16 ᑳᑭᑫ ᒥᓚᐙᑕᒧᒃ᙮
ᒪᓚᐙᑕᒧᒃ, ᓈᔅᐱᒡ ᒫᑲ ᓯᑭᓓᓯᒃ; ᐌᓴ ᒥᔕᐤ ᑭ ᑎᐸᐊᒫᑯᓯᐎᓂᐗᐤ ᑭᒋᑭᔑᑯᒃ: ᐌᓴ ᐁᑯ ᑳ ᑮ ᐃᔑ ᑲᒀᑕᑭᐋᒋᒃ ᐅᑭᔅᑭᐙᐃᑫᐗ ᑳ ᐯᒋ ᓂᑳᓂᔅᑳᑖᑾᒃ
ᐁᓕᐌᒃ ᒫᑲ, ᐁᑳᐎᓚ ᒧᒋᑫᓕᑕᒧᒃ ᐅᒪ ᐅᒋ, ᐁ ᐱᔑᒋᐃᑖᑾᒃ ᐊᒑᑾᒃ; ᒫᑲ ᐊᐙᓯᑌ ᒧᒋᑫᓕᑕᒧᒃ ᐁ ᒪᓯᓇᐃᑳᑌᑭ ᑭᑦ ᐃᔑᓂᑳᓱᐎᓂᐙᐗ ᑭᒋᑭᔑᑯᒃ᙮
ᐁᑯ ᐁᑖᒋᒃ ᑌᐯᓕᒋᑫᔭᓐ, ᑳᑭᑫ ᒥᓕᓈᓐ ᐊᐗ ᐊᓚᑯᓇᐤ᙮
ᐁ ᒥᓚᐙᑕᒣᒃ ᐊᔅᐯᓕᒧᐎᓂᒃ; ᐁ ᔑᐱᓚᐌᓯᔦᒃ ᐊᓕᒥᓯᐎᓂᒃ; ᐁ ᐸᑳᔅᑭᔦᒃ ᐋᔭᒥᐋᐎᓂᒃ;
ᑖᐱᔅᑯᒡ ᐁ ᒫᒥᔕᒣᓕᑕᑭᒃ, ᐁᓕᐌᒃ ᒫᑲ ᒧᔕᒃ ᐁ ᒧᒋᑫᓕᑕᒫᒃ; ᑖᐱᔅᑯᒡ ᐁ ᒪᓀᓯᒋᒃ, ᐁᓕᐌᒃ ᒫᑲ ᒥᒉᑦ ᐁ ᒥᔕᑭᐊᑭᒋᒃ, ᑖᐱᔅᑯᒡ ᐁᑳ ᑫᒀᓕᐤ ᐁ ᐋᔮᒋᒃ, ᐁᓕᐌᒃ ᒫᑲ ᒥᓯᐌ ᑫᒀᓇ ᐁ ᐋᔮᔮᒃ᙮
ᒥᓚᐙᑎᒃ ᒧᔕᒃ ᐅᑎᐯᓕᒋᑫᐤ; ᒥᓇ ᒫᑲ ᓂᑦ ᐃᑣᓐ, ᒥᓚᐙᑕᒧᒃ᙮
