ᓂᔥᑕᒻ ᑎᒧᑎ 1:15 - ᐅᔅᑭ ᑎᔅᑌᒥᓐᑦ

¹⁵ ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ, ᓀᔥᑕ ᑌᐸᑫᓕᑖᑾᓐ ᒥᓯᐌ ᐃᔑ ᑭᒋ ᐅᑎᓂᑳᑌᒃ, ᙭ ᒋᓴᔅ ᐁ ᑮ ᐯᒋᐃᑐᑌᑦ ᐅᑕ ᐊᔅᑮᒃ ᑭᒋ ᐱᒫᒋᐋᑦ ᐅᒪᒋᑣᐗ; ᐁᐗᒀᓂᑭ ᐅᒋ ᓂᓚ ᓂ ᓂᑳᓀᓕᑖᑯᓯᓐ᙮

ᓂᔥᑕᒻ ᑎᒧᑎ 1:15 Iomraidhean Croise

ᐅᐸᓓᑭᔅ ᒫᑎᐤ 1:21

ᑲᑕ ᐅᑯᓯᓯᐤ ᒫᑲ, ᓀᔥᑕ ᒋᓴᔅ ᑭ ᑳ ᐃᔑᓂᑳᑎᒪᐗ: ᐌᓴ ᑲᑕ ᐱᒫᒋᐁᐤ ᐅᑦ ᐃᓕᓕᒪ ᐅ ᒪᒋᑣᐎᓂᓕᒃ ᐅᒋ᙮

ᐅᐸᓓᑭᔅ ᒫᑎᐤ 18:10

ᔮᒀᒥᓰᒃ ᐁᑳ ᑭᒋ ᐋᑕᐌᓕᒣᒃ ᐯᔭᒃ ᐅᑯ ᑳ ᐋᐱᔅᑌᓕᑖᑯᓯᒋᒃ; ᐌᓴ ᑭᑦ ᐃᑎᓇᐗᐤ, ᑭᒋᑭᔑᑯᒃ ᐅᑦ ᐁᓐᒐᓕᒥᐙᐗ ᒧᔕᒃ ᑲᓇᐙᐸᒥᒣᓕᐗ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᒫᑎᐤ 18:11

ᐌᓴ ᐃᓕᓕᐎᑯᓯᓵᓐ ᑮ ᐯᒋ ᐃᑐᑌᐤ ᑭᒋ ᐱᒫᒋᑖᑦ ᐊᓂᐁᓕᐤ ᑳ ᐗᓂᑎᓂᓕᒃ᙮

ᐅᐸᓓᑭᔅ ᒫᑎᐤ 20:28

ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮

ᐅᐸᓓᑭᔅ ᒫᑎᐤ 9:13

ᒫᑲ ᓇᑕᐎ ᑭᔅᑫᓕᑐᒧᒃ ᐊᓂᒪ ᑳ ᐃᑗᒪᑲᒃ, ᓂ ᑳ ᐋᔮᓐ ᔕᐌᓕᒋᑫᐎᓐ, ᓇᒪ ᒫᑲ ᓵᓵᑭᐎᓕᐌᐎᓐ: ᐌᓴ ᓇᒪᐎᓚ ᓂ ᑮ ᐯᒋ ᐃᑐᑖᓐ ᑭᒋ ᓇᑐᒪᑭᒃ ᐅᒀᔭᔅᑭᑖᑎᓯᐗᒃ, ᒫᑲ ᐅᒪᒋᑣᐗᒃ ᑭᒋ ᑴᔅᑳᑎᓯᒋᒃ᙮

ᐅᐸᓓᑭᔅ ᒫᕐᒃ 2:17

ᐃᔅᐱ ᒋᓴᔅ ᐱᐁᑕᒃ, ᐃᑌᐤ, ᐊᓂᑭ ᑳ ᒥᓗᐋᔮᒋᒃ ᓇᒪᐎᓚ ᓇᑕᐌᓕᒣᐗᒃ ᓇᑕᑯᓚᓇ, ᒫᑲ ᐊᓂᑭ ᑳ ᐋᑯᓯᒋᒃ: ᓇᒪᐎᓚ ᓂ ᑮ ᐯᒋ ᐃᑐᑖᓐ ᑭᒋ ᓇᑐᒪᑭᒃ ᐅᒀᔭᔅᑭᑖᑎᓯᐗᒃ, ᒫᑲ ᐅᒪᒋᑣᐗᒃ ᑭᒋ ᑴᔅᑳᑎᓯᒋᒃ᙮

ᐅᐸᓓᑭᔅ ᓘᒃ 15:2

ᐸᕋᓯᔭᒃ ᒫᑲ ᓀᔥᑕ ᐅᒪᓯᓇᐃᑫᐗᒃ ᑮ ᐗᔑᔥᑕᐌᓕᑕᒶᒃ, ᐁ ᐃᑗᒋᒃ, ᐊᐗ ᐃᓕᓕᐤ ᐅᑎᓀᐤ ᐅᒪᒋᑣᐗ, ᓀᔥᑕ ᐎᒋᒥᒋᓱᒣᐤ᙮

ᐅᐸᓓᑭᔅ ᓘᒃ 19:10

ᐌᓴ ᐃᓕᓕᐎᑯᓯᓵᓐ ᐯᒋ ᑕᑯᔑᓐ ᑭᒋ ᓈᓇᑕᐙᐸᒫᑦ ᓀᔥᑕ ᑭᒋ ᐱᒫᒋᐋᑦ ᐊᓂᐃ ᑳ ᐗᓂᔑᓂᓕᒋ᙮

ᐅᐸᓓᑭᔅ ᓘᒃ 5:32

ᓇᒪᐎᓚ ᓂ ᑮ ᐯᒋ ᐃᑐᑖᓐ ᑭᒋ ᓇᑐᒪᑭᒃ ᐅᒀᔭᔅᑭᑖᑎᓯᐗᒃ, ᒫᑲ ᐅᒪᒋᑣᐗᒃ ᑭᒋ ᑴᔅᑳᑎᓯᒋᒃ᙮

ᐅᐸᓓᑭᔅ ᒑᓐ 1:12

ᒥᓯᐌ ᐊᓂᐃ ᒫᑲ ᑳ ᐅᑎᓂᑯᑦ, ᐁᐗᒀᓂᐃ ᒫᓛᑦ ᑲᔥᑭᐅᐎᓂᓕᐤ ᑭᒋ ᐅᑯᓯᓯᒥᑯᓕᒋ ᑭᒋᒪᓂᑐᐗ, ᐊᓂᐃ ᐅᑎ ᑳ ᑖᐺᔦᓕᑕᒥᓕᒋ ᐅᑦ ᐃᔑᓂᑳᓱᐎᓐ᙮

ᐅᐸᓓᑭᔅ ᒑᓐ 1:29

ᐎᐋᐸᓂᓕᒃ ᒑᓐ ᐙᐸᒣᐤ ᒋᓴᓴ ᐁ ᐯᒋ ᐱᒧᑌᓕᒋ, ᐃᑗᐤ ᒫᑲ, ᑲᓇᐙᐸᒥᒫᒃ ᑭᒋᒪᓂᑐ ᐅ ᒫᓂᔥᒑᓂᔑᔑᒪ, ᑳ ᐎᐗᔑᑦ ᒪᒋᑐᑕᒧᐎᓂᓕᐤ ᐊᔅᑮᒃ ᑳ ᐃᑕᑾᓂᓕᒃ᙮

ᐅᐸᓓᑭᔅ ᒑᓐ 12:47

ᑮᔥᐱᓐ ᓀᔥᑕ ᐊᐌᓇ ᐱᐁᑕᒧᑴ ᓂᑦ ᐋᔭᒥᐎᓇ, ᓀᔥᑕ ᐁᑳ ᑎᐋᐺᑕᒧᑴ, ᓂᓚ ᓇᒪᐎᓚ ᓂ ᑎᐹᔅᑯᓇᐤ: ᐌᓴ ᓇᒪᐎᓚ ᓂ ᑮ ᐯᒋ ᐃᑐᑖᓐ ᑭᒋ ᑎᐹᔅᑯᓇᒫᓐ ᐊᔅᑭ, ᒫᑲ ᑭᒋ ᐱᒫᒋᑖᔮᓐ ᐊᔅᑭ᙮

ᐅᐸᓓᑭᔅ ᒑᓐ 3:36

ᐊᓇ ᑳ ᑖᐺᔦᓕᒫᑦ ᐅᑯᓯᓯᒫᐗ ᐋᔭᐤ ᑳᑭᑫ ᐱᒫᑎᓯᐎᓂᓕᐤ: ᐊᓇ ᒫᑲ ᐁᑳ ᑳ ᑖᐺᑕᐙᑦ ᐅᑯᓯᓯᒫᐗ ᓇᒪᐎᓚ ᑲᑕ ᐙᐸᑕᒻ ᐱᒫᑎᓯᐎᓂᓕᐤ; ᒫᑲ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᒫᑕᑯᔅᑳᑯᐌᐤ᙮

ᐊᐸᔅᑕᓚᒃ 11:1

ᐊᐸᔅᑕᓚᒃ ᒫᑲ ᓀᔥᑕ ᑳ ᐎᒋᔖᓂᑐᒋᒃ ᑳ ᐃᑖᒋᒃ ᒎᑎᐊᐃᒃ ᑮ ᐯᑕᒶᒃ ᐊᓂᐃ ᒉᓐᑖᐃᓚ ᐊᓯᒋ ᐁ ᑮ ᐅᑎᓇᒸᓕᒋ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ᙮

ᐊᐸᔅᑕᓚᒃ 11:18

ᐃᔅᐱ ᐱᐯᑕᑭᒃ ᐅᐅ ᑫᒀᓇ, ᑭ ᑭᐱᑐᐌᐗᒃ, ᑮ ᑭᔅᑕᒋᒣᐗᒃ ᒫᑲ ᑭᒋᒪᓂᑐᐗ ᐁ ᐃᑗᒋᒃ, ᐁᑴᒋᑲ ᑭᒋᒪᓂᑐ ᓀᔥᑕ ᑳ ᒥᓛᑦ ᐊᓂᐃ ᒉᓐᑖᐃᓚ ᑴᔅᑳᑎᓯᐎᓂᓕᐤ ᐱᒫᑎᓯᐎᓂᒃ ᐃᔑ᙮

ᐊᐸᔅᑕᓚᒃ 3:26

ᑭᓚᐗᐤ ᐅᒋ ᓃᔥᑕᒻ ᑭᒋᒪᓂᑐ, ᐁ ᑮ ᐗᓂᔥᑳᓇᑦ ᐅᑯᓯᓴ ᒋᓴᓴ, ᑮ ᐃᔑᑎᔕᐌᐤ ᑭᒋ ᒥᓦᑭᒥᑖᒃ, ᐁ ᑴᔅᑭᓂᑖᒃ ᑕᑐ ᐁ ᐃᑕᔑᔦᒃ ᑭ ᒪᒑᑎᓯᐎᓂᐙᒃ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:14

ᑮᔥᐱᓐ ᓈᓐᑕᐤ ᐃᔑ ᑭᒋ ᔑᑭᐊᑭᒃ ᑭᒋ ᐸᔅᑭᓛᑫᒋᒃ ᐊᓂᑭ ᐌᑐᑌᒥᔮᓐ, ᓀᔥᑕ ᐋᑎ ᑭᒋ ᐃᔑ ᐱᒫᒋᐊᑭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:6

ᐌᓴ ᒣᒀᒡ ᑫᔮᐸᒡ ᐁᑳ ᐁ ᒪᔥᑲᐎᓯᐎᓂᔭᒃ, ᐃᔅᐱ ᐁᑎ ᐅᑎᒋᐸᓕᒃ, ᙭ ᑮ ᓂᐳᔅᑐᒪᐌᐤ ᐊᓂᐃ ᐁᑳ ᑳ ᒪᓂᑐᐙᑎᓯᓕᒋ᙮

ᓂᔥᑕᒻ ᑯᕆᓐᑎᐊᓇ 15:9

ᐌᓴ ᓂ ᒫᐗᒋ ᐋᐱᔅᑎᓕᑖᑯᓯᓐ ᐁ ᐃᑕᓯᒋᒃ ᐊᐸᔅᑕᓚᓪ, ᓇᒪ ᓀᔥᑕ ᓂ ᑌᐸᑫᓕᑖᑯᓯᓐ ᐊᐸᔅᑕᓪ ᑭᒋ ᐃᔑᓂᑳᑎᑲᐎᔮᓐ; ᐌᓴ ᓂ ᑮ ᑲᒀᑕᑭᐃᒪᐗ ᑭᒋᒪᓂᑐ ᐅ ᒫᒪᐎᐋᔭᒥᐋᒪ᙮

ᐃᐱᓯᔭᓇ 3:8

ᓂᓚ, ᐊᐙᓯᑌ ᑳ ᐋᐱᔅᑌᓕᑖᑯᓯᔮᓐ ᐃᔥᐱᔥ ᒥᓯᐌ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᐅᐸᓓᑭᓴᒃ, ᐅᒪ ᔕᐌᓕᒋᑫᐎᓐ ᓂ ᒥᓕᑲᐃᓐ, ᑭᒋ ᑮ ᑲᑫᔅᑭᒥᐌᐗᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ ᙭ ᐅ ᒥᔕᑭᓯᐎᓇ ᐁᑳ ᑫ ᑮ ᑌᐱ ᑭᔅᑫᓕᑖᑾᓂᓕᑭ,

ᓂᔥᑕᒻ ᑎᒧᑎ 1:13

ᓂᓚ ᑳᔮᔥ ᑳ ᑮ ᐹᔅᑖᒥᐌᔅᑭᔮᓐ, ᓀᔥᑕ ᑳ ᑮ ᑲᒀᑕᑭᐃᐌᔮᓐ, ᓀᔥᑕ ᑳ ᑮ ᒪᒋᑐᑖᑫᔮᓐ; ᒫᑲ ᓂ ᑮ ᒥᓕᑲᐎᓐ ᔕᐌᓕᒋᑫᐎᓐ, ᐋᓉᔦᓕᑕᒧᐎᓂᒃ ᐁ ᑮ ᑐᑕᒫᓐ ᐁᑳ ᐁ ᑮ ᑭᔅᑫᓕᑕᒫᓐ᙮

ᓂᔥᑕᒻ ᑎᒧᑎ 1:19

ᐁ ᒥᒋᒥᓇᒪᓐ ᑖᐺᔦᓕᑕᒧᐎᓐ ᓀᔥᑕ ᒥᓗ ᒥᑐᓀᓕᒋᑲᓐ; ᐁᐗᒀᓂ ᐋᑎᑦ ᐁ ᑮ ᐃᑲᑌᔅᑖᒋᒃ, ᑖᐺᔦᓕᑕᒧᐎᓐ ᐅᒋ ᑭ ᐱᑯᓈᐱᒀᓀᔑᓋᒃ:

ᓂᔥᑕᒻ ᑎᒧᑎ 3:1

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ: ᑮᔥᐱᓐ ᐊᐌᓇ ᐃᓕᓕᐤ ᓇᑕᐌᓕᑕᑫ ᑭᒋᐋᔭᒥᐁᐎᑭᒪᐤ ᐅᑦ ᐃᑖᐸᑎᓯᐎᓐ, ᓇᑕᐌᓕᑕᒻ ᒥᓗ ᐊᑑᔅᑫᐎᓂᓕᐤ᙮

ᓂᔥᑕᒻ ᑎᒧᑎ 4:9

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ, ᓀᔥᑕ ᑌᐸᑫᓕᑖᑾᓐ ᒥᓯᐌ ᐃᔑ ᑭᒋ ᐅᑎᓂᑳᑌᒃ᙮

ᓂᔥᑕᒻ ᑎᒧᑎ 6:13

ᑭᑦ ᐃᑕᔓᒥᑎᓐ ᐁ ᐙᐸᒥᔉ ᑭᒋᒪᓂᑐ, ᑳ ᐱᒫᒋᑖᑦ ᒥᓯᐌ ᑫᒀᓇ, ᓀᔥᑕ ᐅᑎᔥᑲᐤ ᙭ ᒋᓴᔅ, ᐊᓇ ᐁ ᐅᑎᔥᑲᐎᑳᐸᐎᔅᑕᐙᑦ ᐸᓐᑎᔭᔅ ᐹᐃᓚᑕ ᑳ ᑮ ᐎᑕᒃ ᒥᓗ ᐎᑕᒫᑫᐎᓂᓕᐤ;

ᓂᔓ ᑎᒧᑎ 2:11

ᑖᐺᒪᑲᓐ ᐃᑗᐎᓐ, ᐌᓴ ᑮᔥᐱᓐ ᑮ ᐎᒋᓂᐱᒪᒃ, ᐊᓯᒋ ᓀᔥᑕ ᑭ ᑳ ᐎᒋᐱᒫᑎᓯᒫᓇᐤ:

ᑕᐃᑕᔅ 3:8

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ; ᐅᐅ ᑫᑾᓇ ᓀᔥᑕ ᑭ ᓇᑕᐌᓕᒥᑎᓐ ᒧᔕᒃ ᑭᒋ ᐙᐎᑕᒪᓐ, ᐊᓂᑭ ᑳ ᑖᐺᔦᓕᒫᒋᒃ ᑭᒋᒪᓂᑐᐗ ᑭᒋ ᔮᒀᒥᓯᒋᒃ ᑭᒋ ᒥᓗ ᐊᑑᔅᑫᒋᒃ: ᐅᐅ ᑫᒀᓇ ᒥᓦᔑᓂᓕᐤ ᓀᔥᑕ ᐋᐸᑕᓂᓕᐤ ᐃᓕᓕᐗᒃ᙮

ᐦᐃᑉᕉᐗ 7:25

ᐁᐗᑯ ᐅᒋ ᑲᔥᑭᑕᐤ ᓀᔥᑕ ᑳᑭᑫ ᑭᒋ ᐱᒫᒋᐋᑦ ᐊᓂᐃ ᐎᓚ ᐅᒋ ᑳ ᐯᒋ ᓈᑖᓕᒋ ᑭᒋᒪᓂᑐᐗ, ᐁ ᓄᑾᒃ ᑳᑭᑫ ᐁ ᐱᒫᑎᓰᑦ ᑭᒋ ᐋᔭᒥᐁᔅᑕᒪᐙᑦ᙮

ᓂᔥᑕᒻ ᒑᓐ 3:5

ᑭ ᑭᔅᑫᓕᑌᓇᐗᐤ ᒫᑲ ᐁ ᑮ ᓄᑯᐋᑲᓂᐎᑦ ᑭᒋ ᐅᑎᓇᒃ ᑭ ᒪᒋᑐᑕᒧᐎᓂᓇᐗ: ᐎᓚ ᒫᑲ ᓇᒪᐎᓚ ᐱᒋᔅᑳᑯ ᒪᒋᑣᐎᓂᓕᐤ᙮

ᓂᔥᑕᒻ ᒑᓐ 3:8

ᐊᓇ ᑳ ᒪᒋᑐᑕᒃ ᒪᒋᒪᓂᑐᒃ ᐅᒋᐤ; ᐌᓴ ᒪᒋᒪᓂᑐ ᓃᔥᑕᒻ ᐅᒋ ᑮ ᐯᒋ ᒪᒋᑐᑕᒻ᙮ ᐁᐗᑯ ᐌᒋ ᑮ ᓄᑯᐋᑲᓂᐎᓕᒋ ᑭᒋᒪᓂᑐ ᐅᑯᓯᓴ, ᑭᒋ ᓂᔑᐗᓈᒋᑕᐙᓕᒋ ᒪᒋᒪᓂᑐᐗ ᐅᑦ ᐊᑑᔅᑫᐎᓂᓕᐗ᙮

ᓂᔥᑕᒻ ᒑᓐ 5:11

ᐁᐗᑯ ᐅᒪ ᒫᑲ ᑎᐹᒋᒧᐎᓐ, ᐁ ᑮ ᒥᓕᑕᒃ ᑭᒋᒪᓂᑐ ᑳᑭᑫ ᐱᒫᑎᓯᐎᓂᓕᐤ; ᐅᒣᓕᐤ ᐱᒫᑎᓯᐎᓂᓕᐤ ᒫᑲ ᐱᒋᔅᑳᑯᓕᐗ ᐅᑯᓯᓴ᙮

ᑭᔅᑫᓕᑖᑯᑖᑫᐎᓐ 21:5

ᐊᓇ ᒫᑲ ᑳ ᐊᐱᑦ ᐅᑭᒪᐗᐱᐎᓂᒃ ᑮ ᐃᑗᐤ, ᒫᑎᑲ, ᒥᓯᐌ ᑫᒀᓇ ᓂᑦ ᐅᔥᑭᑖᓐ᙮ ᓂ ᑮ ᐃᑎᒃ ᒫᑲ, ᒪᓯᓇᐊ; ᐌᓴ ᐅᐅ ᐋᔭᒥᐎᓇ ᑖᐺᒪᑲᓋ ᓀᔥᑕ ᑾᔹᔅᑭᑎᒪᑲᓋ᙮

ᑭᔅᑫᓕᑖᑯᑖᑫᐎᓐ 22:6

ᓂ ᑮ ᐃᑎᒃ ᒫᑲ, ᐅᐅ ᐃᑗᐎᓇ ᒀᔭᔅᑭᑎᒪᑲᓋ ᓀᔥᑕ ᑖᐺᒪᑲᓋ: ᐅᑎᐯᓕᒋᑫᐤ ᒫᑲ ᐅ ᑭᒋᒪᓂᑐᒥᐙᐗ ᐸᓓᑭ ᐅᑭᔅᑭᐙᐃᑫᐗᒃ ᑮ ᐯᒋᑎᔕᐌᐤ ᐅᑦ ᐁᓐᒐᓕᒪ ᑭᒋ ᐙᐸᑎᓛᓕᒋ ᐅᑦ ᐊᑑᔅᑫᓛᑲᓇ ᐊᓂᐃ ᐎᐸᒡ ᑫ ᐃᑭᓂᓕᑭ᙮

ᑭᔅᑫᓕᑖᑯᑖᑫᐎᓐ 5:9

ᑮ ᓂᑲᒧᐗᒃ ᒫᑲ ᐅᔥᑭ ᓂᑲᒧᐎᓂᓕᐤ, ᐁ ᐃᑗᒋᒃ, ᑮ ᑌᐸᑫᓕᑖᑯᓯᓐ ᑭᒋ ᐅᑎᓇᒪᐤ ᒪᓯᓇᐃᑲᓐ, ᓀᔥᑕ ᑭᒋ ᐋᐸᐗᒋᒃ ᐊᑯᔅᑭᐗᓯᑲᓇᒃ: ᐌᓴ ᑭ ᑮ ᓂᐹᐃᑲᐎᓐ, ᓀᔥᑕ ᑭ ᑮ ᐱᒫᒋᐃᓈᓐ ᑭᒋᒪᓂᑐ ᐅᒋ ᑭᒥᑯᒻ ᐅᒋ, ᓇᓈᑲᐤ ᐁ ᐅᑕᔅᑳᓀᓯᔮᒃ, ᓀᔥᑕ ᓇᓇᑲᐤ ᐁ ᐃᔑ ᑭᔗᔮᒃ, ᓀᔥᑕ ᐁ ᐃᓕᓕᐎᔮᒃ, ᓀᔥᑕ ᐁ ᐃᑕᔅᑳᓀᓯᔮᒃ;