ᓂᔥᑕᒻ ᑎᒧᑎ 2:1 - ᐅᔅᑭ ᑎᔅᑌᒥᓐᑦ

¹ ᐁᐗᑯ ᒫᑲ ᐅᒋ ᒪᐗᒋ ᓃᔥᑕᒻ ᓂ ᔑᑭᑫᒧᓐ, ᓇᑐᑕᒫᑫᐎᓇ, ᐋᔭᒥᐋᐎᓇ, ᐋᔭᒥᐁᔅᑕᒫᑫᐎᓇ ᓀᔥᑕ ᓇᓈᔅᑯᒧᐎᓇ ᑭᒋ ᐅᔑᑕᒫᒋᒃ ᒥᓯᐌ ᐃᓕᓕᐗᒃ;

ᓂᔥᑕᒻ ᑎᒧᑎ 2:1 Iomraidhean Croise

ᐊᐸᔅᑕᓚᒃ 17:30

ᒣᒀᒡ ᒫᑲ ᐅᒪ ᑳ ᐃᔑ ᑲᑫᐸᑎᓯᓈᓂᐗᒃ ᑭᒋᒪᓂᑐ ᓇᒪᐎᓚ ᐅᒋ ᐱᓯᔅᑫᓕᑕᒻ; ᐊᓄᒡ ᒫᑲ ᐅᓚᔓᐙᑌᐤ ᒥᓯᐌ ᐃᓕᓕᐗ ᒥᓯᐌ ᐃᑕ ᑭᒋ ᑴᔅᑳᑎᓯᓕᒋ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:8

ᓂᔥᑕᒻ, ᓂ ᓇᓈᔅᑯᒪᐤ ᓂ ᑭᒋᒪᓂᑐᒻ ᐎᓚ ᐅᒋ ᒋᓴᔅ ᙭ ᒥᓯᐌ ᑳ ᐃᑕᔑᔦᒃ ᐅᒋ, ᑭ ᑖᐺᔦᓕᑕᒧᐎᓂᐗᐤ ᐁ ᐋᓕᒧᒋᑳᑌᒃ ᒥᓯᐌ ᐊᔅᑮᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:17

ᒫᑲ ᑭᒋᒪᓂᑐ ᑲᑕ ᐎ ᓇᓈᔅᑯᒪᐤ, ᐁ ᑮ ᐅᑦ ᐊᑑᔅᑫᓚᑲᓂᒥᑯᔦᒃ ᒪᒋᑣᐎᓐ, ᒫᑲ ᑭᑌᐃᐙᒃ ᑭ ᑮ ᐅᒋ ᓇᓇᐃᑌᓇᐗᐤ ᐊᓂᒪ ᑐᐎ ᑭᔅᑭᓄᐊᒫᑫᐎᓐ ᑳ ᑮ ᐸᑭᑎᓇᒫᑲᐎᔦᒃ᙮

ᓂᔥᑕᒻ ᑯᕆᓐᑎᐊᓇ 15:3

ᐌᓴ ᓃᔥᑕᒻ ᑭ ᑮ ᐸᑭᑎᓇᒫᑎᓇᐊᐤ ᐊᓂᒪ ᑳ ᑮ ᑭᔅᑫᓕᑕᒥᐃᑳᐎᔮᓐ, ᙭ ᐁ ᑮ ᓂᐱᑦ ᑭ ᒪᒋᑣᐎᓂᓇᐗ ᐅᒋ ᐁ ᐃᔑ ᐃᑗᒪᑲᑭ ᑭᒋ ᒪᓯᓇᐃᑫᐎᓇ;

ᓂᔓ ᑯᕆᓐᑎᐊᓇ 8:6

ᐁᑯ ᑳ ᐅᒋ ᓇᑕᐌᓕᑕᒧᐗᑭᑎᐸᓐ ᑕᐃᑕᔅ, ᑳ ᑮ ᐃᔑ ᒫᒋᑐᑕᒃ, ᐁᑯ ᑖᐱᔅᑯᒡ ᓀᔥᑕ ᑭᒋ ᑭᔑᑕᒫᑖᒃ ᐊᓂᒪ ᔕᐌᓕᒋᑫᐎᓐ᙮

ᐃᐱᓯᔭᓇ 3:13

ᐁᐗᑯ ᒫᑲ ᐅᒋ ᓂ ᓇᑕᐌᓕᑌᓐ ᐁᑳ ᑭᒋ ᐊᑲᐌᓕᑕᒥᐃᑯᔦᒃ ᓂᑦ ᐊᓕᒥᓯᐎᓇ ᑭᓚᐗᐤ ᑳ ᐅᒋ ᐅᑎᑎᑯᔮᓐ, ᑳ ᐃᔅᐯᓕᑖᑯᐃᑯᔦᒃ᙮

ᐃᐱᓯᔭᓇ 5:20

ᒧᔕᒃ ᒥᓯᐌ ᑫᒀᓇ ᐁ ᐅᒋ ᓇᓈᔅᑯᒣᒃ ᑭᒋᒪᓂᑐ ᐌᐅᑖᐎᒪᐎᑦ, ᐅᑦ ᐃᔑᓂᑳᓱᐎᓂᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᐃᐱᓯᔭᓇ 6:18

ᒧᔕᒃ ᐁ ᐋᔭᒥᐋᔦᒃ ᒥᓯᐌ ᐋᔭᒥᐋᐎᓂᒃ ᓀᔥᑕ ᓇᑐᑕᒫᑫᐎᓂᒃ ᐊᒑᑯᒃ, ᐁᑯᑕ ᓀᔥᑕ ᐁ ᐃᔑ ᐊᔕᐙᐱᔦᒃ ᒥᓯᐌ ᐋᔑᑫᓕᑕᒧᐎᓂᒃ, ᓀᔥᑕ ᐁ ᐋᔭᒥᐁᔅᑕᒪᐌᑾᒃ ᒥᓯᐌ ᐅᐸᓓᑭᓴᒃ;

ᐱᓕᐱᔭᓇ 1:3

ᓂ ᓇᓈᔅᑯᒪᐤ ᓂ ᑭᒋᒪᓂᑐᒻ ᒧᔕᒃ ᐁ ᑭᔅᑭᓯᑐᑖᑖᑾᒃ,

ᐱᓕᐱᔭᓇ 4:6

ᐁᑳᐎᓚ ᑫᒀᓐ ᑭ ᑳ ᒥᑯᔥᑳᑌᓕᑕᒥᐃᑯᓇᐗᐤ; ᒫᑲ ᒥᓯᐌ ᑫᒀᓂᒃ, ᐁ ᐋᔭᒥᐋᔦᒃ ᓀᔥᑕ ᐁ ᓇᑐᑕᒫᑫᔦᒃ, ᐁ ᓇᓈᔅᑯᒧᔦᒃ ᐊᓯᒋ, ᑭ ᑳ ᑭᔅᑫᓕᑕᒥᐊᐗᐤ ᑭᒋᒪᓂᑐ ᑭ ᓇᑐᑕᒫᑫᐎᓂᐗᐗ;

ᓂᔥᑕᒻ ᑌᓴᓗᓂᔭᓇ 3:12

ᑌᐯᓕᒋᑫᑦ ᓀᔥᑕ ᑭ ᑳ ᐎ ᑐᑖᑯᐗᐤ ᑭᒋ ᓚᑭᐋᔮᔦᒃ ᓀᔥᑕ ᑭᒋ ᐌᓗᑎᓯᔦᒃ ᓵᑭᐃᐌᐎᓐ ᐁ ᐃᔑ ᓴᑭᐃᑐᔦᒃ, ᓀᔥᑕ ᒥᓯᐌ ᐃᓕᓕᐗᒃ, ᑖᐱᔅᑯᒡ ᓂᓚᓈᓐ ᑳ ᐋᔨᑐᑖᑖᒃ:

ᓂᔓ ᑌᓴᓗᓂᔭᓇ 1:3

ᓂᑦ ᐃᑌᓕᑖᑯᓯᓈᓐ ᒧᔕᒃ ᑭᒋ ᓇᓈᔅᑯᒪᑭᑦ ᑭᒋᒪᓂᑐ ᑭᓚᐗᐤ ᐅᒋ ᓂᒋᔖᓂᑐᒃ, ᐁ ᐃᔑ ᒥᓗᐃᑌᓕᑖᑾᒃ, ᑭ ᑖᐺᔦᓕᑕᒧᐎᓂᐗᐤ ᐁ ᐌᓗᒋ ᓂᑕᐎᑭᒃ, ᓀᔥᑕ ᑭ ᓵᑭᐃᑐᐎᓂᐗᐤ ᐁ ᐃᔑ ᓵᑭᐃᑐᔦᒃ ᐁ ᐌᓗᒋᐸᓕᒃ;

ᓂᔥᑕᒻ ᑎᒧᑎ 2:4

ᐊᓇ ᑳ ᓇᑕᐌᓕᒫᑦ ᒥᓯᐌ ᐃᓕᓕᐗ ᑭᒋ ᐱᒫᒋᐋᑲᓂᐎᓕᒋ, ᓀᔥᑕ ᑭᒋ ᐯᒋ ᑭᔅᑫᓕᑕᒥᓕᒋ ᑖᐺᐎᓂᓕᐤ᙮

ᓂᔥᑕᒻ ᑎᒧᑎ 5:5

ᐊᓇ ᒫᑲ ᑖᐺ ᑳ ᑭᑎᒪᑭᔅᑴᐎᑦ ᓀᔥᑕ ᑳ ᓂᓯᑫᐎᓯᑦ, ᐊᔅᐯᓕᒧᑐᑕᐌᐤ ᑭᒋᒪᓂᑐᐗ, ᓀᔥᑕ ᒧᔕᒃ ᓇᑐᑕᒫᑫᐤ ᓀᔥᑕ ᐋᔭᒥᐊᐤ, ᐁ ᑎᐱᔅᑳᓕᒃ ᓀᔥᑕ ᐁ ᑭᔑᑳᓕᒃ᙮

ᓂᔓ ᑎᒧᑎ 2:24

ᐊᓇ ᒫᑲ ᑳ ᐅᑦ ᐊᑑᔅᑫᓚᑲᓂᒥᑯᑦ ᐅᑎᐯᓕᒋᑫᐗ ᓇᒪᐎᓚ ᑳᑕ ᐋᔑᑌᒥᐌᐤ; ᒫᑲ ᑲᑕ ᓗᔅᑳᑎᓰᔅᑕᐌᐤ ᒥᓯᐌ ᐃᓕᓕᐗ, ᐁ ᐎ ᑭᔅᑭᓄᐊᒫᑫᑦ, ᐁ ᔑᐱᓚᐌᓯᑦ,

ᑕᐃᑕᔅ 2:11

ᐌᓴ ᐅ ᔕᐌᓕᒋᑫᐎᓐ ᑭᒋᒪᓂᑐ, ᑳ ᐯᑕᒧᒪᑲᒃ ᐱᒫᒋᐃᐌᐎᓐ, ᑮ ᓄᑯᓯᔅᑖᑯᐗᒃ ᒥᓯᐌ ᐃᓕᓕᐗᒃ,

ᑕᐃᑕᔅ 3:2

ᐁᑳᐎᓚ ᑭᒋ ᒪᒋ ᐋᓕᒧᒫᒋᒃ ᐊᐌᓕᐗ, ᐁᑳ ᑭᒋ ᒀᓗᑐᑕᑫᒋᒃ, ᒫᑲ ᑭᒋ ᑳᔮᒣᐎᓯᒋᒃ ᒥᑐᓂ ᐁ ᓗᔅᑳᑎᓰᔅᑕᐙᒋᒃ ᒥᓯᐌ ᐃᓕᓕᐗ᙮

ᐦᐃᑉᕉᐗ 6:11

ᓂ ᐸᑯᓭᓕᑌᓈᓐ ᒫᑲ ᒥᓯᐌ ᐁ ᐃᑕᔑᔦᒃ ᑭᑭ ᐃᔑ ᐙᐸᑎᓕᐌᔦᒃ ᐊᓂᒪ ᐃᔑ ᑭᓯᓴᐎᓯᐎᓐ, ᒥᑐᓂ ᐁ ᑫᒋᓇᐅᔦᒃ ᐊᔅᐯᓕᒧᐎᓂᒃ ᐱᓕᔥ ᑫ ᐃᔥᒀᐸᓕᒃ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:16

ᐙᐎᑕᒫᑐᒃ ᑭ ᐗᓂᐋᔨᑎᐎᓂᐗᐗ, ᓀᔥᑕ ᐋᔭᒥᐁᔅᑕᒫᑐᒃ, ᑭᒋ ᒥᓇᐙᒋᐃᑲᐎᔦᒃ᙮ ᐅ ᓇᑐᑕᒫᑫᐎᓐ ᑳ ᒀᔭᔅᑭᑖᑎᓰᑦ ᐃᓕᓕᐤ ᒥᔅᑕᐃ ᐃᑖᐸᑕᓂᓕᐤ᙮