ᓂᔥᑕᒻ ᑎᒧᑎ 5:10 - ᐅᔅᑭ ᑎᔅᑌᒥᓐᑦ

¹⁰ ᐁ ᒥᓗᐃᑖᒋᒫᑲᓂᐎᑦ ᒥᓗ ᐊᑑᔅᑫᐎᓇ ᐅᒋ; ᑮᔥᐱᓐ ᑳ ᐅᐱᑭᐋᑴ ᐊᐙᔑᔕ, ᑮᔥᐱᓐ ᑳ ᐱᑐᑲᐋᑴ ᒫᓐᑌᐗ, ᑮᔥᐱᓐ ᑳ ᑭᓯᐯᑭᓇᒧᑴ ᐅᐸᓓᑭᓴ ᐅᓯᑎᓕᐗ, ᑮᔥᐱᓐ ᑳ ᓂᔕᑲᒪᐙᑴ ᑳ ᑲᒀᑕᑭᓯᓕᒋ, ᑮᔥᐱᓐ ᑳ ᑭᓯᓴᐎᓯᐎ ᐱᒥᑎᔕᐊᒧᑴ ᒥᓯᐌ ᑕᑐ ᒥᓗ ᐊᑖᔅᑫᐎᓂᓕᐤ᙮

ᓂᔥᑕᒻ ᑎᒧᑎ 5:10 Iomraidhean Croise

ᐅᐸᓓᑭᔅ ᒫᑎᐤ 25:17

ᑖᐱᔅᑯᒡ ᓀᔥᑕ ᐊᓇ ᑳ ᑮ ᐅᑎᓈᑦ ᓂᔓ, ᑮ ᑕᑯᐁᐤ ᓀᔥᑕ ᑯᑕᑭᔭ ᓂᔓ᙮

ᐅᐸᓓᑭᔅ ᒫᑎᐤ 5:16

ᐁᑯᔑ ᑮ ᐙᔅᑌᐄᓂᐗᐤ ᑲᑕ ᐃᔑ ᒐᑳᔅᑌᔅᑳᑯᐗᒃ ᐃᓕᓕᐗᒃ, ᑭᒋ ᑮ ᐙᐸᑕᑭᒃ ᑭ ᒥᓗ ᐊᑑᔅᑫᐄᓂᐙᐗ, ᑭᒋ ᑭᔅᑖᒋᒫᒋᒃ ᒫᑲ ᑯᑖᐎᐙᐗ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᓘᒃ 7:38

ᓀᔥᑕ ᑮ ᓂᐸᐎᐤ ᐅᓯᑎᓕᒃ ᐅᔅᐱᔅᑾᓂᓕᒃ ᐁ ᒫᑐᑦ, ᑮ ᐊᑎ ᑭᒋᔅᑖᐸᐗᓯᑌᓀᐤ ᒫᑲ ᐁ ᐅᒋᑲᐙᐱᑦ, ᓀᔥᑕ ᑮ ᑳᓯᓇᒬᐤ ᐅᔅᑎᒀᓂᐱᐗᔭ ᐅᒋ, ᓀᔥᑕ ᑮ ᐅᒉᑕᒬᐤ ᐅᓯᑎᓕᐗ, ᑮ ᑕᒪᔅᑯᓇᒬᐤ ᒫᑲ ᑕᒪᔅᑯᐎᓂᓕᐤ ᐅᒋ᙮

ᐅᐸᓓᑭᔅ ᓘᒃ 7:44

ᑮ ᑴᔅᑭᔅᑕᐌᐤ ᒫᑲ ᐃᔅᑴᐗ, ᑮ ᐃᑌᐤ ᒫᑲ ᓵᐃᒪᓇ, ᑭ ᐙᐸᒪᐤ ᓈ ᐊᐗ ᐃᔅᑴᐤ? ᓂ ᑮ ᐱᑐᑳᓐ ᑭ ᐙᔅᑳᔨᑲᓂᒥᒃ: ᓇᒪᐎᓚ ᒫᑲ ᑭ ᐅᒋ ᒥᓕᓐ ᓂᐱ ᑭᒋ ᑭᒋᔅᑖᐸᐗᑖᓂᐗᑭ ᓂᓯᑕ; ᒫᑲ ᐎᓚ ᓂ ᑮ ᑭᒋᔅᑕᐹᐗᓯᑌᓂᒃ ᐁ ᐅᒋᑲᐙᐱᑦ, ᓀᔥᑕ ᑮ  ᑳᓯᓇᒻ ᐅᔅᑎᒀᓂᐱᐙᔭ ᐅᒋ᙮

