ᓂᔥᑕᒻ ᑌᓴᓗᓂᔭᓇ 5:15 - ᐅᔅᑭ ᑎᔅᑌᒥᓐᑦ

¹⁵ ᔮᒀᒥᓰᒃ ᐁᑳᐎᓚ ᐊᐌᓇ ᒥᔅᑯᒡ ᑭᒋ ᒪᒋᑐᑕᐙᑦ ᐊᐌᓕᐗ ᑳ ᒪᒋᑐᑖᑯᑦ; ᒫᑲ ᒧᔕᒃ ᓄᔅᐱᓈᑕᒧᒃ ᐊᓂᒪ ᑳ ᒥᓨᔑᒃ, ᑖᐱᔅᑯᒡ ᐁ ᐃᑐᑖᑐᔦᒃ ᓀᔥᑕ ᒥᓯᐌ ᐃᓕᓕᐗᒃ᙮

ᓂᔥᑕᒻ ᑌᓴᓗᓂᔭᓇ 5:15 Iomraidhean Croise

ᐅᐸᓓᑭᔅ ᒫᑎᐤ 5:39

ᒫᑲ ᓂᓚ ᑭᑦ ᐃᑎᓇᐗᐤ, ᐁᑳᐎᓚ ᓇᔅᑯᒃ ᐁ ᒪᒋᑐᑖᑲᐎᔦᒃ: ᒫᑲ ᐊᐌᓇ ᐅᑕᒪᐅᔅᑫ ᑭ ᑭᒋ ᑲᓄᐙᒃ, ᑴᔅᑮᔅᑴᓖᔅᑖᒃ ᓀᔥᑕ᙮

ᐅᐸᓓᑭᔅ ᓘᒃ 6:35

ᒫᑲ ᓵᑭᐃᑯᒃ ᑭᓚᐗᐤ ᐊᓂᑭ ᑳ ᐸᒀᑎᑖᑾᒃ, ᓀᔥᑕ ᒥᓗᑐᑖᑫᒃ, ᓀᔥᑕ ᐋᐎᐃᐌᒃ, ᐁᑳ ᑫᒀᓐ ᒥᓇ ᐁ ᐸᑯᓭᓕᑕᒣᒃ: ᑭ ᑎᐸᐊᒫᑯᓯᐎᓂᐗᐤ ᒫᑲ ᑲᑕ ᒥᔕᐤ, ᓀᔥᑕ ᑭ ᑳ ᐅᑕᐙᔑᒥᔑᒥᑯᐗᐤ ᐊᓇ ᒥᔭᐗᒋ ᐃᔅᐯᓕᑖᑯᓯᑦ: ᐌᓴ ᐎᓚ ᑭᔐᐙᑐᑕᐌᐤ ᐊᓂᐃ ᐁᑳ ᑳ ᓇᓈᔅᑯᒧᓕᒋ ᓀᔥᑕ ᑳ ᒪᒋᑣᓕᒋ᙮

ᐊᐸᔅᑕᓚᒃ 16:28

ᒫᑲ ᐹᓪ ᑮ ᑌᐺᐤ ᐁ ᑭᔗᐌᑦ, ᐁ ᐃᑗᑦ, ᐁᑳᐎᓚ ᐙᔦᔥ ᑐᑖᓱ; ᐌᓴ ᒥᓯᐌ ᐅᑕ ᓂᑦ ᐃᑖᓈᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:9

ᐁᑯᔑ ᓵᑭᐃᐌᐎᓐ ᐁᑳᐎᓚ ᑲᑕ ᑭᓕᑳᐎᓂᑳᑌᐤ ᑲᑳᔦᓕᓯᐎᓂᒃ᙮ ᐸᒀᑕᒧᒃ ᐊᓂᒪ ᑳ ᒫᓛᑕᒃ; ᒥᒋᒥᓇᒧᒃ ᐊᓂᒪ ᑳ ᒥᓨᔑᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:19

ᐁᑯᔑ ᒫᑲ ᓄᔅᐱᓇᑖᑕᐤ ᐊᓂᐃ ᑫ ᐅᒋ ᐅᑕᑾᒃ ᑳᔮᒣᓕᑕᒧᐎᓐ, ᓀᔥᑕ ᐊᓂᐃ ᐊᐌᓇ ᑫ ᑮ ᐅᒋ ᑭᔅᑭᓄᐊᒪᐙᑦ ᑯᑕᑭᔭ᙮

ᓂᔥᑕᒻ ᑯᕆᓐᑎᐊᓇ 14:1

ᓄᔅᐱᓈᑕᒧᒃ ᓵᑭᐃᐌᐎᓐ, ᓀᔥᑕ ᓇᑕᐌᓕᑕᒧᒃ ᐊᒑᑯᐎ ᒥᓕᐌᐎᓇ; ᐊᐙᓯᑌ ᒫᑲ ᑭᒋ ᑭᔅᑭᐙᐃᑫᔦᒃ᙮

ᓂᔥᑕᒻ ᑯᕆᓐᑎᐊᓇ 16:10

ᑮᔥᐱᓐ ᒫᑲ ᑎᒧᑎᔭᔅ ᑕᑯᔑᑫ, ᐙᐸᑕᒨᒃ ᐁᑳ ᑭᒋ ᓭᑭᓯᑦ ᐁ ᐎᒋᑕᔑᑫᒥᑖᒃ: ᐌᓴ ᐊᑑᔅᑳᑕᒻ ᐅᑎᐯᓕᒋᑫᐗ ᐅᑦ ᐊᑑᔅᑫᐎᓂᓕᐤ, ᒬᒋ ᑖᐱᔅᑯᒡ ᐁ ᑐᑕᒫᓐ ᓂᓚ᙮

ᓂᔥᑕᒻ ᑯᕆᓐᑎᐊᓇ 6:7

ᑖᐺ ᒫᑲ ᑭ ᐗᓂᑐᑌᓇᐗᐤ, ᒣᒥᔅᑯᒡ ᐁ ᐃᑐᑕᐃᑐᔦᒃ ᑎᐹᔅᑯᓂᑫᐎᓂᒃ ᐃᔑ᙮ ᑖᓀᑭ ᐌᒋ ᐁᑳ ᑳᔮᒥ ᐅᑎᓇᒣᒃ ᑭ ᐗᓂᑐᑖᑯᓯᐎᓂᐗᐤ? ᑖᓀᑭ ᐌᒋ ᐁᑳ ᑳᔮᒣᐎᓯᔦᒃ ᐁ ᑭᔑᐃᑲᐎᔦᒃ?

ᑲᓓᔕᐊᓇ 6:10

ᒣᒀᒡ ᒫᑲ ᐁ ᓇᐃᐸᓕᐃᑯᔭᒃ, ᐁᑯᔑ ᒥᓄᑐᑕᐙᑖᓇᒃ ᒥᓯᐌ ᐃᓕᓕᐗᒃ, ᐅᓵ ᒫᑲ ᐊᓂᑭ ᑳ ᐊᔑᑕᑭᒫᑲᓂᐎᒋᒃ ᐊᓂᐃ ᑳ ᑖᐺᔦᓕᑕᒥᓕᒋ᙮

ᐃᐱᓯᔭᓇ 5:15

ᔮᑾᒥᓯᒃ ᒫᑲ ᑭᒋ ᓕᑆᑲᐎ ᐱᒧᑌᔦᒃ, ᓇᒪᐎᓚ ᑖᐱᔅᑯᒡ ᑳ ᑲᑫᐹᑎᓯᒋᒃ, ᒫᑲ ᑖᐱᔅᑯᒡ ᑳ ᑲᑫᑕᐌᓕᑕᑭᒃ,

ᐃᐱᓯᔭᓇ 5:33

ᐁᓕᐌᒃ ᒫᑲ ᒥᓯᐌ ᑕᑐ ᐁ ᐃᑕᔑᔦᒃ ᑲᑕ ᐃᔑ ᓵᑭᐁᐤ ᐎᐗ ᑖᐱᔅᑯᒡ ᐁ ᐃᔑᓵᑭᐃᑎᓱᑦ: ᓀᔥᑕ ᐃᔅᑴᐤ ᑲᑕ ᔮᒀᒥᓯᐤ ᐁ ᑭᔅᑌᓕᒫᑦ ᐅ ᓈᐯᒪ᙮

ᓂᔥᑕᒻ ᑌᓴᓗᓂᔭᓇ 2:12

ᑭᒋ ᐃᔑ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᑭᒋᒪᓂᑐ, ᑳ ᑮ ᐃᔑ ᓇᑐᒥᑖᒃ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᑭᔅᑌᓕᑖᑯᓯᐎᓂᒃ᙮

ᓂᔥᑕᒻ ᑌᓴᓗᓂᔭᓇ 5:21

ᑲᑴᒋᑖᒃ ᒥᓯᐌ ᑫᒀᓇ: ᒥᒋᒥᓇᒧᒃ ᐊᓂᒪ ᑳ ᒥᓨᔑᒃ᙮

ᓂᔥᑕᒻ ᑎᒧᑎ 6:11

ᒫᑲ ᑭᓚ ᑳ ᐅᑦ ᐃᓕᓕᒥᒥᔉ ᑭᒋᒪᓂᑐ, ᐅᔑᒧᔅᑕ ᐅᐅ ᑫᒀᓇ: ᓄᔅᐱᓇᑖ ᒫᑲ ᒀᔭᔅᑭᑖᑎᓯᐎᓐ, ᒪᓂᑐᐙᑎᓯᐎᓐ, ᑖᐺᔦᓕᑕᒧᐎᓐ, ᓵᑭᐃᐌᐎᓐ, ᔑᐱᓚᐌᓯᐎᓐ, ᓗᔅᑳᑎᓯᐎᓐ᙮

ᓂᔓ ᑎᒧᑎ 2:24

ᐊᓇ ᒫᑲ ᑳ ᐅᑦ ᐊᑑᔅᑫᓚᑲᓂᒥᑯᑦ ᐅᑎᐯᓕᒋᑫᐗ ᓇᒪᐎᓚ ᑳᑕ ᐋᔑᑌᒥᐌᐤ; ᒫᑲ ᑲᑕ ᓗᔅᑳᑎᓰᔅᑕᐌᐤ ᒥᓯᐌ ᐃᓕᓕᐗ, ᐁ ᐎ ᑭᔅᑭᓄᐊᒫᑫᑦ, ᐁ ᔑᐱᓚᐌᓯᑦ,

ᑕᐃᑕᔅ 3:2

ᐁᑳᐎᓚ ᑭᒋ ᒪᒋ ᐋᓕᒧᒫᒋᒃ ᐊᐌᓕᐗ, ᐁᑳ ᑭᒋ ᒀᓗᑐᑕᑫᒋᒃ, ᒫᑲ ᑭᒋ ᑳᔮᒣᐎᓯᒋᒃ ᒥᑐᓂ ᐁ ᓗᔅᑳᑎᓰᔅᑕᐙᒋᒃ ᒥᓯᐌ ᐃᓕᓕᐗ᙮

ᐦᐃᑉᕉᐗ 12:14

ᑳᔮᒣᐎᓰᔅᑖᑯᒃ ᒥᓯᐌ ᐃᓕᓕᐗᒃ, ᓀᔥᑕ ᓄᔅᐱᓈᑕᒧᒃ ᐸᓓᑭᓯᐎᓐ, ᐊᓂᐁᓕᐤ ᐁᑳ ᐁ ᐋᔮᑦ, ᓇᒪᐎᓚ ᐊᐌᓇ ᐃᓕᓕᐤ ᑲᑕ ᐙᐸᒣᐤ ᐅᑎᐯᓕᒋᑫᐗ:

ᓂᔥᑕᒻ ᐱᑕᕐ 1:22

ᐁ ᓄᑾᒃ ᐁ ᑮ ᐹᔦᑭᐁᑾᒃ ᑭᑦ ᐊᒑᑯᐙᐗ, ᐊᒑᒃ ᐅᒋ ᐁ ᑮ ᓇᓇᐃᑕᒣᒃ ᑖᐺᐎᓐ, ᑭᒋ ᑖᐺ ᓵᑭᐁᑾᒃ ᐎᒋᔖᓂᒪᐗᒃ, ᐸᓓᑭ ᒥᑌᐃᒃ ᐌᐌᓕᑦ ᓵᑭᐃᑐᒃ:

ᓂᔥᑕᒻ ᐱᑕᕐ 2:17

ᑭᔅᑌᓕᒥᑯᒃ ᒥᓯᐌ ᐃᓕᓕᐗᒃ᙮ ᓵᑭᐃᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ᙮ ᓇᓂᒌᔅᑖᒃ ᑭᒋᒪᓂᑐ᙮ ᑭᔅᑌᓕᒥᒃ ᑭᒋᐅᑭᒪᐤ᙮

ᓂᔥᑕᒻ ᐱᑕᕐ 3:9

ᐁᑳ ᐁ ᒪᒋᑐᑖᑫᔦᒃ ᒦᔅᑯᒡ ᐁ ᒪᒋᑐᑖᑲᐎᔦᒃ, ᐁᑳ ᓀᔥᑕ ᐁ ᑭᑳᒥᐌᔦᒃ ᐁ ᑭᑳᒥᑲᐎᔭᒃ: ᒫᑲ ᐋᔑᑌ ᒥᓦᑭᒥᐌᒃ; ᐁ ᑭᔅᑫᓕᑕᒣᒃ ᐅᒪ ᐁ ᐅᒋ ᓇᑐᒥᑲᐎᔦᒃ ᑭᒋ ᐊᑎ ᐋᔮᔦᒃ ᒥᓦᑭᒥᑯᓯᐎᓐ᙮

ᓂᔅᑐ ᒑᓐ 1:11

ᓯᐋᑭᐃᑖᓐ ᐁᑳᐎᓚ ᓄᔅᐱᓇᑖ ᐊᓂᒪ ᑳ ᒫᓛᑕᒃ, ᒫᑲ ᐊᓂᒪ ᑳ ᒥᓨᔑᒃ᙮ ᐊᓇ ᑳ ᒥᓗᑐᑕᒃ ᑭᒋᒪᓂᑐᒃ ᐅᒋᐤ; ᒫᑲ ᐊᓇ ᑳ ᒪᒋᑐᑕᒃ ᓇᒪᐎᓚ ᐅᒋ ᐙᐸᒣᐤ ᑭᒋᒪᓂᑐᐗ᙮

ᑭᔅᑫᓕᑖᑯᑖᑫᐎᓐ 19:10

ᓂ ᑮ ᐸᑭᔑᓂᓐ ᒫᑲ ᐅᓯᑎᒃ ᑭᒋ ᓇᐗᑮᔅᑕᐗᒃ᙮ ᓂ ᑮ ᐃᑎᒃ, ᔮᑾ ᐁᑳ ᑐᑖ: ᓂᓚ ᑮᒋᐋᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᓴ: ᓇᐗᑮᔅᑕᐤ ᑭᒋᒪᓂᑐ: ᐌᓴ ᐅ ᑎᐹᒋᒧᐎᓐ ᒋᓴᔅ ᐁᐗᑯ ᑳ ᐊᒑᑯᐗᒃ ᑭᔅᑭᐙᐃᑫᐎᓐ᙮

ᑭᔅᑫᓕᑖᑯᑖᑫᐎᓐ 22:9

ᐁᑯ ᐁᔑᑦ, ᔮᑾ ᐁᑳ ᑐᑕ: ᐌᓴ ᓂᓚ ᑮᒋᐊᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᐅᑭᔅᑭᐙᐃᑫᐗᒃ, ᓀᔥᑕ ᐊᓂᑭ ᑳ ᑲᓇᐌᓕᑕᑭᒃ ᐃᑗᐎᓇ ᐅᒪ ᒪᓯᓇᐃᑲᓂᒃ ᑳ ᐃᑕᑾᓂᓕᑭ; ᓇᐗᑮᔅᑕᐤ ᑭ ᒪᓂᑐ᙮