ᓂᔥᑕᒻ ᑎᒧᑎ 1:12 - ᐅᔅᑭ ᑎᔅᑌᒥᓐᑦ

¹² ᓀᔥᑕ ᒫᑲ ᓂ ᓇᓈᔅᑯᒫᐤ ᙭ ᒋᓴᔅ ᑭ ᑎᐯᓕᒋᑫᒥᓇᐤ, ᑳ ᑮ ᑲᔥᑭᑕᒥᐃᑦ, ᒀᔭᔅᑭᑎᐤ ᐁ ᑮ ᐃᑕᑭᒥᑦ, ᐁ ᐸᑭᑎᓂᑦ ᐋᔭᒥᐋᐎ ᐊᑑᔅᑫᐎᓂᒃ;

ᓂᔥᑕᒻ ᑎᒧᑎ 1:12 Iomraidhean Croise

ᐅᐸᓓᑭᔅ ᒫᑎᐤ 20:4

ᑮ ᐃᑌᐤ ᒫᑲ, ᐃᑐᑌᒃ ᑭᓚᐗᐤ ᓀᔥᑕ ᔓᒥᓈᑎᑯ ᓂᑖᐎᑭᒋᑲᓂᒃ, ᑫᒀᓐ ᒫᑲ ᑳ ᒀᔭᔅᑭᑌᓕᑖᑾᒃ ᑭ ᑳ ᒥᓕᑎᓇᐗᐤ᙮ ᐁᑯ ᒫᑲ ᐁᑐᑌᒋᒃ᙮

ᐅᐸᓓᑭᔅ ᒑᓐ 5:23

ᒥᓯᐌ ᐃᓕᓕᐗᒃ ᑭᒋ ᑭᔅᑌᓕᒫᒋᒃ ᐅᑯᓯᓯᒪᐗ, ᑖᐱᔅᑯᒡ ᐁ ᐃᔑ ᑭᔅᑌᓕᒫᒋᒃ ᐅᑖᐎᒫᐗ᙮ ᐊᓇ ᐁᑳ ᑳ ᑭᔅᑌᓕᒫᑦ ᐅᑯᓯᓯᒫᐗ, ᓇᒪᐎᓚ ᑭᔅᑌᓕᒣᐤ ᐅᑖᐎᒪᐗ ᑳ ᑮ ᐯᒋᑎᔕᐙᓕᒋ᙮

ᐊᐸᔅᑕᓚᒃ 16:15

ᐃᔅᐱ ᒫᑲ ᑳ ᓯᑲᐊᑕᐙᑲᓂᐎᑦ, ᓀᔥᑕ ᒥᓯᐌ ᑳ ᐃᑕᔑᑦ, ᓂ ᑮ ᐸᑯᓭᓕᒥᑯᓈᓐ, ᐁ ᐃᑗᑦ, ᑮᔥᐱᓐ ᑳ ᐃᑌᓕᒥᐌᑴ ᐁ ᔮᒀᒥᔅᑕᐗᒃ ᐅᑎᐯᓕᒋᑫᐤ, ᐯᒋ ᐱᑐᑫᒃ ᓂᑭᒃ, ᐁᑯᑕ ᒫᑲ ᑕᔑᑫᒃ᙮ ᓂ ᑮ ᔕᑯᒋᒥᑯᓈᓐ ᒫᑲ᙮

ᐊᐸᔅᑕᓚᒃ 9:15

ᒫᑲ ᐅᑎᐯᓕᒋᑫᐤ ᑮ ᐃᑌᐤ, ᒫᒑ ᐃᓴ; ᐌᓴ ᓂ ᑮ ᐙᐌᓛᐸᒪᐤ ᑭᒋ ᐃᔑᐎᑖᑦ ᓂᑦ ᐃᔑᓂᑳᓱᐎᓂᓕᐤ ᐅᑎᔥᑲᐤ ᐊᓂᐃ ᒉᓐᑖᐃᓚ, ᓀᔥᑕ ᑭᒋᐅᑭᒪᐗ; ᓀᔥᑕ ᐃᔅᕃᐃᓪ ᐅᑦ ᐊᐙᔑᒥᔕ:

ᐊᐸᔅᑕᓚᒃ 9:22

ᒫᑲ ᓵᓪ ᐋᒋᐱᑯ ᑮ ᐊᑎ ᓵᐱᐤ, ᓀᔥᑕ ᑮ ᐙᐙᓀᓕᑕᒥᐁᐤ ᐊᓂᐃ ᒎᐗ ᑳ ᑖᔑᑫᓕᒋ ᑕᒫᔅᑲᓯᒃ, ᐁ ᑫᒋᓇᔦᓕᑖᑯᑕᒃ ᐅᐅ ᑖᐺ ᐁ ᐋᐎᓕᒋ ᙭᙮

ᓂᔥᑕᒻ ᑯᕆᓐᑎᐊᓇ 15:10

ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᐅᒋ ᓂᑦ ᐃᔑᓈᑯᓯᓐ ᑳ ᐃᔑᓈᑯᓯᔮᓐ: ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᐗᒃ, ᓇᒪᐎᓚ ᐸᑾᓐᑕᐤ ᓂ ᑮ ᐅᒋ ᒥᓕᑳᐎᓐ: ᒫᑲ ᐊᐙᓯᑌ ᓂ ᑮ ᐊᑑᔅᑳᓐ ᐃᔥᐱᔥ ᒥᓯᐌ ᐁ ᐃᑕᓯᒋᒃ; ᐁᓕᐌᒃ ᒫᑲ ᓇᒪᐎᓚ ᓂᓚ ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᑳ ᐎᒉᐎᑯᐗᒃ᙮

ᓂᔥᑕᒻ ᑯᕆᓐᑎᐊᓇ 3:5

ᐊᐌᓇ ᒫᑲ ᐹᓪ, ᐊᐌᓇ ᒫᑲ ᐊᐸᓚᔅ, ᐱᑯ ᐋᔭᒥᐋᐎ ᐊᑑᔅᑫᓛᑲᓇᒃ ᑳ ᑮ ᐅᒋ ᑖᐺᔦᓕᑕᒣᒃ, ᐱᑯ ᑳ ᐃᔑ ᒥᓛᑦ ᐅᑎᐯᓕᒋᑫᐤ ᒥᓯᐌ ᑕᑐ ᐃᓕᓕᐗ?

ᓂᔥᑕᒻ ᑯᕆᓐᑎᐊᓇ 7:25

ᐅᔥᑭᓂᑭᔅᑴᐗᒃ ᐅᒋ ᒫᑲ, ᓇᒪᐎᓚ ᓂ ᑮ ᐃᑕᔓᒥᒃ ᑭᒋᒪᓂᑐ: ᐁᓕᐌᒃ ᒫᑲ ᓂ ᐎᑌᐤ ᑳ ᐃᑌᓕᑕᒫᓐ, ᑖᐱᔅᑯᒡ ᐊᐌᓇ ᑳ ᑮ ᒥᓕᑯ ᔕᐌᓕᒋᑫᐎᓂᓕᐤ ᐅᑎᐯᓕᒋᑫᐗ ᑭᒋ ᒀᔭᔅᑭᑎᑦ᙮

ᓂᔓ ᑯᕆᓐᑎᐊᓇ 4:1

ᐁ ᐙᐸᑕᒫᒃ ᒫᑲ ᐁ ᐋᔮᔮᒃ ᐅᒪ ᐋᔭᒥᐋᐎ ᐊᑐᔅᑫᐎᓐ, ᑳ ᑮ ᐃᔑ ᒥᓕᑲᐎᔮᒃ ᔕᐌᓕᒋᑫᐎᓐ, ᓇᒪᐎᓚ ᓂ ᔖᑯᑌᐋᓈᓐ;

ᑲᓓᔕᐊᓇ 3:26

ᐌᓴ ᒥᓯᐌ ᐁ ᐃᑕᔑᔦᒃ ᑭᑦ ᐅᑦ ᐊᐙᔑᒥᔑᒥᑯᐗᐤ ᑭᒋᒪᓂᑐ ᐁ ᑖᐺᔦᓂᒣᒃ ᙭ ᒋᓴᔅ᙮

ᑲᓓᔕᐊᓇ 3:28

ᓇᒪᐎᓚ ᐃᑖᐤ ᒎ ᓇᒪ ᓀᔥᑕ ᒃᕆᒃ, ᓇᒪᐎᓚ ᐃᑖᐤ ᐊᐗᑳᓐ ᓇᒪ ᓀᔥᑕ ᐅᑎᐯᓕᒥᑎᓱ, ᓇᒪᐎᓚ ᐃᑖᐤ ᓈᐯᐋᔭ ᓇᒪ ᓀᔥᑕ ᐃᔅᑴᐋᔭ: ᐌᓴ ᒥᓯᐌ ᐁ ᐃᑕᔑᔦᒃ ᑭ ᐯᔭᑯᓇᐗᐤ ᙭ ᒋᓴᓯᒃ᙮

ᐱᓕᐱᔭᓇ 2:11

ᓀᔥᑕ ᒥᓯᐌ ᑕᑐ ᒥᑌᓕᓕ ᑭᒋ ᐎᑕᒧᒪᑲᒃ ᐁ ᑎᐯᓕᒋᑫᑦ ᒋᓴᔅ ᙭, ᑫ ᐅᒋ ᑭᔅᑌᓕᒫᑲᓂᐎᑦ ᑭᒋᒪᓂᑐ ᐌᐅᑖᐎᒪᐎᑦ᙮

ᐱᓕᐱᔭᓇ 4:13

ᒥᓯᐌ ᑫᒀᓇ ᓂ ᑳ ᑮ ᑐᑌᓐ ᐎᓚ ᐅᒋ ᙭ ᑳ ᒪᔥᑲᐎᓯᐃᑦ᙮

ᑯᓚᔑᔭᓇ 1:25

ᐁᐗᑯ ᑳ ᐅᒋ ᐋᔭᒥᐊᐎ ᐊᑑᒃᑫᓛᑲᓂᐃᑲᐎᔮᓐ, ᑖᐱᔅᑯᒡ ᑳ ᐃᑕᔅᑌᓕᒃ ᐅ ᒫᑎᓇᒫᑫᐎᓐ ᑭᒋᒪᓂᑐ, ᑳ ᒥᓕᑲᐎᔮᓐ ᑭᓚᐗᐤ ᐅᒋ, ᑭᒋ ᑎᐱ ᑲᑫᔅᑭᒥᐌᐗᒃ ᐅᑦ ᐋᔭᒥᐎᓐ ᑭᒋᒪᓂᑐ;

ᓂᔥᑕᒻ ᑎᒧᑎ 1:1

ᐹᓪ, ᐅᑦ ᐊᐸᔅᑕᓕᒪ ᒋᓴᔅ ᙭, ᐅᑲᑫᔅᑴᐎᓐ ᐅᒋ ᑭᒋᒪᓂᑐ ᑭ ᐱᒫᒋᐃᐌᒥᓇᐤ, ᓀᔥᑕ ᐅᑎᐯᓕᑫᐤ ᒋᓴᔅ ᙭, ᐁᐗᑯ ᑭᑦ ᐊᔅᐯᓕᒧᐎᓂᓇᐤ᙮

ᓂᔥᑕᒻ ᑎᒧᑎ 1:11

ᐁ ᐃᔑ ᐃᑗᒪᑲᓂᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓐ ᑳ ᔕᐌᓕᑖᑯᓯᑦ ᑭᒋᒪᓂᑐ, ᑳ ᑮ ᐸᑭᑎᓇᒫᑲᐎᐗᒃ ᑭᒋ ᑲᓇᐌᓕᑕᒶᒃ᙮

ᓂᔥᑕᒻ ᑎᒧᑎ 1:2

ᐁ ᒪᓯᓇᐊᒪᐗᒃ ᑎᒧᑎ, ᑎᐱᓚᐌ ᓂᑯᓯᔅ ᑖᐺᔦᓕᑖᒧᐎᓂᒃ: ᑭᔐᐙᑎᓯᐎᓐ, ᔕᐌᓕᒋᑫᐎᓐ, ᓀᔥᑕ ᑳᔮᒣᓕᑕᒧᐎᓐ, ᑭ ᑳ ᐎ ᐋᔮᓐ, ᑭᒋᒪᓂᑐ ᑯᑖᐎᓇᐤ ᐅᒋ, ᓀᔥᑕ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᓂᔥᑕᒻ ᑎᒧᑎ 6:13

ᑭᑦ ᐃᑕᔓᒥᑎᓐ ᐁ ᐙᐸᒥᔉ ᑭᒋᒪᓂᑐ, ᑳ ᐱᒫᒋᑖᑦ ᒥᓯᐌ ᑫᒀᓇ, ᓀᔥᑕ ᐅᑎᔥᑲᐤ ᙭ ᒋᓴᔅ, ᐊᓇ ᐁ ᐅᑎᔥᑲᐎᑳᐸᐎᔅᑕᐙᑦ ᐸᓐᑎᔭᔅ ᐹᐃᓚᑕ ᑳ ᑮ ᐎᑕᒃ ᒥᓗ ᐎᑕᒫᑫᐎᓂᓕᐤ;

ᓂᔓ ᑎᒧᑎ 2:2

ᐊᓂᐃ ᒫᑲ ᑳ ᑮ ᐯᑕᐎᔭᓐ ᐁ ᐊᔨᑖᒋᒧᔮᓐ ᐊᓯᒋ ᒥᒉᑦ ᐅᑎᐹᒋᒧᐗᒃ, ᐁᐗᒀᓂᐃ ᐸᑭᑎᓇᒪᐎᒃ ᑳ ᒀᔭᔅᑭᑎᒋᒃ ᐃᓕᓕᐗᒃ, ᑫ ᑲᔥᑭᑖᒋᒃ ᑯᑕᑭᔭ ᓀᔥᑕ ᑭᒋ ᑭᔅᑭᓄᐊᒪᐙᒋᒃ᙮

ᓂᔓ ᑎᒧᑎ 4:17

ᐁᓕᐌᒃ ᒫᑲ, ᐅᑎᐯᓕᒋᑫᐤ ᓂ ᑮ ᐎᒋᑲᐸᐎᔅᑖᒃ, ᓀᔥᑕ ᓂ ᑮ ᐋᔨᒋᐃᒃ; ᓂᓚ ᐅᒋ ᒥᑐᓂ ᑭᒋ ᑭᔅᑫᓕᒋᑳᑌᒃ ᑲᑫᔅᑭᒥᐌᐎᓐ, ᓀᔥᑕ ᒥᓯᐌ ᒉᓐᑖᐃᓚᒃ ᑭᒋ ᐯᑕᑭᒃ: ᓀᔥᑕ ᒫᑲ ᒥᔑᐱᔑᐤ ᐅᑐᓂᒃ ᓂ ᑮ ᐅᒋ ᐎᑾᑭᐃᑲᐎᓐ᙮

ᑕᐃᑕᔅ 1:4

ᐁ ᒪᓯᓇᐊᒪᐗᒃ ᑕᐃᑕᔅ, ᑎᐱᓚᐌ ᓂᑯᓯᔅ, ᒥᓯᐌ ᐃᔑ ᑖᐺᔦᓕᑕᒧᐎᓂᒃ: ᑭᔐᐙᑎᓯᐎᓐ ᔕᐌᓕᒋᑫᐎᓐ, ᓀᔥᑕ ᑳᔮᒣᓕᑕᒧᐎᓐ, ᑭᒋᒪᓂᑐ ᐌᐅᑕᐎᒪᐎᑦ ᐅᒋ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭ ᑭ ᐱᒫᒋᐃᐌᒥᓇᐤ᙮

ᐹᐃᓕᒪᓐ 1:9

ᐁᓕᐌᒃ ᒫᑲ ᓵᑭᐃᐌᐎᓐ ᐅᒋ, ᓇᐗᒡ ᑭ ᐸᑯᓭᓕᒥᑎᓐ, ᐁ ᐋᐎᔮᓐ ᐊᓇ ᐹᓪ ᑳ ᑫᑌᔮᑎᓰᑦ, ᐊᓄᒡ ᓀᔥᑕ ᐅ ᑭᐸᐙᑲᓇ ᒋᓴᔅ ᙭᙮