ᓂᔥᑕᒻ ᑎᒧᑎ 3:16 - ᐅᔅᑭ ᑎᔅᑌᒥᓐᑦ

¹⁶ ᓀᔥᑕ ᐁᑳ ᐁ ᑶᑕᐎᐃᑌᓕᒋᑳᑌᒃ ᑭᔅᑌᓕᑖᑾᓐ ᐁ ᐃᔑ ᒫᒪᔅᑳᑌᓕᑖᑾᒃ ᒪᓂᑐᐙᑎᓯᐎᓐ: ᑭᒋᒪᓂᑐ ᑮ ᓄᑯᐊᐤ ᐎᔮᓯᒃ, ᑭ ᒀᔭᔅᑲᑎᓯᐊᐤ ᐊᒑᑯᒃ, ᑮ ᐙᐸᒥᑯ ᐁᓐᒐᓚ, ᑮ ᐋᓕᒧᑕᒧᐗᐗᒃ ᒉᓐᑖᐃᓚᒃ, ᑮ ᑖᐺᔦᓕᒪᐤ ᐊᔅᑮᒃ, ᐃᔥᐱᒥᒃ ᑮ ᐅᑎᓇᐤ ᑭᔅᑌᓕᑖᑯᓯᐎᓂᒃ᙮

ᓂᔥᑕᒻ ᑎᒧᑎ 3:16 Iomraidhean Croise

ᐅᐸᓓᑭᔅ ᒫᑎᐤ 1:23

ᒫᑎᑲ, ᐅᔥᑭᓂᑭᔅᑴᐤ ᑲᑕ ᑲᓄᔥᑲᑖᐗᓱ, ᑲᑕ ᐅᑯᓯᓯᐤ ᒫᑲ, ᐃᒫᓐᔫᐃᓪ ᒫᑲ ᑲᑕ ᐃᔑᓂᑳᑎᒣᐗᒃ, ᑳ ᐃᑗᒪᑲᒃ, ᐁ ᐃᑗᔅᒋᑳᑌᒃ, ᑭᒋᒪᓂᑐ ᑭ ᐎᒋᑕᔑᑫᒥᑯᓇᐤ᙮

ᐅᐸᓓᑭᔅ ᒫᑎᐤ 13:11

ᐁ ᓇᔥᑴᐗᔑᐃᐌᑦ ᒫᑲ ᑮ ᐃᑌᐤ, ᐁ ᒥᓕᑲᐎᔦᒃ ᑭᓚᐗᐤ ᑭᒋ ᑭᔅᑫᓕᑕᒣᒃ ᑳ ᒫᒪᔅᑳᑌᓕᑖᑾᑭ ᑭᒋᑭᔑᑳᐎ ᐅᑭᒫᐎᐎᓇᒃ, ᒫᑲ ᐎᓚᐗᐤ ᓇᒪᐎᓚ ᒥᓛᐗᒃ᙮

ᐅᐸᓓᑭᔅ ᒫᑎᐤ 28:2

ᒫᑎᑲ, ᒫᑲ, ᓈᔅᐱᒡ ᑮ ᑶᑾᓐ: ᐌᓴ ᐅᑎᐯᓕᒋᑫᐤ ᐅᑦ ᐁᓐᒐᓕᒪ ᑮ ᐸᑭᒋᓕᐗ ᑭᒋᑭᔑᑯᒃ ᐅᒋ, ᑮ ᐯᒋ ᑎᑎᐱᓀᐤ ᓀᔥᑕ ᐊᓯᓂᔭ ᐃᔥᒀᑌᒥᒃ ᐅᒋ, ᑮ ᑌᑕᐱᐤ ᒫᑲ᙮

ᐅᐸᓓᑭᔅ ᒫᑎᐤ 3:16

ᒋᓴᔅ ᒫᑲ, ᐃᔅᐱ ᑳ ᑮ ᓯᑲᐋᑕᐙᑲᓂᐎᑦ, ᑣᔦᒃ ᑮ ᑲᐸᐤ; ᒫᑎᑲ ᒫᑲ, ᑭᒋᑭᔑᒃ ᑮ ᐹᔅᑭᑌᐸᓕᓕᐤ, ᑮ ᐙᐸᒥᒣᐤ ᒫᑲ ᑭᒋᒪᓂᑐ ᐅᑦ ᐊᒑᑾ ᐁ ᐸᑭᒋᓕᒋ ᑖᐱᔅᑯᒡ ᐅᒥᒦᒃ ᐁ ᐃᔑᓈᑯᓕᒋ, ᓀᔥᑕ ᐁ ᑗᐅᑖᑯᑦ:

ᐅᐸᓓᑭᔅ ᒫᑎᐤ 4:11

ᐁᑯ ᒫᑲ ᓀᑲᑎᑯᑦ ᒪᒋᒪᓂᑐᐗ, ᒫᑎᑲ, ᒫᑲ, ᑮ ᐯᒋ ᓈᑎᑯ ᐁᓐᒐᓚ ᐁ ᐅᒋᔅᑕᒫᑯᑦ᙮

ᐅᐸᓓᑭᔅ ᒫᕐᒃ 1:13

ᐁᑯᑕ ᒫᑲ ᐸᑾᑕᔅᑲᒥᑳᒃ ᑳ ᐃᑖᑦ ᓀᒥᑕᓇᐤ ᑭᔑᑳᐗ ᐁ ᑲᑴᒋᐃᑯᑦ ᓭᑕᓇ, ᑮ ᐎᒋᑕᔑᑫᒣᐤ ᒫᑲ ᑳ ᐊᒀᑎᓯᓕᒋ ᐊᐌᓯᓴ: ᑮ ᐅᒋᔅᑕᒫᑯ ᒫᑲ ᐁᓐᒐᓚ᙮

ᐅᐸᓓᑭᔅ ᒫᕐᒃ 16:19

ᐁᑯᔑ ᒫᑲ, ᐃᔅᐱ ᐅᑎᒪᓕᒋᑫᐤ ᑳ ᑮ ᐋᔭᒥᐋᑦ, ᑭᒋᑭᔑᑯᒃ ᑮ ᐃᔑ ᐅᑎᓇᐤ, ᓀᔥᑕ ᑮ ᐊᐱᐌᐤ ᐅ ᑭᒋᓂᔅᑭᓕᒃ ᑭᒋᒪᓂᑐᐗ᙮

ᐅᐸᓓᑭᔅ ᒫᕐᒃ 16:5

ᐁ ᐱᑐᑫᒋᒃ ᒫᑲ ᒋᐹᔨᑲᒥᑯᒃ, ᑮ ᐙᐸᒣᐗᒃ ᐅᔥᑭᓂᑭᐗ ᐁ ᐊᐱᓕᒋ ᑭᒋᓂᔉ ᐃᑌᑫ, ᐁ ᑭᑭᔥᑲᒥᓕᒋ ᐁ ᑭᓉᑭᓂᓕᒃ ᐙᐱ ᐊᑯᐅᓂᓕᐤ; ᑮ ᓭᑭᓯᐗᒃ ᒫᑲ᙮

ᐅᐸᓓᑭᔅ ᓘᒃ 2:32

ᐙᓭᔮᓯᐎᓐ ᑭᒋ ᐙᔅᑌᓇᒫᑯᒋᒃ ᒉᓐᑖᐃᓚᒃ, ᓀᔥᑕ ᐊᓂᒪ ᑫ ᐅᒋ ᑭᔅᑌᓕᑖᑯᓯᒋᒃ ᑭᑦ ᐃᓕᓕᒪᒃ ᐃᔅᕃᐃᓪ᙮

ᐅᐸᓓᑭᔅ ᓘᒃ 20:44

ᐁᐗᑯ ᐅᒋ ᑌᐱᑦ, ᐅᑎᐯᓕᒋᑫᐤ, ᐃᔑᓂᑳᑌᐤ, ᑖᓐᑌ ᒫᑲ ᐌᒋ ᐅᑯᓯᓯᑦ?

ᐅᐸᓓᑭᔅ ᓘᒃ 22:43

ᑮ ᓄᑯᓰᔅᑖᑯ ᒫᑲ ᐁᓐᒐᓚ ᑭᒋᑭᔑᑯᒃ ᐅᒋ ᐁ ᓵᐱᐎᐃᑯᑦ᙮

ᐅᐸᓓᑭᔅ ᓘᒃ 24:4

ᑮ ᐃᑭᓐ ᒫᑲ, ᓈᔅᐱᒡ ᐁ ᑶᑕᐎᐃᑌᓕᑕᑭᒃ ᐅᒣᓕᐤ ᐅᒋ, ᒫᑎᑲ, ᑮ ᐎᒋᑳᐸᐎᔅᑖᑯᐗᒃ ᓂᔓ ᐃᓕᓕᐗ ᐁ ᐙᓯᑌᓕᑭ ᐅ ᐎᓛᒋᑲᓂᓕᐗ:

ᐅᐸᓓᑭᔅ ᓘᒃ 24:51

ᑮ ᐃᑭᓐ ᒫᑲ, ᒣᒀᒡ ᐁ ᒥᓦᑭᒫᑦ, ᑮ ᐹᑳᓈᐸᒣᐤ, ᓀᔥᑕ ᑮ ᐃᔑᐎᓚᐤ ᑭᒋᑭᔑᑯᒃ᙮

ᐅᐸᓓᑭᔅ ᒑᓐ 1:14

ᐋᔭᒥᐎᓐ ᒫᑲ ᑮ ᐎᔮᓯᐎᐋᑲᓂᐎᐤ, ᓀᔥᑕ ᑭ ᑮ ᐎᒋᑕᔑᑫᒥᑯᓇᐤ, ᓀᔥᑕ ᑭ ᑮ ᐙᐸᑕᒸᓈᓇᐤ ᐅ ᑭᔅᑌᓕᑖᑯᓯᐎᓐ, ᐅ ᑭᔅᑌᓕᑖᑯᓯᐎᓐ ᑖᐱᔅᑯᒡ ᐅ ᐯᔭᑯᔖᓇ ᐌᐅᑖᐎᒪᐎᑦ, ᐁ ᓵᑲᔅᑭᓀᔅᑳᑯᑦ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 13:3

ᒋᓴᔅ ᐁ ᑭᔅᑫᓕᑕᒃ ᐅᑖᐎᒪᐗ ᐁ ᑮ ᒥᓕᑯᑦ ᒥᓯᐌ ᑫᒀᓇ ᐅᒋᒌᒃ, ᓀᔥᑕ ᑭᒋᒪᓂᑐᒃ ᐁ ᐅᒌᑦ, ᓀᔥᑕ ᑭᒋᒪᓂᑐᐗ ᐁ ᓈᑖᑦ;

ᐅᐸᓓᑭᔅ ᒑᓐ 15:26

ᒫᑲ ᐃᔅᐱ ᐅᒥᓜᓕᒧᐃᐌᐤ ᑕᑯᔑᑫ, ᑫ ᐯᒋᑎᔕᐊᒫᑕᑾᒃ ᐅᑖᐎᒪᐤ ᐅᒋ, ᑖᐺᐎᓂ ᐊᒑᒃ ᐅᑎ, ᐅᑖᐎᒫᒃ ᑳ ᐅᒌᑦ, ᐁᐗᑯ ᑫ ᑎᐹᒋᒥᑦ:

ᐅᐸᓓᑭᔅ ᒑᓐ 16:28

ᐅᑖᐎᒫᒃ ᓂ ᑮ ᐅᒌᓐ, ᓀᔥᑕ ᓂ ᑮ ᐯᒋ ᐃᑐᑖᓐ ᐊᔅᑮᒃ: ᒥᓇ, ᓂ ᓇᑲᑌᓐ ᐊᔅᑭ, ᓂ ᓈᑕᐤ ᒫᑲ ᐅᑖᐎᒪᐤ᙮

ᐅᐸᓓᑭᔅ ᒑᓐ 17:5

ᐁᑯ ᒫᑲ, ᐅ ᓄᑖ, ᑭᔅᑌᓕᑖᑯᐃᓐ ᐊᓯᒋ ᑭᓚ ᓀᔥᑕ, ᐊᓂᒪ ᑭᔅᑌᓕᑖᑯᓯᐎᓐ ᐅᒋ ᑳ ᑮ ᐋᔮᔮᓐ ᐁᔥᑾ ᐁ ᐎᒋᑕᔑᑫᒥᑖᓐ ᐸᒧᔑ ᐃᑕᑾᒃ ᐊᔅᑭ᙮

ᐅᐸᓓᑭᔅ ᒑᓐ 20:12

ᐙᐸᒣᐤ ᒫᑲ ᓂᔓ ᐁᓐᒐᓚ ᐁ ᐊᐱᓕᒋ, ᐯᔭᒃ ᐅᔅᑎᒀᓂᓕᒃ ᐃᑌᑫ, ᑯᑕᒃ ᒫᑲ ᐅᓯᑎᓕᒃ ᐃᑌᑫ, ᐃᑕ ᒋᓴᔅ ᐎᔭᐤ ᑳ ᑮ ᐱᒥᑎᓂᓕᒃ᙮

ᐅᐸᓓᑭᔅ ᒑᓐ 6:62

ᑫᒀᓐ ᒫᑲ ᑮᔥᐱᓐ ᑫ ᐙᐸᒣᑴ ᐃᓕᓕᐎᑯᓯᓵᓐ ᐁ ᐅᐱᔅᑳᑦ ᐃᑕ ᓃᔥᑕᒻ ᑳ ᑭ ᐃᑖᑦ᙮

ᐊᐸᔅᑕᓚᒃ 1:19

ᑮ ᑭᔅᑫᓕᑕᒶᒃ ᒫᑲ ᒥᓯᐌ ᑳ ᑕᔑᑫᒋᒃ ᒋᕈᓴᓚᒥᒃ; ᑳ ᐅᒋ ᐃᔑᓂᑳᑌᒃ ᐊᓂᒪ ᓂᑕᐎᑭᒋᑲᓐ ᑎᐱᓚᐌ ᐅᑦ ᐃᔑᑭᔗᐎᓂᐙᒃ, ᐊᓭᓪᑕᒪ, ᐁᐗᑯ ᐁ ᐃᑣᓂᐗᒃ, ᒥᑯ ᓂᑕᐎᑭᒋᑲᓐ᙮

ᐊᐸᔅᑕᓚᒃ 10:34

ᐁᑯ ᐱᑕᕋ ᑳ ᐋᐸᐊᒃ ᐅᑐᓐ, ᑮ ᐃᑗᐤ ᒫᑲ, ᑖᐺ ᐃᓴ ᓂ ᐙᐸᑌᓐ ᑭᒋᒪᓂᑐ ᐁᑳ ᐁ ᐹᐱᑐᔥ ᐃᑌᓕᒫᑦ ᐊᐌᓕᐗ:

ᐊᐸᔅᑕᓚᒃ 14:27

ᐃᔅᐱ ᒫᑲ ᑳ ᑕᑯᔑᑭᒃ, ᓀᔥᑕ ᑳ ᒫᒪᐎ ᒫᐗᒋᐋᒋᒃ ᒫᒪᐎᐋᔭᒥᐋᐗ ᑮ ᑎᐹᑐᑕᒶᒃ ᒥᓯᐌ ᑭᒋᒪᓂᑐᐗ ᑳ ᑮ ᑐᑕᒫᑯᒋᒃ, ᓀᔥᑕ ᑳ ᐃᔑ ᐋᐸᐊᒪᐙᑦ ᑖᐯᔦᓕᑕᒧᐎᓂ ᐃᔥᒀᑌᒥᓕᐤ ᐊᓂᐃ ᒉᓐᑖᐃᓚ᙮

ᐊᐸᔅᑕᓚᒃ 20:28

ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:12

ᐌᓴ ᓇᒪᐎᓚ ᐋᔭᒡ ᐃᑌᓕᑖᑯᓯᐤ ᐊᐌᓇ ᑳ ᒎᐎᑦ ᓀᔥᑕ ᐊᐌᓇ ᑳ ᒃᕆᑭᐎᑦ; ᐌᓴ ᐊᓇ ᑫᔮᐸᒡ ᑳ ᑎᐯᓕᒫᑦ ᒥᓯᐌ ᒥᔕᑭᐁᐤ ᒥᓯᐌ ᐊᓂᐃ ᑳ ᓈᓈᑐᒥᑯᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:18

ᒫᑲ ᓂᑦ ᐃᑣᓐ, ᓇᒪ ᓈ ᑮ ᐅᒋ ᐯᑕᒶᒃ? ᐁᐁ, ᑖᐺ, ᐅ ᐯᑖᑯᓯᐎᓂᐗᐤ ᑮ ᐃᔅᐸᓂᓕᐤ ᒥᓯᐌ ᐊᔅᑮᒃ, ᓀᔥᑕ ᐅᑦ ᐋᔭᒥᐎᓂᐙᐗ ᐁ ᐃᔅᒀᔮᒃ ᐊᔅᑮᒃ ᐃᔥᐱᔥ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:25

ᐁᑯ ᐊᓇ ᑳ ᑲᔥᑭᑖᑦ ᑭᒋ ᐋᔨᒋᐃᑖᒃ ᐁ ᐃᑗᒪᑲᒃ ᓂ ᒥᓗᐋᒋᒪᐎᓐ, ᓀᔥᑕ ᐁ ᐃᔑ ᑎᐹᒋᒫᑲᓂᐎᑦ ᒋᓴᔅ ᙭, ᑳ ᑮ ᐃᔑ ᑭᔅᑫᓕᑖᑯᑖᓂᐗᒃ ᑳ ᒫᒪᔅᑳᑕᒃ, ᐊᓂᒪ ᑳ ᑮ ᑭᒧᒡ ᑲᓇᐌᓕᒋᑳᑌᒃ ᐊᔅᐱᓐ ᑳ ᐯᒋ ᐊᔅᑭᐗᒃ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:26

ᒫᑲ ᐊᓄᒡ ᑳ ᑭᔅᑫᓕᑖᑯᑖᑲᓂᐗᒃ, ᓀᔥᑕ ᐅ ᒪᓯᓇᐃᑫᐎᓂᐗᐗ ᐅᒋ ᐊᓂᑭ ᐅᑭᔅᑭᐙᐃᑫᐗᒃ, ᑳ ᑮ ᐃᑕᔓᐌᑦ ᐊᓇ ᑳᑭᑫ ᐯᒫᑎᓰᑦ ᑭᒋᒪᓂᑐ, ᑳ ᑭᔅᑫᓕᑕᒥᐋᑲᓂᐄᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:4

ᓇᒪᐎᓚ ᑲᑕ ᐎ ᐃᑭᓐ: ᐁᐁ, ᐁᑯᔑ ᑭᒋᒪᓂᑐ ᑲᑕ ᑖᐺᐤ, ᒫᑲ ᒥᓯᐌ ᑕᑐ ᐃᓕᓕᐤ ᑲᑕ ᑭᓛᔅᑭᐤ: ᒬᒋ ᐁ ᐃᑕᓯᓇᐃᑳᑌᒃ, ᑭᒋ ᒀᔭᔅᑭᑖᑎᓯᐃᑳᐎᔭᓐ ᑭᑦ ᐋᔭᒥᐎᓂᒃ, ᓀᔥᑕ ᑭᒋ ᔖᑯᒋᐃᐌᔭᓐ ᐃᔅᐱ ᑎᐹᔅᑯᓂᑲᐎᔭᓀ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3

ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:5

ᐌᔅᑲᒡ ᐅᑖᐎᒫᒃ ᐁ ᑮ ᐯᒋ ᐅᒋᒋᒃ, ᐊᓂᑭ ᓀᔥᑕ ᐎᔮᓯᐎᓂᒃ ᐃᔑ ᑳ ᐅᒋ ᑖᑯᔑᒃ ᙭, ᐊᓇ ᒥᓯᐌ ᑳ ᑎᐯᓕᒫᑦ, ᑭᒋᒪᓂᑐ ᑳᑭᑫᑳ ᒥᓦᑭᑖᑯᓯᑦ᙮ ᐁᒣᓐ᙮

ᓂᔥᑕᒻ ᑯᕆᓐᑎᐊᓇ 15:47

ᐊᓇ ᓃᔥᑕᒻ ᐃᓕᓕᐤ ᐊᔅᑮᒃ ᐁ ᐅᒌᑦ, ᐊᔅᑭᐎᐤ: ᐊᓇ ᑯᑕᒃ ᐃᓕᓕᐤ ᐁᐗᑯ ᐅᑎᐯᓕᒋᑫᐤ ᑭᒋᑭᔑᑯᒃ ᐅᒋ᙮

ᓂᔥᑕᒻ ᑯᕆᓐᑎᐊᓇ 2:7

ᒫᑲ ᓂᑦ ᐋᓕᒧᑕᒸᓈᓐ ᑭᒋᒪᓂᑐ ᐅ ᑲᑫᑕᐌᓕᑕᒧᐎᓐ ᐁ ᐃᔑ ᑳᒋᑳᑌᒃ, ᐊᓂᒪ ᑳ ᑳᑖᓂᐗᒃ ᑲᑫᑕᐌᓕᑕᒧᐎᓐ ᐅᑎ, ᑭᒋᒪᓂᑐ ᑳ ᑮ ᐙᐌᓚᔅᑖᑦ ᐸᒧᔑ ᑮ ᐊᔅᑭᐗᒃ ᑭᒋ ᐅᒋ ᑭᔅᑌᓕᑖᑯᓯᔭᒃ:

ᓂᔓ ᑯᕆᓐᑎᐊᓇ 1:19

ᐌᓴ ᑭᒋᒪᓂᑐ ᐅᑯᓯᓴ, ᒋᓴᔅ ᙭, ᑳ ᑮ ᐋᓕᒧᑕᒫᑕᑾᒃ, ᓂᓚ ᐅᑎ ᓀᔥᑕ ᓵᐃᓚᔅ ᓀᔥᑕ ᑎᒧᑎ ᓇᒪᐎᓚ ᐁᐁ ᓀᔥᑕ ᓇᒪᐎᓚ ᑮ ᐃᑌᓕᑖᑾᓐ, ᒫᑲ ᐎᓚ ᐅᒋ ᐁᐁ ᑮ ᐃᑌᓕᑖᑾᓐ᙮

ᑲᓓᔕᐊᓇ 2:8

ᐌᓴ ᐊᓇ ᑳ ᑮ ᑲᔥᑭᐅᐎ ᐊᑑᔅᑫᑦ ᐱᒋ ᐱᑕᕐ ᑭᒋ ᐋᐐᑦ ᐅᑦ ᐊᐸᔅᑕᓕᒥᐗᐗ ᐁᑳ ᑳ ᑭᔅᑭᓄᐙᒋᔣᑲᓂᐎᒋᒃ, ᐁᐗᒀᓇ ᑳ ᑮ ᓱᑳᑎᓰᔅᑲᐎᑦ ᒉᓐᑖᐃᓚᒃ ᐃᔑ:

ᑲᓓᔕᐊᓇ 4:4

ᒫᑲ ᐃᔅᐱ ᒥᑐᓂᐌᑎᒋᐸᓕᒃ, ᑭᒋᒪᓂᑐ ᑮ ᑭᒋᑎᔕᐌᐤ ᐅᑯᓯᓴ, ᐃᔅᑴᒃ ᑳ ᐅᒋ ᓂᑕᐎᑭᓕᒋ, ᐁ ᓂᑕᐎᑭᓕᒋ ᐁᔥᑾ ᐁ ᐊᓕᑕᓂᓕᒃ ᐅᓚᔓᐌᐎᓂᓕᐤ;

ᐃᐱᓯᔭᓇ 1:9

ᐁ ᑮ ᑭᔅᑫᓕᑕᒥᐃᑕᒃ ᐁ ᐃᔑ ᑳᑖᓂᐗᓂᓕᒃ ᐅᑦ ᐃᑌᓕᑕᒧᐎᓐ, ᐁ ᐃᔑ ᒥᓗ ᐃᑌᓕᑕᒃ, ᐎᓚ ᑫᒋᐙᒃ ᑳ ᑮ ᐃᑌᓕᑕᒃ;

ᐃᐱᓯᔭᓇ 6:19

ᓀᔥᑕ ᓂᓚ ᐊᓯᒋ, ᑭᒋ ᒥᓕᑲᐎᔮᓐ ᑭᒋ ᐹᔅᑭᑐᓀᓕᔮᓐ, ᑭᒋ ᑭᔅᑫᓕᑖᑯᑖᔮᓐ ᐁ ᐃᔑ ᒫᒪᔅᑳᑌᓕᑖᑾᒃ ᒥᓗᐋᒋᒧᐎᓐ:

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᑯᓚᔑᔭᓇ 1:27

ᐊᓂᐃ ᑭᒋᒪᓂᑐ ᑫ ᑮ ᑭᔅᑫᓕᑕᒥᐋᔅᐸᓐ ᐁᔅᐱᒋ ᐌᓗᒋ ᑭᔅᑌᓕᑖᑾᒃ ᐅᒪ ᑳ ᒫᒪᔅᑳᑌᓕᑖᑾᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ; ᐁᐗᑯ ᙭ ᐁ ᐱᒋᔅᑳᑖᒃ, ᐁ ᐊᔅᐯᓕᒧᑐᒋᑳᑌᒃ ᑭᔅᑌᓕᑖᑯᓯᐎᓐ:

ᑯᓚᔑᔭᓇ 1:6

ᑳ ᑮ ᐯᒋ ᐅᑎᑎᑯᔦᒃ, ᑖᐱᔅᑯᒡ ᐁ ᐃᑕᑾᒃ ᒥᓯᐌ ᐊᔅᑮᒃ; ᓀᔥᑕ ᑳ ᒥᓂᔑᐗᒃ ᑖᐱᔅᑯᒡ ᓀᔥᑕ ᑳ ᐃᔑ ᒥᓂᔑᔅᑳᑯᔦᒃ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒣᒃ, ᓀᔥᑕ ᐁ ᑮ ᑭᔅᑫᓕᑕᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ ᑖᐺᐎᓂᒃ:

ᑯᓚᔑᔭᓇ 2:2

ᐅᑌᐃᐙᐗ ᑭᒋ ᑳᑭᒋᑖᓂᐗᓂᓕᑭ, ᐁ ᒪᐗᓴᑯᓈᑲᓂᐎᒋᒃ ᓵᑭᐃᐌᐎᓂᒃ, ᓀᔥᑕ ᑭᒋ ᒥᑐᓂᑫᒋᓇᐅᐎ ᓂᓯᑐᑕᑭᒃ ᐁ ᐃᔑ ᐌᓗᑕᓂᓕᒃ, ᒥᑐᓂ ᑭᒋ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅ ᒫᒪᔅᑳᑌᓕᑖᑯᓯᐎᓂᓕᐤ, ᓀᔥᑕ ᐅᑖᐎᒪᐗ, ᓀᔥᑕ ᙭ᑕ;

ᓂᔓ ᑌᓴᓗᓂᔭᓇ 1:10

ᐃᔅᐱ ᐯᒋ ᑕᑯᔑᑫ ᑭᒋ ᑭᔅᑌᓕᑖᑯᐃᑯᑦ ᐅ ᐸᓓᑭᓯᒪ, ᓀᔥᑕ ᑭᒋ ᑭᔅᑌᓕᒥᑯᑦ ᒥᓯᐌ ᐊᓂᐃ ᑳ ᑖᐺᑕᒥᓕᑭ (ᐌᓴ ᓂ ᑎᐹᒋᒧᐎᓂᓈᓐ ᑮ ᑖᐺᒋᑳᑌᐤ ᐃᑕ ᐁ ᐃᑖᔦᒃ,) ᐁᑯᔅᐱ ᐁ ᑭᔑᑳᒃ᙮

ᓂᔓ ᑌᓴᓗᓂᔭᓇ 2:7

ᐌᓴ ᐁ ᐃᔑ ᒫᒪᔅᑳᑌᓕᑖᑾᒃ ᐊᓂᒪ ᒪᒑᑎᓯᐎᓐ ᐊᔕᔾ ᐊᑐᔅᑫᒪᑲᓐ; ᐱᑯ ᐊᓇ ᐊᓄᒡ ᑳ ᐅᑕᒥᐃᐌᑦ ᑲᑕ ᐅᑕᒥᐃᐌᐤ, ᐹᑎᒫ ᐃᑲᑌᓈᑲᓂᐎᑌ᙮

ᓂᔥᑕᒻ ᑎᒧᑎ 3:9

ᐁ ᒥᒋᒥᓇᑭᒃ ᐁ ᐃᔑ ᒫᒪᔅᑳᑌᓕᑖᑾᓂᓕᒃ ᑖᐺᔦᓕᑕᒧᐎᓂᓕᐤ ᐸᓓᑭ ᒥᑐᓀᓕᒋᑲᓂᒃ᙮

ᐦᐃᑉᕉᐗ 1:3

ᐊᓇ ᐁ ᐙᓯᓱᑦ ᐅ ᑭᔅᑌᓕᑖᑯᓯᐎᓂᓕᒃ, ᓀᔥᑕ ᒥᑐᓂ ᐁ ᓇᔥᐱᑕᐙᑦ ᐁ ᐃᔑᓈᑯᓯᓕᒋ, ᓀᔥᑕ ᐁ ᓯᑐᓇᒃ ᒥᓯᐌ ᑫᒀᓇ ᐅ ᓱᑳᑎᓯᐎ ᐋᔭᒥᐎᓂᓕᐤ ᐅᒋ, ᐃᔅᐱ ᐎᓚ ᑫᒋᐙᒃ ᑳ ᑮ ᐃᑲᑌᓇᒃ ᑭ ᒪᒋᑣᐎᓂᓇᐗ, ᑮ ᓇᐊᐱᐌᐤ ᐅ ᑭᒋᓂᔅᑮᓕᒃ ᐊᓂᐃ ᒥᔭᐗᒋ ᐃᔅᐯᓕᑖᑯᓯᓕᒋ ᐃᔥᐱᒥᒃ;

ᐦᐃᑉᕉᐗ 12:2

ᐁ ᑲᓇᐙᐸᒪᒃ ᒋᓴᔅ, ᐊᓇ ᑳ ᑭᒋᑖᑦ ᓀᔥᑕ ᑳ ᑭᔑᑖᑦ ᑭ ᑖᐺᔦᓕᑕᒧᐎᓂᐗᐤ; ᐊᓇ ᒥᓚᐙᑕᒧᐎᓐ ᐅᒋ ᑳ ᑮ ᓂᑳᓇᔅᑕᒫᑦ ᑳ ᑮ ᓇᔭᑕᒃ ᐋᔑᑌᐋᑎᑯᓕᐤ, ᐁ ᐋᑕᐌᓕᑕᒃ ᓇᓀᐯᐎᓯᐃᓂᓕᐤ, ᓇᐊᐱᐤ ᒫᑲ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᓕᒃ ᑭᒋᒪᓂᑐᐗ᙮

