ᓂᔥᑕᒻ ᑎᒧᑎ 1:10 - ᐅᔅᑭ ᑎᔅᑌᒥᓐᑦ

¹⁰ ᑳ ᐱᔑᒀᑎᓯᒋᒃ, ᓀᔥᑕ ᐊᓂᑭ ᐎᒋᐃᓕᓕᐗ ᑳ ᐅᒋ ᐎᓂᐃᑎᓱᒋᒃ, ᐊᓂᑭ ᑳ ᑭᒧᑎᒋᒃ ᐃᓕᓕᐗ, ᐅᑭᓛᔅᑭᔅᑲᒃ, ᐊᓂᑭ ᑳ ᑭᓛᔅᑭᐋᒋᒧᒋᒃ, ᓀᔥᑕ ᑮᔥᐱᓐ ᐁᑕᑾᓄᑴ ᑯᑕᒃ ᑫᒀᓐ ᑳ ᓇᔅᐹᓯᓈᑾᒃ ᑖᐺᐎ ᑭᔅᑭᓄᐊᒫᑫᐎᓂᒃ:

ᓂᔥᑕᒻ ᑎᒧᑎ 1:10 Iomraidhean Croise

ᐅᐸᓓᑭᔅ ᒑᓐ 8:44

ᑭᓚᐗᐤ ᑭᑦ ᐅᒌᓇᐗᐤ ᑯᑖᐎᐗᐤ ᒪᒋᒪᓂᑐ, ᓀᔥᑕ ᑯᑕᐎᐗᐤ ᐅ ᒪᒋᐃᑌᓕᑕᒧᐎᓇ ᑭ ᑳ ᑐᑕᒸᓇᐗᐤ᙮ ᑮ ᓂᐸᔨᐌᔅᑭᐤ ᓃᔥᑕᒻ ᐅᒋ, ᓇᒪᐎᓚ ᓀᔥᑕ ᑖᐺᐎᓂᒃ ᐅᒋ ᐃᑖᐤ, ᐁᑳ ᒥᑐᓂ ᐁ ᐱᒋᔅᑳᑯᑦ ᑖᐺᐎᓂᓕᐤ᙮ ᐃᔅᐱ ᐁᑗᒋ ᑭᓛᔅᑭᐎᓂᓕᐤ, ᐁ ᐃᑖᑎᓰᑦ ᐃᔑ ᐋᔭᒥᐤ: ᐌᓴ ᑭᓛᔅᑭᔅᑭᐤ ᓀᔥᑕ ᐅᑖᐎᒥᑯ ᑭᓛᔅᑭᐎᓂᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:26

ᐁᐗᑯ ᐅᒋ ᒫᑲ ᑭᒋᒪᓂᑐ ᑮ ᐸᑭᑎᓀᐤ ᑭᒋ ᐎᓂᓯᐎ ᐸᑯᓭᓕᒧᓕᒋ: ᐊᐳᒋᑲ ᐅᑦ ᐃᔅᑴᒥᐗᐗ ᑮ ᐃᔑ ᑴᔅᑭᐊᐸᒋᑖᓕᐗ ᐃᑌ ᐁᑳ ᐁ ᐃᔑ ᓂᐃᐸᓕᓕᒃ:

ᓂᔥᑕᒻ ᑎᒧᑎ 4:6

ᑮᔥᐱᓐ ᐅᐅ ᑭᔅᑭᓯᑐᑕᒥᐊᑡᐌ ᐎᒋᔖᓂᒪᐗᒃ, ᑭ ᑳ ᒥᓗ ᐋᔭᒥᐊᐎ ᐊᑑᔅᑫᓛᑲᓂᒥᒥᒃ ᒋᓴᔅ ᙭, ᐁ ᐅᐱᑭᔭᓐ ᑖᐺᔦᓕᑕᒧᐎᓂ ᐋᔭᒥᐎᓂᒃ ᓀᔥᑕ ᒥᓗ ᑭᔅᑭᓄᐊᒫᑫᐎᓂᒃ, ᐁᐗᑯ ᑳ ᑮ ᓄᔅᐱᓈᑕᒪᓐ᙮

ᓂᔥᑕᒻ ᑎᒧᑎ 6:3

ᑮᔥᐱᓐ ᐊᐌᓇ ᐱᑐᔥ ᐃᔑ ᑭᔅᑭᓄᐊᒫᑫᒋ, ᓀᔥᑕ ᐁᑳ ᓇᔅᑯᑕᑭ ᐱᒫᑎᓯᐎ ᐋᔭᒥᐎᓇ, ᐊᓂᐃ ᐅᑎ ᐅᑦ ᐋᔭᒥᐎᓇ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᐊᓂᒪ ᑭᔅᑭᓄᐊᒫᑫᐎᓐ ᒪᓂᑐᐙᑎᓯᐎᓂᒃ ᑳ ᐃᑕᔅᑌᒃ:

ᓂᔓ ᑎᒧᑎ 1:13

ᓱᑲ ᒥᒋᒥᓇ ᐊᓂᐃ ᒥᓗᒪᒋᐅᐎ ᐋᔭᒥᐎᓇ ᓂᓚ ᑳ ᑮ ᐅᒋ ᐯᑕᒪᓐ, ᑖᐺᔦᓕᑕᒧᐎᓂᒃ ᓀᔥᑕ ᓵᑭᐃᐌᐎᓂᒃ ᑳ ᐃᑕᑾᒃ ᙭ ᒋᓴᓯᒃ᙮

ᓂᔓ ᑎᒧᑎ 4:3

ᐌᓴ ᐁ ᑭᔑᑳᒃ ᐁᔥᑾ ᑲᑕ ᐅᑎᒋᐸᓕᐤ, ᐃᔅᐱ ᐁᑳ ᑫ ᔑᐯᓕᑕᑭᒃ ᒀᔭᔉ ᑭᔅᑭᓄᐊᒫᑫᐎᓂᓕᐤ; ᒫᑲ ᐁᑕᔅᑌᓕᑭ ᑎᐱᓚᐌ ᐅ ᒪᒋᐃᑌᓕᑕᒧᐎᓂᐗᐗ ᑲᑕ ᒪᐗᓭᑯᓇᒫᓱᐗᒃ ᐅᑭᔅᑭᓄᐊᒫᑫᐗ, ᐁ ᑭᔭᑭᑐᐗᑫᒋᒃ:

ᑕᐃᑕᔅ 1:13

ᑖᐺᒪᑲᓐ ᐅᒪ ᑎᐹᒋᒧᐎᓐ᙮ ᐁᐗᑯ ᐅᒋ ᓱᑲ ᑭᑐᑎᒃ, ᑭᒋ ᒪᔥᑲᐎᓯᒋᒃ ᑖᐺᔦᓕᑕᒧᐎᓂᒃ;

ᑕᐃᑕᔅ 1:9

ᐁ ᒥᒋᒥᓇᒃ ᑖᐺᔦᓕᑕᒧᐎ ᐋᔭᒥᐎᓂᓕᐤ ᑳ ᑮ ᐃᔑ ᑭᔅᑭᓄᐊᒪᐙᑲᓂᐎᑦ, ᑭᒋ ᑲᔥᑭᑖᑦ ᒀᔭᔉ ᑭᔅᑭᓄᐊᒫᑫᐎᓐ ᐅᒋ, ᑭᒋ ᔑᑭᒫᑦ ᓀᔥᑕ ᑭᒋ ᑲᔥᑭᒫᑦ ᐅᑖᓉᑕᒧᐗ᙮

ᐦᐃᑉᕉᐗ 13:4

ᐎᑭᑐᐎᓐ ᑭᔅᑌᓕᑖᑾᓂᓕᐤ ᒥᓯᐌ ᑭᒋ ᐅᑎᓇᑭᒃ, ᓀᔥᑕ ᓂᐯᐎᓐ ᐸᔦᑲᓐ; ᒫᑲ ᐅᐎᓂᓯᐗᒃ ᓀᔥᑕ ᐅᐱᔑᒀᑎᓴᒃ ᑳᑕ ᑎᐹᔅᑯᓂᑯᐗᒃ ᑭᒋᒪᓂᑐᐗ᙮

ᒎᑦ 1:7

ᑖᐱᔅᑯᒡ ᓴᑕᒻ ᓀᔥᑕ ᑯᒪᕋ, ᓀᔥᑕ ᐊᓂᐃ ᐃᑖᐎᓇ ᐙᔅᑲ ᑖᐱᔅᑯᒡ ᐃᔑ, ᐁ ᐸᑭᑎᓂᑎᓱᒋᒃ ᐱᔑᒀᑎᓯᐎᓂᒃ, ᐁ ᓈᓇᑕᐌᓕᑕᑭᒃ ᐋᔭᒡ ᐎᔮᓯᓕᐤ, ᐸᑭᑎᓇᐗᒃ ᑭᒋ ᑭᔅᑭᓄᐙᐸᒫᑲᓂᐎᒋᒃ, ᐁ ᑎᐸᒪᒋᑖᒋᒃ ᑲᒀᑕᑭᓯᐎᓂᓕᐤ ᑳᑭᑫ ᐃᔥᑯᑌᒃ᙮

ᑭᔅᑫᓕᑖᑯᑖᑫᐎᓐ 18:13

ᓀᔥᑕ ᓯᓂᒪᓐ, ᓀᔥᑕ ᒥᓛᒋᑲᓇ, ᓀᔥᑕ ᑕᒪᔅᑯᐎᓇ, ᓀᔥᑕ ᑳ ᐎᑭᒫᑯᓯᓕᒋ ᐱᑭᐗ, ᓀᔥᑕ ᔓᒥᓈᐳ, ᓀᔥᑕ ᒥᔅᑎᑯᐱᒥ, ᓀᔥᑕ ᒣᓗᔑᔑᑦ ᐸᑴᔑᑲᓐ, ᓀᔥᑕ ᐸᑴᔑᑲᓂᒥᓇ ᓀᔥᑕ ᐊᐌᓯᓴᒃ, ᓀᔥᑕ ᒫᓂᔥᒑᓂᔕᒃ, ᓀᔥᑕ ᒥᔅᑕᑎᒶᒃ, ᓀᑦ ᑎᑎᐱᑖᐸᓈᔅᑾᒃ, ᓀᔥᑕ ᐎᔭᐙᐗ ᓀᔥᑕ ᐅᑦ ᐊᒑᑯᐗ ᐊ ᐃᓕᓕᐗᒃ᙮

ᑭᔅᑫᓕᑖᑯᑖᑫᐎᓐ 21:27

ᓇᒪᐎᓚ ᒥᑐᓂ ᒫᑲ ᐊᓐᑕ ᑲᑕ ᐱᑐᑫᒪᑲᓐ ᑫᒀᓇ ᑳ ᐎᓂᐃᐌᒪᑲᒃ, ᓇᒪ ᓀᔥᑕ ᑫᒀᓐ ᑳ ᓂᐹᓯᓈᑯᐃᐌᒪᑲᒃ, ᓀᔥᑕ ᐱᑯ ᑳ ᑭᓛᔅᑭᒪᑲᒃ; ᐊᓂᑭ ᐱᑯ ᑳ ᒪᓯᓇᐃᑳᓱᒋᒃ ᒫᓂᔥᒑᓂᔑᔥ ᐅ ᐱᒫᑎᓯᐎᓂ ᒫᓯᓇᐃᑲᓂᒃ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 22:15

ᐌᓴ ᐗᓚᐎᑎᒥᒃ ᐃᑕᐗᒃ ᐊᑎᒶᒃ, ᓀᔥᑕ ᒥᑌᐗᒃ, ᓀᔥᑕ ᐅᐱᔑᒀᑎᓴᒃ, ᓀᔥᑕ ᐅᓂᐹᔨᐌᔅᑲᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᑕᑐ ᐊᐌᓇ ᐁ ᓵᑭᑖᑦ ᓀᔥᑕ ᐁ ᐅᔑᑖᑦ ᑭᓛᔅᑭᐎᓂᓕᐤ᙮