14 ᐅᐅ ᑭ ᒪᓯᓇᐊᒫᑎᓐ, ᐁ ᐸᑯᓭᓕᒧᔮᓐ ᐎᐸᒡ ᑭᒋ ᓈᑎᑖᓐ:
ᑮᔥᐱᓐ ᒫᑲ ᐊᐌᓇ ᐙ ᒥᒋᓱᑴ, ᐁᑯᔑ ᑲᑕ ᒥᒋᓱ ᐎᑭᒃ; ᐁᑳ ᑭᒋ ᐯᒋ ᒪᐗᒋᐃᑐᔦᒃ ᑭᒋ ᓂᔑᐗᓈᒋᒥᑲᐎᔦᒃ᙮ ᑯᑕᑭᔭ ᑫᒀᓇ ᒫᑲ ᓂ ᑳ ᐎᓓᓕᑌᓐ ᑕᑯᔑᓂᔮᓀ᙮
ᐁᐗᑯ ᒫᑲ ᐅᒋ ᑭ ᑳ ᑮ ᓇᑎᑎᑖᓐ, ᓂᓚ ᐹᓪ ᐅᑎ, ᒫᑲ ᓭᑖᓐ ᓂ ᑮ ᐅᑕᒥᐃᑯᓈᓐ᙮
ᐌᓴ ᐊᓂᑭ ᒀᔭᔉ ᑳ ᑮ ᐋᐸᒋᑖᒋᒃ ᐋᔭᒥᐁᐎᑭᒪᐤ ᐅᑦ ᐃᑖᐸᑎᓯᐎᓐ, ᑲᔥᑭᑕᒫᓱᐗᒃ ᒥᓗ ᓂᐸᐎᐎᓐ, ᓀᔥᑕ ᑭᒋ ᓱᑫᓕᒧᐎᓐ ᑖᐺᔦᓕᑕᒧᐎᓂᒃ ᑳ ᐋᔭᑦ ᙭ ᒋᓴᔅ᙮
ᒫᑲ ᑮᔥᐱᓐ ᑭᓉᔥ ᐃᑖᐱᒋᔮᓀ, ᑭᒋ ᑭᔅᑫᓕᑕᒪᓐ ᑫ ᐃᑖᑎᓯᔭᓐ ᑭᒋᒪᓂᑐ ᐅ ᐙᔅᑳᔨᑲᓂᒥᒃ, ᐁᐗᑯ ᐅ ᒫᒪᐎᐋᔭᒥᐋᒪ ᐯᒫᑎᓰᑦ ᑭᒋᒪᓂᑐ, ᑳ ᐅᒋ ᓯᑐᓂᑳᑌᒃ ᓀᔥᑕ ᐋᔨᒋᑖᓂᐗᒃ ᑖᐺᐎᓐ᙮
ᐃᓕᑯᒃ ᑫ ᑕᑯᔑᓈᓐ, ᒧᔕᒃ ᐋᔭᒥᒋᑫ, ᔑᑭᒥᐌ, ᑲᑫᔅᑭᒥᐌ᙮
ᒫᑲ ᐊᓯᒋ ᐋᔦᔅᑲᐎᑕᒪᐎᓐ ᐃᑕ ᑫ ᐎᑭᔮᓐ; ᐌᓴ ᓂᑦ ᐃᔑ ᐸᑯᓭᓕᒧᓐ ᑭᑦ ᐋᔭᒥᐋᐎᓂᐗᐗ ᐅᒋ, ᓂᓚ ᑭᒋ ᐸᑭᑎᓇᒫᑲᐎᔦᒃ᙮
ᑭ ᑭᔅᑫᓕᑌᓇᐗᐤ ᒫᑲ, ᑭᒋᔖᓂᓇᐤ ᑎᒧᑎ ᐁ ᐋᐸᐙᑲᓂᐎᑦ; ᐊᓯᒋ ᐎᓚ, ᐎᐸᒡ ᑕᑯᔑᑫ, ᑭ ᑳ ᐙᐸᒥᑎᓈᐗᐤ᙮
ᐁ ᐋᔮᔮᓐ ᒥᒉᑦ ᑫᒀᓇ ᑭᒋ ᒪᓯᓇᐊᒫᑕᑾᒃ, ᓇᒪᐎᓚ ᓂ ᑳ ᐎᑌᓐ ᐁ ᐋᐸᒋᑖᔮᓐ ᒪᓯᓇᐃᑲᓍᓐ ᓀᔥᑕ ᒪᓯᓇᐃᑲᓇᐳ: ᒫᑲ ᓂ ᐸᑯᓭᓕᑌᓐ ᑭᒋ ᓈᑎᑖᑾᒃ, ᐁᑯ ᑭᑐᓂᓈᒃ ᑭᒋ ᐋᔭᒥᐃᑐᔭᒃ, ᑭ ᒥᓚᐙᑕᒧᐎᓂᐗᐤ ᑭᒋ ᓵᑲᔅᑭᓀᒃ᙮
ᒫᑲ ᓂ ᐸᑯᓭᓕᑌᓐ ᐎᐸᒡ ᑭᒋ ᐙᐸᒥᑖᓐ, ᐁᑯ ᒫᑲ ᑭᑐᓂᓈᒃ ᑫ ᐋᔭᒥᐃᑐᔭᒃ᙮ ᑳᔮᒣᓕᑕᒧᐎᓐ ᑭ ᑳ ᐎ ᐋᔮᓐ᙮ ᑭᑐᑌᒥᓇᐗᒃ ᑭᑦ ᐊᑕᒥᔅᑳᑾᒃ᙮ ᐊᑕᒥᔅᑲᐎᒃ ᑭᑐᑌᒥᓇᐗᒃ ᐁ ᐃᔑᓂᑳᓱᒋᒃ᙮