ᐦᐃᑉᕉᐗ 7:7

ᐁᑳ ᒫᑲ ᐁ ᐋᓉᔦᓕᒋᑳᑌᒃ, ᑳ ᑭᔅᑌᓕᑖᑯᓯᑦ ᒥᓦᑭᒣᐤ ᐊᓂᐃ ᑳ ᑕᐸᑌᓕᑖᑯᓯᓕᒋ᙮

ᐦᐃᑉᕉᐗ 8:1

ᐊᓂᐃ ᑫᒀᓇ ᒫᑲ ᑳ ᑮ ᐋᓕᒧᑕᒪᒃ ᐁᐗᑯ ᐅᒪ ᑳ ᒥᓯᐌᔮᒃ: ᑭᑦ ᐋᔭᐙᓇᐤ ᐁᑯ ᑐᐎ ᑭᒋ ᓵᓵᑭᐎᓕᐌᐎᓕᓕᐤ, ᑳ ᐊᐱᑦ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᒃ ᑳ ᑭᒋᐅᑭᒪᐌᓕᑖᑯᓯᑦ ᑭᒋᑭᔑᑯᒃ;

ᓂᔥᑕᒻ ᐱᑕᕐ 1:12

ᐊᓂᑭ ᑳ ᑮ ᐙᐸᑎᓛᑲᓂᐎᒋᒃ, ᓇᒪᐎᓚ ᐎᓚᐗᐤ ᑫᒋᐙᒃ, ᒫᑲ ᑭᓚᓈᓇᐤ ᐊᓂᐃ ᐁ ᑮ ᐊᑐᔅᑫᔅᑕᒫᑕᑾᒃ, ᐊᓂᐃ ᐊᓄᒡ ᑳ ᐎᑕᒫᑖᑾᒃ ᐊᓂᑭ ᑳ ᑮ ᑲᑫᔅᑭᒥᑖᑾᒃ ᒥᓗᐋᒋᒧᐎᓐ ᐯᓓᑭᓯᑦ ᐊᒑᒃ ᐅᒋ ᑭᒋᑭᔑᑯᒃ ᑳ ᑮ ᐯᒋ ᓛᔑᑎᔕᐙᑲᓂᐎᑦ: ᐅᐅ ᑫᒀᓇ ᐁᓐᒐᓚᒃ ᑮ ᐸᑯᓭᓕᒧᐗᒃ ᑭᒋ ᑲᓇᐗᐸᑕᑭᒃ᙮

ᓂᔥᑕᒻ ᐱᑕᕐ 1:20

ᐊᓇ ᑖᐺ ᓂᑳᓐ ᑳ ᑮ ᐹᑲᓂᐋᑲᓂᐎᑦ ᐸᒧᔑ ᑮ ᒫᒋ ᐃᑕᑾᒃ ᐊᔅᑭ, ᒫᑲ ᒣᒀᒡ ᐅᐅ ᒫᒋᒡ ᐁ ᑭᔑᑳᑭ ᑭᓚᐗᐤ ᑳ ᐅᒋ ᓄᑯᐋᑲᓂᐎᑦ;

ᓂᔥᑕᒻ ᐱᑕᕐ 1:21

ᑭᓚᐗᐤ ᐎᓚ ᑳ ᐅᒋ ᑖᐺᔦᓕᒣᒃ ᑭᒋᒪᓂᑐ, ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ, ᓀᔥᑕ ᑳ ᑮ ᒥᓛᑦ ᑭᔅᑌᓕᑖᑯᓯᐎᓂᓕᐤ: ᑭᒋ ᑮ ᑖᐺᔦᓕᒣᒃ ᓀᔥᑕ ᐊᔅᐯᓕᒧᑐᑕᐌᒃ ᑭᒋᒪᓂᑐ᙮

ᓂᔥᑕᒻ ᐱᑕᕐ 3:18

ᐌᓴ ᙭ ᓀᔥᑕ ᐯᔭᑾᐤ ᒪᒋᑐᑕᒧᐎᓇ ᑮ ᐅᒋ ᐙᐎᓴᑭᓕᑕᒻ, ᑳ ᒀᔪᔅᑭᑎᑦ ᒦᔅᑯᒡ ᐁᑳ ᑳ ᒀᔭᔅᑭᑎᓕᒋ, ᑭᒋ ᑮ ᐯᔑᑕᒃ ᑭᒋᒪᓂᑐ ᑭᒋ ᐋᔭᐎᑕᒃ, ᐁ ᑮ ᓂᐸᐋᑲᓂᐎᑦ ᐎᔮᓯᐎᓂᒃ, ᒫᑲ ᐁ ᑮ ᐅᒋ ᐱᒫᑎᓯᐋᑲᓂᐎᑦ ᐊᒑᑾ:

ᓂᔥᑕᒻ ᐱᑕᕐ 3:22

ᐊᓇ ᑭᒋᔑᑯᒃ ᑳ ᐃᑐᑌᑦ, ᓀᔥᑕ ᑳ ᐃᑖᑦ ᑭᒋᒪᓂᑐᐗ ᐅ ᑭᒋᓂᔅᑭᓕᒃ: ᐁᓐᒐᓚ, ᓀᔥᑕ ᑎᐯᓕᒋᑫᐎᓇ, ᓀᔥᑕ ᑲᔥᑭᐅᐎᓇ ᐁ ᑎᐯᓕᑕᒥᐋᑲᓂᐎᑦ᙮

ᓂᔥᑕᒻ ᒑᓐ 1:2

(ᐌᓴ ᐊᓂᒪ ᐱᒫᑎᓯᐎᓐ ᑮ ᓄᑯᑖᑲᓂᐗᓐ, ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᑎᐹᑐᑌᓈᓐ, ᑭ ᐙᐸᑎᓕᑎᓈᓐ ᒫᑲ ᐊᓂᒪ ᑳᑭᑫ ᐱᒫᑎᓯᐎᓐ, ᑳ ᑮ ᐎᒋᑕᔑᑫᒥᑯᑦ ᐅᑖᐎᒪᐤ, ᓀᔥᑕ ᑳ ᑮ ᐙᐸᑎᓕᑲᐎᔮᒃ;)

ᓂᔥᑕᒻ ᒑᓐ 3:5

ᑭ ᑭᔅᑫᓕᑌᓇᐗᐤ ᒫᑲ ᐁ ᑮ ᓄᑯᐋᑲᓂᐎᑦ ᑭᒋ ᐅᑎᓇᒃ ᑭ ᒪᒋᑐᑕᒧᐎᓂᓇᐗ: ᐎᓚ ᒫᑲ ᓇᒪᐎᓚ ᐱᒋᔅᑳᑯ ᒪᒋᑣᐎᓂᓕᐤ᙮

ᓂᔥᑕᒻ ᒑᓐ 3:8

ᐊᓇ ᑳ ᒪᒋᑐᑕᒃ ᒪᒋᒪᓂᑐᒃ ᐅᒋᐤ; ᐌᓴ ᒪᒋᒪᓂᑐ ᓃᔥᑕᒻ ᐅᒋ ᑮ ᐯᒋ ᒪᒋᑐᑕᒻ᙮ ᐁᐗᑯ ᐌᒋ ᑮ ᓄᑯᐋᑲᓂᐎᓕᒋ ᑭᒋᒪᓂᑐ ᐅᑯᓯᓴ, ᑭᒋ ᓂᔑᐗᓈᒋᑕᐙᓕᒋ ᒪᒋᒪᓂᑐᐗ ᐅᑦ ᐊᑑᔅᑫᐎᓂᓕᐗ᙮

ᑭᔅᑫᓕᑖᑯᑖᑫᐎᓐ 17:5

ᐅᔅᑲᑎᑯᒃ ᒫᑲ ᐎᓗᐎᓐ ᑮ ᒪᓯᓇᐃᑳᑌᓕᐤ, ᒥᐹᒥᔅᑳᒋᐃᑎᑦ, ᐹᐱᓚᓐ ᑳ ᑭᒋᐃᑌᓂᑖᑯᓯᑦ, ᐅᑳᐎᐙᐗ ᐅᐱᔑᒀᑎᓯᐗᒃ, ᓀᔥᑕ ᑳ ᓂᐹᓯᓈᑾᑭ ᐅᑕ ᐊᔅᑮᒃ᙮

ᑭᔅᑫᓕᑖᑯᑖᑫᐎᓐ 17:7

ᐁᓐᒐᓪ ᒫᑲ ᓂ ᑮ ᐃᑎᒃ, ᑖᓀᑭ ᐌᒋ ᒫᒪᔅᑳᑕᒪᓐ? ᑭ ᑳ ᐎᑕᒫᑎᓐ ᐅ ᒫᒪᔅᑳᑌᓕᑖᑯᓯᐎᓐ ᐊᓇ ᐃᔅᑴᐤ, ᓀᔥᑕ ᐊᓇ ᐊᐌᓯᔅ ᑳ ᑌᑕᐱᑐᑕᐙᑦ, ᐊᓇ ᓃᔀᔅ ᑳ ᑕᑐᔅᑎᒀᓀᑦ, ᓀᔥᑕ ᑳ ᒥᑕᑌᔥᑲᓄᑦ᙮

ᑭᔅᑫᓕᑖᑯᑖᑫᐎᓐ 7:9

ᑳ ᐳᓂᐸᓕᒃ ᐅᒪ ᓂ ᑮ ᐙᐸᑌᓐ, ᒫᑎᑲ ᒫᑲ ᓈᔅᐱᒡ ᐁ ᒥᒉᑎᒋᒃ ᐃᓕᓕᐗᒃ ᐁᑳ ᑳ ᑮ ᐊᑭᒥᑯᒋᒃ ᐊᓂᐁᓕᐗ, ᒥᓯᐌ ᐁ ᐃᑕᑐᔅᑳᓀᓯᒋᒃ ᐃᓕᓕᐗᒃ ᐅᒋ, ᓀᔥᑕ ᐁ ᐃᑕᑐᑌᐎᓯᒋᒃ ᐃᓕᓕᐗᒃ, ᓀᔥᑕ ᐹᐱᑐᔥ ᐃᓕᓕᐗᒃ, ᓀᔥᑕ ᐹᐱᑐᔥ ᐁ ᐃᔑᑭᔗᒋᒃ, ᑮ ᓂᐸᐎᐗᒃ ᐅᑎᔥᑲᐤ ᐅᑭᒪᐗᐱᐎᓂᓕᐤ, ᓀᔥᑕ ᐅᑎᔥᑲᐤ ᒫᓂᔥᒑᓂᔑᔕ, ᐁ ᑭᑭᔥᑲᑭᒃ ᐙᐱ ᐊᑲᐅᓇ, ᓀᔥᑕ ᐁ ᑕᑯᓇᑭᒃ ᐹᒻ ᐗᑎᑾᓇ;