ ᓂᑐᑫᐎᓐ, ᓈᓈᑲᑕᐌᓕᒥᒃ ᐊᓇ ᐊᐸᔅᑕᓪ, ᓀᔥᑕ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐃᑣᓱᐎᓂᓈᒃ, ᙭ ᒋᓴᔅ;

ᐦᐃᑉᕉᐗ 3:14

ᐌᓴ ᑭ ᑮ ᐅᑎᓈᓇᐤ ᙭, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᑭ ᒫᒋ ᑫᒋᓇᐅᐎᓂᓇᐤ ᐱᓕᔥ ᑫ ᐃᔥᒀᐸᓕᒃ᙮

ᓂᔥᑕᒻ ᐱᑕᕐ 5:1

ᐊᓂᑭ ᑳ ᓂᑳᓀᓕᑖᑯᓯᒋᒃ ᑳ ᐎᒉᐎᑖᑾᒃ ᓂ ᔑᑭᒪᐗᑳ, ᓂᓚ ᓀᔥᑕ ᑳ ᓂᑳᓀᓕᑖᑯᓯᔮᓐ, ᓀᔥᑕ ᑳ ᐋᓕᒧᑕᒶᒃ ᙭ ᐅ ᐙᐎᓴᑫᓕᑕᒧᐎᓇ, ᓀᔥᑕ ᑳ ᐅᐎᒋᐃᐌᔮᓐ ᐊᓂᒪ ᑭᔅᑌᓕᑖᑯᓯᐎᓐ ᑫ ᐯᒋ ᓄᑯᑖᓂᐗᒃ:

ᓂᔓ ᐱᑕᕐ 2:10

ᒫᑲ ᐅᓵᒻ ᐊᓂᐃ ᑳ ᐱᒧᑖᑕᒥᓕᒋ ᐁ ᐃᔑᑡᒪᑲᓂᓕᒃ ᐎᔮᓯᓕᐤ, ᐎᓂᓯᐎ ᐃᑌᓕᑕᒧᐎᓂᒃ, ᓀᔥᑕ ᑳ ᐋᑕᐌᓕᑕᒥᓕᒋ ᑎᐯᓕᒋᑫᐎᓂᓕᐤ᙮ ᓱᑭᑌᐁᐗᒃ, ᐎ ᑎᐯᓕᒥᑎᓱᐗᒃ; ᓇᒪ ᓀᔥᑕ ᓭᑭᓯᐗᒃ ᑭᒋ ᒪᒋ ᐋᓕᒧᑕᑭᒃ ᑭᔅᑌᓕᑖᑯᓯᐎᓇ᙮

ᒎᑦ 1:8

ᐁᑯ ᑖᐱᔅᑯᒡ, ᐅᑯ ᐎᓂᓯᐎ ᐅᐸᐗᒧᐗᒃ ᐎᓂᑕᐗᒃ ᐎᔮᓯᓕᐤ, ᐋᑕᐌᓕᑕᒶᒃ ᑎᐯᓕᒋᑫᐎᓂᓕᐤ, ᓀᔥᑕ ᒪᒋ ᐋᓕᒧᑕᒶᒃ ᑭᔅᑌᓕᑖᑯᓯᐎᓇ᙮