ᓂᔥᑕᒻ ᑎᒧᑎ 6:14 - ᐅᔅᑭ ᑎᔅᑌᒥᓐᑦ

¹⁴ ᑭᒋ ᑲᓇᐌᓕᑕᒪᓐ ᐅᒪ ᑲᑫᔅᑴᐎᓐ ᐁᑳ ᑭᒋ ᒪᒋ ᐃᑌᓕᑖᑾᒃ ᐁᑳ ᓀᔥᑕ ᑭᒋ ᒪᒋ ᐋᓕᒧᒋᑳᑌᒃ, ᐹᑎᒫ ᓄᑯᓯᑌ ᑭ ᑎᐯᓕᒋᑫᒥᓇᐤ ᒋᓴᔅ ᙭;

ᓂᔥᑕᒻ ᑎᒧᑎ 6:14 Iomraidhean Croise

ᓂᔥᑕᒻ ᑯᕆᓐᑎᐊᓇ 1:8

ᐊᓇ ᓀᔥᑕ ᑫ ᐋᔨᒋᐃᑖᒃ ᐃᔅᒀᔮᒡ ᐃᔅᑯ, ᐁᑳ ᐗᔦᔥ ᑭᒋ ᐋᑖᒥᒥᑳᐎᔦᒃ ᐅᑎᒋᐸᓕᓕᑫ ᐅ ᑭᔑᑳᒻ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᐃᐱᓯᔭᓇ 5:27

ᑭᒋ ᑮ ᐸᑭᑎᓇᒫᓱᑦ ᐁ ᑭᔅᑖᑎᓯᓕᒋ ᒫᒪᐎᐋᔭᒥᐊᐗ, ᐁᑳ ᐁ ᐸᐸᑌᐎᓯᓕᒋ, ᐁᑳ ᓀᔥᑕ ᐁ ᐅᓯᑭᓯᓕᒋ, ᐁᑳ ᓀᔥᑕ ᐁ ᐋᔮᓕᒋ ᐅᒪ ᑐᐎ ᑫᒀᓕᐤ; ᒫᑲ ᑭᒋ ᐸᓓᑭᓯᓕᒋ ᓀᔥᑕ ᐁᑳ ᑭᒋ ᒪᔅᑭᓯᓕᒋ᙮

ᐱᓕᐱᔭᓇ 1:10

ᑭᒋ ᑯᒋᑭᔅᑫᓕᑕᒣᒃ ᑫᒀᓇ ᑳ ᒥᓨᔑᑭ; ᑭᒋ ᐸᓓᑭᓯᔦᒃ ᓀᔥᑕ ᐁᑳ ᑭᒋ ᓈᔦᑕᐌᓕᒥᑲᐎᔦᒃ ᐱᓕᔥ ᐅᑎᒋᐸᓕᓕᑫ ᐅ ᑭᔑᑳᒻ ᙭;

ᐱᓕᐱᔭᓇ 1:6

ᐁ ᑫᒋᓇᐅᔮᓐ ᐅᒪ ᑫᒀᓐ, ᐊᓇ ᑳ ᑮ ᑭᒋᑖᑦ ᒥᓗ ᐊᑑᔅᑫᐎᓂᓕᐤ ᐁ ᐱᒋᔅᑳᑯᔦᒃ, ᑲᑕ ᑎᐱᑐᑕᒻ ᐱᓕᔥ ᐅᑎᒋᐸᓕᓕᑫ ᒋᓴᔅ ᙭ ᐅ ᑭᔑᑳᒻ:

ᐱᓕᐱᔭᓇ 2:15

ᑭᒋ ᒥᓨᑎᓯᔦᒃ ᓀᔥᑕ ᑳᔮᒣᐎᓯᔦᒃ, ᐁ ᐅᑯᓯᓯᒥᑖᒃ ᑭᒋᒪᓂᑐ, ᐁᑳ ᐁ ᒪᒉᓕᒥᑲᐎᔦᒃ, ᒣᑴᔭᔥ ᑳ ᐙᑭᑳᑎᓯᒋᒃ ᓀᔥᑕ ᑳ ᔑᐱᑕᑭᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᐃᑕ ᐁ ᐃᑖᒋᒃ ᐁ ᐙᓯᓱᔭᒃ ᑖᐱᔅᑯᒡ ᐅᐙᓭᔮᓯᐗᒃ ᐊᔅᑮᒃ:

