15 ᐌᓴ ᐋᑎᑦ ᐋᔕᔾ ᐁ ᑮ ᐸᔅᑫᒋᒃ ᓄᔅᐱᓇᑌᐗᒃ ᓭᑕᓇ᙮
ᐁᑯ ᒋᓴᔅ ᐁᑖᑦ, ᐊᐗᔅ ᒫᒑ, ᓭᑖᓐ: ᐌᓴ ᐃᑕᓯᓇᐃᑳᑌᐤ, ᑭ ᑳ ᓇᐗᑮᔅᑕᐗᐤ ᐅᑎᐯᓕᒋᑫᐤ ᑭ ᑭᒋᒪᓂᑐᒻ, ᐎᓚ ᓀᔥᑕ ᐱᑯ ᑭ ᑳ ᐊᑑᔅᑫᔅᑕᐗᐤ᙮
ᐅᑯ ᐋᑎᑦ ᐁᐗᒀᓂᑭ ᐦᐊᐃᒥᓂᔭᔅ ᓀᔥᑕ ᐋᓕᒃᓵᓐᑕᕐ; ᑳ ᑮ ᐸᑭᑎᓇᒪᐗᒃ ᓭᑖᓐ, ᑭᒋ ᐎ ᑲᑴ ᑭᔅᑫᓕᑕᑭᒃ ᐁᑳ ᑭᒋ ᐹᔅᑕᒧᒋᒃ᙮
ᐅᒪ ᑭ ᑭᔅᑫᓕᑌᓐ, ᒥᓯᐌ ᐊᓂᑭ ᐁᔕᐃᒃ ᑳ ᐃᑖᒋᒃ ᐁ ᑮ ᓇᑲᔑᒋᒃ; ᐅᑯ ᐋᑎᑦ ᐊᓂᑭ ᐸᐃᒋᓚᔅ ᓀᔥᑕ ᐦᐊᕐᒪᒋᓃᔅ᙮
ᐅᑯ ᑖᐺᔦᓕᑕᒧᐎᓐ ᐅᒋ ᑮ ᐗᓂᒥᑎᒣᐗᒃ, ᐁ ᐃᑗᒋᒃ, ᐋᔕᔾ ᑮ ᐗᓂᔥᑳᓂᐗᓐ; ᑮ ᑴᑎᐱᓇᒬᐗᒃ ᒫᑲ ᐋᑎᑦ ᐅ ᑖᐺᔦᓕᑕᒧᐎᓂᓕᐤ᙮
ᐌᓴ ᑎᒫᔅ ᓂ ᑮ ᓇᑲᑎᒃ, ᐁ ᑮ ᓵᑭᑖᑦ ᐊᔅᑭᓕᐤ ᐊᓄᒡ ᑳ ᐃᑕᑾᓂᓕᒃ, ᑮ ᐃᑐᑌᐤ ᒫᑲ ᑌᓴᓗᓇᐃᑲᐃᒃ; ᒃᕃᓯᓐᔅ ᑲᓓᔕᐃᒃ; ᑕᐃᑕᔅ ᑖᓪᒣᔕᐃᒃ᙮
ᒥᒉᑦ ᒫᑲ ᑲᑕ ᓇᔅᐱᑕᒬᐗᒃ ᐅ ᒪᒋ ᐃᔑᑡᐎᓂᓕᐗ; ᐅᑯ ᐅᒋ ᒫᑲ ᑖᐺᐎᓂ ᐃᔑᑡᐎᓐ ᑕ ᒪᒋ ᐋᓕᒧᒋᑳᑌᐤ᙮
ᑖᐱᔅᑯᒡ ᓀᔥᑕ ᒥᓯᐌ ᐅ ᒪᓯᓇᐊᒫᑫᐎᓂᒃ, ᐁᑯᑕ ᐁ ᐋᓕᒧᑕᒃ ᐅᐅ ᑫᒀᓇ; ᐁᑯᑕ ᐁᑕᑾᑭ ᐋᑎᑦ ᑫᒀᓇ ᑳ ᐋᓕᒪᑭ ᑭᒋ ᓂᓯᑐᒋᑳᑌᑭ, ᐊᓂᑭ ᐁᑳ ᑳ ᐅ ᑭᔅᑫᓕᑕᒧᐎᓂᒋᒃ ᓀᔥᑕ ᐁᑳ ᑳ ᐋᔨᒋᑳᐸᐎᒋᒃ ᑳ ᐙᑭᓇᑭᒃ, ᑖᐱᔅᑯᒡ ᓀᔥᑕ ᐁ ᐃᑐᑕᑭᒃ ᑯᑕᑭᔭ ᑭᒋ ᒪᓯᓇᐃᑫᐎᓇ ᑎᐱᓚᐌ ᐅ ᓂᔑᐗᓈᑎᓯᐎᓂᐙᒃ ᐃᔑ᙮
ᑭᓚᓇᓇᐤ ᐃᑕ ᐁ ᐃᑖᔭᒃ ᑮ ᐅᒋ ᐗᓚᐎᐗᒃ, ᒫᑲ ᓇᒪᐎᓚ ᑭ ᑮ ᐅᐎᒉᐙᑲᓂᓈᐤ: ᐌᓴ ᑮᔥᐱᓐ ᑮ ᐅᐎᒉᐙᑲᓂᔭᒃ, ᑫᔮᐸᒡ ᑭ ᑳ ᐎᒉᐎᑯᑖᓇᐗᒃ; ᒫᑲ ᑮ ᐗᓚᐎᐗᒃ ᑭᒋ ᑭᔅᑫᓕᑖᑯᓯᒋᒃ ᐁᑳ ᒥᓯᐌ ᐁ ᑮ ᐅᐎᒉᐙᑲᓂᔭᒃ᙮
ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮
