ᓂᔥᑕᒻ ᑎᒧᑎ 4:6 - ᐅᔅᑭ ᑎᔅᑌᒥᓐᑦ

⁶ ᑮᔥᐱᓐ ᐅᐅ ᑭᔅᑭᓯᑐᑕᒥᐊᑡᐌ ᐎᒋᔖᓂᒪᐗᒃ, ᑭ ᑳ ᒥᓗ ᐋᔭᒥᐊᐎ ᐊᑑᔅᑫᓛᑲᓂᒥᒥᒃ ᒋᓴᔅ ᙭, ᐁ ᐅᐱᑭᔭᓐ ᑖᐺᔦᓕᑕᒧᐎᓂ ᐋᔭᒥᐎᓂᒃ ᓀᔥᑕ ᒥᓗ ᑭᔅᑭᓄᐊᒫᑫᐎᓂᒃ, ᐁᐗᑯ ᑳ ᑮ ᓄᔅᐱᓈᑕᒪᓐ᙮

ᓂᔥᑕᒻ ᑎᒧᑎ 4:6 Iomraidhean Croise

ᐅᐸᓓᑭᔅ ᒫᑎᐤ 13:52

ᐁᑯ ᐁᑖᑦ, ᐁᐗᑯ ᐅᒋ ᒥᓯᐌ ᑕᑐ ᐅᒪᓯᓇᐃᑫᐤ ᑳ ᑭᔅᑭᓄᐊᒫᑦ ᑭᒋᑭᔑᑳᐎ ᐅᑭᒫᐎᐎᓂᒃ, ᓇᔅᐱᑕᐌᐤ ᐃᓕᓕᐗ ᑳ ᑎᐯᓕᑕᒥᓕᒋ ᐙᔅᑳᔨᑲᓂᓕᐤ, ᑳ ᐅᒋ ᐗᓚᐎᑕᑖᑦ ᐅ ᐌᓗᑎᓯᐎᓂᒃ ᐅᔥᑭ ᑫᒀᓇ ᓀᔥᑕ ᑳᔮᔥ ᑫᒀᓇ᙮

ᐅᐸᓓᑭᔅ ᓘᒃ 1:3

ᒥᓨᔑᓐ ᓀᔥᑕ ᓂᓚ ᐊᓯᒋ ᓂ ᑮ ᐃᑌᓕᑌᓐ, ᒥᑐᓂ ᐁ ᑮ ᓂᓯᑐᑕᒫᓐ ᒥᓯᐌ ᑫᒀᓇ ᒫᐗᒋ ᓃᔥᑕᒻ ᐅᒋ, ᑭᒋ ᒪᓯᓇᐊᒫᑖᓐ ᐁ ᑮ ᐃᔑ ᐊᑎ ᐃᑭᑭ, ᒫᐗᒡ ᑫᔅᑌᓕᑖᑯᓯᔮᓐ ᑎᐅᐱᓚᔅ,

ᐊᐸᔅᑕᓚᒃ 1:15

ᒣᒀᒡ ᒫᑲ ᐊᓂᐃ ᑭᔑᑳᐗ ᐱᑕᕐ ᑮ ᓂᐸᐎᐤ ᑌᑖᐎᒡ ᑭᔅᑭᓄᐊᒪᐙᑲᓇ, ᑮ ᐃᑗᐤ ᒫᑲ (ᐁ ᐃᑕᑎᓂᓕᑭ ᐅᑦ ᐃᔑᓂᑳᓱᐎᓂᐗᐗ ᓈᓐᑕᐤ ᒥᑖᑐᒥᑕᓇᐤ ᓂᔑᑎᓇᐤ ᓀᔥᑕ):

ᐊᐸᔅᑕᓚᒃ 20:31

ᐁᐗᑯ ᐅᒋ ᐊᔕᐙᐱᒃ, ᑭᔅᑭᓯᒃ ᒫᑲ, ᓂᔅᑐ ᐱᐳᓋ ᐃᔥᐱᔥ ᐁᑳ ᐁ ᐅᒋ ᑭᐱᒋᔮᓐ ᐁ ᔮᒀᒥᒪᒃ ᒥᓯᐌ ᑕᑐ ᐊᐌᓇ ᐁ ᑎᐱᔅᑲᒃ ᓀᔥᑕ ᐁ ᑭᔑᑳᒃ ᐁ ᐅᒋᑲᐙᐱᔮᓐ᙮

ᐊᐸᔅᑕᓚᒃ 20:35

ᒥᓯᐌ ᑫᒀᓇ ᑭ ᑮ ᐙᐸᑎᓕᑎᓈᐗᐤ, ᐊᓂᒪ ᐁ ᐋᐸᑎᓯᔦᒃ ᐅᒋ ᑭ ᑳ ᐅᑎᓇᒪᐗᑖᐙᐗᒃ ᐊᓂᑭ ᑳ ᓕᓚᒥᓯᒋᒃ, ᓀᔥᑕ ᑭᒋ ᑭᔅᑭᓯᑐᑕᒬᒃ ᐅᑦ ᐋᔭᒥᐎᓇ ᐅᑎᐯᓕᒋᑫᐤ ᒋᓴᔅ, ᑖᓂ ᑳ ᐃᔑ ᐃᑗᑦ, ᐊᐙᓯᑌ ᔕᐌᓕᑕᑯᓯᓇᓂᐗᓐ ᐁ ᒥᓕᐙᓂᐗᒃ ᐃᔥᐱᔥ ᐁ ᐅᑎᓂᑳᓂᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:15

ᐁᓕᐌᒃ ᒫᑲ, ᓂᒋᔖᓂᑕᒃ, ᐊᐙᓯᑌ ᑭ ᑮ ᓱᑭᑌᐁᐎ ᒪᓯᓇᐊᒫᑎᓇᐗᐤ, ᑭᒋ ᐃᔑ ᑭᔅᑭᓯᐃᑕᑾᒃ, ᐊᓂᒪ ᔕᐌᓕᒋᑫᐎᓐ ᐅᒋ ᑳ ᑮ ᒥᓕᑦ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 4:17

ᐅᒪ ᐅᒋ ᓀᔥᑕ ᑭ ᑮ ᐃᔑᑎᔕᐊᒫᑎᓇᐗᐤ ᑎᒧᑎᔭᔅ, ᐊᓇ ᑳ ᓵᑭᐊᒃ ᓂᑯᓯᔅ, ᓀᔥᑕ ᑳ ᑳᔭᔅᑭᑎᔅᑕᐙᑦ ᐅᑎᐯᓕᑭᑫᐗ, ᑫ ᑭᔅᑭᓯᑐᑕᒫᑖᒃ ᓂᑦ ᐃᔑᑣᐎᓇ ᑳ ᐃᑕᑾᑭ ᙭ᑎᒃ, ᐁ ᐃᔑ ᑭᔅᑭᓄᐊᒫᑫᔮᓐ ᒥᓯᐌ ᐃᑕ ᒣᑴᔭᔥ ᒥᓯᐌ ᒫᒪᐎᐋᔭᒥᐋᐗ᙮

ᓂᔓ ᑯᕆᓐᑎᐊᓇ 11:23

ᐎᓚᐗᐤ ᓈ ᙭ ᐅᑦ ᐋᔭᒥᐋᐎ ᐊᑑᔅᑫᓛᑲᓇ? ᓂ ᑮᔥᑴᒧᓐ, ᓂᓚ ᐊᐙᓯᑌ; ᓂᑦ ᐊᑑᔅᑫᐎᓇ ᐊᐙᓯᑌ ᐁ ᒥᒉᑎᑭ, ᒥᒉᑡᐤ ᐁ ᐸᐸᓴᔅᑌᐅᑲᐎᔮᓐ, ᑭᐸᐅᑐᐎᑲᒥᑯᒃ ᐊᐙᓯᑌ ᒥᒉᑡᐤ, ᓂᐱᐎᓂᒃ ᒥᒉᑡᐤ᙮

ᓂᔓ ᑯᕆᓐᑎᐊᓇ 3:6

ᐁᐗᒀᓇ ᓀᔥᑕ ᑳ ᐋᔭᒥᐋᐎ ᐊᑑᔅᑫᓛᑲᓂᐃᔭᒥᑦ ᑭᒋ ᐎᑕᒫᒃ ᐊᓂᒪ ᐅᔥᑭ ᓇᔅᑯᒥᑐᐎᓐ; ᓇᒪᐎᓚ ᑳ ᐃᑗᒪᑲᒃ, ᒫᑲ ᑳ ᐊᒑᑯᐎᒪᑲᒃ; ᐌᓴ ᑳ ᐃᑗᒪᑲᒃ ᓂᐹᔭᐌᒪᑲᓐ, ᒫᑲ ᑳ ᐊᒐᑯᐎᒪᑲᒃ ᒥᓕᐌᒪᑲᓐ ᐱᒫᑎᓯᐎᓐ᙮

ᓂᔓ ᑯᕆᓐᑎᐊᓇ 6:4

ᒫᑲ ᒥᓯᐌ ᑫᒀᓇ ᐁ ᑐᑕᒫᒃ ᐁ ᐙᐸᑎᓕᐌᔮᒃ ᐁ ᐅᑦ ᐋᔭᒥᐋᐎ ᐊᑑᔅᑫᓛᑲᓂᔭᒥᒋᒃ, ᒥᔅᑕᐃ ᔑᐱᓚᐌᓯᐎᓂᒃ, ᑲᒀᑕᑭᓯᐎᓂᒃ, ᒪᓀᓯᐎᓂᒃ, ᓇᓀᑳᑌᓕᒧᐎᓂᒃ,

ᐃᐱᓯᔭᓇ 6:21

ᒫᑲ ᑭᓚᐗᐤ ᓀᔥᑕ ᑭᒋ ᑭᔅᑫᓕᑕᒣᒃ ᑳ ᐊᔨᑐᑕᒫᓐ, ᓀᔥᑕ ᐁ ᐃᔑ ᐋᔮᔮᓐ, ᑎᑭᑲᔅ, ᑳ ᓴᑭᐋᑲᓂᐎᑦ ᐎᒋᔖᓂᒪᐤ, ᓀᔥᑕ ᑳ ᒀᔭᔅᑭᑎᑦ ᐋᔭᒥᐋᐃ ᐊᑑᔅᑫᓛᑲᓐ ᐅᑎᐯᓕᒋᑫᒃ, ᒥᓯᐌ ᑫᒀᓇ ᑭ ᑳ ᑭᔅᑫᓕᑕᒥᐃᑯᐗᐤ:

ᐱᓕᐱᔭᓇ 2:20

ᐌᓴ ᓇᒪᐎᓚ ᐊᐌᓇ ᓂᑦ ᐋᔭᐗᐤ ᑳ ᐃᔅᐱᒋ ᓵᑭᐊᒃ, ᐅᒋᑕᐤ ᑫ ᐱᓯᔅᑫᓕᑕᒃ ᐁ ᐃᔑ ᐋᔮᔦᒃ:

ᐱᓕᐱᔭᓇ 2:22

ᒫᑲ ᑭ ᑭᔅᑫᓕᑌᓇᐗᐤ ᐁ ᐃᑖᒋᒫᑲᓂᐎᑦ, ᑖᐱᔅᑯᒡ ᐅᑯᓯᓯᒪᐤ ᐁ ᐎᒉᐙᑦ ᐅᑖᐎᔭ, ᓂ ᑮ ᐃᔑ ᐎᒋᐊᑐᔅᑫᒥᒃ ᒥᓗᐋᒋᒧᐎᓂᒃ᙮

ᐱᓕᐱᔭᓇ 3:16

ᐁᓕᐌᒃ ᒫᑲ, ᐃᑕ ᐃᓕᑯᒃ ᐋᔕᔾ ᑳ ᑮ ᐅᑎᑕᒪᒃ, ᐁᑯᔑ ᑫᔮᐸᒡ ᐃᔑ ᐱᒧᑌᑕᐤ, ᐁᑯᔑ ᐁᐗᑯ ᑫᔮᐸᒡ ᒫᒥᑐᓀᓕᑖᑕᐤ᙮

ᑯᓚᔑᔭᓇ 2:19

ᐁᑳ ᒫᑲ ᐁ ᒥᒋᒥᓇᒃ ᒥᔅᑎᒀᓐ, ᐊᓂᒪ ᐅᒋ ᒥᓯᐌ ᒥᔭᐤ ᐋᓂᔅᑲᐎᑲᓇᓇ ᐅᒋ ᓀᔥᑕ ᐸᔅᑫᓯᐎᓇ ᐁ ᐊᓯᒋᑳᑌᒃ, ᓀᔥᑕ ᐁ ᒪᒪᐎᐱᒋᑳᑌᒃ, ᓚᑭᐸᓕᐤ ᑭᒋᒪᓂᑐ ᐅ ᓚᑭᐃᐌᐎᓐ ᐅᒋ᙮

ᑯᓚᔑᔭᓇ 3:16

ᐁᑯᔑ ᙭ ᐅᑦ ᐋᔭᒥᐎᓐ ᑭ ᑳ ᐌᓗᒋ ᐱᒋᔅᑳᑯᐙᓇᐗᐤ ᒥᓯᐌ ᑲᑫᑕᐌᓕᑕᒧᐎᓂᒃ; ᐁ ᑭᔅᑭᓄᐊᒫᑐᔦᒃ ᓀᔥᑕ ᑲᑫᔅᑭᒥᑐᔦᒃ ᓵᓪᒥᒃ, ᓀᔥᑕ ᐋᔭᒥᐋᐎ ᓂᑲᒧᐎᓂᒃ, ᓀᔥᑕ ᐊᒑᑯᐎ ᓂᑲᒧᐎᓂᒃ, ᐁ ᓂᑲᒧᔅᑕᐌᒃ ᐅᑎᐯᓕᒋᑫᐤ ᐁ ᐃᑕᑾᒃ ᓇᓈᔅᑯᒧᐎᓐ ᑭᑌᐃᐙᒃ᙮

ᑯᓚᔑᔭᓇ 4:7

ᒥᓯᐌ ᐁ ᐋᔭᑎᔮᓐ ᑎᑭᑲᔅ ᑭ ᑳ ᐎᑕᒫᑯᐗᐤ, ᑳ ᓵᑭᐋᑲᓂᐎᑦ ᐎᒋᔖᓂᒪᐤ, ᓀᔥᑕ ᐁ ᒀᔭᔅᑭᑎᑦ ᐋᔭᒥᐊᐎ ᐊᑑᔅᑫᓛᑲᓐ, ᓀᔥᑕ ᐎᒋᐊᑑᔅᑫᓛᑲᓐ ᐅᑎᐯᓕᒋᑫᒃ:

ᓂᔥᑕᒻ ᑌᓴᓗᓂᔭᓇ 3:2

ᓀᔥᑕ ᒫᑲ ᓂ ᑮ ᐃᔑᑎᔕᐙᓈᓐ ᑎᒧᑎ, ᓂᒋᔖᓂᓈᓐ, ᓀᔥᑕ ᐅᑦ ᐋᔭᒥᐋᐎ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᓂᒋᐊᑑᔅᑫᓛᑲᓂᓈᓐ ᐅ ᒥᓗᐋᒋᒧᐎᓂᒃ ᙭, ᑭᒋ ᐊᔨᒋᐃᑖᒃ ᓀᔥᑕ ᑭᒋ ᑳᑭᒋᐃᑖᒃ ᑭ ᑖᐺᔦᓕᑕᒧᐎᓂᐗᐤ ᐅᒋ:

ᓂᔥᑕᒻ ᑎᒧᑎ 1:10

ᑳ ᐱᔑᒀᑎᓯᒋᒃ, ᓀᔥᑕ ᐊᓂᑭ ᐎᒋᐃᓕᓕᐗ ᑳ ᐅᒋ ᐎᓂᐃᑎᓱᒋᒃ, ᐊᓂᑭ ᑳ ᑭᒧᑎᒋᒃ ᐃᓕᓕᐗ, ᐅᑭᓛᔅᑭᔅᑲᒃ, ᐊᓂᑭ ᑳ ᑭᓛᔅᑭᐋᒋᒧᒋᒃ, ᓀᔥᑕ ᑮᔥᐱᓐ ᐁᑕᑾᓄᑴ ᑯᑕᒃ ᑫᒀᓐ ᑳ ᓇᔅᐹᓯᓈᑾᒃ ᑖᐺᐎ ᑭᔅᑭᓄᐊᒫᑫᐎᓂᒃ:

ᓂᔥᑕᒻ ᑎᒧᑎ 4:16

ᔮᒀᒥᓯᔅᑕᒫᓱ, ᓀᔥᑕ ᑭ ᑭᔅᑭᓄᐊᒫᑫᐎᓐ: ᑕᑭ ᓄᒋᑖ: ᐌᓴ ᐅᒪ ᐁ ᑐᑕᒪᓐ ᑖᐱᔅᑯᒡ ᑭ ᑳ ᐱᒫᒋᐃᑎᓱᓐ ᐊᓂᑭ ᓀᔥᑕ ᑳ ᓇᑐᑖᔅᑭᒃ᙮

ᓂᔥᑕᒻ ᑎᒧᑎ 6:3

ᑮᔥᐱᓐ ᐊᐌᓇ ᐱᑐᔥ ᐃᔑ ᑭᔅᑭᓄᐊᒫᑫᒋ, ᓀᔥᑕ ᐁᑳ ᓇᔅᑯᑕᑭ ᐱᒫᑎᓯᐎ ᐋᔭᒥᐎᓇ, ᐊᓂᐃ ᐅᑎ ᐅᑦ ᐋᔭᒥᐎᓇ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᐊᓂᒪ ᑭᔅᑭᓄᐊᒫᑫᐎᓐ ᒪᓂᑐᐙᑎᓯᐎᓂᒃ ᑳ ᐃᑕᔅᑌᒃ:

ᓂᔓ ᑎᒧᑎ 1:6

ᐁᐗᑯ ᐅᒋ ᒫᑲ ᑭ ᑭᔅᑭᓯᐃᑎᓐ, ᑭᒋ ᐃᑌᐊᒶᑦ ᐅ ᒥᓕᐌᐎᓐ ᑭᒋᒪᓂᑐ, ᐊᓂᒪ ᑳ ᐱᒋᔅᑳᑯᔭᓐ ᐁ ᑮ ᓴᒥᓂᔅᑎᒀᓂᑖᓐ ᐅᒋ᙮

ᓂᔓ ᑎᒧᑎ 3:10

ᒫᑲ ᑭᓚ ᓱᑳ ᑭ ᑮ ᓄᔅᐱᓇᑌᓐ ᓂ ᑭᔅᑭᓄᐊᒫᑫᐎᓐ, ᐁ ᐃᔑ ᐱᒫᑎᓯᔮᓐ, ᓂ ᐃᑌᓕᑕᒧᐎᓐ, ᓂ ᑖᐺᔦᓕᑕᒧᐎᓐ, ᓂ ᔑᐯᓕᑕᒧᐎᓐ, ᓂ ᓵᑭᐃᐌᐎᓐ, ᓂ ᔑᐱᓚᐌᓯᐎᓐ,

ᓂᔓ ᑎᒧᑎ 4:3

ᐌᓴ ᐁ ᑭᔑᑳᒃ ᐁᔥᑾ ᑲᑕ ᐅᑎᒋᐸᓕᐤ, ᐃᔅᐱ ᐁᑳ ᑫ ᔑᐯᓕᑕᑭᒃ ᒀᔭᔉ ᑭᔅᑭᓄᐊᒫᑫᐎᓂᓕᐤ; ᒫᑲ ᐁᑕᔅᑌᓕᑭ ᑎᐱᓚᐌ ᐅ ᒪᒋᐃᑌᓕᑕᒧᐎᓂᐗᐗ ᑲᑕ ᒪᐗᓭᑯᓇᒫᓱᐗᒃ ᐅᑭᔅᑭᓄᐊᒫᑫᐗ, ᐁ ᑭᔭᑭᑐᐗᑫᒋᒃ:

ᑕᐃᑕᔅ 2:1

ᒫᑲ ᑭᓚ ᐋᓕᒧᑕ ᐊᓂᐃ ᐌᒋᐸᓕᑭ ᒥᓗ ᑭᔅᑭᓄᐊᒫᑫᐎᓂᒃ:

ᓂᔥᑕᒻ ᐱᑕᕐ 2:2

ᑖᐱᔅᑯᒡ ᑳ ᐅᔥᑭ ᓂᑕᐎᑭᒋᒃ ᐊᐱᔅᑕᐙᔑᔕᒃ, ᓇᑕᐌᓕᑕᒧᒃ ᑖᐺ ᒍᒍᒋᒫᐳ ᐋᔭᒥᐎᓂᒃ ᑳ ᐅᒋᐸᓕᒃ, ᑭᒋ ᐅᒋ ᐅᐱᑭᔦᒃ;

ᓂᔓ ᒑᓐ 1:9

ᐊᐌᓇ ᐌᓂᑐᑕᒧᑴ, ᓀᔥᑕ ᐁᑳ ᑌᔑᑫᐙᑴ ᐅ ᑭᔅᑭᓄᐊᒫᑫᐎᓂᒃ ᙭, ᓇᒪᐎᓚ ᐋᔭᐌᐤ ᑭᒋᒪᓂᑐᐗ᙮ ᐊᓇ ᑳ ᑕᔑᑫᐙᑦ ᐅ ᑭᔅᑭᓄᐊᒫᑫᐎᓂᒃ ᙭, ᐋᔭᐌᐤ ᐊᓯᒋ ᐅᑖᐎᒪᐗ ᓀᔥᑕ ᐅᑯᓯᓯᒪᐗ᙮

ᒎᑦ 1:5

ᐁᐗᑯ ᐅᒋ ᑭ ᑭᔅᑭᓯᑐᑕᒥᐃᑎᓇᐗᐤ, ᐋᑕ ᐯᔭᑾᐤ ᐅᒪ ᐁ ᑮ ᑭᔅᑫᓕᑕᒣᒃ, ᐅᑎᐯᓕᒋᑫᐤ ᐁ ᑮ ᐱᒫᒋᐋᑦ ᐃᓕᓕᐗ ᐃᒋᑉᑦ ᐊᔅᑮᒃ ᐅᒋ, ᐹᑎᒫ ᑮ ᓂᔑᐗᓈᒋᐁᐤ ᐊᓂᐃ ᐁᑳ ᑳ ᑮ ᑖᐺᑕᒥᓕᒋ᙮