19 ᐁᑳᐎᓚ ᐋᔅᑕᐌᔦᓕᒥᒃ ᐊᒑᒃ᙮
ᑭᓚᐗᐤ ᑳ ᓵᓯᐱᑕᒣᒃ ᓀᔥᑕ ᐁᑳ ᑳ ᑭᔅᑭᓄᐗᒋᔓᑳᐎᔦᒃ ᑭᑌᐃᐗᒃ ᓀᔥᑕ ᑭᑕᐗᑳᐗᒃ, ᒧᔕᒃ ᑮ ᓇᔅᑯᔅᑕᐙᐗᐤ ᑳ ᐸᓓᑭᓯᑦ ᐊᒑᒃ; ᑖᐱᔅᑯᒡ ᑯᑖᐎᐙᐗᒃ ᑳ ᑮ ᑑᑕᑭᒃ, ᐁᒀᓂ ᑭᓚᐗᐤ ᓀᔥᑕ ᐁ ᑑᑕᒣᒃ᙮
ᑮᔥᐱᓐ ᑫᒀᓐ ᑫᔅᑫᓕᑕᒥᐋᑲᓂᐎᑴ ᑯᑕᒃ ᐊᐌᓇ ᑳ ᐊᐱᑦ, ᐁᑯᔑ ᐊᓇ ᓃᔥᑕᒻ ᑲᑕ ᐳᓂ ᑭᑐ᙮
ᐁᑳᐎᓚ ᓀᔥᑕ ᒪᒥᔕᒣᓕᑕᒥᐃᒥᒃ ᑭᒋᒪᓂᑐ ᐅ ᐸᓓᑭ ᐊᒑᑾ, ᑳ ᐅᒋ ᑭᔅᑭᓄᐙᒋᐃᑲᐎᔦᒃ ᐹᑎᒪ ᑎᐸᐊᒫᑫᔅᑕᒫᑫᐎ ᑮᔑᑳᑫ᙮
ᐊᐙᓯᑌ ᒥᓯᐌ ᑯᑕᑭᔭ, ᐁ ᐅᑎᓇᒣᒃ ᑖᐺᔦᓕᑕᒧᐎᓂ ᐊᑾᓇᐅᓱᐙᑲᓐ, ᑫ ᑮ ᐅᒋ ᐋᔅᑕᐌᐊᒬᒃ ᒥᓯᐌ ᐅᑦ ᐃᔥᑯᑌᐎ ᒥᒋᑭᐗ ᐅᒪᒋᑡᐤ᙮
ᐁᑳᐎᓚ ᐋᑕᐌᓕᑕᒧᒃ ᑭᔅᑭᐙᐃᑫᐎᓇ᙮
ᐁᑳᐎᓚ ᐋᒋᔅᑕᐌᓕᑕ ᐊᓂᒪ ᒥᓕᐌᐎᓐ ᑳ ᐱᒋᔅᑳᑯᔭᓐ, ᑳ ᑮ ᒥᓕᑲᐎᔭᓐ ᑭᔅᑭᐙᐃᑫᐎᓐ ᐅᒋ, ᓀᔥᑕ ᐁ ᑮ ᐃᑖᔅᑖᓂᐗᓂᓕᑭ ᐅᒋᒋᐙᐗ ᒫᒪᐎ ᑳ ᓂᑳᓀᓕᑖᑯᓯᒋᒃ᙮
ᐁᐗᑯ ᐅᒋ ᒫᑲ ᑭ ᑭᔅᑭᓯᐃᑎᓐ, ᑭᒋ ᐃᑌᐊᒶᑦ ᐅ ᒥᓕᐌᐎᓐ ᑭᒋᒪᓂᑐ, ᐊᓂᒪ ᑳ ᐱᒋᔅᑳᑯᔭᓐ ᐁ ᑮ ᓴᒥᓂᔅᑎᒀᓂᑖᓐ ᐅᒋ᙮