ᑯᓚᔑᔭᓇ 1:22

ᐁ ᐎᔭᐎᒪᑲᓂᓕᒃ ᐅ ᐎᔮᓯᒃ ᓂᐱᐎᓐ ᐅᒋ, ᐁ ᐸᓓᑭᓯᔦᒃ, ᓀᔥᑕ ᐁᑳ ᐁ ᐊᑖᒣᓕᑖᑯᓯᔦᒃ, ᓀᔥᑕ ᐁᑳ ᐁ ᑭᑐᑖᑯᓯᔦᒃ ᐁ ᑲᓇᐗᐸᒥᑖᒃ:

ᑯᓚᔑᔭᓇ 4:17

ᐃᑎᒃ ᒫᑲ ᐊᕐᑭᐸᔅ, ᔮᒀᒥᓰᔅᑕ ᐊᓂᒪ ᐋᔮᒥᐊᐎ ᐊᑑᔅᑫᐎᓐ ᑳ ᑮ ᐅᑎᓇᒪᓐ ᐅᑎᐯᓕᒋᑫᒃ, ᑭᒋ ᑎᐱᑐᑕᒪᓐ᙮

ᓂᔥᑕᒻ ᑌᓴᓗᓂᔭᓇ 3:13

ᑭᒋ ᐋᔨᒋᑖᑦ ᑭᑌᐃᐙᐗ ᐁᑳ ᑭᒋ ᐊᑕᒣᓕᑖᑯᓯᔦᒃ ᐸᓕᑭᓯᐎᓂᒃ, ᐅᑎᔥᑲᐤ ᑭᒋᒪᓂᑐ, ᑯᑖᐎᓇᐤ ᐅᑎ, ᐯᒋ ᑕᑯᔑᑫ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓯᒋ ᒥᓯᐌ ᐅ ᐸᓓᑭᓯᒪ᙮

ᓂᔥᑕᒻ ᑌᓴᓗᓂᔭᓇ 5:23

ᐊᓇ ᒫᑲ ᑖᐺ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᒥᑐᓂ ᑭ ᑳ ᐎ ᐸᓓᑭᐃᓂᐊᐤ; ᓂ ᓇᑐᑕᒪᐗᐤ ᒫᑲ ᒥᑐᓂ ᑭᑦ ᐊᒑᑯᐗᐤ ᓀᔥᑕ ᑭ ᒥᑐᓀᓕᒋᑲᓂᐗᐤ ᓀᔥᑕ ᑭᔭᐎᐗᐤ ᑭᒋ ᑲᓇᐌᓕᒋᑳᑌᑭ ᐁᑳ ᐋᑕᒣᓕᑖᑯᓯᐎᓂᒃ ᐱᓕᔥ ᑫ ᑕᑯᔑᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᓂᔓ ᑌᓴᓗᓂᔭᓇ 2:1

ᐁᑯ ᐯᑯᓭᓕᒥᑕᑾᒃ, ᓂᒋᔖᓂᑐᒃ, ᐅ ᑕᑯᔑᓂᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᒋ, ᓀᔥᑕ ᐁ ᒫᒪᐎᐃᑐᔭᒃ ᐁ ᐅᑎᔥᑲᐎᑳᐸᐎᔅᑕᐗᒃ,

ᓂᔓ ᑌᓴᓗᓂᔭᓇ 2:8

ᐁᑯ ᒫᑲ ᐊᓇ ᒣᒋᑣᑦ ᑫ ᓄᑯᓯᑦ, ᑫ ᐃᔅᑾᓱᑯᑦ ᐅᑎᐯᓕᒋᑫᐗ ᐅ ᓓᓓᐎᓐ ᐅᑐᓂᓕᒃ ᐅᒋ, ᓀᔥᑕ ᑫ ᓂᔑᐗᓈᒋᐃᑯᑦ ᐁᔅᐱᒋ ᐙᓯᓱᓕᒋ ᑕᑯᔑᓂᓕᑌ:

ᓂᔥᑕᒻ ᑎᒧᑎ 6:20

ᐅ ᑎᒧᑎ, ᑲᓇᐌᓕᑕ ᐊᓂᒪ ᑳ ᑲᓇᐌᓕᑎᓕᑲᐎᔭᓐ, ᐁ ᐌᐱᓇᒪᓐ ᒪᒋ ᓀᔥᑕ ᐸᑾᓐᑕᐤ ᐱᑭᔅᑴᐎᓇ, ᓀᔥᑕ ᓇᔅᑯᔅᑕᒧᐎᓇ ᑳ ᐅᒋᐸᓕᑭ ᑭᔅᑫᓕᑕᒧᐎᓂᒃ ᐁᑳ ᒀᔭᔉ ᒫᑲ ᐅᒪ ᐁ ᐃᔑᓂᑳᑌᒃ;

ᓂᔓ ᑎᒧᑎ 4:1

ᑭᑦ ᐃᑕᔓᒥᑎᓐ ᒫᑲ ᐅᑎᔥᑲᐤ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᑫ ᑎᐹᔅᑯᓈᑦ ᑳ ᐱᒫᑎᓯᓕᑭ ᓀᔥᑕ ᑳ ᓂᐱᓕᒋ ᐃᔅᐱ ᐯᒋ ᓄᑯᓯᑌ, ᓀᔥᑕ ᐅᑦ ᐅᑭᒪᐎᐎᓐ;

ᑕᐃᑕᔅ 2:13

ᐁ ᐊᔕᐙᐸᑕᒪᒃ ᐊᓂᒪ ᑳ ᒥᓦᑭᑖᑾᒃ ᐊᔅᐯᓕᒧᐎᓐ, ᓀᔥᑕ ᐅ ᑭᔅᑌᓕᑖᑯᓯᐎ ᓄᑯᓯᐎᓐ ᑫᔅᑎᓯᑦ ᑭᒋᒪᓂᑐ, ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭;

ᐦᐃᑉᕉᐗ 9:14

ᑖᓐ ᐃᔥᐱᔥ ᐊᐙᓯᑌ ᙭ ᐅᒥᑯᒻ, ᐊᓇ ᑳᑭᑫ ᐊᒑᑾ ᐅᒋ, ᒥᑐᓂ ᐁᑳ ᐁ ᒪᒋᐃᑎᑦ, ᑳ ᑮ ᐸᑭᑎᓂᑎᓱᔅᑕᐙᑦ ᑭᒋᒪᓂᑐᐗ, ᑫ ᐸᔦᑭᑖᑦ ᑭ ᒥᑐᓀᓕᒋᑲᓂᐗᐤ ᓂᐱᐎ ᐋᔨᑎᐎᓇ ᐅᒋ, ᑭᒋ ᐊᑑᔅᑲᐌᒃ ᐯᒫᑎᓰᑦ ᑭᒋᒪᓂᑐ?

ᐦᐃᑉᕉᐗ 9:28

ᐁᑯ ᓂᔥᑕ ᙭ ᐯᔭᑾᐤ ᑳ ᐸᑭᑎᓈᑲᓂᐎᑦ ᑭᒋ ᓇᔭᑕᒸᑦ ᒥᒉᑦ ᐅ ᒪᒋᑣᐎᓂᓕᐗ: ᐊᓂᐃ ᒫᑲ ᑳ ᐊᔕᐙᐸᒥᑯᑦ ᒥᓇ ᑲᑕ ᓄᑯᓰᔅᑕᐌᐤ, ᐁᑳ ᐁ ᐅᑎᓇᒃ ᒪᒋᑣᐎᓂᓕᐤ, ᑭᒋ ᐱᒫᒋᐋᑦ᙮

ᓂᔥᑕᒻ ᐱᑕᕐ 1:19

ᒫᑲ ᑳ ᑭᔅᑕᑭᑖᑾᓂᓕᒃ ᐅᒥᑯ ᙭ ᐅᒋ, ᑖᐱᔅᑯᒡ ᒫᓂᔥᒑᓂᔑᔥ ᐁᑳ ᑳ ᒫᔅᑭᓯᑦ ᐁᑳ ᓀᔥᑕ ᑳ ᐎᓕᐱᓯᑦ:

ᓂᔥᑕᒻ ᐱᑕᕐ 1:7

ᐁ ᑲᑴᒋᑖᓂᐗᒃ ᑭ ᑖᐺᔦᓕᑕᒧᐎᓂᐗᐤ, ᐊᐙᓯᑌ ᐁ ᑭᔅᑕᑭᑖᑾᒃ ᐃᔥᐱᔥ ᐅᓵᐎᔔᓕᐋᓈᐱᔉ ᑳ ᓂᔑᐗᓈᑕᒃ, ᐋᑕ ᐃᔥᑯᑌᒃ ᐁ ᑮ ᑯᒋᑖᓂᐗᒃ, ᑭᒋ ᒥᔅᑭᑳᑌᒃ ᑭᒋ ᐅᒋ ᒫᒪᑕᑯᒥᑲᐎᔦᒃ, ᓀᔥᑕ ᑭᔅᑌᓕᒥᑲᐎᔦᒃ, ᓀᔥᑕ ᑭᔅᑌᓕᑖᑯᐃᑲᐎᔦᒃ ᐯᒋ ᓄᑯᓯᑌ ᒋᓴᔅ ᙭;

ᓂᔓ ᐱᑕᕐ 2:21

ᐌᓴ ᐊᐙᓯᑌ ᑲᑕ ᑮ ᒥᓦᔑᓂᓕᐸᓐ ᐁᑳ ᑭᒋ ᑮ ᑭᔅᑫᓂᑕᒧᐙᔅᐸᓐ ᑳᔭᔅᑭᑖᑎᓯᐎᓂ ᐃᔑᑡᐎᓂᓕᐤ, ᐃᔥᐱᔥ, ᐃᔅᐱ ᐁ ᑮ ᑭᔅᑫᓕᑕᑭᒃ ᑭᒋ ᓇᑲᑕᑭᒃ ᐊᓂᐁᓕᐤ ᐸᓓᑭ ᑲᑫᔅᑴᐎᓂᓕᐤ ᑳ ᑮ ᐸᑭᑎᓇᒫᒋᒃ᙮

ᓂᔓ ᐱᑕᕐ 3:14

ᐁᐗᑯ ᐅᒋ, ᓯᐋᑭᐃᑕᑾᒃ, ᐁ ᓄᑾᒃ ᐁ ᐊᔕᐙᐸᑕᒣᒃ ᐅᐅ ᑫᒀᓇ, ᑭᓯᓴᐎᓯᒃ ᑳᔮᒣᓕᑕᒧᐎᓂᒃ ᑭᒋ ᒥᔅᑳᑖᒃ, ᐁᑳ ᐁ ᒪᓯᓈᓱᔦᒃ ᓀᔥᑕ ᐁ ᒥᓗᐃᑌᓕᑖᑯᓯᔦᒃ:

ᓂᔓ ᐱᑕᕐ 3:2

ᑭᒋ ᒥᑐᓀᓕᑕᒣᒃ ᐊᓂᐃ ᐋᔭᒥᐎᓇ ᐌᔅᑳᒡ ᑳ ᑮ ᐃᑗᒋᒃ ᐊᓂᑭ ᐸᓓᑭ ᐅᑭᔅᑭᐙᐃᑫᐗᒃ, ᓀᔥᑕ ᐊᓂᐃ ᑳ ᑮ ᐃᑕᔓᐌᔮᒃ ᓂᓚᓈᓐ ᐅᑦ ᐊᐸᔅᑕᓕᒪ ᐅᑎᐯᓕᒋᑫᐤ ᐯᒫᒋᐃᐌᑦ;

ᓂᔥᑕᒻ ᒑᓐ 3:2

ᓯᐋᑭᐃᑕᑾᒃ, ᐊᓄᒡ ᑭᒋᒪᓂᑐ ᑭᑦ ᐅᑯᓯᓯᒥᑯᓇᐤ, ᓀᔥᑕ ᓇᒪᐎᓚ ᐁᔥᑾ ᓄᑾᓐ ᑫ ᐃᔑ ᐋᔮᔭᒃ; ᒫᑲ ᑭ ᑭᔅᑫᓕᑌᓈᓇᐤ, ᐃᔅᐱ ᓄᑯᓯᑌ, ᑭ ᑳ ᓇᔅᐱᑕᐙᓇᐤ; ᐌᓴ ᑭ ᑳ ᐙᐸᒫᓇᐤ ᐁ ᐃᔑᓈᑯᓯᑦ᙮

ᒎᑦ 1:24

ᐁᑯ ᐊᓇ ᑳ ᑲᔥᑭᑖᑦ ᑭᒋ ᑲᓇᐌᓕᒥᑖᒃ ᐁᑳ ᑭᒋ ᐸᑭᔑᓂᔦᒃ, ᓀᔥᑕ ᑭᒋ ᓄᑯᐃᑖᒃ ᐁ ᒥᓗᐃᑌᓕᑖᑯᓯᔦᒃ ᐅᑎᔥᑲᐤ ᐁ ᐃᔑᓈᑾᓂᓕᒃ ᐅ ᑭᔅᑌᓕᑖᑯᓯᐎᓐ ᑭᒋ ᒥᓚᐙᑕᒧᐎᓂᒃ,

ᑭᔅᑫᓕᑖᑯᑖᑫᐎᓐ 1:7

ᒫᑎᑲ, ᐯᒋ ᐃᑐᑌᐤ ᐗᔅᑯᒃ; ᓀᔥᑕ ᑲᑕ ᐙᐸᒥᑯ ᒥᓯᐌ ᒥᔅᑭᔑᑾ, ᐊᓂᐃ ᓀᔥᑕ ᑳ ᑮ ᑕᑲᒥᑯᑦ: ᓀᔥᑕ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑲᑕ ᒫᑐᐗᒃ ᐎᓚ ᐅᒋ᙮ ᐁᑯ ᑫ ᐃᑭᒃ᙮ ᐁᒣᓐ᙮