ᓂᔥᑕᒻ ᑎᒧᑎ 3:1 - ᐅᔅᑭ ᑎᔅᑌᒥᓐᑦ

¹ ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ: ᑮᔥᐱᓐ ᐊᐌᓇ ᐃᓕᓕᐤ ᓇᑕᐌᓕᑕᑫ ᑭᒋᐋᔭᒥᐁᐎᑭᒪᐤ ᐅᑦ ᐃᑖᐸᑎᓯᐎᓐ, ᓇᑕᐌᓕᑕᒻ ᒥᓗ ᐊᑑᔅᑫᐎᓂᓕᐤ᙮

ᓂᔥᑕᒻ ᑎᒧᑎ 3:1 Iomraidhean Croise

ᐅᐸᓓᑭᔅ ᓘᒃ 15:10

ᐁᑯ ᑖᐱᔅᑯᒡ, ᑭᑦ ᐃᑎᓇᐗᐤ, ᐃᑕᑾᓐ ᒥᓚᐙᑕᒧᐎᓐ ᐃᑕ ᐁ ᐃᑖᓕᒋ ᑭᒋᒪᓂᑐ ᐁᓐᒐᓕᒪ ᐯᔭᒃ ᐅᒪᒋᑣᐤ ᐅᒋ ᐁ ᑴᔅᑳᑎᓯᑦ᙮

ᐊᐸᔅᑕᓚᒃ 1:20

ᐌᓴ ᐃᑕᓯᓇᐃᑳᑌᐤ ᓂᑲᒧᐎ ᒪᓯᓇᐃᑲᓂᒃ, ᐁᑯᔑ ᐅ ᑕᔑᑫᐎᓐ ᑲᑕ ᐱᔑᔑᒀᓕᐤ, ᓇᒪ ᓀᔥᑕ ᐊᐌᓇ ᐃᓕᓕᐤ ᐊᓐᑕ ᑲᑕ ᐎᑭᐤ; ᓀᔥᑕ ᐅᑦ ᐋᔭᒥᐋᐎ ᑎᐯᓕᒋᑫᐎᓐ ᐁᑯᔑ ᑯᑕᑭᔭ ᑲᑕ ᐅᑎᓇᒥᓕᐗ᙮

ᐊᐸᔅᑕᓚᒃ 20:28

ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:13

ᐌᓴ ᑭᑦ ᐗᔭᒥᐃᑎᓇᐗᐤ ᑭᓚᐗᐤ ᒉᓐᑖᐃᓕᑐᒃ, ᐎᓚ ᓂᓚ ᐁ ᐅᑦ ᐊᐸᔅᑕᓕᒥᒥᒋᒃ ᒉᓐᑖᐃᓚᒃ, ᓂ ᑭᔅᑌᓕᑌᓐ ᓂᑦ ᐊᑑᔅᑫᐎᓐ:

ᐃᐱᓯᔭᓇ 4:12

ᑭᒋ ᒥᑐᓂᐎᐋᑲᓂᐎᒋᒃ ᐅᐸᓓᑭᓴᒃ, ᑭᒋ ᐋᔭᒥᐋᐎ ᐊᑑᔅᑫᒋᒃ, ᑭᒋ ᐅᒋ ᓚᑭᑭᓂᓕᒃ ᙭ ᐎᔭᐤ:

ᐱᓕᐱᔭᓇ 1:1

ᐹᓪ ᓀᔥᑕ ᑎᒧᑎ, ᐅᑦ ᐊᑑᔅᑫᓛᑲᓂᒪ ᒋᓴᔅ ᙭, ᐁ ᒪᓯᓇᐊᒪᐙᒋᒃ ᒥᓯᐌ ᐅᐸᓓᑭᓴ ᙭ ᒋᓴᓯᒃ, ᑳ ᐃᑖᓕᒋ ᐱᓕᐹᐃᐃᒃ, ᐊᓯᒋ ᑭᒋᐋᔭᒥᐁᐎᑭᒪᐗ ᓀᔥᑕ ᑎᑲᓇ:

ᓂᔥᑕᒻ ᑌᓴᓗᓂᔭᓇ 5:14

ᐊᓄᒡ ᒫᑲ ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᔮᒀᒥᒥᑯᒃ ᐊᓂᑭ ᑳ ᐋᓉᑕᑭᒃ, ᑳᑭᒋᐃᑯᒃ ᐊᓂᑭ ᑳ ᓕᓚᒥ ᒥᑐᓀᓕᒋᑲᓂᒋᒃ, ᓂᔓᑲᒫᑯᒃ ᐊᓂᑭ ᑳ ᓕᓚᒥᓯᒋᒃ, ᔑᐱᓚᐌᓯᔅᑖᑯᒃ ᒥᓯᐌ ᐃᓕᓕᐗᒃ᙮

ᓂᔥᑕᒻ ᑎᒧᑎ 1:15

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ, ᓀᔥᑕ ᑌᐸᑫᓕᑖᑾᓐ ᒥᓯᐌ ᐃᔑ ᑭᒋ ᐅᑎᓂᑳᑌᒃ, ᙭ ᒋᓴᔅ ᐁ ᑮ ᐯᒋᐃᑐᑌᑦ ᐅᑕ ᐊᔅᑮᒃ ᑭᒋ ᐱᒫᒋᐋᑦ ᐅᒪᒋᑣᐗ; ᐁᐗᒀᓂᑭ ᐅᒋ ᓂᓚ ᓂ ᓂᑳᓀᓕᑖᑯᓯᓐ᙮

ᓂᔥᑕᒻ ᑎᒧᑎ 4:9

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ, ᓀᔥᑕ ᑌᐸᑫᓕᑖᑾᓐ ᒥᓯᐌ ᐃᔑ ᑭᒋ ᐅᑎᓂᑳᑌᒃ᙮

ᓂᔓ ᑎᒧᑎ 2:11

ᑖᐺᒪᑲᓐ ᐃᑗᐎᓐ, ᐌᓴ ᑮᔥᐱᓐ ᑮ ᐎᒋᓂᐱᒪᒃ, ᐊᓯᒋ ᓀᔥᑕ ᑭ ᑳ ᐎᒋᐱᒫᑎᓯᒫᓇᐤ:

ᑕᐃᑕᔅ 1:7

ᐌᓴ ᑭᒋᐋᔭᒥᐁᐎᑭᒪᐤ ᑲᑕ ᒥᓗᐃᑌᓕᑖᑯᓯᐤ, ᑖᐱᔅᑯᒡ ᐅ ᑲᓇᐌᓕᑎᓛᑲᓇ ᑭᒋᒪᓂᑐ: ᐁᑳ ᐁ ᐯᔭᑯᑴᓕᒥᑎᓱᑦ, ᐁᑳ ᐎᐸᒡ ᐁ ᑭᓯᐙᓯᑦ, ᐁᑳ ᐁ ᐅᓵᒥᓂᑴᑦ ᔓᒥᓈᐳ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ;

ᑕᐃᑕᔅ 3:8

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ; ᐅᐅ ᑫᑾᓇ ᓀᔥᑕ ᑭ ᓇᑕᐌᓕᒥᑎᓐ ᒧᔕᒃ ᑭᒋ ᐙᐎᑕᒪᓐ, ᐊᓂᑭ ᑳ ᑖᐺᔦᓕᒫᒋᒃ ᑭᒋᒪᓂᑐᐗ ᑭᒋ ᔮᒀᒥᓯᒋᒃ ᑭᒋ ᒥᓗ ᐊᑑᔅᑫᒋᒃ: ᐅᐅ ᑫᒀᓇ ᒥᓦᔑᓂᓕᐤ ᓀᔥᑕ ᐋᐸᑕᓂᓕᐤ ᐃᓕᓕᐗᒃ᙮

ᐦᐃᑉᕉᐗ 12:15

ᐁ ᑭᓯᓴᐎᓯᐎ ᐊᔕᐙᐱᔦᒃ, ᐁᑳᐎᓚ ᐊᐌᓇ ᐃᓕᓕᐤ ᑭᒋ ᐸᑭᔑᒃ ᐅ ᔕᐌᓕᒋᑫᐎᓂᓕᐤ ᑭᒋᒪᓂᑐᐗ ᐅᒋ; ᐁᑳ ᐁ ᐅᒉᐱᑭᐗᒃ ᐎᓴᑯᐅᐌᐎᓐ ᐁ ᓵᑭᑭᒃ ᑭᒋ ᒥᑯᔥᑳᒋᐃᑯᔦᒃ, ᑫ ᐅᒋ ᐎᓂᐅᒋᒃ ᑳ ᒥᒉᑎᑭᒃ;

ᓂᔥᑕᒻ ᐱᑕᕐ 2:25

ᐌᓴ ᑭ ᑮ ᓇᔅᐱᑕᐙᐗᐗᒃ ᒫᓂᔥᒑᓂᔕᒃ ᐁ ᐗᓂᔑᑭᒃ; ᒫᑲ ᐊᓄᒡ ᑮ ᑭᐌᑐᑕᐗᐗᐤ ᑭᑦ ᐊᒑᑯᐗᐗᒃ ᐅ ᒫᓂᔥᒑᓂᔑᐎᓕᓕᒥᐙᐗ ᓀᔥᑕ ᐅ ᑭᒋᐋᔭᒥᐁᐎᑭᒫᒥᐗᐗ᙮

ᓂᔥᑕᒻ ᐱᑕᕐ 4:15

ᒫᑲ ᐁᑳᐎᓚ ᐊᐌᓇ ᐁ ᐃᑕᔑᔦᒃ ᑲᑕ ᐎᓴᑫᓕᑕᒥᐊᐤ ᑖᐱᔅᑯᒡ ᐅᓂᐹᔨᐌᐤ, ᓀᔥᑕᐱᑯ ᑭᒧᑎᔉ, ᓀᔥᑕᐱᑯ ᑳ ᒪᒋᐋᔨᑎᑦ, ᓀᔥᑕᐱᑯ ᑖᐱᔅᑯᒡ ᐊᐌᓇ ᑳ ᐅᑕᒥᐃᑎᓱᑦ ᑯᑕᑭᔭ ᐃᓕᓕᐗ ᐅᑦ ᐋᔮᓂᓕᐗ ᐅᒋ᙮

ᓂᔥᑕᒻ ᐱᑕᕐ 5:2

ᐊᔕᒥᑯᒃ ᐅ ᒫᓂᔥᒑᓂᔑᒪ ᑭᒋᒪᓂᑐ ᑳ ᐎᒉᐎᑖᑾᒃ, ᐁ ᓈᓈᑲᑕᐙᐸᒣᑾᒃ, ᓇᒪᐎᓚ ᐱᑯ ᐁ ᔑᑭᒥᑲᐎᔦᒃ ᐅᒋ, ᒫᑲ ᐁ ᒥᓜᓕᑕᒣᒃ; ᓇᒪᐎᓚ ᒪᒋ ᐅᑎᓯᐎᓐ ᐅᒋ ᐋᔦᔅᑲᐎᓯᐎ ᒥᑐᓀᓕᒋᑲᓂᒃ: