ᓂᔥᑕᒻ ᑎᒧᑎ 1:1 - ᐅᔅᑭ ᑎᔅᑌᒥᓐᑦ

¹ ᐹᓪ, ᐅᑦ ᐊᐸᔅᑕᓕᒪ ᒋᓴᔅ ᙭, ᐅᑲᑫᔅᑴᐎᓐ ᐅᒋ ᑭᒋᒪᓂᑐ ᑭ ᐱᒫᒋᐃᐌᒥᓇᐤ, ᓀᔥᑕ ᐅᑎᐯᓕᑫᐤ ᒋᓴᔅ ᙭, ᐁᐗᑯ ᑭᑦ ᐊᔅᐯᓕᒧᐎᓂᓇᐤ᙮

ᓂᔥᑕᒻ ᑎᒧᑎ 1:1 Iomraidhean Croise

ᐅᐸᓓᑭᔅ ᓘᒃ 1:47

ᓂᑦ ᐊᒑᒃ ᓀᔥᑕ ᑮ ᒥᓚᐙᑌᐤ ᑭᒋᒪᓂᑐᐗ ᓂ ᐱᒫᒋᐃᐌᒻ᙮

ᐅᐸᓓᑭᔅ ᓘᒃ 2:11

ᐌᓴ ᑭᓚᐗᐤ ᐅᒋ ᐊᓄᒡ ᑳ ᑭᔑᑳᒃ ᓂᑖᐎᑭᑦ ᑌᐱᑦ ᐅᑦ ᐃᑖᐎᓂᒃ ᐅᐱᒫᒋᐃᐌᐤ, ᐁᐗᒀᓇ ᙭ ᐅᑎᐯᓕᒋᑫᐤ᙮

ᐊᐸᔅᑕᓚᒃ 9:15

ᒫᑲ ᐅᑎᐯᓕᒋᑫᐤ ᑮ ᐃᑌᐤ, ᒫᒑ ᐃᓴ; ᐌᓴ ᓂ ᑮ ᐙᐌᓛᐸᒪᐤ ᑭᒋ ᐃᔑᐎᑖᑦ ᓂᑦ ᐃᔑᓂᑳᓱᐎᓂᓕᐤ ᐅᑎᔥᑲᐤ ᐊᓂᐃ ᒉᓐᑖᐃᓚ, ᓀᔥᑕ ᑭᒋᐅᑭᒪᐗ; ᓀᔥᑕ ᐃᔅᕃᐃᓪ ᐅᑦ ᐊᐙᔑᒥᔕ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:1

ᐹᓪ, ᐅᑦ ᐊᑑᔅᑫᓛᑲᓇ ᒋᓴᔅ ᙭, ᐁ ᑮ ᓇᑐᒥᑲᐎᔮᓐ ᑭᒋ ᐊᐸᔅᑕᓕᐎᔭᓐ, ᐁ ᑮ ᐹᑲᓂᐃᑲᐎᔮᓐ ᑭᒋᒪᓂᑐ ᐅ ᒥᓗᐋᒋᒧᐎᓂᒃ ᐃᔑ,

ᓂᔥᑕᒻ ᑯᕆᓐᑎᐊᓇ 1:1

ᐹᓪ, ᑳ ᑮ ᓇᑕᒫᑲᓂᐎᑦ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᐃᑌᓕᑕᒃ ᑭᒋᒪᓂᑐ, ᓀᔥᑕ ᓱᔅᑐᓃᔅ ᑭᒋᔖᓂᓇᐤ:

ᓂᔥᑕᒻ ᑯᕆᓐᑎᐊᓇ 9:17

ᐌᓴ ᑮᔥᐱᓐ ᓂᓚ ᐁ ᐃᑌᓕᑕᒫᓐ ᐅᒪ ᐁ ᑐᑕᒫᓐ, ᓂᑦ ᐋᔮᓐ ᑎᐸᐊᒫᑯᓯᐎᓐ: ᒫᑲ ᑮᔥᐱᓐ ᐁᑳ ᐁ ᐃᑌᓕᑕᒫᓐ ᓂᓚ, ᑭᒋ ᒫᑎᓇᒫᑫᔮᓐ ᒥᓗᐋᒋᒧᐎᓐ ᓂ ᑮ ᐸᑭᑎᓇᒫᑲᐎᓐ᙮

ᓂᔓ ᑯᕆᓐᑎᐊᓇ 1:1

ᐹᓪ ᐅᑦ ᐊᐸᔅᑕᓕᒪ ᒋᓴᔅ ᙭ ᐁ ᐃᑌᓕᑕᒃ ᑭᒋᒪᓂᑐ, ᓀᔥᑕ ᑎᒧᑎ ᑭᒋᔖᓂᓇᐤ, ᐁ ᒪᓯᓇᐊᒪᐙᑦ ᐊᓂᐃ ᐅ ᒫᒪᐎᐋᔭᒥᐋᒪ ᑭᒋᒪᓂᑐ ᑳ ᐃᑖᓕᒋ ᑯᕆᓐᑎᒃ, ᐊᓯᒋ ᓀᔥᑕ ᒥᓯᐌ ᐊᓂᐃ ᐅᐸᓓᑭᓴ ᑳ ᐃᑖᓂᒋ ᒥᓯᐌ ᐊᑳᔭᐃᒃ:

ᑲᓓᔕᐊᓇ 1:1

ᐹᓪ, ᐯᔭᒃ ᐊᐸᔅᑕᓪ, ᓇᒪᐎᓚ ᐃᓕᓕᐗᒃ ᐅᒋ, ᓇᒪ ᓀᔥᑕ ᐃᓕᓕᐤ ᐅᒋ, ᒫᑲ ᒋᓴᔅ ᙭ ᐅᒋ, ᓀᔥᑕ ᑭᒋᒪᓂᑐ ᐌᐅᑖᐎᒪᐎᑦ, ᐊᓇ ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ;

ᑲᓓᔕᐊᓇ 1:11

ᒫᑲ ᑭ ᐎᑕᒫᑎᓇᐗᐤ, ᓂᒋᔖᓂᑐᒃ, ᐊᓂᒪ ᒥᓗᐋᒋᒧᐎᓐ ᑳ ᑮ ᑲᑫᔅᑭᒥᐌᔮᓐ ᓇᒪᐎᓚ ᐃᓕᓕᒃ ᑮ ᐅᒋᐸᓕᐤ᙮

ᑯᓚᔑᔭᓇ 1:27

ᐊᓂᐃ ᑭᒋᒪᓂᑐ ᑫ ᑮ ᑭᔅᑫᓕᑕᒥᐋᔅᐸᓐ ᐁᔅᐱᒋ ᐌᓗᒋ ᑭᔅᑌᓕᑖᑾᒃ ᐅᒪ ᑳ ᒫᒪᔅᑳᑌᓕᑖᑾᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ; ᐁᐗᑯ ᙭ ᐁ ᐱᒋᔅᑳᑖᒃ, ᐁ ᐊᔅᐯᓕᒧᑐᒋᑳᑌᒃ ᑭᔅᑌᓕᑖᑯᓯᐎᓐ:

ᓂᔓ ᑌᓴᓗᓂᔭᓇ 2:16

ᐁᑯ ᐎᓚ ᑫᒋᐙᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᑭᒋᒪᓂᑐ, ᑯᑖᐎᓇᐤ ᐅᑎ, ᑳ ᑮ ᓵᑭᐃᑕᒃ, ᓀᔥᑕ ᑳ ᑮ ᒥᓕᑕᒃ ᑳᑭᑫ ᒥᓜᓕᒧᐎᓐ, ᓀᔥᑕ ᒥᓗ ᐊᔅᐯᓕᒧᐎᓐ ᔕᐌᓕᒋᑫᐎᓐ ᐅᒋ᙮

ᓂᔥᑕᒻ ᑎᒧᑎ 1:12

ᓀᔥᑕ ᒫᑲ ᓂ ᓇᓈᔅᑯᒫᐤ ᙭ ᒋᓴᔅ ᑭ ᑎᐯᓕᒋᑫᒥᓇᐤ, ᑳ ᑮ ᑲᔥᑭᑕᒥᐃᑦ, ᒀᔭᔅᑭᑎᐤ ᐁ ᑮ ᐃᑕᑭᒥᑦ, ᐁ ᐸᑭᑎᓂᑦ ᐋᔭᒥᐋᐎ ᐊᑑᔅᑫᐎᓂᒃ;

ᓂᔥᑕᒻ ᑎᒧᑎ 2:3

ᐌᓴ ᐁᐗᑯ ᒥᓨᔑᓐ ᓀᔥᑕ ᒥᓗ ᑲᓇᐙᐸᑕᒻ ᑭᒋᒪᓂᑐ ᑭ ᐱᒫᒋᐃᐌᒥᓇᐤ᙮

ᓂᔥᑕᒻ ᑎᒧᑎ 2:7

ᐁᐗᑯ ᑳ ᐅᒋ ᐹᑳᓂᐃᑲᐎᔮᓐ ᑭᒋ ᑲᑫᔅᑭᒥᐌᔮᓐ ᓀᔥᑕ ᑭᒋ ᐊᐸᔅᑕᓕᐌᔮᓐ, ᙭ᑎᒃ ᓂᑦ ᐋᔭᒥᓐ ᑖᐺᐎᓐ, ᓇᒪ ᓀᔥᑕ ᓂ ᑭᓛᔅᑭᓐ, ᑭᒋ ᑭᔅᑭᓄᐊᒪᐗᑭᒃ ᒉᓐᑖᐃᓚᒃ ᑖᐺᔦᓕᑕᒧᐎᓂᒃ ᓀᔥᑕ ᑖᐺᐎᓂᒃ᙮

ᓂᔥᑕᒻ ᑎᒧᑎ 4:10

ᐌᓴ ᐁᐗᑯ ᐌᒋ ᑖᐱᔅᑯᒡ ᐊᑑᔅᑫᔭᒃ ᓀᔥᑕ ᒫᓓᓕᒥᑲᐎᔭᒃ, ᐁ ᐊᔅᐯᓕᒧᑐᑕᐗᒃ ᐯᒫᑎᓰᑦ ᑭᒋᒪᓂᑐ, ᑳ ᐱᒫᒋᐋᑦ ᒥᓯᐌ ᐃᓕᓕᐗ, ᐅᓵᒻ ᐊᓂᐃ ᑳ ᑖᐺᔦᓕᑕᒥᓕᒋ᙮

ᑕᐃᑕᔅ 1:3

ᒫᑲ ᒣᒀᒡ ᐁ ᓇᐃᐸᓕᑭ ᐁ ᑭᔑᑳᑭ ᑳ ᑮ ᓄᑯᑖᑦ ᐅᑦ ᐋᔭᒥᐎᓐ ᑲᑫᔅᑭᒥᐌᐎᓐ ᐅᒋ, ᑳ ᐸᑭᑎᓇᒫᑲᐎᔮᓐ, ᐁ ᐃᑗᒪᑲᓂᓕᒃ ᐅ ᑲᑫᔅᑴᐎᓐ ᑭᒋᒪᓂᑐ ᑭ ᐱᒫᒋᐃᐌᒥᓇᐤ:

ᑕᐃᑕᔅ 2:10

ᐁᑳ ᐁ ᑭᒧᑎᔅᑭᒋᒃ, ᒫᑲ ᐁ ᐙᐸᑎᓕᐌᒋᒃ ᒥᓯᐌ ᒀᔭᔉ ᐋᐸᑎᓯᐎᓂᓕᐤ; ᑭᒋ ᑭᔅᑌᓕᑖᑯᑖᒋᒃ ᐅ ᑭᔅᑭᓄᐊᒫᑫᐎᓐ ᑭᒋᒪᓂᑐ ᑭ ᐱᒫᒋᐃᐌᒥᓇᐤ ᒥᓯᐌ ᐃᔑ᙮

ᑕᐃᑕᔅ 2:13

ᐁ ᐊᔕᐙᐸᑕᒪᒃ ᐊᓂᒪ ᑳ ᒥᓦᑭᑖᑾᒃ ᐊᔅᐯᓕᒧᐎᓐ, ᓀᔥᑕ ᐅ ᑭᔅᑌᓕᑖᑯᓯᐎ ᓄᑯᓯᐎᓐ ᑫᔅᑎᓯᑦ ᑭᒋᒪᓂᑐ, ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭;

ᑕᐃᑕᔅ 3:4

ᒫᑲ ᐃᔅᐱ ᐁ ᐃᔑ ᑭᔐᐙᑐᑕᐙᑦ ᓀᔥᑕ ᓵᑭᐋᑦ ᐃᓕᓕᐗ ᑭᒋᒪᓂᑐ ᑭ ᐱᒫᒋᐃᐌᒥᓇᐤ ᑮ ᓄᑾᓂᓕᐤ;

ᑕᐃᑕᔅ 3:6

ᑳ ᑮ ᐌᓗᒋ ᓯᑭᓇᒫᑕᒃ, ᐎᓚ ᐅᒋ ᒋᓴᔅ ᙭ ᑭ ᐱᒫᒋᐃᐌᒥᓇᐤ;

ᓂᔥᑕᒻ ᐱᑕᕐ 1:21

ᑭᓚᐗᐤ ᐎᓚ ᑳ ᐅᒋ ᑖᐺᔦᓕᒣᒃ ᑭᒋᒪᓂᑐ, ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ, ᓀᔥᑕ ᑳ ᑮ ᒥᓛᑦ ᑭᔅᑌᓕᑖᑯᓯᐎᓂᓕᐤ: ᑭᒋ ᑮ ᑖᐺᔦᓕᒣᒃ ᓀᔥᑕ ᐊᔅᐯᓕᒧᑐᑕᐌᒃ ᑭᒋᒪᓂᑐ᙮

ᓂᔥᑕᒻ ᐱᑕᕐ 1:3

ᑲᑕ ᐎ ᒫᒥᒋᒥᑯᓯᐤ ᑭᒋᒪᓂᑐ ᐅᑖᐎᔭ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᒥᒉᓂᓕᒃ ᐅ ᔕᐌᓕᒋᑫᐎᓐ ᐅᒋ ᒥᓇ ᑳ ᑮ ᓂᑖᐎᑭᐃᑕᒃ ᑭᒋ ᐱᒫᑎᓯᐎ ᐊᔅᐯᓕᒧᐎᓂᔭᒃ, ᐅ ᐗᓂᔥᑲᐎᓐ ᒋᓴᔅ ᙭ ᐅᓂᐱᐗ ᐅᒋ,

ᓂᔓ ᐱᑕᕐ 1:1

ᓵᐃᒪᓐ ᐱᑕᕐ, ᐅᑦ ᐊᑑᔅᑫᓛᑲᓇ ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᒪᓯᓇᐊᒪᐗᑭᒃ ᐊᓂᑭ ᑳ ᐊᓯᒋ ᐋᔮᒋᒃ ᐊᓂᐁᓕᐤ ᑖᐺᔦᓕᑕᒧᐎᓂᓕᐤ ᑖᐱᔅᑯᒡ ᓂᓛᓇᓐ, ᐅ ᒀᔭᔅᑭᑖᑎᓯᐎᓐ ᐅᒋ ᑭᒋᒪᓂᑐ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᓂᔥᑕᒻ ᒑᓐ 4:14

ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᐎᑌᓈᓐ ᐅᑖᐎᒪᐤ ᐁ ᑮ ᐯᒋᑎᔕᐙᑦ ᐅᑯᓯᓯᒪᐗ ᑭᒋ ᐱᒫᒋᑖᓕᒋ ᐊᔅᑭᓕᐤ᙮

ᒎᑦ 1:25

ᐊᓇ ᐱᑯ ᑳ ᑲᑫᑕᐌᓕᑕᒃ ᑭᒋᒪᓂᑐ ᑭ ᐱᒫᒋᐃᐌᒥᓇᐤ, ᑫ ᐎ ᐋᔮᑦ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᒋᐅᑭᒪᐌᓕᑖᑯᓯᐎᓂᓕᐤ, ᑎᐯᓕᒋᑫᐎᓂᓕᐤ ᓀᔥᑕ ᑲᔥᑭᐅᐎᓂᓕᐤ, ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