ᓂᔥᑕᒻ ᑎᒧᑎ 4:7 - ᐅᔅᑭ ᑎᔅᑌᒥᓐᑦ

⁷ ᒫᑲ ᐋᑕᐌᓕᑕ ᐸᑾᓐᑕᐤ ᓀᔥᑕ ᓄᑐᑫᐗᒃ ᐅᑦ ᐊᑕᓗᑳᓂᐗᐗ, ᓀᔥᑕ ᒪᓂᑐᐙᑎᓯᐎᓂᒃ ᐃᔑ ᐊᑑᔅᑫᐃᑎᓱ᙮

ᓂᔥᑕᒻ ᑎᒧᑎ 4:7 Iomraidhean Croise

ᐊᐸᔅᑕᓚᒃ 24:16

ᐅᑕ ᒫᑲ ᓂᑦ ᐅᒋ ᓈᑲᑕᐌᓕᒥᑎᓱᓐ ᒧᔕᒃ ᑭᒋ ᐅ ᒥᑐᓀᓕᒋᑲᓂᔮᓐ ᐁᑳ ᑭᒋ ᓈᔦᑕᐎᑐᑕᐗᒃ ᑭᒋᒪᓂᑐ, ᓀᔥᑕ ᐃᓕᓕᐗᒃ᙮

ᓂᔥᑕᒻ ᑎᒧᑎ 1:4

ᐁᑳ ᓀᔥᑕ ᑭᒋ ᐱᓯᔅᑫᓕᑕᑭᒃ ᑭᓛᔅᑭᐙᒋᒧᐎᓇ ᓀᔥᑕ ᐁᑳ ᐎᔅᑳᑦ ᑳ ᐳᓂᐸᓕᑭ ᐊᔮᓂᔅᑫᐋᔭᒥᐎᓇ, ᑳ ᐅᒋ ᐅᒋᐸᓕᑭ ᑲᑴᒋᒥᑐᐎᓇ ᐊᐙᓯᑌ ᐃᔥᐱᔥ ᒪᓂᑐᐎ ᑭᔅᑭᓄᐊᒫᑫᐎᓐ ᑖᐺᔦᓕᑕᒧᐎᓂᒃ ᑳ ᐃᑕᑾᒃ᙮

ᓂᔥᑕᒻ ᑎᒧᑎ 1:9

ᐅᒪ ᐁ ᑭᔅᑫᓕᒋᑳᑌᒃ, ᐅᓚᔓᐌᐎᓐ ᐁᑳ ᐁ ᑮ ᐅᔑᑕᒫᑦ ᑳ ᒀᔭᔅᑭᑖᑎᓰᑦ ᐃᓕᓕᐤ, ᒫᑲ ᐁᑳ ᑳ ᑲᓇᐌᓕᑕᑭᒃ ᐅᓚᔓᐌᐎᓂᓕᐤ, ᑳ ᔑᐱᑕᑭᒃ, ᐁᑳ ᑳ ᒪᓂᑐᐙᑎᓯᒋᒃ ᓀᔥᑕ ᑳ ᒪᒋᑣᒋᒃ, ᑳ ᒪᒑᑎᓯᒋᒃ, ᓀᔥᑕ ᑳ ᒪᒋᐃᑗᔅᑭᒋᒃ, ᑳ ᓂᐸᐋᒋᒃ ᐅᑖᐎᐗᐗ, ᓀᔥᑕ ᑳ ᓂᐸᐋᒋᒃ ᐅᑳᐎᐗᐗ, ᓀᔥᑕ ᑳ ᓂᐸᐋᒋᒃ ᐃᓕᓕᐗ,

ᓂᔥᑕᒻ ᑎᒧᑎ 2:10

ᒫᑲ (ᑖᐱᔅᑯᒡ ᑫ ᐃᑎᐙᔅᐸᓐ ᐃᔅᑴᐗᒃ ᑳ ᐎᑕᑭᐤ ᐁ ᓵᑭᑖᒋᒃ ᒪᓂᑐᐙᑎᓯᐎᓂᓕᐤ) ᒥᓗ ᐊᑑᔅᑫᐎᓇ ᐅᒋ᙮

ᓂᔥᑕᒻ ᑎᒧᑎ 3:16

ᓀᔥᑕ ᐁᑳ ᐁ ᑶᑕᐎᐃᑌᓕᒋᑳᑌᒃ ᑭᔅᑌᓕᑖᑾᓐ ᐁ ᐃᔑ ᒫᒪᔅᑳᑌᓕᑖᑾᒃ ᒪᓂᑐᐙᑎᓯᐎᓐ: ᑭᒋᒪᓂᑐ ᑮ ᓄᑯᐊᐤ ᐎᔮᓯᒃ, ᑭ ᒀᔭᔅᑲᑎᓯᐊᐤ ᐊᒑᑯᒃ, ᑮ ᐙᐸᒥᑯ ᐁᓐᒐᓚ, ᑮ ᐋᓕᒧᑕᒧᐗᐗᒃ ᒉᓐᑖᐃᓚᒃ, ᑮ ᑖᐺᔦᓕᒪᐤ ᐊᔅᑮᒃ, ᐃᔥᐱᒥᒃ ᑮ ᐅᑎᓇᐤ ᑭᔅᑌᓕᑖᑯᓯᐎᓂᒃ᙮

ᓂᔥᑕᒻ ᑎᒧᑎ 4:8

ᐌᓴ ᒥᔭᐎ ᐊᑑᔅᑫᐃᑎᓱᐎᓐ ᐋᐱᔑᔥ ᐱᑯ ᐋᐸᑕᓐ: ᒫᑲ ᒪᓂᑐᐙᑎᓯᐎᓐ ᒥᓯᐌ ᐃᔑ ᐃᑖᐸᑕᓐ, ᐁ ᐋᔮᒪᑲᒃ ᐊᔓᑕᒫᑫᐎᓐ ᐊᓂᒪ ᐱᒫᑎᓯᐎᓐ ᐅᒋ ᐊᓄᒡ ᑳ ᐃᑕᑾᒃ, ᓀᔥᑕ ᐊᓂᒪ ᑫ ᐹᐸᓕᒃ᙮

ᓂᔥᑕᒻ ᑎᒧᑎ 6:11

ᒫᑲ ᑭᓚ ᑳ ᐅᑦ ᐃᓕᓕᒥᒥᔉ ᑭᒋᒪᓂᑐ, ᐅᔑᒧᔅᑕ ᐅᐅ ᑫᒀᓇ: ᓄᔅᐱᓇᑖ ᒫᑲ ᒀᔭᔅᑭᑖᑎᓯᐎᓐ, ᒪᓂᑐᐙᑎᓯᐎᓐ, ᑖᐺᔦᓕᑕᒧᐎᓐ, ᓵᑭᐃᐌᐎᓐ, ᔑᐱᓚᐌᓯᐎᓐ, ᓗᔅᑳᑎᓯᐎᓐ᙮

ᓂᔥᑕᒻ ᑎᒧᑎ 6:20

ᐅ ᑎᒧᑎ, ᑲᓇᐌᓕᑕ ᐊᓂᒪ ᑳ ᑲᓇᐌᓕᑎᓕᑲᐎᔭᓐ, ᐁ ᐌᐱᓇᒪᓐ ᒪᒋ ᓀᔥᑕ ᐸᑾᓐᑕᐤ ᐱᑭᔅᑴᐎᓇ, ᓀᔥᑕ ᓇᔅᑯᔅᑕᒧᐎᓇ ᑳ ᐅᒋᐸᓕᑭ ᑭᔅᑫᓕᑕᒧᐎᓂᒃ ᐁᑳ ᒀᔭᔉ ᒫᑲ ᐅᒪ ᐁ ᐃᔑᓂᑳᑌᒃ;

ᓂᔥᑕᒻ ᑎᒧᑎ 6:3

ᑮᔥᐱᓐ ᐊᐌᓇ ᐱᑐᔥ ᐃᔑ ᑭᔅᑭᓄᐊᒫᑫᒋ, ᓀᔥᑕ ᐁᑳ ᓇᔅᑯᑕᑭ ᐱᒫᑎᓯᐎ ᐋᔭᒥᐎᓇ, ᐊᓂᐃ ᐅᑎ ᐅᑦ ᐋᔭᒥᐎᓇ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᐊᓂᒪ ᑭᔅᑭᓄᐊᒫᑫᐎᓐ ᒪᓂᑐᐙᑎᓯᐎᓂᒃ ᑳ ᐃᑕᔅᑌᒃ:

ᓂᔥᑕᒻ ᑎᒧᑎ 6:5

ᐃᓕᓕᐗᒃ ᐁ ᒪᒋᑡᒪᑲᓂᓕᑭ ᐅ ᒥᑐᓀᓕᒋᑲᓂᐗᐗ ᐁ ᒪᒋ ᐋᔑᑌᒥᑐᒋᒃ, ᐁᑳ ᓀᔥᑕ ᐁ ᐋᔮᒋᒃ ᑖᐺᐎᓂᓕᐤ, ᐅᑎᓯᐎᓐ ᐁᐗᑯ ᒪᓂᑐᐙᑎᓯᐎᓐ ᐁ ᐃᑌᓕᑕᑭᒃ: ᐁᑯ ᑐᐎ ᓇᑲᔑᒃ᙮

ᓂᔓ ᑎᒧᑎ 2:16

ᒫᑲ ᐋᑕᐌᓕᑕ ᒪᒋ ᓀᔥᑕ ᐸᑾᓐᑕ ᐱᑭᔅᑴᐎᓇ; ᐌᓴ ᐊᐙᓯᑌ ᑲᑕ ᓚᑭᐅᒪᑲᓋ ᒪᒑᑎᓯᐎᓂᒃ ᐃᔑ᙮

ᓂᔓ ᑎᒧᑎ 2:23

ᒫᑲ ᑲᑫᐹᑎᓯᐎ ᓀᔥᑕ ᐁᑳᑭᔅᑫᓕᑖᑯᓯᐎ ᑲᑫᒋᑫᒧᐎᓇ ᐋᑕᐌᓕᑕ, ᐁ ᑭᔅᑫᓕᑕᒪᓐ ᐁ ᓂᑕᐎᑭᑖᒪᑲᑭ ᒀᓗᑐᑖᑐᐎᓇ;

ᓂᔓ ᑎᒧᑎ 3:12

ᐁᐁ, ᒥᓯᐌ ᐊᓂᑭ ᑫ ᐎ ᒪᓂᑐᐙᑎᓯᒋᒃ ᙭ ᒋᓴᓯᒃ ᑲᑕ ᑲᒀᑕᑭᐋᑲᓂᐎᐗᒃ᙮

ᓂᔓ ᑎᒧᑎ 3:5

ᐁ ᐋᔮᒋᒃ ᐁ ᐃᑌᓕᑖᑾᓂᓕᒃ ᒪᓂᑐᐙᑎᓯᐎᓂᓕᐤ, ᒫᑲ ᐁ ᐋᓉᑕᑭᒃ ᐁ ᐃᔑ ᑲᔥᑭᐅᒪᑲᓂᓕᒃ: ᐅᑯ ᑐᐎ ᒫᑲ ᓇᑲᔑᒃ᙮

ᓂᔓ ᑎᒧᑎ 4:4

ᑲᑕ ᐃᑲᑌᓇᒶᒃ ᐅᑕᐙᑲᐙᐗ ᑖᐺᐎᓂᒃ ᐅᒋ, ᑲᑕ ᐸᔅᑫᐗᒃ ᒫᑲ ᑭᒋ ᓈᑕᑭᒃ ᐋᑕᓗᑳᓇ᙮

ᑕᐃᑕᔅ 1:14

ᐁᑳ ᐁ ᐹᐱᓯᔅᑫᓕᑕᑭᒃ ᒎᐎ ᐋᑕᓗᑳᓇ, ᓀᔥᑕ ᐅ ᑲᑫᔅᑴᐎᓂᓕᐗ ᐃᓕᓕᐗ ᑳ ᓇᑲᑕᒥᓕᒋ ᑖᐺᐎᓂᓕᐤ᙮

ᑕᐃᑕᔅ 2:12

ᐁ ᑭᔅᑭᓄᐊᒫᑯᔭᒃ, ᐁ ᐋᓉᑕᒪᒃ ᒪᒑᑎᓯᐎᓐ ᓀᔥᑕ ᐊᔅᑭᐎ ᓇᑕᐌᓕᒋᑫᐎᓇ, ᑭᒋ ᐯᑳᒡ ᐱᒫᑎᓯᔭᒃ, ᑭᒋ ᒀᔭᔅᑭᑖᑎᓯᔭᒃ, ᓀᔥᑕ ᒪᓂᑐᐙᑎᓯᔭᒃ, ᐅᒪ ᐊᔅᑮᒃ ᐊᓄᒡ ᑳ ᐃᑕᑾᒃ;

ᑕᐃᑕᔅ 3:9

ᒫᑲ ᐁᑳ ᐱᓯᔅᑫᓕᑕ ᑲᑫᐹᑎᓯᐎ ᑲᑴᒋᑫᒧᐎᓇ, ᓀᔥᑕ ᐋᔮᓂᔅᑫᐋᔭᒥᐎᓇ, ᓀᔥᑕ ᑾᓗᑐᑖᑫᐎᓇ ᓀᔥᑕ ᐋᔑᑌᒥᐌᐎᓇ ᐅᓚᔓᐌᐎᓐ ᐅᒋ; ᐌᓴ ᓇᒪᐎᓚ ᐙᔦᔥ ᐃᑖᐸᑕᓋ ᓀᔥᑕ ᐸᑾᓐᑕᐤ ᐃᑌᓕᑖᑾᓋ᙮

ᐦᐃᑉᕉᐗ 5:14

ᒫᑲ ᑳ ᒪᔥᑲᐙᓕᒃ ᒥᒋᒥᓕᐤ ᐋᐸᒋᑕᐗᒃ ᐊᓂᑭ ᑳ ᑭᔑᓂᑕᐎᑭᒋᒃ, ᐊᓂᑭ ᐅᑎ, ᒧᔕᒃ ᐁ ᑐᑕᑭᒃ, ᐋᐸᒋᑕᐗᒃ ᐅ ᒥᑐᓀᓕᒋᑲᓂᐗᐗ ᑭᒋ ᓂᓯᑕᐌᓕᑕᑭᒃ ᑳ ᒥᓨᔑᓂᓕᒃ ᓀᔥᑕ ᑳ ᒫᓛᑕᓂᓕᒃ᙮