13 ᐃᓕᑯᒃ ᑫ ᑕᑯᔑᓈᓐ, ᒧᔕᒃ ᐋᔭᒥᒋᑫ, ᔑᑭᒥᐌ, ᑲᑫᔅᑭᒥᐌ᙮
ᓈᓇᑕᐙᐸᑕᒧᒃ ᑭᒋ ᒪᓯᓇᐃᑫᐎᓇ; ᐌᓴ ᐁᑯᑕ ᑭᑦ ᐃᑌᓕᑌᓇᐗᐤ ᐁ ᐋᔮᔦᒃ ᑳᑭᑫ ᐱᒫᑎᓯᐎᓐ: ᐅᐅ ᓀᔥᑕ ᐁᐗᒀᓂᐃ ᑳ ᑎᐹᒋᒥᑯᔮᓐ᙮
ᐅᑯ ᐊᐙᓯᑌ ᑮ ᑭᔅᑌᓕᑖᑯᓯᐗᒃ ᐃᔥᐱᔥ ᐊᓂᑭ ᑌᓴᓗᓈᐃᑲᐃᒃ ᑳ ᐃᑖᒋᒃ, ᐊᓂᒪ ᐅᒋ ᐁ ᑮ ᐅᑎᓇᑭᒃ ᐋᔭᒥᐎᓂᓕᐤ ᒥᓯᐌ ᒋᑫᓕᑕᒧᐎᓂᒃ, ᓀᔥᑕ ᐁ ᑮ ᓈᓈᑕᐎᑭᔅᑫᓕᑕᑭᒃ ᒪᓯᓇᐃᑫᐎᓇ ᑕᑡᐤ ᑳᔑᑳᓕᑭ, ᑮᔥᐱᓐ ᐊᓂᐃ ᑫᒀᓇ ᐁ ᐃᑭᓄᐗᑴ᙮
ᒫᑲ ᓂᓚᓈᓐ ᓂ ᑳ ᐸᑭᑎᓂᑎᓱᓈᓐ ᑕᑭᓀ ᑭᒋ ᐋᔭᒥᐋᔮᒃ, ᓀᔥᑕ ᑭᒋ ᑎᐹᑐᑕᒫᒃ ᐋᔭᒥᐎᓐ᙮
ᓀᔥᑕᐱᑯ ᐊᓇ ᑳ ᑲᑫᔅᑭᒥᐌᑦ, ᐅ ᑲᑫᔅᑭᒥᐌᐎᓐ; ᐊᓇ ᑳ ᒥᓕᐌᑦ, ᐁᑯᔑ ᑲᑕ ᑐᑕᒻ ᐊᐱᔅᑌᓕᒧᐎᓂᒃ; ᐊᓇ ᑳ ᑎᐯᓕᒋᑫᑦ ᐸᑳᔅᑭᓯᐎᓂᒃ; ᐋᓇ ᑳ ᑭᑎᒫᑫᓕᒋᑫᑦ ᒥᓜᓕᒧᐎᓂᒃ᙮
ᑖᓐ ᐁᔑ ᐃᑭᒃ, ᓂᒋᔖᓂᑐᒃ? ᐃᔅᐱ ᐯᒋ ᒪᐗᒋᐃᑐᔦᒃ, ᑕᑐ ᐁ ᐃᑕᔑᔦᒃ ᐋᔭᐤ ᓂᑲᒧᐎᓐ, ᐋᔭᐤ ᑭᔅᑭᓄᐊᒫᑫᐎᓐ, ᐋᔭᐤ ᐃᔑᑭᔗᐎᓐ, ᐋᔭᐤ ᑭᔅᑫᓕᑖᑯᑖᑫᐎᓐ, ᐋᔭᐤ ᐃᑗᔅᑕᒫᑫᐎᓐ᙮ ᐁᑯᔑ ᒥᓯᐌ ᑫᒀᓇ ᑲᑕ ᑐᒋᑳᑌᐤ ᑭᒋ ᐃᔑ ᑭᔅᑭᓄᐊᒫᑳᓂᐗᒃ᙮
ᒫᑲ ᐊᓇ ᑳ ᑭᔅᑭᐙᐃᑫᑦ ᐋᔭᒥᐁᐤ ᐃᓕᓕᐗ, ᑭᒋ ᑭᔅᑭᓄᐊᒪᐙᑦ, ᓀᔥᑕ ᑲᑫᔅᑭᒫᑦ, ᓀᔥᑕ ᑳᑭᒋᐋᑦ᙮
ᒫᑲ, ᓂᒋᔖᓂᑐᒃ, ᑮᔥᐱᓐ ᐯᒋ ᓈᑎᑕᑾᒃ ᓈᓈᑲᐤ ᐁ ᐃᔑᑭᔗᔮᓐ, ᑫᒀᓐ ᑫ ᐃᑖᐸᒋᐃᑕᑾᒃ, ᑮᔥᐱᓐ ᐱᑯ ᐋᔭᒥᐃᑕᑾᑫ ᑭᔅᑫᓕᑖᑯᑖᑫᐎᓂᒃ, ᓀᔥᑕᐱᑯ ᑭᔅᑫᓕᑕᒧᐎᓂᒃ, ᓀᔥᑕᐱᑯ ᑭᔅᑭᐙᐃᑫᐎᓂᒃ, ᓀᔥᑕᐱᑯ ᑭᔅᑭᓄᐊᒫᑫᐎᓂᒃ ᐅᒋ?
ᔮᒀᒥᓯᔅᑕᒫᓱ, ᓀᔥᑕ ᑭ ᑭᔅᑭᓄᐊᒫᑫᐎᓐ: ᑕᑭ ᓄᒋᑖ: ᐌᓴ ᐅᒪ ᐁ ᑐᑕᒪᓐ ᑖᐱᔅᑯᒡ ᑭ ᑳ ᐱᒫᒋᐃᑎᓱᓐ ᐊᓂᑭ ᓀᔥᑕ ᑳ ᓇᑐᑖᔅᑭᒃ᙮
ᑮᔥᐱᓐ ᐅᐅ ᑭᔅᑭᓯᑐᑕᒥᐊᑡᐌ ᐎᒋᔖᓂᒪᐗᒃ, ᑭ ᑳ ᒥᓗ ᐋᔭᒥᐊᐎ ᐊᑑᔅᑫᓛᑲᓂᒥᒥᒃ ᒋᓴᔅ ᙭, ᐁ ᐅᐱᑭᔭᓐ ᑖᐺᔦᓕᑕᒧᐎᓂ ᐋᔭᒥᐎᓂᒃ ᓀᔥᑕ ᒥᓗ ᑭᔅᑭᓄᐊᒫᑫᐎᓂᒃ, ᐁᐗᑯ ᑳ ᑮ ᓄᔅᐱᓈᑕᒪᓐ᙮
ᓀᔥᑕ ᐁ ᐊᐙᔑᔑᐎᔭᓐ ᐁ ᑮ ᐯᒋ ᑭᔅᑫᓕᑕᒪᓐ ᐸᓓᑭ ᒪᓯᓇᐃᑫᐎᓇ, ᑫ ᑮ ᑲᑫᑕᐌᓕᑕᒥᐃᑯᔭᓐ ᐱᒫᒋᐃᐌᐎᓂᒃ ᐃᔑ, ᑖᐺᔦᓕᑕᒧᐎᓐ ᐅᒋ ᙭ ᒋᓴᓯᒃ ᑳ ᐃᑕᑾᒃ᙮
ᑲᑫᔅᑭᒥᐌ ᐊᔭᒥᐎᓐ; ᑭᓯᓴᐎᓯ ᐌᑎᒋᐸᓕᑭ, ᓀᔥᑕ ᐁᑳ ᐌᑎᒋᐸᓕᑭ; ᓇᑭᒥᐌ, ᑭᑕᐊᒫᑫ, ᔑᑭᑫᒧ, ᒥᓯᐌ ᔑᐯᓕᑕᒧᐎᓂᒃ ᓀᔥᑕ ᑭᔅᑭᓄᐊᒫᑫᐎᓂᒃ᙮
ᐅᐅ ᑫᒀᓇ ᐙᐎᑕ ᓀᔥᑕ ᔑᑭᑫᒧ, ᓀᔥᑕ ᑭᑕᐊᒫᑫ ᒥᓯᐌ ᑎᐯᓕᒋᑫᐎᓐ ᐅᒋ᙮ ᐁᑳᐎᓚ ᐊᐌᓇ ᑭ ᑳ ᐋᑕᐌᓕᒥᒃ᙮
