ᓂᔥᑕᒻ ᑎᒧᑎ 1:9 - ᐅᔅᑭ ᑎᔅᑌᒥᓐᑦ

⁹ ᐅᒪ ᐁ ᑭᔅᑫᓕᒋᑳᑌᒃ, ᐅᓚᔓᐌᐎᓐ ᐁᑳ ᐁ ᑮ ᐅᔑᑕᒫᑦ ᑳ ᒀᔭᔅᑭᑖᑎᓰᑦ ᐃᓕᓕᐤ, ᒫᑲ ᐁᑳ ᑳ ᑲᓇᐌᓕᑕᑭᒃ ᐅᓚᔓᐌᐎᓂᓕᐤ, ᑳ ᔑᐱᑕᑭᒃ, ᐁᑳ ᑳ ᒪᓂᑐᐙᑎᓯᒋᒃ ᓀᔥᑕ ᑳ ᒪᒋᑣᒋᒃ, ᑳ ᒪᒑᑎᓯᒋᒃ, ᓀᔥᑕ ᑳ ᒪᒋᐃᑗᔅᑭᒋᒃ, ᑳ ᓂᐸᐋᒋᒃ ᐅᑖᐎᐗᐗ, ᓀᔥᑕ ᑳ ᓂᐸᐋᒋᒃ ᐅᑳᐎᐗᐗ, ᓀᔥᑕ ᑳ ᓂᐸᐋᒋᒃ ᐃᓕᓕᐗ,

ᓂᔥᑕᒻ ᑎᒧᑎ 1:9 Iomraidhean Croise

ᐅᐸᓓᑭᔅ ᒫᑎᐤ 10:21

ᐎᒋᔖᓂᒪᐤ ᒫᑲ ᑲᑕ ᐸᑭᑎᓀᐤ ᐎᒋᔖᓇ ᑭᒋ ᓂᐹᔨᒥᒋ, ᓀᔥᑕ ᐅᑖᐎᒪᐤ ᐅᑦ ᐊᐙᔑᒥᔕ: ᐊᐙᔑᔕᒃ ᒫᑲ ᑲᑕ ᐸᓯᑯᔅᑕᐌᐗᒃ ᐅ ᓂᑭᐃᑯᐙᐗ, ᑲᑕ ᐃᑐᑕᐌᐗᒃ ᒫᑲ ᑭᒋ ᓂᐹᔨᒥᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:30

ᐁ ᐸᑾᓄᒥᐌᒋᒃ, ᐁ ᐸᒀᑖᒋᒃ ᑭᒋᒪᓂᑐᐗ, ᐁ ᒪᒉᓕᒥᐌᔅᑭᒋᒃ, ᐁ ᑭᔅᑌᓕᒧᒋᒃ, ᐁ ᑲᑭᒋᒧᒋᒃ, ᐁ ᒥᔅᑲᐙᑖᒋᒃ ᑳ ᒫᓛᑕᓂᓕᑭ, ᐁ ᐋᓉᑕᐙᒋᒃ ᐅᓂᑭᐃᑯᐗᐗ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:13

ᐌᓴ ᐊᓂᐁᓕᐤ ᐎᑕᒫᑯᓯᐎᓂᓕᐤ, ᑭᒋ ᐋᓂᔅᑫ ᐋᔮᑦ ᐊᔅᑭᓕᒃ, ᓇᒪᐎᓚ ᑮ ᐅᒋ ᒥᓛᑲᓂᐎᐤ ᐁᑉᕃᐊᒻ, ᓀᔥᑕᐱᑯ ᐅᑦ ᐊᐙᔑᒥᔕ ᐅᓚᔓᐌᐎᓂᒃ ᐅᒋ, ᒫᑲ ᐁ ᒀᔭᔅᑲᑎᓱᒪᑲᓂᓕᒃ, ᑖᐺᔦᓕᑕᒧᐎᓐ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:20

ᓀᔥᑕ ᒫᑲ ᐅᓚᔓᐌᐎᓐ ᑮ ᐱᑐᑫᒪᑲᓐ ᑭᒋ ᒥᒉᑎᒃ ᐗᓂᑐᑕᒧᐎᓐ᙮ ᒫᑲ ᐃᑕ ᑳ ᐃᔑ ᒥᒉᑎᒃ ᒪᒋᑣᐎᓐ, ᐁᑯᑕ ᐋᓕᐙᒃ ᐊᐙᓯᑌ ᑮ ᒥᒉᑌᓐ ᔕᐌᓕᒋᑫᐎᓐ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:14

ᐌᓴ ᒪᒋᑣᐎᓐ ᓇᒪᐎᓚ ᑭ ᑳ ᑎᐯᓕᒥᑯᓇᐗᐤ: ᐌᓴ ᓇᒪᐎᓚ ᑭᑦ ᐃᑖᓇᐗᐤ ᐅᓚᔓᐌᐎᓂᒃ ᒫᑲ ᔕᐌᓕᒋᑫᐎᓂᒃ᙮

ᑲᓓᔕᐊᓇ 3:19

ᑖᓂ ᒫᑲ ᐁᑖᐸᑕᒃ ᐅᓚᔓᐌᐎᓐ? ᑮ ᑕᑯᑖᑲᓂᐗᓐ ᒪᒋ ᐋᔨᑎᐎᓇ ᐅᒋ, ᐹᑎᒪ ᑕᑯᔑᒃ ᐅᑯᓯᓯᒪᐤ ᑳ ᑮ ᒥᓛᑲᓂᐎᑦ ᐊᓂᐁᓕᐤ ᐊᔓᑕᒫᑫᐎᓂᓕᐤ: ᑮ ᐙᐌᓚᔅᑕᐗᒃ ᒫᑲ ᐁᓐᒐᓚᒃ ᐅᒋᒋᓕᒃ ᐅᑖᔭᒥᔅᑕᒫᑫᐗ᙮

ᑲᓓᔕᐊᓇ 5:18

ᒫᑲ ᑮᔥᐱᓐ ᑭᔅᑭᓄᑖᐃᑖᑴ ᐊᒑᒃ, ᓇᒪᐎᓚ ᑭ ᑎᐯᓕᒥᑯᓇᐗᐤ ᐅᓚᔓᐌᐎᓐ᙮

ᑲᓓᔕᐊᓇ 5:21

ᐅᑌᓕᑕᒧᐎᓇ, ᓂᐹᔭᐌᐎᓇ, ᑭᔥᑴᐯᐎᓐ, ᒪᒋ ᒪᑯᔐᐎᓇ, ᓀᔥᑕ ᐊᓂᐃ ᑖᐱᔅᑯᒡ ᐅᐅ: ᓂᔮᑲᓇ ᒫᑲ ᐅᐅ ᑭ ᐅᒋ ᐎᑕᒫᑎᓇᐗᐤ, ᑖᐱᔅᑯᒡ ᐋᔕᔾ ᐁ ᑮ ᐎᑕᒫᑕᑾᒃ, ᐊᓂᑭ ᐅᐅ ᑳ ᑐᑕᑭᒃ ᓇᒪᐎᓚ ᑲᑕ ᐊᑎ ᐋᔭᐌᐗᒃ ᑭᒋᒪᓂᑐᐗ ᐅᑦ ᐅᑭᒪᐎᐎᓂᓕᐤ᙮

ᑲᓓᔕᐊᓇ 5:23

ᓗᔅᐹᑎᓯᐎᓐ, ᑎᐯᓕᒧᐎᓐ: ᓇᒪᐎᓚ ᐃᑕᑾᓐ ᐅᓚᔓᐌᐎᓐ ᐃᑕ ᐅᐅ ᐁ ᑭᑖᔅᑕᒫᓂᐗᑭ᙮

ᓂᔓ ᑌᓴᓗᓂᔭᓇ 2:8

ᐁᑯ ᒫᑲ ᐊᓇ ᒣᒋᑣᑦ ᑫ ᓄᑯᓯᑦ, ᑫ ᐃᔅᑾᓱᑯᑦ ᐅᑎᐯᓕᒋᑫᐗ ᐅ ᓓᓓᐎᓐ ᐅᑐᓂᓕᒃ ᐅᒋ, ᓀᔥᑕ ᑫ ᓂᔑᐗᓈᒋᐃᑯᑦ ᐁᔅᐱᒋ ᐙᓯᓱᓕᒋ ᑕᑯᔑᓂᓕᑌ:

ᓂᔥᑕᒻ ᑎᒧᑎ 4:7

ᒫᑲ ᐋᑕᐌᓕᑕ ᐸᑾᓐᑕᐤ ᓀᔥᑕ ᓄᑐᑫᐗᒃ ᐅᑦ ᐊᑕᓗᑳᓂᐗᐗ, ᓀᔥᑕ ᒪᓂᑐᐙᑎᓯᐎᓂᒃ ᐃᔑ ᐊᑑᔅᑫᐃᑎᓱ᙮

ᓂᔥᑕᒻ ᑎᒧᑎ 6:20

ᐅ ᑎᒧᑎ, ᑲᓇᐌᓕᑕ ᐊᓂᒪ ᑳ ᑲᓇᐌᓕᑎᓕᑲᐎᔭᓐ, ᐁ ᐌᐱᓇᒪᓐ ᒪᒋ ᓀᔥᑕ ᐸᑾᓐᑕᐤ ᐱᑭᔅᑴᐎᓇ, ᓀᔥᑕ ᓇᔅᑯᔅᑕᒧᐎᓇ ᑳ ᐅᒋᐸᓕᑭ ᑭᔅᑫᓕᑕᒧᐎᓂᒃ ᐁᑳ ᒀᔭᔉ ᒫᑲ ᐅᒪ ᐁ ᐃᔑᓂᑳᑌᒃ;

ᓂᔓ ᑎᒧᑎ 2:16

ᒫᑲ ᐋᑕᐌᓕᑕ ᒪᒋ ᓀᔥᑕ ᐸᑾᓐᑕ ᐱᑭᔅᑴᐎᓇ; ᐌᓴ ᐊᐙᓯᑌ ᑲᑕ ᓚᑭᐅᒪᑲᓋ ᒪᒑᑎᓯᐎᓂᒃ ᐃᔑ᙮

ᓂᔓ ᑎᒧᑎ 3:2

ᐌᓴ ᐃᓕᓕᐗᒃ ᐎᓚᐗᐤ ᑫᒋᐙᒃ ᑲᑕ ᓵᑭᐃᑎᓱᐗᒃ, ᐁ ᒧᔅᑌᓇᒫᑫᒋᒃ, ᐁ ᒫᒪᑖᑯᒧᒋᒃ ᐁ ᑭᔅᑌᓕᒧᒋᒃ, ᐁ ᐹᔅᑖᒧᔅᑭᒋᒃ, ᐁ ᐋᓉᑕᐙᒋᒃ ᐅᓂᑭᐃᑯᐗᐗ, ᐁᑳ ᐁ ᓇᓈᔅᑯᒧᒋᒃ, ᐁᑳ ᐁ ᐸᓓᑭᓯᒋᒃ,

ᑕᐃᑕᔅ 1:10

ᐌᓴ ᒥᒉᑎᐗᒃ ᑳ ᔑᐱᑕᑭᒃ ᓀᔥᑕ ᐸᑾᓐᑕᐤ ᑳ ᐋᔭᒥᒋᒃ, ᓀᔥᑕ ᑳ ᐙᔦᔑᐃᐌᒋᒃ, ᐅᓵᒻ ᐊᓂᑭ ᑭᔅᑭᓄᐙᒋᔓᐎᓂᒃ ᑳ ᑎᐯᓕᑖᑯᓯᒋᒃ:

ᑕᐃᑕᔅ 1:16

ᓂ ᑭᔅᑫᓕᒫᓈᓐ ᑭᒋᒪᓂᑐ ᐃᑗᐗᒃ, ᒫᑲ ᐅᑦ ᐊᑑᔅᑫᐎᓂᐙᒃ ᐋᓉᑕᐌᐗᒃ; ᐁ ᓂᐹᓯᓈᑯᓯᒋᒃ ᓀᔥᑕ ᐁ ᔑᐱᑕᑭᒃ, ᓀᔥᑕ ᒥᓯᐌ ᑕᑐ ᒥᓗ ᐊᑑᔅᑫᐎᓂᓕᐤ ᐸᒀᑕᒶᒃ᙮

ᑕᐃᑕᔅ 1:6

ᑮᔥᐱᓐ ᐊᐌᓇ ᐁᑳ ᒪᒋᐃᑌᓕᑖᑯᓯᑦ, ᐁ ᐅᓈᐯᒥᒥᑯᑦ ᐯᔭᒃ ᐃᔅᑴᐗ, ᐁ ᐋᔭᐙᑦ ᐁ ᒀᔭᔅᑭᑎᓕᒋ ᐊᐙᔑᔕ, ᐁᑳ ᑳ ᒪᒥᔑᒫᑲᓂᐎᓕᒋ ᐁ ᒪᒋᐋᔨᑎᓕᒋ, ᐁᑳ ᓀᔥᑕ ᐁ ᔑᐱᑕᒥᓕᒋ᙮

ᑕᐃᑕᔅ 3:3

ᐌᓴ ᑭᓚᓈᓇᐤ ᑫᒋᐙᒃ ᐊᓯᒋ ᐌᔅᑲᒃ ᑭ ᑮ ᑲᑫᐹᑎᓯᓈᓇᐤ, ᐁ ᑮ ᔑᐱᑕᒪᒃ, ᐁ ᐙᔦᔑᐃᑲᐎᔭᒃ, ᐁ ᑮ ᐊᑑᔅᑳᑕᒪᒃ ᓇᓈᑲᐤ ᒪᒋ ᓇᑕᐌᓕᒋᑫᐎᓇ ᓀᔥᑕ ᒥᓚᐙᑎᑾᑲᒥᑭᓯᐎᓇ, ᐁ ᑮ ᐱᒫᑎᓯᔭᒃ ᑭᒧᒋ ᐸᒀᑎᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ, ᐁ ᑮ ᐸᒀᑎᑯᓯᔭᒃ ᓀᔥᑕ ᐁ ᑮ ᐸᒀᑎᑐᔭᒃ᙮

ᐦᐃᑉᕉᐗ 11:31

ᑖᐺᔦᓕᑕᒧᐃᓐ ᐅᒋ ᐱᔑᒀᑎᔅᑴᐤ ᕃᐋᑉ, ᓇᒪᐎᓚ ᑮ ᐎᒋᓂᔑᐗᓈᑎᓯᒣᐤ ᐊᓂᐃ ᐁᑳ ᑳ ᑮ ᑖᐺᑕᒥᓕᒋ, ᐃᔅᐱ ᐸᑐᑲᐋᑦ ᐅᑭᒧᓵᐱᐗ ᑳᔭᒣᓕᑕᒧᐎᓂᒃ᙮

ᐦᐃᑉᕉᐗ 12:16

ᐁᑳ ᑭᒋ ᐃᑖᑦ ᐊᐌᓇ ᐯᔑᒀᑎᓯᔅᑭᑦ, ᓀᔥᑕᐱᑯ ᑳ ᐅ ᒪᒋ ᒥᑐᓀᓕᒋᑲᓂᑦ, ᑖᐱᔅᑯᒡ ᐃᓴᐤ, ᐊᓇ ᐯᔭᑯ ᓴᔅᑲᒧᐎᓐ ᒥᑭᒥᓕᐤ ᑳ ᑮ ᐊᑖᐙᑫᑦ ᐅ ᓃᔥᑕᒧᔖᓂᐎᐎᓐ᙮

ᓂᔥᑕᒻ ᐱᑕᕐ 2:7

ᑭᓚᐗᐤ ᒫᑲ ᑳ ᑖᐺᑕᒣᒃ ᑭ ᑭᔅᑕᑭᒫᐗᐤ, ᒫᑲ ᐊᓂᑭ ᑳ ᔑᐱᑕᑭᒃ ᐅᒋ ᐊᓂᐃ ᐊᓯᓂᔭ ᑳ ᑮ ᐋᑕᐌᓕᒫᒋᒃ ᐅᐙᔅᑳᔨᑲᓂᑫᐗ, ᐁᐗᒀᓇ ᑳ ᓂᑳᓀᓕᑖᑯᐋᑲᓂᐎᑦ ᐁ ᑭᑫᔮᒃ;

ᓂᔥᑕᒻ ᐱᑕᕐ 3:20

ᐊᓂᑭ ᐌᔅᑳᒡ ᑳ ᑮ ᐋᓉᔦᓕᑕᒧᐙᑯᐸᓀ, ᐃᔅᐱ ᐯᔭᑾᐤ ᐅ ᔑᐱᓚᐌᓯᐎᓐ ᑭᒋᒪᓂᑐ ᐁ ᑮ ᐯᐃᐌᒪᑲᓂᓕᒃ ᒣᒀᒡ ᐁ ᐅᑭᔑᑳᒥᑦ ᓄᐊ, ᒣᒀᒡ ᐊᓂᒪ ᐊᕐᒃ ᐁ ᑮ ᐋᔦᔅᑲᐎᑖᓂᐗᒃ, ᐃᑕ ᒐᑲᐙᔑᔥ, ᐁᐗᑯ ᔭᓈᓀᐤ ᐊᒑᑾᒃ ᑳ ᐅᒋ ᐱᒫᒋᐋᑲᓂᐎᒋᒃ ᓂᐱᒃ᙮

ᓂᔥᑕᒻ ᐱᑕᕐ 4:18

ᑮᔥᐱᓐ ᒫᑲ ᐅᒀᔭᔅᑭᑖᑎᓯᐤ ᐊᑳᐙᒡ ᐱᒫᒋᐋᑲᓂᐎᑦ, ᑖᓐᑌ ᑫ ᓄᑯᓯᑦ ᐁᑳ ᑳ ᒪᓂᑐᐙᑎᓯᑦ ᓀᔥᑕ ᐅᒪᒋᑡᐤ?

ᒎᑦ 1:15

ᑭᒋ ᑎᐹᔅᑯᓈᑦ ᒥᓯᐌ, ᓀᔥᑕ ᑭᒋ ᔖᑯᒋᒫᑦ ᒥᓯᐌ ᐁ ᐃᑕᓯᓕᒋ ᑳ ᒪᒑᑎᓯᓕᒋ, ᒥᓯᐌ ᐅᑦ ᐃᓯᒋᑫᐎᓂᓕᐗ ᑳ ᒪᒑᑎᓯᒪᑲᓂᓕᑭ ᑳ ᑮ ᒪᒑᑎᓯᐎ ᑐᑕᒥᓕᒋ, ᓀᔥᑕ ᒥᓯᐌ ᑳ ᐋᓕᒪᓂᓕᑭ ᐅᑦ ᐋᔭᒥᐎᓂᓕᐗ ᑳ ᒪᒑᑎᓯᓕᒋ ᐅᒪᒋᑣᐗ ᑳ ᑮ ᐸᑾᓄᒥᑯᑦ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 22:15

ᐌᓴ ᐗᓚᐎᑎᒥᒃ ᐃᑕᐗᒃ ᐊᑎᒶᒃ, ᓀᔥᑕ ᒥᑌᐗᒃ, ᓀᔥᑕ ᐅᐱᔑᒀᑎᓴᒃ, ᓀᔥᑕ ᐅᓂᐹᔨᐌᔅᑲᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᑕᑐ ᐊᐌᓇ ᐁ ᓵᑭᑖᑦ ᓀᔥᑕ ᐁ ᐅᔑᑖᑦ ᑭᓛᔅᑭᐎᓂᓕᐤ᙮