ᓂᔥᑕᒻ ᑎᒧᑎ 1:5 - ᐅᔅᑭ ᑎᔅᑌᒥᓐᑦ

⁵ ᐁ ᑭᔑᐹᒃ ᒫᑲ ᑲᑫᔅᑴᐎᓐ ᐁᐗᑯ ᓵᑭᐃᐌᐎᓐ ᐸᓓᑭ ᒥᑌᐃᒃ ᐁ ᐅᒋᐸᓕᒃ, ᓀᔥᑕ ᒥᓗ ᒥᑐᓀᓕᒋᑲᓂᒃ, ᓀᔥᑕ ᑳ ᑖᐺᔦᓕᑖᑾᒃ ᑖᐺᔦᓕᑕᒧᐎᓂᒃ;

ᓂᔥᑕᒻ ᑎᒧᑎ 1:5 Iomraidhean Croise

ᐅᐸᓓᑭᔅ ᒫᑎᐤ 12:35

ᒥᓗ ᐃᓕᓕᐤ ᐁ ᒥᒉᑎᓂᓕᑭ ᑳ ᒥᓨᔑᓂᓕᑭ ᐅᑎᐃᒃ ᐗᓚᐎᑕᑕᐤ ᒥᓗ ᑫᒀᓇ: ᒪᒋ ᐃᓕᓕᐤ ᒫᑲ ᐁ ᒥᒉᑎᓂᓕᑭ ᑳ ᒫᓛᑕᓂᓕᑭ ᐅᑎᐃᒃ ᐗᓚᐎᑕᑕᐤ ᒪᒋ ᑫᒀᓇ᙮

ᐅᐸᓓᑭᔅ ᒫᑎᐤ 5:8

ᔕᐌᓕᑖᑯᓯᐗᒃ ᑳ ᐸᓓᑭᓯᒋᒃ ᐅᑌᐃᐙᒃ; ᐌᓴ ᑲᑕ ᐙᐸᒣᐗᒃ ᑭᒋᒪᓂᑐᐗ᙮

ᐊᐸᔅᑕᓚᒃ 15:9

ᐁᑳ ᒫᑲ ᐱᑐᔥ ᐁ ᑐᑖᑕᒃ ᑭᓚᓈᓇᐤ ᓀᔥᑕ ᐎᓚᐙᐤ, ᐁ ᐸᓓᑭᑕᐙᑦ ᐅᑌᐃᓖᐗ ᑖᐺᔦᓕᑕᒨᐎᓂᓕᐤ ᐅᒋ᙮

ᐊᐸᔅᑕᓚᒃ 23:1

ᐹᓪ ᒫᑲ, ᐁ ᐊᔑᑳᐸᒫᑦ ᑳ ᒪᐗᒋᐃᑐᓕᑭ, ᑮ ᐃᑗᐤ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᓂ ᑮ ᐱᒫᑎᓰᔅᑕᐗᐤ ᑭᒋᒪᓂᑐ ᒥᑐᓂ ᒥᓗ ᒥᑐᓀᓕᒋᑲᓂᒃ ᐱᓕᔥ ᐊᓄᒡ ᐁ ᑭᔑᑳᒃ᙮

ᐊᐸᔅᑕᓚᒃ 24:16

ᐅᑕ ᒫᑲ ᓂᑦ ᐅᒋ ᓈᑲᑕᐌᓕᒥᑎᓱᓐ ᒧᔕᒃ ᑭᒋ ᐅ ᒥᑐᓀᓕᒋᑲᓂᔮᓐ ᐁᑳ ᑭᒋ ᓈᔦᑕᐎᑐᑕᐗᒃ ᑭᒋᒪᓂᑐ, ᓀᔥᑕ ᐃᓕᓕᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:4

ᐌᓴ ᙭ ᐁᑯᑕ ᐁ ᐃᔅᐸᓕᒃ ᒀᔭᔅᑭᑖᑎᓯᐎᓂ ᐅᓚᔓᐌᐎᓐ ᒥᓯᐌ ᑕᑐ ᐊᐌᓇ ᐅᒋ ᑳ ᑖᐺᔦᓕᑕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:9

ᐁᑯᔑ ᓵᑭᐃᐌᐎᓐ ᐁᑳᐎᓚ ᑲᑕ ᑭᓕᑳᐎᓂᑳᑌᐤ ᑲᑳᔦᓕᓯᐎᓂᒃ᙮ ᐸᒀᑕᒧᒃ ᐊᓂᒪ ᑳ ᒫᓛᑕᒃ; ᒥᒋᒥᓇᒧᒃ ᐊᓂᒪ ᑳ ᒥᓨᔑᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:15

ᒫᑲ ᑮᔥᐱᓐ ᑭᒋᔖᓐ ᑲᔥᑫᓕᑕᒥᐃᑯᑦ ᑭ ᒥᒋᒥᓕᐤ, ᓇᒪᐎᓚ ᐁ ᐃᑕᔅᑌᒃ ᓵᑭᐃᑐᐎᓐ ᑭᑦ ᐃᔑ ᐱᒧᑖᓐ᙮ ᐁᑳᐎᓚ ᓂᔑᐗᓈᒋ ᑭ ᒥᒋᒻ ᐅᒋ, ᐊᓇ ᑳ ᑮ ᓂᐳᔅᑕᒫᑯᑦ ᙭ᑕ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:1

ᓂ ᑖᑆᓐ ᑳ ᐃᑗᔮᓐ ᙭ᑎᒃ, ᓇᒪᐎᓚ ᓂ ᑭᓛᔅᑭᓐ, ᓂ ᒥᑐᓀᓕᒋᑲᓐ ᓀᔥᑕ ᓂ ᑎᐹᒋᒥᑯᓐ ᐯᓓᑭᓯᑦ ᐊᒑᑯᒃ,

ᓂᔥᑕᒻ ᑯᕆᓐᑎᐊᓇ 13:1

ᐋᑕ ᐁ ᐋᔭᒥᔮᓐ ᐃᓕᓕᐗᒃ ᓀᔥᑕ ᐁᓐᒐᓚᒃ ᐅᑦ ᐃᔑᑭᔗᐎᓂᐙᒃ, ᑮᔥᐱᓐ ᐁᑳ ᐋᔮᔮᓐ ᓵᑭᐃᐌᐎᓐ, ᑖᐱᔅᑯᒡ ᐅᓵᐙᐱᔉ ᐁ ᒫᑗᑎᒃ, ᓀᔥᑕᐱᑯ ᑭᑐᒋᑲᓐ ᐁ ᓄᑖᑯᓯᒪᑲᒃ ᓂᑦ ᐃᑌᓕᑖᑯᓯᓐ᙮

ᓂᔓ ᑯᕆᓐᑎᐊᓇ 1:12

ᐌᓴ ᐅᒪ ᐅᒋ ᓂ ᒧᒋᑫᓕᑌᓈᓐ, ᐁ ᐃᑖᒋᒧᔅᑖᑯᔮᒃ ᓂ ᒥᑐᓀᓕᒋᑲᓂᓇᓐ, ᒀᔭᔉ ᐃᑌᓕᑕᒧᐎᓂᒃ ᓀᔥᑕ ᒪᓂᑐᐎ ᑖᐺᔦᓕᑖᑯᓯᐎᓂᒃ, ᓇᒪᐎᓚ ᐎᔮᓯᐎ ᑲᑫᑕᐌᓕᑕᒧᐎᓂᒃ, ᒫᑲ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ, ᓂ ᑮ ᐃᔑ ᐱᒫᑎᓯᓈᓐ ᐅᑕ ᐊᔅᑮᒃ, ᐋᓕᐗᒃ ᒫᑲ ᑭᓚᐗᐤ ᐃᔑ᙮

ᑲᓓᔕᐊᓇ 5:22

ᒫᑲ ᐎᓚ ᐁ ᐃᔑ ᒥᓂᔑᐎᑦ ᐊᒑᒃ ᐁᐗᑯ ᐅᐅ, ᓵᑭᐃᐌᐎᓐ, ᒥᓚᐙᑕᒧᐎᓐ, ᑳᔮᒣᓕᑕᒧᐎᓐ ᔑᐱᓚᐌᓯᐎᓐ, ᐯᑳᑖᑎᓯᐎᓐ, ᒥᓨᑎᓯᐎᓐ, ᑖᐌᔦᓕᑕᒧᐎᓐ,

ᑲᓓᔕᐊᓇ 5:6

ᐌᓴ ᒋᓴᔅ ᙭ᑎᒃ ᑭᔅᑭᓄᐙᒋᔓᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᐎᓐ; ᒫᑲ ᑖᐺᔦᓕᑕᒧᐎᓐ ᓵᑭᐃᐌᐎᓂᒃ ᑳ ᐅᒋ ᐊᑑᔅᑫᒪᑲᒃ᙮

ᓂᔥᑕᒻ ᑎᒧᑎ 1:18

ᐅᒪ ᐃᑕᔓᐌᐎᓐ ᑭ ᐸᑭᑎᓇᒫᑎᓐ, ᓂᑯᓯᔅ ᑎᒧᑎ, ᐁ ᐃᑗᒪᑲᑭ ᐊᓂᐃ ᑭᔅᑭᐙᐃᑫᐎᓇ ᑳ ᑮ ᓂᑳᓄᑖᑯᔭᓐ, ᐁᐗᒀᓂ ᑭᒋ ᐅᒋ ᓄᑎᓂᑫᔭᓐ ᒥᓗ ᓄᑎᓂᑫᐎᓐ;

ᓂᔥᑕᒻ ᑎᒧᑎ 1:19

ᐁ ᒥᒋᒥᓇᒪᓐ ᑖᐺᔦᓕᑕᒧᐎᓐ ᓀᔥᑕ ᒥᓗ ᒥᑐᓀᓕᒋᑲᓐ; ᐁᐗᒀᓂ ᐋᑎᑦ ᐁ ᑮ ᐃᑲᑌᔅᑖᒋᒃ, ᑖᐺᔦᓕᑕᒧᐎᓐ ᐅᒋ ᑭ ᐱᑯᓈᐱᒀᓀᔑᓋᒃ:

ᓂᔥᑕᒻ ᑎᒧᑎ 3:9

ᐁ ᒥᒋᒥᓇᑭᒃ ᐁ ᐃᔑ ᒫᒪᔅᑳᑌᓕᑖᑾᓂᓕᒃ ᑖᐺᔦᓕᑕᒧᐎᓂᓕᐤ ᐸᓓᑭ ᒥᑐᓀᓕᒋᑲᓂᒃ᙮

ᓂᔓ ᑎᒧᑎ 1:3

ᓂ ᓇᓈᔅᑯᒪᐤ ᑭᒋᒪᓂᑐ, ᑳ ᐊᑐᔅᑫᔅᑕᐗᒃ ᓂ ᑳᔮᔑ ᓄᑖᐎᔭᒃ ᐅᒋ, ᐸᓓᑭ ᒥᑐᓀᓕᒋᑲᓂᒃ, ᐁᑳ ᐁ ᐳᓂᔮᓐ, ᐁ ᑭᔅᑭᓯᑐᑖᑖᓐ ᓂᑦ ᐋᔭᒥᐋᐎᓂᒃ ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ;

ᓂᔓ ᑎᒧᑎ 1:5

ᐃᔅᐱ ᑫᔅᑭᓯᑐᑕᒫᓂ ᐊᓂᒪ ᑖᐺ ᑖᐺᔦᓕᑕᒧᐎᓐ ᑳ ᐱᒋᔅᑳᑯᔭᓐ, ᓂᔥᑕᒻ ᑳ ᑮ ᐱᒋᔅᑳᑯᑦ ᑯᑯᒻ ᓗᐃᔅ ᓀᔥᑕ ᑭᑳᐎ ᐃᔫᓂᔅ; ᓀᔥᑕ ᓂ ᑫᒋᓇᐅᓐ ᑭᓚ ᐊᓯᒋ ᐁ ᐱᒋᔅᑳᑯᔭᓐ᙮

ᓂᔓ ᑎᒧᑎ 2:22

ᐅᔑᒧᔅᑕ ᓀᔥᑕ ᐅᔥᑭᓂᑭᐎ ᒪᒋᓇᑕᐌᓕᑕᒧᐎᓇ; ᒫᑲ ᓄᔅᐱᓇᑕ ᒀᔭᔅᑭᑖᑎᓯᐎᓐ, ᑖᐺᔦᓕᑕᒧᐎᓐ, ᓵᑭᐃᐌᐎᓐ, ᑲᔮᒣᓕᑕᒧᐎᓐ ᐊᓯᒋ ᐊᓂᑭ ᑳ ᓇᓈᑐᒫᒋᒃ ᐅᑎᐯᓕᒋᑫᐗ ᐸᓓᑭ ᒥᑌᐃᒃ᙮

ᑕᐃᑕᔅ 1:15

ᐊᓂᑭ ᑳ ᐸᓓᑭᓯᒋᒃ ᒥᓯᐌ ᑫᒀᓐ ᐸᓓᑲᓂᓕᐤ: ᒫᑲ ᐊᓂᑭ ᑳ ᐎᓂᓯᒋᒃ ᓀᔥᑕ ᐁᑳ ᑳ ᑖᐺᑕᑭᒃ ᓇᒪᐎᓚ ᑫᒀᓐ ᐸᓓᑲᓂᓕᐤ; ᒫᑲ ᐙᐙᒡ ᐅ ᒥᑐᓀᓕᒋᑲᓂᐗᐤ ᓀᔥᑕ ᐅᑌᐃᐗᐤ ᐎᓕᐸᓕᓕᐤ᙮

ᐦᐃᑉᕉᐗ 10:22

ᐁᑯᔑ ᓈᑖᑕᐤ ᐁ ᑖᐺᐎᓂ ᒥᑌᐃᔭᒃ, ᐁ ᑫᒋᓇᐅᔭᒃ ᑖᐺᔦᓕᑕᒧᐎᓂᒃ, ᑭᑌᐃᓇᐗ ᐸᑭᑲᐎᐯᑳᐋᒋᑳᑌᑭ ᒪᒋ ᒥᑐᓀᓕᒋᑲᓐ ᐅᒋ, ᓀᔥᑕ ᑭᔭᐎᓇᐗ ᐁ ᑭᒋᔅᑖᐸᐗᑖᑲᓂᐎᑭ ᐁ ᐸᔦᑳᑲᒥᒃ ᓂᐱᒃ᙮

ᐦᐃᑉᕉᐗ 13:18

ᐋᔭᒥᐁᔅᑕᒫᑯᒃ: ᐌᓴ ᓂ ᐸᑯᓯᓕᒧᓈᓐ ᐁ ᒥᓗ ᒥᑐᓀᓕᒋᑲᓂᔮᒃ, ᒥᓯᐌ ᐃᔑ ᐁ ᐃᑌᓕᒧᔮᒃ ᒀᔭᔉ ᑭᒋ ᐃᔑ ᐱᒫᑎᓯᔮᒃ᙮

ᐦᐃᑉᕉᐗ 9:14

ᑖᓐ ᐃᔥᐱᔥ ᐊᐙᓯᑌ ᙭ ᐅᒥᑯᒻ, ᐊᓇ ᑳᑭᑫ ᐊᒑᑾ ᐅᒋ, ᒥᑐᓂ ᐁᑳ ᐁ ᒪᒋᐃᑎᑦ, ᑳ ᑮ ᐸᑭᑎᓂᑎᓱᔅᑕᐙᑦ ᑭᒋᒪᓂᑐᐗ, ᑫ ᐸᔦᑭᑖᑦ ᑭ ᒥᑐᓀᓕᒋᑲᓂᐗᐤ ᓂᐱᐎ ᐋᔨᑎᐎᓇ ᐅᒋ, ᑭᒋ ᐊᑑᔅᑲᐌᒃ ᐯᒫᑎᓰᑦ ᑭᒋᒪᓂᑐ?

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:8

ᐯᔣᐸᒥᒃ ᑭᒋᒪᓂᑐ, ᐁᑯ ᒫᑲ ᑫ ᐯᔣᐸᒥᑖᒃ᙮ ᑭᒋᔅᑎᓇᒧᒃ ᑭᒋᒋᐗᐗ, ᒣᒋᑣᔦᒃ; ᐸᔦᑭᑖᒃ ᒫᑲ ᑭᑌᐃᐙᐗ ᑳ ᓂᔓ ᒥᑐᓀᓕᒋᑲᓂᔦᒃ᙮

ᓂᔥᑕᒻ ᐱᑕᕐ 1:22

ᐁ ᓄᑾᒃ ᐁ ᑮ ᐹᔦᑭᐁᑾᒃ ᑭᑦ ᐊᒑᑯᐙᐗ, ᐊᒑᒃ ᐅᒋ ᐁ ᑮ ᓇᓇᐃᑕᒣᒃ ᑖᐺᐎᓐ, ᑭᒋ ᑖᐺ ᓵᑭᐁᑾᒃ ᐎᒋᔖᓂᒪᐗᒃ, ᐸᓓᑭ ᒥᑌᐃᒃ ᐌᐌᓕᑦ ᓵᑭᐃᑐᒃ:

ᓂᔥᑕᒻ ᐱᑕᕐ 3:16

ᐁ ᒥᓗ ᒥᑐᓀᓕᒋᑲᓂᔦᒃ; ᐁ ᒪᒋ ᐋᓕᒧᒥᑖᑾᒃ, ᑖᐱᔅᑰᒡ ᐅᒪᒋᑐᑕᒧᔅᑲᒃ, ᑭᒋ ᓇᓀᐯᐎᓯᒋᒃ ᐊᓂᑭ ᑳ ᑭᓛᔅᑭᐎ ᒪᒥᔑᑐᑕᑭᒃ ᑭ ᒥᓗ ᐃᔑᐱᒫᑎᓯᐎᓂᐗᐤ ᙭ᑎᒃ᙮

ᓂᔥᑕᒻ ᐱᑕᕐ 3:21

ᐊᓂᒪ ᑳ ᓇᔅᐱᑕᒧᒪᑲᒃ ᓯᑲᐋᑖᑫᐎᓐ ᐊᓄᒡ ᓀᔥᑕ ᑳ ᐱᒫᒋᐃᑯᔭᒃ, (ᓇᒪᐎᓚ ᐁ ᐌᐱᓂᑳᑌᒃ ᐎᔮᓯᐎ ᐎᓂᓯᐎᓐ, ᒫᑲ ᐁ ᓇᔥᑴᐗᔑᐃᐌᒪᑲᒃ ᒥᓗ ᒥᑐᓀᓕᒋᑲᓐ ᐅᑎᔥᑲᐤ ᑭᒋᒪᓂᑐ,) ᐅ ᐗᓂᔥᑲᐎᓐ ᐅᒋ ᒋᓴᔅ ᙭:

ᓂᔥᑕᒻ ᐱᑕᕐ 4:8

ᐊᐙᓯᑌ ᒥᓯᐌ ᑫᒀᓇ ᒫᑲ ᐋᔮᒃ ᒫᒥᔅᑯᒃ ᓵᑭᐎᑐᐎᓐ ᒥᓯᐌ ᐁ ᐃᑕᔑᔦᒃ: ᐌᓴ ᓵᑭᐃᐌᐎᓐ ᑲᑕ ᐊᑾᓇᐊᒧᒪᑲᓐ ᓈᔅᐱᒡ ᒥᒉᑦ ᒪᒋᑐᑕᒧᐎᓇ᙮

ᓂᔓ ᐱᑕᕐ 1:7

ᓀᔥᑕ ᒪᓂᑐᐙᑎᓯᐎᓂᒃ ᐎᒋᔖᓂᑐᐎ ᑭᔐᐙᑎᓯᐎᓐ; ᓀᔥᑕ ᐎᒋᔖᓂᑐᐎ ᑭᔐᐙᑎᓯᐎᓂᒃ ᓵᑭᐃᐌᐎᓐ᙮

ᓂᔥᑕᒻ ᒑᓐ 3:10

ᐁᐗᑯ ᐁ ᐃᔑ ᑭᔅᑫᓕᑖᑯᓯᓕᒋ ᑭᒋᒪᓂᑐ ᐅᑦ ᐊᐙᔑᒥᔕ ᓀᔥᑕ ᒪᒋᒪᓂᑐ ᐅᑦ ᐊᐙᔑᒥᔕ: ᐊᐌᓇ ᐁᑳ ᑎᐅᑕᒧᑴ ᒀᔭᔅᑭᑖᑎᓯᐎᓂᓕᐤ, ᓇᒪᐎᓚ ᑭᒋᒪᓂᑐᒃ ᐅᒋᐤ, ᓇᒪ ᓀᔥᑕ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ᙮

ᓂᔥᑕᒻ ᒑᓐ 3:23

ᐅᒪ ᒫᑲ ᐁᐗᑯ ᐅ ᑲᑫᔅᑴᐎᓐ, ᑭᒋ ᑖᐺᔦᓕᑕᒶᒃ ᐅᑦ ᐃᔑᓂᑳᓱᐎᓂᓕᐤ ᐅᑯᓯᓴ ᒋᓴᔅ ᙭, ᓀᔥᑕ ᑭᒋ ᓵᑭᐃᑐᔭᒃ ᑖᐱᔅᑯᒡ ᐁ ᑮ ᐃᔑ ᐅᓚᔓᐙᑎᑕᒃ᙮

ᓂᔥᑕᒻ ᒑᓐ 3:3

ᓀᔥᑕ ᒥᓯᐌ ᑕᑐ ᐃᓕᓕᐤ ᑳ ᐋᔮᑦ ᐅᒣᓕᐤ ᐊᔅᐯᓕᒧᐎᓂᓕᐤ, ᐹᔦᑭᐃᑎᓱ, ᑖᐱᔅᑯᒡ ᐁ ᐃᔑ ᐸᓓᑭᓯᓕᒋ᙮