ᓂᔥᑕᒻ ᑎᒧᑎ 6:13 - ᐅᔅᑭ ᑎᔅᑌᒥᓐᑦ

¹³ ᑭᑦ ᐃᑕᔓᒥᑎᓐ ᐁ ᐙᐸᒥᔉ ᑭᒋᒪᓂᑐ, ᑳ ᐱᒫᒋᑖᑦ ᒥᓯᐌ ᑫᒀᓇ, ᓀᔥᑕ ᐅᑎᔥᑲᐤ ᙭ ᒋᓴᔅ, ᐊᓇ ᐁ ᐅᑎᔥᑲᐎᑳᐸᐎᔅᑕᐙᑦ ᐸᓐᑎᔭᔅ ᐹᐃᓚᑕ ᑳ ᑮ ᐎᑕᒃ ᒥᓗ ᐎᑕᒫᑫᐎᓂᓕᐤ;

ᓂᔥᑕᒻ ᑎᒧᑎ 6:13 Iomraidhean Croise

ᐅᐸᓓᑭᔅ ᒫᑎᐤ 27:11

ᒋᓴᔅ ᒫᑲ ᑮ ᐅᑎᔥᑲᐎᑳᐸᐎᔅᑕᐌᐤ ᐅᑎᐯᓕᒋᑫᐗ; ᑮ ᑲᑴᒋᒥᑯ ᒫᑲ ᐅᑎᐯᓕᒋᑫᐗ, ᐁ ᐃᑎᑯᑦ, ᑭᓚ ᓈ ᐅ ᑭᒋᐅᑭᒫᒥᐙᐗ ᒎᐗᒃ? ᒋᓴᔅ ᒫᑲ ᑮ ᐃᑌᐤ, ᑭᑦ ᐃᑣᓐ᙮

ᐅᐸᓓᑭᔅ ᒫᑎᐤ 27:2

ᐃᔅᐱ ᒫᑲ ᑳ ᑮ ᒫᒫᒋᑯᐱᑖᒋᒃ, ᑮ ᑭᑐᑕᐁᐗᒃ, ᑮ ᐸᑭᑎᓇᒪᐌᐗᒃ ᒫᑲ ᐸᓐᑎᔭᔅ ᐹᐃᓚᑕ ᐅᑎᐯᓕᒋᑫᐗ᙮

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐅᐸᓓᑭᔅ ᒑᓐ 19:11

ᒋᓴᔅ ᑮ ᓇᔥᑴᐗᔑᐃᐌᐤ, ᓇᒪᐎᓚ ᑭ ᑳ ᐋᔮᑖᔾ ᑲᔥᑭᐅᐎᓐ ᐙᔦᔥ ᑭᒋ ᑐᑕᐎᔭᓐ, ᑮᔥᐱᓐ ᐁᑳ ᒥᓕᑲᐎᔭᓐ ᐃᔥᐱᒥᒃ ᐅᒋ: ᐁᐗᑯ ᐌᒋ ᐊᓇ ᑳ ᑮ ᐸᑭᑎᓂᑦ ᑭᒋᒋᒃ ᐊᐙᓯᑌ ᒥᔖᓕᐤ ᐅ ᒪᒋᑐᑕᒧᐎᓐ᙮

ᐅᐸᓓᑭᔅ ᒑᓐ 5:21

ᐌᓴ ᑖᐱᔅᑯᒡ ᐅᑖᐎᒫᐤ ᐁ ᐃᔑ ᐗᓂᔥᑳᓈᑦ ᑳ ᓂᐱᓕᒋ, ᓀᔥᑕ ᐁ ᐋᐱᓯᐋᑦ: ᐁᑯ ᓀᔥᑕ ᐅᑯᓯᓯᒪᐤ ᐁ ᐃᔑ ᐋᐱᓯᐋᑦ ᐊᓂᐃ ᐙᑐᑕᐙᑦ᙮

ᐅᐸᓓᑭᔅ ᒑᓐ 5:26

ᐌᓴ ᑖᐱᔅᑯᒡ ᐅᑖᐎᒪᐤ ᐁ ᐃᔑ ᐱᒋᔅᑳᑯᑦ ᐱᒫᑎᓯᐎᓂᓕᐤ; ᐁᑯ ᑳ ᐃᔑ ᒥᓛᑦ ᐅᑯᓯᓯᒫᐗ ᑭᒋ ᐱᑭᔅᑳᑯᓕᒋ ᐱᒫᑎᓯᐎᓂᓕᐤ;

ᐊᐸᔅᑕᓚᒃ 17:25

ᓇᒪᐎᓚ ᓀᔥᑕ ᐅᒋᒋᑾᓇᐱᔅᑕᐙᑲᓂᐎᐤ ᐃᓕᓕᐗ ᐅᒋᒋᐙᒃ ᐅᒋ, ᒫᓇ ᑖᐱᔅᑯᒡ ᑫᒀᓂᐤ ᐁ ᓇᑕᐌᓕᑕᒃ, ᐁ ᐋᐸᒋᑳᑌᒃ ᐎᓚ ᐁ ᒥᓛᑦ ᒥᓯᐌ ᐱᒫᑎᓯᐎᓂᓕᐤ, ᓀᔥᑕ ᓓᓓᐎᓂᓕᐤ ᓀᔥᑕ ᒥᓯᐌ ᑫᒀᓕᐤ;

ᓂᔓ ᑯᕆᓐᑎᐊᓇ 9:13

ᒣᒀᒡ ᐁ ᑯᒋᑖᓂᐗᒃ ᐅᒪ ᐅᑎᓇᒫᑫᐎᓐ ᑭᔅᑕᒋᒣᐗᒃ ᑭᒋᒪᓂᑐᐗ, ᐁ ᐃᔑ ᑎᐯᓕᒥᑯᐌᒃ ᙭ ᐅ ᒥᓗᐋᒋᒧᐎᓐ ᐅᒋ, ᓀᔥᑕ ᐊᓂᒪ ᐅᒋ ᐁ ᑮ ᐌᓗᒋ ᒫᑎᓇᒪᐌᑾᒃ, ᓀᔥᑕ ᒥᓯᐌ ᐃᓕᓕᐗᒃ;

ᑲᓓᔕᐊᓇ 3:26

ᐌᓴ ᒥᓯᐌ ᐁ ᐃᑕᔑᔦᒃ ᑭᑦ ᐅᑦ ᐊᐙᔑᒥᔑᒥᑯᐗᐤ ᑭᒋᒪᓂᑐ ᐁ ᑖᐺᔦᓂᒣᒃ ᙭ ᒋᓴᔅ᙮

ᓂᔥᑕᒻ ᑎᒧᑎ 1:12

ᓀᔥᑕ ᒫᑲ ᓂ ᓇᓈᔅᑯᒫᐤ ᙭ ᒋᓴᔅ ᑭ ᑎᐯᓕᒋᑫᒥᓇᐤ, ᑳ ᑮ ᑲᔥᑭᑕᒥᐃᑦ, ᒀᔭᔅᑭᑎᐤ ᐁ ᑮ ᐃᑕᑭᒥᑦ, ᐁ ᐸᑭᑎᓂᑦ ᐋᔭᒥᐋᐎ ᐊᑑᔅᑫᐎᓂᒃ;

ᓂᔥᑕᒻ ᑎᒧᑎ 1:15

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ, ᓀᔥᑕ ᑌᐸᑫᓕᑖᑾᓐ ᒥᓯᐌ ᐃᔑ ᑭᒋ ᐅᑎᓂᑳᑌᒃ, ᙭ ᒋᓴᔅ ᐁ ᑮ ᐯᒋᐃᑐᑌᑦ ᐅᑕ ᐊᔅᑮᒃ ᑭᒋ ᐱᒫᒋᐋᑦ ᐅᒪᒋᑣᐗ; ᐁᐗᒀᓂᑭ ᐅᒋ ᓂᓚ ᓂ ᓂᑳᓀᓕᑖᑯᓯᓐ᙮

ᓂᔥᑕᒻ ᑎᒧᑎ 2:5

ᐌᓴ ᐯᔭᑯ ᑭᒋᒪᓂᑐ, ᐯᔭᑯ ᓀᔥᑕ ᐅᑕᔭᒥᐁᔅᑕᒫᑫᐤ ᑕᔅᑕᐎᒡ ᑭᒋᒪᓂᑐᐗ ᓀᔥᑕ ᐃᓕᓕᐗ, ᐊᓇ ᐃᓕᓕᐤ ᙭ ᒋᓴᔅ;

ᓂᔥᑕᒻ ᑎᒧᑎ 5:21

ᑭ ᔮᒀᒥᒥᑎᓐ ᐅᑎᔥᑲᐤ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᓀᔥᑕ ᑳ ᐙᐌᓛᐸ ᒫᑲᓂᐎᒋᒃ ᐁᓐᒐᓚᒃ, ᑭᒋ ᓈᑲᑕᐌᓕᑕᒪᓐ ᐅᐅ, ᐁᑳ ᐊᐙᓯᑌ ᐁ ᑭᔅᑌᓕᒪᑦ ᐯᔭᒃ ᐊᐌᓇ ᐃᔥᐱᔥ ᑯᑕᒃ, ᐁᑳ ᑫᒀᓐ ᐁ ᑐᑕᒪᓐ ᐁᑳ ᐁ ᐃᔑ ᒀᔭᔉ ᑎᐹᔅᑯᓀᓕᒋᑳᑌᒃ᙮

ᓂᔥᑕᒻ ᑎᒧᑎ 6:12

ᓄᑎᓂᑫ ᒥᓗ ᑖᐺᔦᓕᑕᒧᐎᓂ ᓄᑎᓂᑫᐎᓐ, ᒥᒋᒥᓇ ᑲᑭᑫ ᐱᒫᑎᓯᐎᓐ, ᐃᑕ ᑳ ᑮ ᐃᔑ ᓇᑐᒥᑲᐎᔭᓐ, ᓀᔥᑕ ᐁ ᑮ ᐎᑕᒪᓐ ᒥᓗ ᐎᑕᒫᑫᐎᓐ ᐅᑎᔥᑲᐤ ᒥᒉᑦ ᐅᑎᐹᒋᒧᐗᒃ᙮

ᑭᔅᑫᓕᑖᑯᑖᑫᐎᓐ 1:5

ᓀᔥᑕ ᒋᓴᔅ ᙭ ᐅᒋ, ᑳ ᒀᔭᔅᑭᑎᑦ ᐅᑎᐹᒋᒧ, ᓀᔥᑕ ᑳ ᓃᔥᑕᒧᔖᓂᐎᑦ ᐅᓂᐱᐗ ᐅᒋ, ᓀᔥᑕ ᑳ ᑭᒋᐅᑭᒫᑳᑕᐙᑦ ᑭᒋᐅᑭᒪᐗ ᐅᑕ ᐊᔅᑮᒃ᙮ ᐎᓚ ᑳ ᑭ ᓵᑭᐃᑕᒃ, ᓀᔥᑕ ᑎᐱᓚᐌ ᐅ ᒥᑯᒃ ᑳ ᑮ ᑭᒋᔅᑖᐸᐗᓕᑕᒃ ᑭ ᒪᒋᑡᐎᓂᓇᐗ ᐅᒋ,

ᑭᔅᑫᓕᑖᑯᑖᑫᐎᓐ 21:6

ᓂ ᑮ ᐃᑎᒃ ᒫᑲ, ᑭᔑᒋᑳᑌᐤ᙮ ᓂᓚ ᐁᐗᑯ ᐋᓪᐸ ᓀᔥᑕ ᐅᒣᑲ, ᐊᓇ ᒫᐗᒋ ᓃᔥᑕᒻ ᓀᔥᑕ ᒫᒋᒡ᙮ ᓂ ᑳ ᒥᓇᐊᐤ ᒧᔐ ᐊᓇ ᑳ ᓄᑌᔮᐸᑴᑦ ᐁ ᐃᔑ ᒧᔅᑭᒋᐗᓂᓕᒃ ᐱᒫᑎᓯᐎᓂ ᓂᐱᓕᐤ᙮

ᑭᔅᑫᓕᑖᑯᑖᑫᐎᓐ 22:1

ᓂ ᑮ ᐙᐸᑎᓕᒃ ᒫᑲ ᐁ ᐸᓓᑲᒃ ᓯᐱ ᐁ ᐱᒫᑎᓯᐎᓂ ᓂᐱᐗᒃ, ᐁ ᐙᓭᑲᒥᒃ ᑖᐱᔅᑯᒡ ᒪᔅᑾᒥ, ᐁ ᐅᒋᐸᓕᒃ ᑭᒋᒪᓂᑐ ᐅᑦ ᐅᑭᒪᐗᐱᐎᓂᒃ ᓀᔥᑕ ᒫᓂᔥᒑᓂᔑᔥ᙮

ᑭᔅᑫᓕᑖᑯᑖᑫᐎᓐ 3:14

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐊᐗ ᓓᐅᑕᓯᔭᐃᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᐁᒣᓐ, ᐊᓇ ᑳ ᒀᔭᔅᑭᑎᑦ ᓀᔥᑕ ᑳ ᑖᐺᐎᑦ ᐅᑎᐹᒋᒧ, ᐊᓇ ᒫᐗᒋ ᓃᔥᑕᒻ ᑳ ᑮ ᐃᑖᑦ ᐁ ᑮ ᒫᒋ ᐅᔑᒋᑫᑦ ᑭᒋᒪᓂᑐ;