ᐊᐸᔅᑕᓚᒃ 10:22

ᑮ ᐃᑗᐗᒃ ᒫᑲ, ᑳᕐᓂᓕᔭᔅ ᑳ ᓇᑐᐸᓕᐎ ᐅᑭᒫᐎᑦ, ᒀᔭᔉ ᑳ ᐃᑎᑦ ᐃᓕᓕᐤ, ᓀᔥᑕ ᐊᐌᓇ ᑳ ᓇᓂᒋᔅᑕᐙᑦ ᑭᒋᒪᓂᑐᐗ, ᓀᔥᑕ ᑳ ᒥᓨᒋᒥᑯᑦ ᒥᓯᐌ ᒫᒪᐤ ᐁ ᑕᑐᔅᑲᓀᓯᓕᒋ ᐊᓂᐃ ᒎᐗ, ᑮ ᐎᑕᒫᑯ ᑭᒋᒪᓂᑐᐗ ᐸᓓᑭ ᐁᓐᒐᓚ ᐅᒋ, ᑭᒋ ᓇᑐᒥᔉ ᐊᓐᑕ ᐅ ᐎᑭᓕᒃ, ᑭᒋ ᐯᑕᒃ ᒫᑲ ᐋᔭᒥᐎᓇ ᑭᓚ ᐅᒋ᙮

ᐊᐸᔅᑕᓚᒃ 22:12

ᐊᐌᓇ ᒫᑲ ᐋᓇᓈᐊᔅ, ᐁ ᒪᓂᑐᐋᑎᓰᑦ ᐃᓕᓕᐤ ᐁ ᐃᑌᔅᑌᓕᒃ ᐅᓚᔓᐌᐎᓂᓕᐤ, ᐁ ᒥᓗ ᐃᑖᒋᒥᑯᑦ ᒥᓯᐌ ᐊᓂᐃ ᒎᐗ ᐁᑯᑕ ᑳ ᑕᔑᑫᓖᒋ,

ᐊᐸᔅᑕᓚᒃ 6:3

ᐁᐗᑯ ᐌᒋ, ᓂᒋᔖᓂᑐᒃ, ᐗᐌᓚᐸᒥᑯᒃ ᑭᓚᐗᐤ ᐁ ᐃᑕᔑᔦᒃ ᐅᒋ ᓂᔂᔅ ᐃᓕᓕᐗᒃ ᑳ ᒀᔭᔅᑭᑖᑎᓯᐎ ᐋᓕᒧᒥᒋᒃ, ᑳ ᓴᑲᔅᑭᓀᔅᑳᑯᒋᒃ ᑳ ᐸᓓᑭᓯᓕᑭ ᐊᒑᑾ ᓀᔥᑕ ᑲᑫᑕᐌᓕᑕᒧᐎᓂᓕᐤ, ᐊᓂᑭ ᑫ ᑮ ᑎᐯᓕᑕᒥᐊᑭᒋᒃ ᐅᒪ ᐃᑖᐸᑎᓯᐎᓐ᙮

ᐊᐸᔅᑕᓚᒃ 9:36

ᐁᑯ ᑳ ᐃᑖᑦ ᐊᓐᑕ ᒐᐸᐃᒃ ᐯᔭᒃ ᑭᔅᑭᓄᐊᒪᐙᑲᓐ ᑖᐱᑕ ᐁ ᐃᔑᓂᑳᓱᑦ, ᐊᓂᒪ ᐁ ᐃᑗᔅᒋᑳᑕᒃ ᑐᕐᑲᔅ ᑳ ᐃᑣᓂᐗᒃ: ᐊᐗ ᐃᔅᑴᐤ ᑮ ᓵᑲᔅᑭᓀᐤ ᒥᓗ ᐊᑐᔅᑭᐎᓇ ᓀᔥᑕ ᐅᒌᔅᑕᒫᑫᐎᓇ ᑳ ᑮ ᑐᑕᒃ᙮

ᐊᐸᔅᑕᓚᒃ 9:39

ᐁᑯ ᐱᑕᕐ ᑳ ᐸᓯᑯᑦ, ᑮ ᐎᒉᐌᐤ ᒫᑲ᙮ ᐃᔅᐱ ᑳ ᑕᑯᔑᒃ, ᑮ ᐯᒋ ᐱᑐᑲᐁᐗᒃ ᐊᓐᑕ ᑕᑯᒡ ᑳ ᐱᔅᑭᒑᒃ ᐙᔅᑳᔨᑲᓂᓕᐤ: ᒥᓯᐌ ᒫᑲ ᑳ ᑭᐙᑎᓯᓕᒋ ᐃᔅᑴᐗ ᑮ ᐎᒋᑲᐸᐎᔅᑖᑯ ᐁ ᒫᑐᓕᒋ, ᓀᔥᑕ ᐁ ᐗᐗᐸᑎᓛᓕᒋ ᐊᓂᐃ ᐊᑰᐸ ᓀᔥᑕ ᐎᓛᒋᑲᓇ ᑳ ᑮ ᐅᔑᑖᓕᒋ ᑐᕐᑲᓴ ᒣᒀᒡ ᐁ ᐗᐎᒉᐎᑯᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:13

ᐁ ᒫᑎᓇᒪᐌᑾᒃ ᑳ ᒪᓀᓯᒋᒃ ᐅᑕᔭᒥᐋᐗᒃ; ᐁ ᐎ ᒥᓗᑳᑫᔦᒃ᙮

ᐃᐱᓯᔭᓇ 2:10

ᐌᓴ ᑭᓚᓈᓇᐤ ᐎᓚ ᐅᑦ ᐅᔑᐋᑲᓇ, ᐁ ᑮ ᐅᔑᐃᑲᐎᔭᒃ ᙭ ᒋᓴᓯᒃ ᒥᓗ ᐊᑑᔅᑫᐎᓂᒃ ᐃᔑ, ᐊᓂᐃ ᑭᒋᒪᓂᑐ ᑳ ᑮ ᐅᓚᑭᑕᒃ ᑭᒋ ᐱᒧᑖᑕᒪᒃ᙮

ᑯᓚᔑᔭᓇ 1:10

ᑭᒋ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᐅᑎᐯᓕᒋᑫᐤ, ᒥᓯᐌ ᐁ ᓇᐃᓚᐌᐁᒃ, ᐁ ᒥᓂᔑᐎᔦᒃ ᒥᓯᐌ ᒥᓗ ᐊᑑᔅᑫᐎᓂᒃ, ᓀᔥᑕ ᐁ ᓚᑭ ᑭᔅᑫᓕᒣᒃ ᑭᒋᒪᓂᑐ;

ᓂᔥᑕᒻ ᑎᒧᑎ 2:10

ᒫᑲ (ᑖᐱᔅᑯᒡ ᑫ ᐃᑎᐙᔅᐸᓐ ᐃᔅᑴᐗᒃ ᑳ ᐎᑕᑭᐤ ᐁ ᓵᑭᑖᒋᒃ ᒪᓂᑐᐙᑎᓯᐎᓂᓕᐤ) ᒥᓗ ᐊᑑᔅᑫᐎᓇ ᐅᒋ᙮

ᓂᔥᑕᒻ ᑎᒧᑎ 3:2

ᑭᒋᐋᔭᒥᐁᐎᑭᒪᐤ ᒫᑲ ᑫᒋᓈᔥ ᑲᑕ ᒥᓗᐃᑌᓕᑖᑯᓯᐤ, ᐁ ᐅ ᓈᐯᒥᒥᑯᑦ ᐯᔭᒃ ᐃᔅᑴᐗ, ᐁ ᑭᓯᓴᐎᓰᑦ, ᐁ ᐯᑳᒡ ᐃᑖᑎᓰᑦ, ᐁ ᒥᓦᑎᓰᑦ ᑭᔐᐙᑐᑕᐙᑦ ᒫᓐᑌᐗ, ᐁ ᑲᔥᑭᑖᑦ ᑭᒋ ᑭᔅᑭᓄᐊᒫᑫᑦ;

ᓂᔥᑕᒻ ᑎᒧᑎ 3:7

ᓀᔥᑕ ᒫᑲ, ᑲᑕ ᒥᓗ ᐊᓕᒧᒥᑯ ᐊᓂᐃ ᐗᓚᐎᑎᒥᒃ ᑳ ᐃᑖᓕᒋ, ᒫᔅᑯᒡ ᐅᑐᑫ ᑳᑕ ᐸᑭᔑᓐ ᑭᑐᑎᑯᓯᐎᓂᒃ ᓀᔥᑕ ᐅ ᓇᒀᑲᓂᓕᒃ ᒪᒋᒪᓂᑐᐗ᙮

ᓂᔥᑕᒻ ᑎᒧᑎ 5:16

ᑮᔥᐱᓐ ᐊᐌᓇ ᓈᐯᐤ ᓀᔥᑕᐱᑯ ᐃᔅᑴᐤ ᑳ ᑖᐺᔦᓕᑕᒃ ᐃᐋᔭᐙᑴ ᑭᑎᒫᑭᔅᑴᐗ, ᐁᑯᔑ ᑲᑕ ᐅᒋᔅᑕᒪᐌᐗᒃ, ᒫᒪᐎᐋᔭᒥᐋᐗᒃ ᐁᑳ ᑭᒋ ᓇᑕᐌᓕᒫᒋᒃ ᑭᒋ ᐅᑎᓇᒪᐙᒋᒃ; ᑭᒋ ᑮ ᐅᒋᔅᑕᒪᐙᒋᒃ ᐊᓂᐃ ᑖᐺ ᑳ ᑭᑎᒪᑭᔅᑴᐎᓕᒋ᙮

ᓂᔥᑕᒻ ᑎᒧᑎ 5:25

ᑖᐱᔅᑯᒡ ᓀᔥᑕ ᐅ ᒥᓗ ᐊᑑᔅᑫᐎᓂᐙᐗ ᐋᑎᑦ ᐃᓕᓕᐗᒃ ᓂᑳᓐ ᓄᑾᓂᓕᐗ, ᓀᔥᑕ ᐊᓂᐃ ᐱᑐᔥ ᑳ ᐃᔑᑡᒪᑲᑭ ᓇᒪᐎᓚ ᑲᑕ ᑮ ᑳᒋᑳᑌᐗ᙮

ᓂᔥᑕᒻ ᑎᒧᑎ 6:18

ᑭᒋ ᒥᓗ ᑐᑖᑫᒋᒃ, ᑭᒋ ᐌᓗᑎᓯᒋᒃ ᒥᓗ ᐊᑑᔅᑫᐎᓂᒃ, ᑭᒋ ᒥᓜᓕᑕᑭᒃ ᐁ ᒫᑎᓇᒫᑫᒋᒃ, ᑭᒋ ᓯᑭᓓᓯᒋᒃ ᐁ ᒥᓕᐌᒋᒃ;

ᓂᔓ ᑎᒧᑎ 1:5

ᐃᔅᐱ ᑫᔅᑭᓯᑐᑕᒫᓂ ᐊᓂᒪ ᑖᐺ ᑖᐺᔦᓕᑕᒧᐎᓐ ᑳ ᐱᒋᔅᑳᑯᔭᓐ, ᓂᔥᑕᒻ ᑳ ᑮ ᐱᒋᔅᑳᑯᑦ ᑯᑯᒻ ᓗᐃᔅ ᓀᔥᑕ ᑭᑳᐎ ᐃᔫᓂᔅ; ᓀᔥᑕ ᓂ ᑫᒋᓇᐅᓐ ᑭᓚ ᐊᓯᒋ ᐁ ᐱᒋᔅᑳᑯᔭᓐ᙮

ᓂᔓ ᑎᒧᑎ 2:21

ᑮᔥᐱᓐ ᒫᑲ ᐊᐌᓇ ᐃᓕᓕᐤ ᐯᓓᑭᐃᑎᓱᑴ ᐅᐅ ᐅᒋ, ᑲᑕ ᐊᓱᐗᒋᑲᓂᐎᐤ ᑭᔅᑌᓕᑖᑯᓯᐎᓂᒃ, ᐁ ᐸᓓᑭᐋᑲᓂᐎᑦ ᓀᔥᑕ ᐁ ᑌᐱᐋᐱᔅᑌᓕᑖᑯᓯᑦ ᑭᒋ ᐋᐸᒋᐃᑯᑦ ᐅᑭᒫᐗ, ᐁ ᐙᐌᔑᐋᑲᓂᐎᑦ ᒥᓯᐌ ᑕᑐ ᒥᓗ ᐊᑐᔅᑫᐎᓂᒃ ᐃᔑ᙮

ᓂᔓ ᑎᒧᑎ 3:15

ᓀᔥᑕ ᐁ ᐊᐙᔑᔑᐎᔭᓐ ᐁ ᑮ ᐯᒋ ᑭᔅᑫᓕᑕᒪᓐ ᐸᓓᑭ ᒪᓯᓇᐃᑫᐎᓇ, ᑫ ᑮ ᑲᑫᑕᐌᓕᑕᒥᐃᑯᔭᓐ ᐱᒫᒋᐃᐌᐎᓂᒃ ᐃᔑ, ᑖᐺᔦᓕᑕᒧᐎᓐ ᐅᒋ ᙭ ᒋᓴᓯᒃ ᑳ ᐃᑕᑾᒃ᙮

ᓂᔓ ᑎᒧᑎ 3:17

ᐊᓇ ᑭᒋᒪᓂᑐ ᐅᑦ ᐃᓕᓕᒪ ᑭᒋ ᑮ ᐅᒋ ᑐᓂᐎᓯᑦ, ᒥᑐᓂ ᐁ ᐋᔦᔅᑲᐎᐋᑲᓂᐎᑦ ᒥᓯᐌ ᒥᓗ ᐊᑑᔅᑫᐎᓇ ᐃᔑ᙮

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᑕᐃᑕᔅ 2:7

ᒥᓯᐌ ᑫᒀᓐ ᐃᔑ ᐁ ᐙᐸᑎᓕᐌᔭᓐ ᑭᒋ ᑭᔅᑭᓄᐙᐸᒥᑲᐎᔭᓐ ᒥᓗ ᐊᑑᔅᑫᐎᓂᒃ: ᑭᔅᑭᓄᐊᒫᑫᐎᓂᒃ ᐁ ᐙᐸᑎᓕᐌᔭᓐ ᐸᓓᑭᓯᐎᓐ, ᓕᑆᑳᐎᓐ, ᒀᔭᔉ ᐃᑌᓕᑕᒧᐎᓐ;

ᑕᐃᑕᔅ 3:1

ᑭᔅᑭᓯᑐᑕᒥᐃᒃ ᑭᒋ ᓇᓇᐃᑕᑭᒃ ᑎᐯᓕᒋᑫᐎᓇ ᓀᔥᑕ ᓱᑳᑎᓯᐎᓇ, ᑭᒋ ᓇᓇᐃᑕᐙᒋᒃ ᐅᓚᔓᐌᐎᑭᒪᐗ, ᑭᒋ ᐎ ᑐᑕᑭᒃ ᒥᓯᐌ ᑕᑐ ᒥᓗ ᐊᑑᔅᑫᐎᓂᓕᐤ,

ᑕᐃᑕᔅ 3:14

ᐁᑯᔑ ᒫᑲ ᐊᓂᑭ ᑳ ᑎᐱᓚᐌᐎᓯᔭᒃ ᑲᑕ ᐎ ᑲᑴ ᑭᔅᑫᓕᑕᒶᒃ ᑭᒋ ᓄᑯᑖᒋᒃ ᒥᓗ ᐊᑑᔅᑫᐎᓇ ᐁ ᐃᔑ ᓇᐃᐸᓕᑭ, ᐁᑳ ᑭᒋ ᐁᑳ ᒥᓂᔑᐎᒋᒃ᙮

ᑕᐃᑕᔅ 3:8

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ; ᐅᐅ ᑫᑾᓇ ᓀᔥᑕ ᑭ ᓇᑕᐌᓕᒥᑎᓐ ᒧᔕᒃ ᑭᒋ ᐙᐎᑕᒪᓐ, ᐊᓂᑭ ᑳ ᑖᐺᔦᓕᒫᒋᒃ ᑭᒋᒪᓂᑐᐗ ᑭᒋ ᔮᒀᒥᓯᒋᒃ ᑭᒋ ᒥᓗ ᐊᑑᔅᑫᒋᒃ: ᐅᐅ ᑫᒀᓇ ᒥᓦᔑᓂᓕᐤ ᓀᔥᑕ ᐋᐸᑕᓂᓕᐤ ᐃᓕᓕᐗᒃ᙮

ᐦᐃᑉᕉᐗ 10:24

ᐁᑯᔑ ᒫᑲ ᒪᒥᑐᓀᓕᒥᑐᑕᐤ ᑭᒋ ᔑᑭᐃᑐᔭᒃ ᑭᒋ ᐙᐸᑎᓕᐌᔭᒃ ᓵᑭᐃᐌᐎᓐ, ᓀᔥᑕ ᒥᓗ ᐊᑑᔅᑫᐎᓇ;

ᐦᐃᑉᕉᐗ 13:2

ᐁᑳᐎᓚ ᐗᓂᑭᔅᑭᓯᒃ ᑭᒋ ᐱᑐᑲᐁᑾᒃ ᒫᓐᑌᐗᒃ: ᐌᓴ ᐁᐗᑯ ᐅᒋ ᐋᑎᑦ ᑮ ᐱᑐᑲᐁᐗᒃ ᐁᓐᒐᓚ ᐁᑳ ᐁ ᑭᔅᑫᓕᑕᑭᒃ᙮

ᐦᐃᑉᕉᐗ 13:21

ᑭ ᑳ ᐎ ᒥᑐᓂᐎᐃᑯᐗᐤ ᒥᓯᐌ ᑕᑐ ᒥᓗ ᐊᑑᔅᑫᐎᓂᒃ ᑭᒋ ᑐᑕᒬᒃ ᐅᑦ ᐃᑌᓕᑕᒧᐎᓐ, ᐁ ᐃᔑᒋᑫᑦ ᐱᒋ ᑭᔭᐎᐙᒃ ᐊᓂᐁᓕᐤ ᑳ ᒥᓗ ᑲᓇᐙᐸᑕᒃ, ᐎᓚ ᐅᒋ ᒋᓴᔅ ᙭: ᐊᓇ ᑫ ᑭᔅᑌᓕᑖᑯᐋᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᐱᑕᕐ 2:12

ᒀᔭᔉ ᐁ ᐃᑎᔦᒃ ᑭᑦ ᐃᔑᐱᒫᑎᓯᐎᓂᐙᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ: ᐋᑕ ᐁ ᐸᑾᓄᒥᑖᑾᒃ ᑖᐱᔅᑯᒡ ᐅᒪᒋᐋᔨᑎᐗ, ᐁᓕᐌᒃ ᒫᑲ ᑭ ᒥᓗ ᐊᑑᔅᑫᐎᓂᐙᐗ, ᑫ ᐙᐸᑕᑭᒃ, ᑭᒋ ᐅᒋ ᒫᒥᒋᒫᒋᒃ ᑭᒋᒪᓂᑐᐗ ᓇᑕᐙᐸᒥᐌᐎ ᑭᔑᑳᑫ᙮

ᓂᔥᑕᒻ ᐱᑕᕐ 4:9

ᒫᒦᔅᑯᒃ ᓇᓈᐃᑳᑐᒃ, ᐁᑳ ᐁ ᐎᔭᑫᓕᑕᒣᒃ ᑳ ᑐᑖᑐᔦᒃ᙮

ᓂᔅᑐ ᒑᓐ 1:12

ᑎᒥᑦᕆᔭᔅ ᒥᓗ ᑎᐹᒋᒥᑯ ᒥᓯᐌ ᐃᓕᓕᐗ, ᓀᔥᑕ ᑖᐺᐎᓂᓕᐤ ᑫᒋᐙᒃ: ᐁᐁ, ᓂᓚᓈᓐ ᓀᔥᑕ ᓂᑦ ᐃᑖᒋᒫᓈᓐ; ᑭ ᑭᔅᑫᓕᑌᓐ ᒫᑲ ᓂ ᑎᐹᒋᒧᐎᓂᓈᐤ ᐁ ᑖᐺᒪᑲᒃ᙮