ᓂᔥᑕᒻ ᑎᒧᑎ 1:11 - ᐅᔅᑭ ᑎᔅᑌᒥᓐᑦ

¹¹ ᐁ ᐃᔑ ᐃᑗᒪᑲᓂᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓐ ᑳ ᔕᐌᓕᑖᑯᓯᑦ ᑭᒋᒪᓂᑐ, ᑳ ᑮ ᐸᑭᑎᓇᒫᑲᐎᐗᒃ ᑭᒋ ᑲᓇᐌᓕᑕᒶᒃ᙮

ᓂᔥᑕᒻ ᑎᒧᑎ 1:11 Iomraidhean Croise

ᐅᐸᓓᑭᔅ ᓘᒃ 2:14

ᑲᑕ ᐎ ᒫᒥᒋᒪᐤ ᑭᒋᒪᓂᑐ ᑭᒋᑭᔑᑯᒃ, ᐊᔅᑮᒃ ᒫᑲ ᑲᑕ ᐎ ᐃᑕᑾᓐ ᑳᔮᒣᓕᑕᒧᐎᓐ, ᑲᑕ ᐎ ᔕᐌᓕᒫᐗᒃ ᐃᓕᓕᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:16

ᐊᓂᒪ ᑫ ᑭᔑᑳᒃ ᐃᔅᐱ ᑭᒋᒪᓂᑐ ᑫ ᑎᐹᔅᑯᓇᒸᑦ ᐃᓕᓕᐗ ᐅ ᑭᒧᑎᓯᐎᓂᓕᐗ ᐎᓚ ᐅᒋ ᒋᓴᔅ ᙭, ᐁ ᐃᑗᒪᑲᒃ ᓂ ᒥᓗᐋᒋᒧᐎᓐ᙮

ᓂᔥᑕᒻ ᑯᕆᓐᑎᐊᓇ 9:17

ᐌᓴ ᑮᔥᐱᓐ ᓂᓚ ᐁ ᐃᑌᓕᑕᒫᓐ ᐅᒪ ᐁ ᑐᑕᒫᓐ, ᓂᑦ ᐋᔮᓐ ᑎᐸᐊᒫᑯᓯᐎᓐ: ᒫᑲ ᑮᔥᐱᓐ ᐁᑳ ᐁ ᐃᑌᓕᑕᒫᓐ ᓂᓚ, ᑭᒋ ᒫᑎᓇᒫᑫᔮᓐ ᒥᓗᐋᒋᒧᐎᓐ ᓂ ᑮ ᐸᑭᑎᓇᒫᑲᐎᓐ᙮

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᓂᔓ ᑯᕆᓐᑎᐊᓇ 4:6

ᐌᓴ ᑭᒋᒪᓂᑐ ᑳ ᑮ ᐃᑕᔓᐗᑕᒃ ᐙᓭᔮᓯᐎᓐ ᑭᒋ ᓵᑳᔅᑌᓕᒃ ᐁ ᐗᓂᑎᐱᔅᑳᒃ ᐅᒋ, ᓂ ᑮ ᓵᑳᔅᑌᔅᑳᑯᓈᓐ ᓂᑌᐃᓈᒃ, ᑭᒋ ᒥᓕᔮᒃ ᐊᓂᒪ ᐙᔅᑌᐎᓐ ᑳ ᐃᑕᑾᒃ ᐁ ᑭᔅᑫᓕᒋᑳᑌᓕᒃ ᐅ ᑭᔅᑌᓕᑖᑯᓯᐎᓐ ᑭᒋᒪᓂᑐ ᐅᑖᔅᑕᒥᑯᒃ ᒋᓴᔅ ᙭᙮

ᑲᓓᔕᐊᓇ 2:7

ᒫᑲ ᐱᑐᔥ ᐃᔑ, ᐃᔅᐱ ᐎᐋᐸᑕᑭᒃ ᐁ ᑮ ᐸᑭᑎᓂᒫᑲᐎᔮᓐ ᓂᓚ ᑭᒋ ᑲᑫᔅᑭᒪᑭᒃ ᒥᓗᐋᒋᒧᐎᓂᓕᐤ ᐊᓂᑭ ᐁᑳ ᑳ ᑭᔅᑭᓄᐙᒋᔣᑲᓂᐎᒋᒃ, ᑖᐱᔅᑯᒡ ᐁ ᑮ ᐸᑭᑎᓇᒪᐙᑦ ᐱᑕᕐ ᐊᓂᐃ ᑳ ᑭᔅᑭᓄᐙᒋᔣᑲᓂᐎᓕᒋ;

ᐃᐱᓯᔭᓇ 1:12

ᑭᓚᓋᓇᐤ ᑭᒋ ᐅᒋ ᒫᒥᒋᒋᑳᑌᓕᒃ ᐅ ᑭᔅᑌᓕᑖᑯᓯᐎᓐ, ᓂᔥᑕᒻ ᑳ ᑮ ᒪᒥᔑᑐᑕᐗᒃ ᙭᙮

ᐃᐱᓯᔭᓇ 1:6

ᑭᒋ ᒫᒥᒋᒋᑳᑌᓕᒃ ᐁ ᐃᔑ ᑭᔅᑌᓕᑖᑾᓂᓕᒃ ᐅ ᔕᐌᓕᒋᑫᐎᓐ, ᐃᑕ ᑳ ᑮ ᐅᒋ ᐊᔑᑕᑭᒥᑲᐎᔭᒃ ᓯᐋᑭᐋᑲᓂᐎᑦ:

ᐃᐱᓯᔭᓇ 2:7

ᐊᓂᐃ ᐁ ᑭᔑᑳᑭ ᐁᔥᑾ ᑫ ᐅᑎᒋᐸᓕᑾᐌ ᑭᒋ ᐙᐸᑎᓕᐌᑦ ᐁ ᐃᔅᐱᒋ ᓈᔅᐱᒡ ᐌᓗᑕᓂᓕᒃ ᐅ ᔕᐌᓕᒋᑫᐎᓐ, ᓀᔥᑕ ᐁ ᐃᔑ ᑭᔐᐙᑐᑖᑕᒃ ᐎᓚ ᐅᒋ ᒋᓴᔅ ᙭᙮

ᐃᐱᓯᔭᓇ 3:10

ᐊᓂᑭ ᑳ ᑎᐯᓕᒋᑫᒋᒃ ᓀᔥᑕ ᑳ ᓯᑳᑎᓯᒋᒃ ᑭᒋᑭᔑᑯᒃ ᐊᓄᒡ ᒫᒪᐎᐋᔭᒥᐊᐗ ᐅᒋ, ᑭᒋ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅ ᑲᑫᑕᐌᓕᑕᒧᐎᓂᓕᐤ ᑳ ᐋᔭᑶᑕᐗᓂᓕᒃ,

ᑯᓚᔑᔭᓇ 1:25

ᐁᐗᑯ ᑳ ᐅᒋ ᐋᔭᒥᐊᐎ ᐊᑑᒃᑫᓛᑲᓂᐃᑲᐎᔮᓐ, ᑖᐱᔅᑯᒡ ᑳ ᐃᑕᔅᑌᓕᒃ ᐅ ᒫᑎᓇᒫᑫᐎᓐ ᑭᒋᒪᓂᑐ, ᑳ ᒥᓕᑲᐎᔮᓐ ᑭᓚᐗᐤ ᐅᒋ, ᑭᒋ ᑎᐱ ᑲᑫᔅᑭᒥᐌᐗᒃ ᐅᑦ ᐋᔭᒥᐎᓐ ᑭᒋᒪᓂᑐ;

ᓂᔥᑕᒻ ᑌᓴᓗᓂᔭᓇ 2:4

ᒫᑲ ᑳ ᑮ ᐃᑌᓕᒥᔭᒥᑦ ᑭᒋᒪᓂᑐ ᑭᒋ ᐸᑭᑎᓇᒫᑲᐎᔮᒃ ᒥᓗᐋᒋᒧᐎᓐ, ᐁᑯ ᐁ ᐃᔑ ᐋᔭᒥᔮᒃ; ᓇᒪᐎᓚ ᐁ ᐎ ᓇᐃᓚᐌᐊᑭᒋᒃ ᐃᓕᓕᐗᒃ, ᒫᑲ ᑭᒋᒪᓂᑐ ᑳ ᑲᑴᒋᑖᑦ ᓂᑌᐃᓈᓇ᙮

ᓂᔥᑕᒻ ᑎᒧᑎ 2:7

ᐁᐗᑯ ᑳ ᐅᒋ ᐹᑳᓂᐃᑲᐎᔮᓐ ᑭᒋ ᑲᑫᔅᑭᒥᐌᔮᓐ ᓀᔥᑕ ᑭᒋ ᐊᐸᔅᑕᓕᐌᔮᓐ, ᙭ᑎᒃ ᓂᑦ ᐋᔭᒥᓐ ᑖᐺᐎᓐ, ᓇᒪ ᓀᔥᑕ ᓂ ᑭᓛᔅᑭᓐ, ᑭᒋ ᑭᔅᑭᓄᐊᒪᐗᑭᒃ ᒉᓐᑖᐃᓚᒃ ᑖᐺᔦᓕᑕᒧᐎᓂᒃ ᓀᔥᑕ ᑖᐺᐎᓂᒃ᙮

ᓂᔥᑕᒻ ᑎᒧᑎ 6:15

ᐅᑎᒋᐸᓕᓕᑫ ᐅ ᑭᔑᑳᒻ ᑫ ᐙᐸᑎᓕᐌᑦ, ᐊᓇ ᑳ ᔕᐌᓕᑖᑯᓯᑦ ᓀᔥᑕ ᑳ ᐯᔭᑯᑦ ᑭᒋᐅᑭᒪᐤ, ᑭᒋᐅᑭᒪᐗᒃ ᐅ ᑭᒋᐅᑭᒫᒥᐙᐗ, ᓀᔥᑕ ᐅᑎᐯᓕᒋᑫᐗᒃ ᐅ ᑎᐯᓕᒋᑫᒥᐗᐗ:

ᓂᔥᑕᒻ ᑎᒧᑎ 6:20

ᐅ ᑎᒧᑎ, ᑲᓇᐌᓕᑕ ᐊᓂᒪ ᑳ ᑲᓇᐌᓕᑎᓕᑲᐎᔭᓐ, ᐁ ᐌᐱᓇᒪᓐ ᒪᒋ ᓀᔥᑕ ᐸᑾᓐᑕᐤ ᐱᑭᔅᑴᐎᓇ, ᓀᔥᑕ ᓇᔅᑯᔅᑕᒧᐎᓇ ᑳ ᐅᒋᐸᓕᑭ ᑭᔅᑫᓕᑕᒧᐎᓂᒃ ᐁᑳ ᒀᔭᔉ ᒫᑲ ᐅᒪ ᐁ ᐃᔑᓂᑳᑌᒃ;

ᓂᔓ ᑎᒧᑎ 1:11

ᐃᑕ ᑳ ᑮ ᐅᒋ ᐃᑕᔓᐙᑎᑲᐎᔮᓐ ᑭᒋ ᑲᑫᔅᑭᒥᐌᔮᓐ, ᓀᔥᑕ ᑭᒋ ᐊᐸᔅᑕᓕᐎᔮᓐ, ᓀᔥᑕ ᑭᒋ ᑭᔅᑭᓄᐊᒪᐗᑭᒃ ᒉᓐᑖᐃᓚᒃ᙮

ᓂᔓ ᑎᒧᑎ 1:14

ᐊᓂᒪ ᒥᓗ ᑫᒀᓐ ᑳ ᑮ ᐸᑭᑎᓇᒫᑲᐎᔭᓐ, ᑲᓇᐌᓕᑕ ᐸᓓᑭ ᐊᒑᒃ ᐅᒋ ᑳ ᐱᒋᔅᑳᑕᒃ᙮

ᓂᔓ ᑎᒧᑎ 2:2

ᐊᓂᐃ ᒫᑲ ᑳ ᑮ ᐯᑕᐎᔭᓐ ᐁ ᐊᔨᑖᒋᒧᔮᓐ ᐊᓯᒋ ᒥᒉᑦ ᐅᑎᐹᒋᒧᐗᒃ, ᐁᐗᒀᓂᐃ ᐸᑭᑎᓇᒪᐎᒃ ᑳ ᒀᔭᔅᑭᑎᒋᒃ ᐃᓕᓕᐗᒃ, ᑫ ᑲᔥᑭᑖᒋᒃ ᑯᑕᑭᔭ ᓀᔥᑕ ᑭᒋ ᑭᔅᑭᓄᐊᒪᐙᒋᒃ᙮

ᑕᐃᑕᔅ 1:3

ᒫᑲ ᒣᒀᒡ ᐁ ᓇᐃᐸᓕᑭ ᐁ ᑭᔑᑳᑭ ᑳ ᑮ ᓄᑯᑖᑦ ᐅᑦ ᐋᔭᒥᐎᓐ ᑲᑫᔅᑭᒥᐌᐎᓐ ᐅᒋ, ᑳ ᐸᑭᑎᓇᒫᑲᐎᔮᓐ, ᐁ ᐃᑗᒪᑲᓂᓕᒃ ᐅ ᑲᑫᔅᑴᐎᓐ ᑭᒋᒪᓂᑐ ᑭ ᐱᒫᒋᐃᐌᒥᓇᐤ: