ᓂᔥᑕᒻ ᑌᓴᓗᓂᔭᓇ 5:6 - ᐅᔅᑭ ᑎᔅᑌᒥᓐᑦ

⁶ ᐁᐗᑯ ᐅᒋ ᐁᑳᐎᓚ ᓂᐹᑕᐤ, ᑖᐱᔅᑯᒡ ᑯᑕᑭᔭᒃ; ᒫᑲ ᐁᑯᔑ ᐊᔕᐙᐱᑕᐤ ᓀᔥᑕ ᐯᑳᑖᑎᓯᑕᐤ᙮

ᓂᔥᑕᒻ ᑌᓴᓗᓂᔭᓇ 5:6 Iomraidhean Croise

ᐅᐸᓓᑭᔅ ᒫᑎᐤ 13:25

ᒫᑲ ᒣᒀᒡ ᐃᓕᓕᐗᒃ ᑳ ᓂᐹᒋᒃ, ᐊᓂᐃ ᑳ ᐸᒀᑎᑯᑦ ᑮ ᐯᒋ ᐗᓴᓶᐱᓇᒥᓕᐗ ᒪᒋ ᒪᔅᑯᔑᐎ ᓯᒥᓇ, ᐁᑯ ᒫᑲ ᒥᐋᒑᓕᒋ᙮

ᐅᐸᓓᑭᔅ ᒫᑎᐤ 24:42

ᐁᐗᑯ ᐌᒋ ᐊᔕᐙᐱᒃ; ᐌᓴ ᓇᒪᐎᓚ ᑭ ᑭᔅᑫᓕᑌᓇᐗᐤ ᑫᑯ ᑎᐹᔨᑲᓐ ᐱᓯᒧᑳᓂᒃ ᐃᔅᐱ ᑫ ᐯᒋ ᐃᑐᑌᒃ ᑭ ᑎᐯᓕᒋᑫᒥᐗᐤ᙮

ᐅᐸᓓᑭᔅ ᒫᑎᐤ 25:13

ᐁᐗᑯ ᐅᒋ ᐊᔕᐙᐱᒃ, ᐌᓴ ᓇᒪᐎᓚ ᑭ ᑭᔅᑫᓕᑌᓇᐗᐤ ᐊᓂᒪ ᐁ ᑭᔑᑳᒃ ᓀᔥᑕᐱᑯ ᑫᑯ ᑎᐹᔨᑲᓐ ᐱᓯᒧᑳᓂᒃ, ᒣᒀᒡ ᑫ ᐯᒋ ᐃᑐᑌᑦ ᐃᓕᓕᐎᑯᓯᓵᓐ᙮

ᐅᐸᓓᑭᔅ ᒫᑎᐤ 25:5

ᒣᒀᒡ ᐁ ᑆᔅᑕᐎ ᑕᑯᔑᒃ ᐅᔥᑭᔅᑴᐙᓐ, ᒥᓯᐌ ᐁ ᐃᑕᓯᒋᒃ ᑮ ᔑᐹᑾᔑᐗᒃ ᓀᔥᑕ ᑮ ᓂᐹᐗᒃ᙮

ᐅᐸᓓᑭᔅ ᒫᑎᐤ 26:38

ᐁᑯ ᐁᑖᑦ, ᓂᑦ ᐊᒑᒃ ᓈᔅᐱᒡ ᒪᒥᔑᒣᓕᑕᒻ, ᐱᓕᔥ ᓂᐱᐎᓂᒃ ᐃᔑ: ᐅᑕ ᑕᔑᑫᒃ, ᐎᒋᐊᔕᐗᐱᒥᒃ ᒫᑲ᙮

ᐅᐸᓓᑭᔅ ᒫᕐᒃ 13:37

ᐊᓂᒪ ᓀᔥᑕ ᑳ ᐃᑎᑖᑾᒃ, ᓂᑦ ᐃᑖᐗᒃ ᒥᓯᐌ, ᐊᔕᐙᐱᒃ᙮

ᐅᐸᓓᑭᔅ ᓘᒃ 12:37

ᔕᐌᓕᑖᑯᓯᐗᒃ ᐊᓂᑭ ᐊᑑᔅᑫᓛᑲᓇᒃ, ᐅᑭᒪᐗ ᑕᑯᔑᓂᓕᑌ, ᑮ ᒥᔅᑳᑯᒋᒃ ᐁ ᐊᔕᐙᐱᒋᒃ: ᑖᐺ ᑭᑦ ᐃᑎᓇᐗᐤ, ᑲᑕ ᐸᑾᑌᐅᓱ, ᓀᔥᑕ ᑲᑕ ᓇᐊᐱᐁᐤ ᑭᒋ ᒥᒋᓱᓕᒋ, ᓀᔥᑕ ᑲᑕ ᐯᒋ ᐱᒥᐁᐤ᙮

ᐅᐸᓓᑭᔅ ᓘᒃ 12:39

ᐅᒪ ᒫᑲ ᑭᔅᑫᓕᑕᒧᒃ ᑮᔥᐱᓐ ᐊᓇ ᑳ ᑎᐯᓕᑕᒃ ᐙᔅᑳᔨᑲᓂᓕᐤ ᑮ ᑭᔅᑫᓕᑕᒧᑯᐸᓀ ᑫᑯ ᑎᐹᔨᑲᓐ ᐱᓯᒧᑳᓂᒃ ᑭᒧᑎᔅᑲ ᑫ ᑕᑯᔑᓂᓕᒋ, ᑲᑕ ᑮ ᐊᔕᐙᐱᐸᓐ, ᐁᑯ ᐅ ᐙᔅᑳᔨᑲᓂᒻ ᐁᑳ ᑫ ᑮ ᐸᔅᐱᐱᑯᓂᑳᑌᓕᔅᐸᓐ᙮

ᐅᐸᓓᑭᔅ ᓘᒃ 21:36

ᐁᐗᑯ ᐅᒋ ᒫᑲ ᐊᔕᐙᐱᒃ ᓀᔥᑕ ᐋᔭᒥᐋᒃ ᒧᔕᒃ, ᑭᒋ ᐃᑕᑭᒥᑳᐎᔦᒃ ᐁ ᑌᐸᑫᓕᑖᑯᓯᔦᒃ ᐁᑳ ᑭᒋ ᐅᑎᑎᑯᔦᒃ ᒥᓯᐌ ᐅᐅ ᑫᒀᓇ ᑫ ᐃᑭᑭ, ᓀᔥᑕ ᑭᒋ ᐅᑎᔥᑲᐎᑳᐸᐎᔅᑕᐌᒃ ᐃᓕᓕᐎᑯᓯᓵᓐ᙮

ᐅᐸᓓᑭᔅ ᓘᒃ 22:46

ᑮ ᐃᑌᐤ ᒫᑲ, ᑖᓀᑭ ᐌᒋ ᓂᐹᔦᒃ? ᐗᓂᔥᑳᒃ, ᐋᔭᒥᐋᒃ ᒫᑲ, ᐁᑳ ᑲᑴᒋᐃᐌᐎᓂᒃ ᑭᒋ ᐃᔅᐸᓕᔦᒃ᙮

ᐊᐸᔅᑕᓚᒃ 20:31

ᐁᐗᑯ ᐅᒋ ᐊᔕᐙᐱᒃ, ᑭᔅᑭᓯᒃ ᒫᑲ, ᓂᔅᑐ ᐱᐳᓋ ᐃᔥᐱᔥ ᐁᑳ ᐁ ᐅᒋ ᑭᐱᒋᔮᓐ ᐁ ᔮᒀᒥᒪᒃ ᒥᓯᐌ ᑕᑐ ᐊᐌᓇ ᐁ ᑎᐱᔅᑲᒃ ᓀᔥᑕ ᐁ ᑭᔑᑳᒃ ᐁ ᐅᒋᑲᐙᐱᔮᓐ᙮

ᓂᔥᑕᒻ ᑯᕆᓐᑎᐊᓇ 15:34

ᑯᔅᑯᓯᒃ ᒀᔭᔅᑭᑖᑎᓯᐎᓂᒃ ᐃᔑ, ᐁᑳ ᒫᑲ ᒪᒋᑐᑕᒧᒃ; ᐌᓴ ᐋᑎᑦ ᓇᒪᐎᓚ ᑭᔅᑫᓕᒣᐗᒃ ᑭᒋᒪᓂᑐᐗ: ᐅᒪ ᓂᑦ ᐃᑣᓐ ᑭᒋ ᐅᒋ ᓇᓀᐯᐎᓯᔦᒃ᙮

ᓂᔥᑕᒻ ᑯᕆᓐᑎᐊᓇ 16:13

ᐊᔕᐙᐱᒃ, ᐋᔭᒋᑳᐸᐎᒃ ᑖᐺᔦᓕᑕᒧᐎᓂᒃ, ᑖᐱᔅᑯᒡ ᓈᐯᐗᒃ ᐎᐃᑎᒃ, ᒪᔥᑲᐎᓯᒃ᙮

ᐃᐱᓯᔭᓇ 2:3

ᐊᓂᑭ ᒥᓯᐌ ᑭᓚᓋᓇᐤ ᓀᔥᑕ ᑳᔮᔥ ᑳ ᑮ ᐎᒉᐗᑭᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᑭ ᐎᔮᓯᓇᐤ, ᐁ ᑎᐱᑐᑕᒪᒃ ᐁ ᐃᔑ ᓇᑕᐌᓕᑕᒧᒪᑲᒃ ᐎᔮᓯᐎᓐ ᓀᔥᑕ ᒥᑐᓀᓕᒋᑲᓐ; ᓀᔥᑕ ᐁ ᐃᓚᑐᑣᔭᒃ ᑭᓯᐙᓯᐎᓐ ᑭ ᑮ ᐅᑦ ᐊᐙᔑᒥᔑᒥᑯᓇᐗᐤ, ᑖᐱᔅᑯᒡ ᑯᑕᑭᔭᒃ᙮

ᐃᐱᓯᔭᓇ 5:14

ᐁᐗᑯ ᐌᒋ ᐃᑗᑦ, ᑯᔅᑯᓯ, ᑭᓚ ᑳ ᓂᐹᔭᓐ, ᐗᓂᔥᑳ ᐅᓂᐱᐗ ᐅᒋ, ᙭ ᒫᑲ ᑭ ᑳ ᒥᓕᒃ ᐙᔅᑌᐎᓂᓕᐤ᙮

ᐃᐱᓯᔭᓇ 6:18

ᒧᔕᒃ ᐁ ᐋᔭᒥᐋᔦᒃ ᒥᓯᐌ ᐋᔭᒥᐋᐎᓂᒃ ᓀᔥᑕ ᓇᑐᑕᒫᑫᐎᓂᒃ ᐊᒑᑯᒃ, ᐁᑯᑕ ᓀᔥᑕ ᐁ ᐃᔑ ᐊᔕᐙᐱᔦᒃ ᒥᓯᐌ ᐋᔑᑫᓕᑕᒧᐎᓂᒃ, ᓀᔥᑕ ᐁ ᐋᔭᒥᐁᔅᑕᒪᐌᑾᒃ ᒥᓯᐌ ᐅᐸᓓᑭᓴᒃ;

ᐱᓕᐱᔭᓇ 4:5

ᐁᑯᔑ ᒥᓯᐌ ᐃᓕᓕᐗᒃ ᑲᑕ ᑭᔅᑫᓕᑕᒶᒃ ᑮ ᐯᑳᒡ ᐃᑖᑎᓯᐎᓂᐗᐤ᙮ ᐅᑎᐯᓕᒋᑫᐤ ᑭᔑᐙᒃ ᐃᑖᐤ᙮

ᑯᓚᔑᔭᓇ 4:2

ᑕᑭᓀ ᐋᔭᒥᐋᒃ, ᓀᔥᑕ ᐁᑯ ᐃᔑ ᐊᔕᐙᐱᒃ ᐁ ᓇᓈᔅᑯᒧᔦᒃ;

ᓂᔥᑕᒻ ᑌᓴᓗᓂᔭᓇ 4:13

ᒫᑲ ᓇᒪᐎᓚ ᓂ ᓇᑕᐌᓕᑌᓐ ᐁᑳ ᑭᒋ ᑭᔅᑫᓕᑕᒣᒃ, ᓂᒋᔖᓂᑐᒃ, ᐁ ᐃᑖᒋᒫᑲᓂᐎᒋᒃ ᐊᓂᑭ ᑳ ᓂᐹᒋᒃ, ᐁᑳ ᑭᒋ ᒥᒋᓚᐌᓯᔦᒃ, ᑖᐱᔅᑯᒡ ᑯᑕᑭᔭᒃ ᐁᑳ ᑳ ᐅᑦ ᐊᔅᐯᓕᒧᐎᓂᒋᒃ᙮

ᓂᔥᑕᒻ ᑌᓴᓗᓂᔭᓇ 5:10

ᐊᓇ ᑳ ᑮ ᓂᐳᔅᑕᒫᑕᒃ, ᑮᔥᐱᓐ ᑴᔅᑯᓯᐗᑴ ᓀᔥᑕᐱᑯ ᓀᐸᐗᑴ, ᑭᒋ ᐎᒋ ᒫᒪᐎ ᐱᒫᑎᓯᒪᒃ᙮

ᓂᔥᑕᒻ ᑌᓴᓗᓂᔭᓇ 5:8

ᒫᑲ ᐁᑯᔑ ᑭᓚᓈᓇᐤ ᐁ ᑭᔑᑳᒃ ᑳ ᑎᐯᓕᑖᑯᓯᔭᒃ ᐯᑳᑖᑎᓯᑕᐤ, ᐁ ᐳᔅᑎᔅᑲᒪᒃ ᑖᐺᔦᓕᑕᒧᐎᓂ ᓀᔥᑕ ᓵᑭᐃᐌᐎᓂ ᒥᔅᑳᔅᑭᑲᓈᐱᔉ; ᓀᔥᑕ ᑭᒋ ᓇᑐᐸᓕᐎ ᐊᔅᑐᑎᓂᔦᒃ ᐱᒫᒋᐃᐌᐎᓂ ᐊᔅᐯᓕᒧᐎᓐ:

ᓂᔥᑕᒻ ᑎᒧᑎ 2:15

ᐁᓕᐌᒃ ᒫᑲ ᑲᑕ ᐱᒫᒋᐊᐤ ᐁ ᐗᐸᒪᐗᓱᑦ, ᑮᔥᐱᓐ ᑕᑭ ᐃᑕᑡᐌ ᑖᐺᔦᓕᑕᒧᐎᓂᒃ ᓀᔥᑕ ᓵᑭᐃᐌᐎᓂᒃ, ᓀᔥᑕ ᐸᓓᑭᓯᐎᓂᒃ ᐊᓯᒋ ᐯᑳᒡ ᐃᑖᑎᓯᐎᓂᒃ᙮

ᓂᔥᑕᒻ ᑎᒧᑎ 2:9

ᐁᑯᔑ ᓀᔥᑕ ᑖᐱᔅᑯᒡ ᐃᔅᑴᐗᒃ ᑭᒋ ᐙᐌᔑᐅᒋᒃ ᒀᔭᔉ ᐎᓛᒋᑲᓂᒃ, ᓕᑆᑳᐎᑯᒃ ᓀᔥᑕ ᐯᑳᒡ ᐃᑖᑎᓯᐎᓂᒃ; ᐁᑳ ᐁ ᐋᐱᑳᑕᑭᒃ ᐅᔅᑎᒀᓂᐱᐌᐗᐗ, ᐁᑳ ᓀᔥᑕ ᐅᓵᐎᔔᓕᐋᓈᐱᔅᑯᓕᐤ, ᐁᑳ ᓀᔥᑕ ᐙᐌᔑᐅᓇ, ᐁᑳ ᓀᔥᑕ ᑳ ᑭᔅᑕᑭᒋᑳᑌᓕᑭ ᐋᐸᒋᑖᐎᓇ;

ᓂᔥᑕᒻ ᑎᒧᑎ 3:11

ᐁᑯᔑ ᒫᑲ ᑖᐱᔅᑯᒡ ᐎᐎᐙᐗ, ᑫ ᐃᔑ ᓕᑆᑳᓕᒋ, ᐁᑳ ᐁ ᐸᑾᓄᒥᐌᓕᒋ, ᐁ ᐯᑳᒡ ᐃᑖᑎᓯᓕᒋ, ᐁ ᒀᔭᔅᑭᑎᓕᑭ ᒥᓯᐌ ᐃᔑ᙮

ᓂᔥᑕᒻ ᑎᒧᑎ 3:2

ᑭᒋᐋᔭᒥᐁᐎᑭᒪᐤ ᒫᑲ ᑫᒋᓈᔥ ᑲᑕ ᒥᓗᐃᑌᓕᑖᑯᓯᐤ, ᐁ ᐅ ᓈᐯᒥᒥᑯᑦ ᐯᔭᒃ ᐃᔅᑴᐗ, ᐁ ᑭᓯᓴᐎᓰᑦ, ᐁ ᐯᑳᒡ ᐃᑖᑎᓰᑦ, ᐁ ᒥᓦᑎᓰᑦ ᑭᔐᐙᑐᑕᐙᑦ ᒫᓐᑌᐗ, ᐁ ᑲᔥᑭᑖᑦ ᑭᒋ ᑭᔅᑭᓄᐊᒫᑫᑦ;

ᓂᔓ ᑎᒧᑎ 4:5

ᒫᑲ ᑭᓚ ᒥᓯᐌ ᑫᒀᓇ ᐊᔕᐙᐸᑕ, ᔑᐯᓕᑕ ᑲᒀᑕᑭᓯᐎᓇ, ᑐᑕᒻ ᐅᑦ ᐊᑑᔅᑫᐎᓐ ᒥᓗᐋᒋᒧᐎᓕᓕᐤ, ᒥᑐᓂ ᑭᔅᑫᓕᑖᑯᑖ ᑭᑦ ᐊᑑᔅᑫᐎᓐ᙮

ᑕᐃᑕᔅ 2:12

ᐁ ᑭᔅᑭᓄᐊᒫᑯᔭᒃ, ᐁ ᐋᓉᑕᒪᒃ ᒪᒑᑎᓯᐎᓐ ᓀᔥᑕ ᐊᔅᑭᐎ ᓇᑕᐌᓕᒋᑫᐎᓇ, ᑭᒋ ᐯᑳᒡ ᐱᒫᑎᓯᔭᒃ, ᑭᒋ ᒀᔭᔅᑭᑖᑎᓯᔭᒃ, ᓀᔥᑕ ᒪᓂᑐᐙᑎᓯᔭᒃ, ᐅᒪ ᐊᔅᑮᒃ ᐊᓄᒡ ᑳ ᐃᑕᑾᒃ;

ᑕᐃᑕᔅ 2:6

ᐅᔥᑭᓂᑭᐗᒃ ᓀᔥᑕ ᔑᑭᒥᒃ ᑭᒋ ᓕᑄᑲᐎ ᒥᑐᓀᓕᒋᑲᓂᒋᒃ᙮

ᓂᔥᑕᒻ ᐱᑕᕐ 1:13

ᐁᐗᑯ ᐅᒋ, ᐸᑾᑌᐊᒧᒃ ᑭ ᒥᑐᓀᓕᒋᑲᓂᐙᐗ, ᐯᑳᒡ ᐃᑖᑎᓰᒃ, ᓀᔥᑕ ᐃᔅᒀᔮᒡ ᐃᔅᑯ ᐊᔅᐯᓕᒧᑐᑕᒧᒃ ᐊᓂᒪ ᔕᐌᓕᒋᑫᐎᓐ ᑫ ᐯᒋ ᒥᓕᑲᐎᔦᒃ ᑭᔅᑫᓕᑖᑯᐋᑲᓂᐎᑌ ᒋᓴᔅ ᙭;

ᓂᔥᑕᒻ ᐱᑕᕐ 4:7

ᒫᑲ ᐯᔓᓈᑾᒃ ᑭᒋ ᐃᔥᒀᐸᓕᑭ ᒥᓯᐌ ᑫᒀᓇ: ᐁᐗᑯ ᐌᒋ ᐯᑳᒡ ᐃᑖᑎᓰᒃ, ᐊᔕᐙᐱᒃ ᒫᑲ ᐁ ᐋᔭᒥᐊᔦᒃ᙮

ᓂᔥᑕᒻ ᐱᑕᕐ 5:8

ᐯᑳᒡ ᐃᑕᑎᓰᒃ, ᔮᒀᒥᓯᒃ; ᐌᓴ ᑳ ᐎ ᒪᒋᑐᑖᑖᒃ ᒪᒋᒪᓂᑐ, ᑖᐱᔅᑯᒡ ᐁ ᐅᓗᑦ ᒥᔑᐱᔑᐤ ᐸᐹᒧᑌᐤ ᐁ ᓈᓇᑕᐙᐸᒫᑦ ᐊᐌᓕᐗ ᑫ ᑯᒋᐸᓕᐋᑦ:

ᑭᔅᑫᓕᑖᑯᑖᑫᐎᓐ 16:15

ᒫᑎᑲ, ᑖᐱᔅᑯᒡ ᑭᒧᑎᔉ ᓂ ᑕᑯᔑᓂᓐ᙮ ᔕᐌᓕᑖᑯᓯᐤ ᐊᓇ ᑳ ᐊᔕᐙᐱᑦ, ᓀᔥᑕ ᑳ ᑲᓇᐌᓕᑕᒃ ᐅ ᐎᓛᒋᑲᓇ, ᐁᑳ ᑭᒋ ᒧᔐᔥᑲᑌᑌᑦ, ᓀᔥᑕ ᐙᐸᑕᒥᓕᒋ ᐅ ᓇᓀᐯᐎᓯᐎᓐ᙮

ᑭᔅᑫᓕᑖᑯᑖᑫᐎᓐ 3:2

ᐊᔕᐙᐱ, ᐋᔨᒋᑕ ᒫᑲ ᐊᓂᐃ ᑫᒀᓇ ᑳ ᐃᔥᑯᐸᓕᑭ, ᐋᔕᔾ ᑫᑳᑦ ᑳ ᓂᐱᒪᑲᑭ: ᐌᓴ ᓇᒪᐎᓚ ᓂ ᑮ ᒥᔅᑫᓐ ᑭᑦ ᐊᑑᔅᑫᐎᓇ ᒥᑐᓂ ᐁ ᒀᔭᔅᑾᑭ ᐅᑎᔥᑲᐤ ᑭᒋᒪᓂᑐ᙮