ᓂᔥᑕᒻ ᑎᒧᑎ 5:21 - ᐅᔅᑭ ᑎᔅᑌᒥᓐᑦ

²¹ ᑭ ᔮᒀᒥᒥᑎᓐ ᐅᑎᔥᑲᐤ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᓀᔥᑕ ᑳ ᐙᐌᓛᐸ ᒫᑲᓂᐎᒋᒃ ᐁᓐᒐᓚᒃ, ᑭᒋ ᓈᑲᑕᐌᓕᑕᒪᓐ ᐅᐅ, ᐁᑳ ᐊᐙᓯᑌ ᐁ ᑭᔅᑌᓕᒪᑦ ᐯᔭᒃ ᐊᐌᓇ ᐃᔥᐱᔥ ᑯᑕᒃ, ᐁᑳ ᑫᒀᓐ ᐁ ᑐᑕᒪᓐ ᐁᑳ ᐁ ᐃᔑ ᒀᔭᔉ ᑎᐹᔅᑯᓀᓕᒋᑳᑌᒃ᙮

ᓂᔥᑕᒻ ᑎᒧᑎ 5:21 Iomraidhean Croise

ᐅᐸᓓᑭᔅ ᒫᑎᐤ 16:27

ᐌᓴ ᐃᓕᓕᐎᑯᓯᓵᓐ ᑲᑕ ᐯᒋ ᐃᑐᑌᐤ ᐅᑖᐎᔭ ᐅ ᑭᔅᑌᓕᑖᑯᓯᐎᓂᓕᒃ, ᐊᓯᒋ ᐅᑦ ᐁᓐᒐᓕᒪ; ᐁᑯ ᒫᑳ ᑫ ᑎᐸᐊᒪᐙᑦ ᒥᓯᐌ ᑕᑐ ᐃᓕᓕᐗ ᒬᒋ ᑳ ᑮ ᐊᑑᔅᑫᓕᒋ᙮

ᐅᐸᓓᑭᔅ ᒫᑎᐤ 25:41

ᐁᑯ ᓀᔥᑕ ᑫ ᐃᑖᑦ ᐊᓂᐃ ᐅ ᓇᒪᑎᓂᔅᑮᒃ, ᐊᐗᓯᒃ ᓇᑲᔑᒃ, ᑭᓚᐗᐤ ᑳ ᒪᒐᑭᒥᑲᐎᔦᒃ, ᑳᑭᑫ ᐃᔥᑯᑌᒃ, ᑳ ᐋᔦᔅᑲᐎᑕᒪᐙᑲᓂᐎᑦ ᒪᒋᒪᓂᑐ ᓀᔥᑕ ᐅᑦ ᐁᓐᒐᓕᒪ:

ᐅᐸᓓᑭᔅ ᒫᑎᐤ 28:20

ᐁ ᑭᔅᑭᓄᐊᒪᐌᑾᒃ ᑭᒋ ᓈᑲᑕᐌᓕᑕᑭᒃ ᒥᓯᐌ ᑫᒀᓇ ᑳ ᐃᔑ ᑲᑫᔅᑭᒥᑖᑾᒃ: ᒫᑎᑲ, ᒫᑲ, ᑭ ᑳ ᐎᒉᐎᑎᓈᐗᐤ ᒧᔕᒃ ᐱᓕᔥ ᑫ ᐃᔥᒀᐸᓕᒃ ᐊᔅᑭ᙮ ᐁᒣᓐ᙮

ᐅᐸᓓᑭᔅ ᓘᒃ 20:21

ᑮ ᑲᑴᒋᒣᐗᒃ ᒫᑲ, ᐁ ᐃᑗᒋᒃ, ᑫᔅᑭᓄᐊᒫᑫᔭᓐ, ᓂ ᑭᔅᑫᓕᑌᓈᓐ ᒀᔭᔉ ᐁ ᐃᑗᔭᓐ, ᓀᔥᑕ ᒀᔭᔉ ᐁ ᑭᔅᑭᓄᐊᒫᑫᔭᓐ, ᐁᑳ ᓀᔥᑕ ᐁ ᑭᔅᑌᓕᑕᒶᑦ ᐊᐌᓇ ᐅᑦ ᐃᔑᓈᑯᓯᐎᓐ, ᒫᑲ ᑖᐺᐎᓂᒃ ᐁ ᑭᔅᑭᓄᐊᒫᑫᐗᑦ ᑭᒋᒪᓂᑐ ᐅᑦ ᐃᔑᑣᐎᓐ;

ᐅᐸᓓᑭᔅ ᓘᒃ 9:26

ᐌᓴ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐁᐗᒀᓂᐃ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᑎᐱᓚᐌ ᐅ ᑭᔅᑌᓕᑖᑯᓯᐎᓂᒃ, ᓀᔥᑕ ᐅᑖᐎᔭ, ᓀᔥᑕ ᐊᓂᐃ ᑳ ᐸᓓᑭᓯᓕᒋ ᐁᓐᒐᓚ᙮

ᓂᔓ ᑯᕆᓐᑎᐊᓇ 5:16

ᐁᐗᑯ ᐅᒋ ᐊᓄᒡ ᐅᒋ ᓇᒪᐎᓚ ᐊᐌᓇ ᐃᓕᓕᐤ ᓂ ᑭᔅᑫᓕᒫᓈᓐ ᐎᔮᓯᐎᓂᒃ ᐃᔑ: ᐁᐁ, ᐋᑕ ᐁ ᑮ ᑭᔅᑫᓕᒪᒃ ᙭ ᐎᔮᓯᐎᓂᒃ ᐃᔑ, ᐁᓕᐌᒃ ᒫᑲ ᐊᓄᒡ ᐅᒋ ᓇᒪᐎᔅᑳᑦ ᐅᒪ ᓂᑦ ᐃᔑ ᑭᔅᑫᓕᒫᓈᓐ᙮

ᓂᔥᑕᒻ ᑌᓴᓗᓂᔭᓇ 5:27

ᑭ ᔮᑾᒥᒥᑎᓇᐗᐤ ᐅᑎᐯᓕᒋᑫᐤ ᐅᒋ, ᐅᒪ ᒪᓯᓇᐃᑫᐎᓐ ᑭᒋ ᐋᔭᒥᑕᒫᒋᒃ ᒥᓯᐌ ᐸᓓᑭ ᐎᒋᔖᓂᒪᐗᒃ᙮

ᓂᔥᑕᒻ ᑎᒧᑎ 6:13

ᑭᑦ ᐃᑕᔓᒥᑎᓐ ᐁ ᐙᐸᒥᔉ ᑭᒋᒪᓂᑐ, ᑳ ᐱᒫᒋᑖᑦ ᒥᓯᐌ ᑫᒀᓇ, ᓀᔥᑕ ᐅᑎᔥᑲᐤ ᙭ ᒋᓴᔅ, ᐊᓇ ᐁ ᐅᑎᔥᑲᐎᑳᐸᐎᔅᑕᐙᑦ ᐸᓐᑎᔭᔅ ᐹᐃᓚᑕ ᑳ ᑮ ᐎᑕᒃ ᒥᓗ ᐎᑕᒫᑫᐎᓂᓕᐤ;

ᓂᔓ ᑎᒧᑎ 2:14

ᐅᐅ ᑫᒀᓇ ᑭᔅᑭᓯᑐᑕᒥᐃᒃ, ᐁ ᐃᑕᔓᒪᒋᒃ ᐅᑎᔥᑲᐤ ᐅᑎᐯᓕᒋᑫᐗ, ᐁᑳᐎᓚ ᑭᒋ ᐋᔑᑌᒥᐌᒋᒃ ᐋᔭᒥᐎᓇ ᐅᒋ ᐁᑳ ᓈᓐᑕᐤ ᑳ ᐃᑖᐸᑕᑭ, ᑳ ᐗᓀᓕᑕᒥᐃᑯᒋᒃ ᐱᑯ ᐊᓂᑭ ᑳ ᓇᑐᑕᑭᒃ᙮

ᓂᔓ ᑎᒧᑎ 4:1

ᑭᑦ ᐃᑕᔓᒥᑎᓐ ᒫᑲ ᐅᑎᔥᑲᐤ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᑫ ᑎᐹᔅᑯᓈᑦ ᑳ ᐱᒫᑎᓯᓕᑭ ᓀᔥᑕ ᑳ ᓂᐱᓕᒋ ᐃᔅᐱ ᐯᒋ ᓄᑯᓯᑌ, ᓀᔥᑕ ᐅᑦ ᐅᑭᒪᐎᐎᓐ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:17

ᒫᑲ ᐊᓂᒪ ᑲᑫᑕᐌᓕᑕᒧᐎᓐ ᐃᔥᐱᒥᒃ ᑳ ᐅᒋᐸᓕᒃ ᓃᔥᑕ ᐸᔦᑲᓐ, ᐁᑯ ᑳᔮᒣᐗᓐ, ᓗᑳᑕᓐ, ᐌᑕᓐ ᑭᒋ ᔑᑭᒋᑳᑌᒃ, ᐁ ᓵᑲᔅᑭᓀᒃ ᑭᔐᐙᑎᓯᐎᓐ ᓀᔥᑕ ᒥᓗ ᒥᓂᔕ, ᐁᑳ ᐁ ᑶᑕᐎᐃᑌᓕᑕᒧᒪᑲᒃ, ᐁᑳ ᓀᔥᑕ ᐁ ᐊᔭᒥᐊᑳᓱᒪᑲᒃ᙮

ᓂᔓ ᐱᑕᕐ 2:4

ᐌᓴ ᑮᔥᐱᓐ ᑭᒋᒪᓂᑐ ᐁᑳ ᒣᓈᒋᐋᑦ ᐊᓂᐃ ᐁᓐᒐᓚ, ᒫᑲ ᒪᒋ ᐃᔥᑯᑌᐤ ᐁ ᑮ ᐃᔑ ᓂᒋᐌᐃᓈᑦ, ᓀᔥᑕ ᐁ ᑮ ᐸᑭᑎᓈᑦ ᑭᒋ ᒫᒫᒋᒀᐱᓱᓕᑭ ᐃᑕ ᐁ ᐗᓂᑎᔅᑳᓕᒃ, ᐁᑯᑕ ᑭᒋ ᐃᑖᓕᒋ ᑭᒋ ᑎᐹᔅᑯᓈᑲᓂᐎᓕᒋ;

ᒎᑦ 1:6

ᐊᓂᑭ ᐁᓐᒐᓚᒃ ᓀᔥᑕ ᐁᑳ ᑳ ᑮ ᑲᓇᐌᓕᑕᑭᒃ ᐅ ᑎᐯᓕᒋᑫᐎᓂᐗᐤ, ᑳ ᑮ ᓇᑲᑕᑭᒃ ᒫᑲ ᑎᐱᓚᐌ ᐅ ᑕᔑᑫᐎᓂᐗᐤ, ᑲᓇᐌᓕᒥᑯᐗᒃ ᐁ ᒫᒫᒋᒀᐱᓱᒋᒃ ᑳᑭᑫ ᐱᐙᐱᔅᑴᐋᐱᐊ ᐃᑕ ᐁ ᐗᓂᑎᐱᔅᑳᓕᒃ ᐱᓕᔥ ᑎᐹᔅᑯᓂᑳᓂᐗᑫ ᑭᒋ ᑭᔑᑳᑫ᙮

ᑭᔅᑫᓕᑖᑯᑖᑫᐎᓐ 14:10

ᐁᐗᒀᓇ ᑫ ᒥᓂᑴᑦ ᔓᒥᓈᐳᓕᐤ ᑭᒋᒪᓂᑐ ᐅᑦ ᐊᑯᓚᐌᓯᐎᓂᒃ ᑳ ᐅᒋᐸᓕᓕᒃ, ᑳ ᓯᑭᐌᐱᓂᑳᑌᓕᒃ ᐁᑳ ᐁ ᑭᓕᑲᐤᐃᓂᑳᑌᓕᒃ ᐅ ᑭᓯᐙᓯᐎᓂ ᒥᓂᒀᑲᓂᒃ: ᐃᔥᑯᑌᓕᐤ ᒫᑲ ᓀᔥᑕ ᐅᓵᐙᐱᔅᑯᓯᓂᔭ ᑮ ᐅᒋ ᑲᒀᑕᑭᓯᐗᒃ ᐁ ᑲᓇᐙᐸᒥᑯᒋᒃ ᐸᓓᑭ ᐁᓐᒐᓚ, ᐁ ᑲᓇᐙᐸᒥᑯᒋᒃ ᓀᔥᑕ ᒫᓂᔥᒑᓂᔑᔕ: